من يحب الخيـل يطرب بـالصهـيـل
‏و من يحب الصقـر .. قـايـد ما يقـاد

‏العذر من عقب الخطا عين الصواب
‏ولا يسفه العذر السمين الا سفيه .

ليت ضِيقات الليالي لها معّبر نجَاة .

صدر هذا ، كن حاني عظامه
‏ يضيق من ضيق أي واحد حواليه

‏كلمة توصي شي ، مع السلامه
‏إذا سمعها .. ممكن أنها تبكيه

والله إن ترجع تمنّاني ولا تلقاني .

‏على الفرقى انا المتوكل الراضي
‏مدام الحب في عيونه سوالف ليل

‏وراحت اجمل ايامي على الفاضي
‏مصيبه لاكرهت اللي تحبه حيل .

"لو إنّه مابقى عندي بـ هالدنيا ياكود أهواك
‏لأقول إني خذيت اللَّي خذيت ولا بقى باقي".

‏"يكفّيني من الدنيا ولو ما ألقى كثير أصحاب،
صديقٍ يوجعه جرحي وأنا توجعني جروحـه".

‏مرحبا ياجُود عُمري ولذات الغرام
‏ مرحبا يا أغلى من يروح وأغلى من يجي

‏لا تحسب الساكت اللي مايسولف سالي
‏ساكت ٍ من كثر تفكيره و قلّت وجده

‏خاطره من ضيقة الايام ماهو خالي
‏الصبر ماعاد فاد و لا لقى له نجده

‏مونس ٍ فرقا حبيب و فاقد ٍ له غالي
‏و الطواري كل يوم تصبّحه و تهجده

‏جعل ماافاات يتعوّض فـ الزمان التالي
‏وباقي احلامه تحقق كلها في سجده

سامح الله .. صوتك اللي لا جرح قام يْتغلّى
‏واليدين اللي ما كنّهن يوم من لايّام واسن

‏أنت تدري وش خذا جرحك من عيوني وخلّى؟
‏لأ طبعًا .. أنت ما تدري عن عيوني أساسًا

ان طبت طبنا فوق طيبك و زدنا
‏وان شنت ما كنا على الارض شفناك .

تعودت الرحيل و ماعلي خلاف
انا في كل نفس الله موزعني

تخاف الفقد يوجعني؟ انا ماخاف
انا اخاف الحنين اللي يرجعني

"‏لاني مع السامرين ولا مع النايمين
‏يا راس راسي ويا تفكيري - الفوضوّي"

‏ذكرى عزيزة يوم قلبت الأوراق
‏مرت عليّ وأعلنت منها خضوعي

‏محتار أنا وقفت والدمع دفّاق
‏وأمسيت ساهر والخلايق هجوعي

‏قفى وأنا جاهل وفي سن إرهاق
‏وأبكي وعيّت ماتردّه دموعي

‏لو البكاء يجدي على كل من ضاق
‏ماكان أهون لو تمزّع ضلوعي .

" ياربَّ بشائر خير تزهر بها رُوحي وَ قلبـي "

‏ما عاد في قلبي على احلامنا خوف
‏ولا عاد في صدري من الشوق ذرة .

الكل طيّب لين يقضي لزومه .

والله اني بحاجة للغياب الطويل
دام كل شيء أحبه بالحياة أخسره

يارب عشت العمر ما بين صبر وثبات
‏ودي أعيشه بدون حروب هزّم ونصر

‏يارب حزني كبييير وفرحتي في سبات
‏وماعاد فيني مساحة لـ التعب والكسر