أزعل عليك من الشهر يوم يومين
‏وأشتاق لك تسعه و عشرين ليله

‏و أخلق لك الغايات وحده وثنتين
‏لو ما تبرر كل " غايه " وسيله

‏إن دارت الدنيا على طبعك الزين
‏ما همّشت ب الذكريات الجميله

‏ما عندي الا قلب ما هوب قلبين
‏لا غاب غالي ما إنتظرت لـ بديله

‏مره زعول أدناة حاجه تبكّيه
‏ومره تقول إنه على طول راضي

تعبت مابقى من الجهد قيراط
‏دفيتها لين بركت فالنصيفه

‏طال الزمان وجرح الايام ماخاط
‏ينزف وعيا لا يوقف نزيفه

‏راحت سدى بأسباب تفريط وإفراط
‏واستنزفت دم القلوب النظيفه

‏انا بذلت الجهد في كل الاوساط
‏لكن دنيا خاتمتها ضعيفه

‏" يالله بسمعة تاصل الاصقه وينظرها الضرير
‏ وتوفيقٍ يفل الـحديـد .. وحظٍ يفت الـحجـر "

من علّم الشمس تصحى الصبح مبتسمه
‏هذا سناء الشمس - ولا ثغر محبوبي؟

‏والله أن كن الهبايب ، و النسانيس العليلة
‏ما تعرف تهبّ من كل الجهات ، إلّا جهتها

‏و العيون إللي ما شد أنظارها ، برق المخيلة
‏ما تحب من الدروب ، إلّا الدروب إللي مشتها

‏"إذخريني للمقادير وعجاف السنين
‏والظروف اللي هبوب الزمان تهبها

‏واطلبي مني و البّي وش اللي تطلبين
‏لو تبين … ازل روحي غلا و اصبها

‏شاعرك قدام حسنك من الفتنه يلين
‏ياخذ من ضلوع صدره حطب ويشبها "

‏« خريفك طيّح أوراق الغصون وذّرها النسناس
‏و أنا فصلٍ تعدتّه الفصول — وماهو براضي

‏تجيني يزدحم بك كل دربٍ فاضي من الناس
‏تغيب وكل دربٍ مزدحم — في غيبتك فاضي

‏أنا لولا توهّج ضحكتك بين الرجى والياس
‏تناساني الربيع ومتّ بين — البرد واللّاظي »

‏"قمت اتخبّط بين هذا و هذاك
‏ما فيهم اللي عاضني في غيابك"

‏" تهادي والأرض إللي تشيلك على مشهاك
‏لك الأرض والوجهات - والرّيح والقبلة "

مقابلك بعد الغياب ، يطوّل العمر القصير ..

مرحبابك في مداهيل قلب ما وطاه الا انت
‏يا أغلى من وطى حبه . . جال قلبي وشريانه .

‏اللّهمَ إني أسألكَ الهُدى والتُقى والعفاف والغِنى والفوز بِالجنةِ والنجاة من النار

الحكي بعضه ، مثل ضرب البنادق
‏لـ ابتلوك الناس .. لا تترك هدوّك

‏ولا تصادق .. واحدٍ ماهوب صادق
‏الكذوب يضرك أكثر من عـدوّك .
.

‏"سافري بي ياهواجيسي عن الواقع شوي
‏طول عمري ماذبحني إلا الحياة الواقعية"

‏نظرتي لنفسي يلخَّصها كلامي
‏عاذلي كوكب وأنا كل المجرّه

‏و المكان اللي ينزل من مقامي
‏ تنقطع رجلي ولا في يوم أمرّه

‏من تجمّل بي لقى مني احترامي
‏ و من تردى بي تركته عند شره

‏كم ظروفٍ حاولت دون انهزامي
‏أتجاوزها و لو انها صدق مرّه

‏على هونكم ياللي تغوصون سبع بحور
‏ أنا أصب سبع بحور في وسط قاروره

‏ترى الناس مثل الألف في الواقع المنظور
‏هذاك ألف ممدوده وذاك ألف مقصوره

‏وأنا ما أكسر المرفوع ولا أرفع المكسور
‏ أحب أكسر اللي يجعل الناس مكسوره

حصادنا اليومي علينا مسجّل
‏وللخير ميقات وللشر ميقات

‏مخوّة الطيّب تردّك عن الذل
‏ومخوّة العاصي تحمّلك سيّات

‏ياخويه المسلم ترا مامعك حل
‏الا العدول عن المعاصي والآفات

‏ماهوب عيب انك تتوب وتعدل
‏العيب والله كان فاتتك الاوقات