Davlat test markazi
111K subscribers
1.68K photos
390 videos
68 files
2.13K links
🇺🇿 Davlatlat test markazining rasmiy telegram kanali.

• Rus tilida (на русском языке): @dtmuzbru
• Qoraqalpoq tilida (qaraqalpaq tilinde): @dtmuzbqr

Biz ijtimoiy tarmoqlarda:
facebook.com/dtmuzb
instagram.com/dtmuzb
youtube.com/dtmuzb
Download Telegram
to view and join the conversation
#Qabul2021 #Statistika
2021-2022-o‘quv yili uchun ro‘yxatdan o‘tgan abituriyentlar soni haqida ma’lumot (2021-yil 20-iyul 18:00 holatiga)

Jami ro‘yxatdan o‘tgan abituriyentlar soni 855 348 nafar.

Ta’lim shakllari bo‘yicha:

👉 Kunduzgi
ta’lim shakli – 448 426 nafar;
👉 Sirtqi ta’lim shakli – 377 864 nafar;
👉 Kechki ta’lim shakli – 29 058 nafar.

Tillar kesimida:

👉 O‘zbek tili – 725 964 nafar;
👉 Rus tili – 98 606 nafar;
👉 Qoraqalpoq tili – 28 077 nafar;
👉 Boshqa tillar – 2 701 nafar.

Abituriyentlar tomonidan eng ko‘p tanlanayotgan OTMlar:

👉
O‘zbekiston milliy universiteti – 29 671 nafar;
👉 Jizzax davlat pedagogika instituti – 27 411 nafar;
👉 Toshkent davlat pedagogika universiteti 27 304 nafar;
👉 Urganch davlat universiteti – 27 239 nafar;
👉 Namangan davlat universiteti – 26 394 nafar.

Davlat test markazining rasmiy sahifalari:
Telegram | Facebook | Instagram | YouTube
5100 raqamidan yuborilgan SMS xabar yuzasidan

Ma’lumki, Adliya vazirligining yuridik texnikumlariga qabul Davlat test markazi tomonidan amalga oshiriladi.

Joriy yilda Adliya vazirligining yuridik texnikumlariga talabgorlarni onlayn ro‘yxatga olish 2021-yil 1-avgustdan boshlanadi.

Shu sababli Davlat test markazi tomonidan talabgorlarni onlayn ro‘yxatga olish tizimini tayyor holga keltirish uchun texnikum.dtm.uz sayti test rejimida ishga tushirilib, sinovdan o‘tkazilmoqda.

Sayt test rejimida sinovdan o‘tkazilayotgan vaqtda ayrim fuqarolar texnikum.dtm.uz sayti orqali ro‘yxatdan o‘tishga harakat qilgan va ularga tasdiqlovchi kod o‘rniga “DKning 6-sonli bayoni bilan talabalikka tavsiya etildingiz” degan mazmundagi SMS xabar yuborilgan.

Qayd etish kerakki mazkur SMS xabar matni 2020-yilda foydalanilgan bo‘lib, texnikum.dtm.uz saytini sinovdan o‘tkazish uchun turli xabarlar yuborib, tekshirib ko‘rilayotgan paytda ham foydalanilayotgan bo‘lgan.

Davlat test markazining rasmiy sahifalari:
Telegram | Facebook | Instagram | YouTube
Biologiya fanidan test natijalari yuzasidan

2021-yil 9-10-iyun kunlari kimyo, matematika, biologiya hamda ona tili va adabiyot (o‘zbek tili va adabiyoti, rus tili va adabiyoti, qoraqalpoq tili va adabiyoti) fanlaridan milliy sertifikat uchun test sinovlari o‘tkazilgan edi.

Mazkur imtihonlar o‘tkazilishi bilan ijtimoiy tarmoqlarda biologiya fanidan test savollari chiqib ketganligi, turli o‘quv markazlari tomonidan test savollari ma’lum miqdor evaziga sotilganligi to‘g‘risida turli fikrlar bildirilganligi sababli Davlat test markazi murojaatiga asosan mazkur holat huquqni muhofaza qilish organlari tomonidan o‘rganilmoqda.

