‏سنيني عجاف ولاح برقك وأنا عسّاس .

‏لا تحاول تختبر قدرة الصدر الحليم
‏الصدور الواسعه دارها وافطن لها .

‏اي والله ان قلبي من الوقت والرفقه عيوف
‏ونفسي اللي صوب . . الابعاد قدهي صامله .

صحيح ماندري عن اللي يكنّون
ولحدٍ عن قلوب الأوادم .. تنبّا

مهما الليالي تستر اللي يخبّون
تبدي لك الايام .. شيٍء مخبّا

من خذاك بسنَّة الله ورسوله
‏وش يبي ياخذ من الدنيا بعد ؟

خلك كما الصقر ميكاره علی القمه
والسمعه العاليه بالطيب تكسبها !

إن كانه السّلطان حنّا سلاطين
ومن زل عنّا بالنظر .. ما نشوفه"

‏"كل ما جينا نصافح ، نصافح بـ اندفاع
‏مشكلتنا نعطي الناس فوق احجامها"

‏لـ العسر يسر و لـ الهموم انفراجه
‏يجي لها من والي العرش مخراج .

‏طلبناك ياللي تمهل العبد لين يتوب
‏عطاك الجزيل وتكتب لـ عبدك الجنه

‏وعلمٍ جميلٍ ينذكر لي و قلّ ذنوب
‏واجي عند هقوات الرفيق وحسن ظنه .

"ماني بحاجة ناس محتاج توفيق
ماتغني الفزعات عن - فزعـة الله"

تجيني طيوفك كنها بارد النسناس
‏يا أجمل من الهمّال في ليلة قمره .

جعل الحزن و السهر و الضيقه تحدّه
يطلّع أرقام جوّالات صدقاني

رد اذنب ان وزّك ابليس وردّ توب
‏لا تيأس مْن المغفره وتملّها

‏اترك مع الله حبل فالضيقة ينوب
‏لا تقطع حبالك مع الله كلّها .

‏كيف تبكيك الليالي ويبكيك الوداع
‏وانت حتى نجمة الصبح ماخاويتها
‏َ
‏والسهر والحزن والدمع ودروب الضياع
‏ما بعد جربتها ولا بعد مريتها
‏َ
‏كف دمعك والعن ابليس والدنيا متاع
‏والمشاعر ياحبيبي لها توقيتها .

‏"شـرّعي باب المعاتب بدون مقدمات
‏واطلقي ماكان في صدرك اطلاق سجنا
‏
حاصريني بالتشره من الاربع جهات
‏انتي المشروه منّك مثل رد الثنا
‏
اعتذر لك عن غيابٍ بدون مبررات
‏لو ما بالقلب خالي ولا الصدر دهنا

‏صح ماودي بهجرك لو يطول السكات
‏بس ماودي بوصلك وانا مانيب انا "

كل مادلهت قلبي وارجهني
هيضتني دمعة العين الحزينه

اشهد ان لوعات الايام ابعدني
وانقطع حبل الرجا بيني وبينه

اشهد انه صابني رمح المطني
واشتكيت من الزمان ومن عوينه

وانقضى عمري وانا قلبي يحني
من صوابِ بالحشا دارت سنينه

حالفٍ والى خذاه البعد مني
ان لطيف الروح ماغيره ضنينه

كل قلبٍ لا اونس الفرقا يوني
وتستخف الروح ولا هي رزينه

يأهل المعروف شيلوا الظلم عني
انقضى عمري وانا روحي رهينه

‏علميني يا أتلع الجيد وش حنا عليه
‏المزاهب كمّلت صبر والرحله عمر

‏كان في صدرك من الشوق شيً شب فيه
‏وش يقول اللي ضلوعه من اشواقه جمر

‏من فقد مثلك ما يعتاض في باقي الوجيه
‏لو يمرونه هل الارض من بيض وسمر

‏ما على وجه البسيطه من اشباهك شبيه
‏طينتك من مسكً ابيض ومن تُربة قمر .

‏تبارك قلبي بحبٍ ملكني والعيون تشوف .