يا وقت هاذي لا عوايد .. ولا سلم
خليتني . . و انا طروقي مخلاه !

أصادم ظروف ما عندي بها علم
و أقاوي صدوف الليالي .. مقاواه

لين اخر المشوار .. ونهاية الفلم
وصلت لاخر مرحله .. فالمعاناه

مات الشغف وأستاسر الواقع الحلم
ورضيت بالمكتوب .. والحمد لله "

‏حاولت اعديها مع الصدر الوسيع
‏وارسم على وجه الزعل وجه الرضا

‏لكن بعض الاحيان قلبي ما يطيع
‏بعض الخطا يضيق به وسع الفضا .

‏لو كل من يغلط علينا سفهناه
‏رحنا ضحيه كل جاهل وغاوي

" ودّي .. وأحس إني إذا قلت ودّي
كنّ الزمن سكر أذانه .. وعيّى " .

"الشيء الوحيد الذي أتمنّاه من بين كل الأشياء، أن أموت موتةً طيّبةً في مكانٍ طيّب على حالٍ طيّب يُرضي الله عزّ وجل، أتمنى فعلًا أن يُسخر الله لي بعد موتي أناس يدعون لي بلا مللٍ أو كلل، يتصدقوا عني وتكون سيرتي حسنة بينهم، أسأل الله أن يرحمني وإياكم فوق الأرض وتحت الأرض ويوم العرض."

‏عن هزيل الكلام أشوم والنفس تسمى
‏عن مقامٍ يعرّضني لسان الملامه

‏والله إن السراب ألذ من شربة الما
‏لا حداني عن العد القراح الكرامه

يالله بصبحٍ ليا شعشع توهاجه
‏ياتي به الرزق ربٍ يعطي الجنه .

تصير المدينه عندي من العصر وخلاف
‏جناح المريض الى اقفوو الناس من عنده

وشلون أجيب الصبح وأخلّص الليل
‏والليل ذا يسحب معه ليل زيّه !

نطحنا الحياه بكل قوه بدون سلاح
و اهنّا جبروت الزمان . . بـ كرامتنا

لنا الارض مفرش والسحاب وشاح
على العز غني واطربي يا حمامتنا

انا نوب اقول الله خلقنا بعشر ارواح
على كثر ما جانا من الوقت ما متنا

‏صبّحت بالخير يا اغلى المخاليق
‏وانا على طاريك بالخير صبّحت .

عافني .. يا رب و أغفر لي ماتعدّا
‏وإجعل النجده تجيني من ذراعي

‏يوم ضاقت ما حدًا غيرك مبدّا
‏كل ماضاقت علي أجيك داعي

‏الحزن في خاطري مليان جدّا
‏من ظروفي صرت ماني باجتماعي

يالله توفيقك ورزقك ومنجاك
وعطفك ولطفك والرضا والقناعه

‏سنيني عجاف ولاح برقك وأنا عسّاس .

‏لا تحاول تختبر قدرة الصدر الحليم
‏الصدور الواسعه دارها وافطن لها .

‏اي والله ان قلبي من الوقت والرفقه عيوف
‏ونفسي اللي صوب . . الابعاد قدهي صامله .

صحيح ماندري عن اللي يكنّون
ولحدٍ عن قلوب الأوادم .. تنبّا

مهما الليالي تستر اللي يخبّون
تبدي لك الايام .. شيٍء مخبّا

من خذاك بسنَّة الله ورسوله
‏وش يبي ياخذ من الدنيا بعد ؟

خلك كما الصقر ميكاره علی القمه
والسمعه العاليه بالطيب تكسبها !

إن كانه السّلطان حنّا سلاطين
ومن زل عنّا بالنظر .. ما نشوفه"