Shu sababli biologiya fanidan test natijalari huquqni muhofaza qilish o‘rganlari tomonidan tegishli o‘rganish ishlari yakunlangandan so‘ng, ularning xulosasi asosida e’lon qilinadi.

Bunda, milliy sertifikat natijalari oliy ta’lim muassasalariga abituriyentlarni onlayn ro‘xatga olish jarayoni yakunlangandan so‘ng e’lon qilingan taqdirda ham, biologiya fanidan sertifikatga ega bo‘lgan va oliy ta’lim muassasalarining bakalavriat ta’lim yo‘nalishlariga kirish test sinovlarida ishtirok etish uchun ro‘yxatdan o‘tgan abituriyentlarga sertifikatdan foydalanishni tasdiqlash imkoniyati beriladi.

Eslatib o‘tamiz, kimyo, matematika hamda ona tili va adabiyot fanlaridan test natijalari va talabgorlarning test sinovida ko‘rsatgan natijalari hududlar kesimida e’lon qilingan (kimyo, matematika, ona tili va adabiyot).

Davlat test markazining rasmiy sahifalari:
Telegram | Facebook | Instagram | YouTube
Test sinovi uchun to‘lovni amalga oshirish bo‘yicha yuborilgan SMS xabarlar yuzasidan

📌 Ma’lumki, test sinovlari tashkil etilayotgan o‘quv yilidan avvalgi yillarda ta’lim muassasalarini tugatgan abituriyentlar test sinovlarida ishtirok etish uchun bazaviy hisoblash miqdorining yarim baravari (122.500 so‘m) miqdorida to‘lovni amalga oshiradilar.

Test sinovlari uchun to‘lovni belgilangan muddatda amalga oshirmagan abituriyentlar ro‘yxatdan o‘tmagan hisoblanadi va test sinovlarida ishtirok eta olmaydi.

📩 Shu sababli Davlat test markazi tomonidan abituriyentlarga eslatma sifatida 22-iyulga qadar to‘lovni amalga oshirmagan abituriyentlar test sinovlarida ishtirok eta olmasliklari haqida SMS xabarnoma yuborildi.

💬 Lekin ayrim telegram kanallar va ijtimoiy tarmoqlar tomonidan mazkur holat boshqacha talqin qilinib, “Necha marta to‘lov qilish kerak?”, “To‘lov qilingan bo‘lsa-da, nega yana to‘lov qilish so‘ralmoqda?” kabi fikrlar bildirilmoqda.

Mazkur holar yuzasidan quyidagilarni ma’lum qilamiz:

👉 2021-yil 20-21-22-iyul kunlari respublikamizda dam olish kunlari deb e’lon qilinganligi sababli bank kassalari ishlamasligi mumkinligini inobatga olgan holda Davlat test markazi tomonidan 19-iyul kuni test sinovi uchun to‘lovni amalga oshirish bo‘yicha e’lon berildi va 20-iyul kuni eslatma sifatida abituriyentlarga SMS xabar yuborildi. Albatta bu abituriyentlardan ortiqcha to‘lov undirish maqsadida emas, balki ularni xabardor qilish, ularga qo‘shimcha eslatma berish maqsadida amalga oshirildi.

👉 Davlat test markazining abituriyentlarni onlayn ro‘yxatga olish tizimi (my.dtm.uz sayti) Yagona billing tizimiga integratsiya qilingan bo‘lib, oldingi yillar bitiruvchilariga invoys shakllantiriladi. Bitta invoys raqamiga belgilangan miqdor (122.500 so‘m) dan ortiq to‘lovni amalga oshirish imkoni mavjud emas. Ya’ni abituriyent to‘lovni to‘liq amalga oshirgan bo‘lsa, mazkur invoys raqamiga boshqa to‘lov qilib bo‘lmaydi. Buning natijasida abituriyentlar tomonidan ortiqcha to‘lov qilinishining oldi olinadi.

