الافراح من نزّحـة الغالين مـنزّحه
والوضع ما ينقدر شـرحه ولا حكيه

اقسى من الغلطه اللي في طرف مزحه
واحزن من الضحكه اللي في طرف بكيه

‏عزز طموحك و شد الحيل والهمه
‏مايرضخ المجد غير لواثق الخطوه .

ما اهبلك ياللي تبي الوقت الاول لك يعود
‏مايرده .. كود محيي العظام البايده

على زاهي غرامك ما على وجه الممات قصور
‏لك الوقت الثمين من الوصل و لغيرك .. الغيبه .

‏لك في مقامات الغلا دار وقصور
‏ومايسكن قصور الغلا غير غالي .

‏تهواك عين مَا لدّت لغيرك نظرها .

‏"والله أني أعرفه زعلان ولاّ راضي من تلفّاته علي.. ومن طريقة مشيه"

يامقدّر أقدار البشر قدّرنـي
‏على ظروف أيـامـي الدوارة

‏وياربـي اختر لـي ولا تخيّرنـي
‏ما دامت الخيّرة بما تختـاره

“عليك أستلذ الشّوف وأخايلك وأرعاك
وأحب السوالف يوم تطريك و تجيبك"❤️

أتقدم لك من الشوق و أعوّد وراي
‏ في وسط قلبي محبه وفي وجهي حيا :)

محتاج حاجه تنسيني
‏همي وحزني وخذلاني

‏ومحتاج شي يخليني
‏ماعاد افكر ولا أعاني

ارفقو بالحب ياللي تعرفون سلومه
‏للعداله كل خاين جودوه بزنده

‏من تلاعب في عشيرً علمه بعلومه
‏الله يسلّط عليه بسلطةً من عنده

اللهم إنّا نسألك النعمة التامة و الرحمة الشاملة و العافية الدائمة .

اثر الكلام اللي يوقع فالقلوب
‏اقسى من المشوار عند القايله.

تكاثر علي الله يجازيه كيف الحال
‏وأنا يوم أسوق العمر له ما تكاثرته ..

‏في زحام المغريات وليلها المتمادي
‏من ترك لله شيٍ عاضه ابرك منّه

‏يالله اعصم من محابيل الحرام فوادي
‏عصمةٍ تاخذني بيمناي لين الجنّه

‏ياعظيم الملك وانت المستعان الهادي
‏باب جودك جعل مانيب محجوبٍ عنّه

‏كل ظنٍ في سواك من الخلايق غادي
‏وانت عبدك عند ظنّه لاحسن بك ظنّه

لك منزل بين الرجى والتمنّـي
‏ولك دعوة ما فارقت قلب ولسان

‏أدعي عساك تكون فيني ومنـي
‏عل وعسى مايملكك غيري إنسان

‏لا ياخذك وجه الجفى غصب عني
‏ولا يردك عن دفى صدري أزمان

‏أنت الأماني والمنى و التمنّـي
‏وأنت الكمال ومايخالطك نقصان .

احسبني كل ما طالت المده سليت
‏واثر قلبي لو يطول المفارق ما سلا

‏كل ما عرض خياله على بالي بكيت
‏آه يا ذيك الليالي ويا ذاك الغلا .