👉 Abituriyentlar tomonidan to‘lov amalga oshirilganda Yagona billing tizimi tomonidan Davlat test markazining tizimiga real vaqt rejimida xabar yuboriladi va abituriyentlarning shaxsiy kabinetida shakllantirilgan invoys o‘rnida to‘lov muvaffaqiyatli amalga oshirilganligi haqida ma’lumot paydo bo‘ladi. Shuningdek, abituriyentlarning telefon raqamiga bu to‘g‘risida SMS xabarnoma yuboriladi.

Davlat test markazining rasmiy sahifalari:
Telegram | Facebook | Instagram | YouTube
#Qabul2021 #Statistika
2021-2022-o‘quv yili uchun ro‘yxatdan o‘tgan abituriyentlar soni haqida ma’lumot (2021-yil 21-iyul 18:00 holatiga)

Jami ro‘yxatdan o‘tgan abituriyentlar soni 924 788 nafar.

Ta’lim shakllari bo‘yicha:

👉 Kunduzgi
ta’lim shakli – 472 978 nafar;
👉 Sirtqi ta’lim shakli – 420 020 nafar;
👉 Kechki ta’lim shakli – 31 790 nafar.

Tillar kesimida:

👉 O‘zbek tili – 784 619 nafar;
👉 Rus tili – 106 979 nafar;
👉 Qoraqalpoq tili – 30 332 nafar;
👉 Boshqa tillar – 2 858 nafar.

Abituriyentlar tomonidan eng ko‘p tanlanayotgan OTMlar:

👉
O‘zbekiston milliy universiteti – 31 979 nafar;
👉 Jizzax davlat pedagogika instituti – 29 543 nafar;
👉 Urganch davlat universiteti – 29 476 nafar;
👉 Toshkent davlat pedagogika universiteti 29 132 nafar;
👉 Namangan davlat universiteti – 28 434 nafar.

Davlat test markazining rasmiy sahifalari:
Telegram | Facebook | Instagram | YouTube
#Qabul2021
⚡️ Ertaga abituriyentlarni onlayn ro‘yxatga olish yakunlanadi

📆 2021-yil 22-iyul oliy ta’lim muassasalarining bakalavriat ta’lim yo’nalishlariga kirish uchun onlayn ro’yxatdan o’tishning so’nggi kuni bo’lib, 22-iyul kuni (ertaga) soat 23:59 da abituriyentlarni onlayn ro’yxatga olish yakunlanadi.

👨🏻‍💻 Abituriyentlar mazkur muddat davomida Yagona interaktiv davlat xizmatlari portali (my.gov.uz sayti) va Davlat test markazining my.dtm.uz sayti orqali oliy ta’lim muassasalariga kirish uchun onlayn ro’yxatdan o’tishlari, o‘z ma’lumotlarini o‘zgartirishlari va test sinovi uchun to’lovni amalga oshirishlari (oldingi yillar bitiruvchilari) mumkin.

📌 Barcha abituriyentlarga muvaffaqiyat tilagan holda qabulning so’nggi soatlarini kutmasdan ertaroq ro’yxatdan o’tishlarini hamda ta’lim yo’nalishlari va tanlov ustuvorligini belgilashda e’tiborli bo’lishlarini tavsiya qilamiz.

Davlat test markazining rasmiy sahifalari:
Telegram | Facebook | Instagram | YouTube
“Ipak yoʻli” turizm xalqaro universitetiga qabul

“Ipak yoʻli” turizm xalqaro universitetining bakalavriat ta’lim yoʻnalishlariga hujjatlarni qabul qilish davom etmoqda.

Hujjatlarni qabul qilish universitetning https://admissions.univ-silkroad.uz/ sayti orqali amalga oshirilmoqda va quyidagi yo‘nalishlarga hujjatlar qabul qilinmoqda (taʻlim tili - ingliz tili):

🔹 Amaliy tillar (Applied languages);
🔹 Smart turizm (Smart Tourism);
🔹 Turizmda media va kommunikatsiya (Media and Communication in Tourism);
🔹 Menejment (Management);
🔹 Turizm (Tourism);
🔹 Gid – hamrohligi va tarjimonlik faoliyati (Guidance of gid and translation).

Abiturientlarga bir vaqtning o‘zida 3 ta bakalavriat ta’lim yo‘nalishini tanlash imkoniyati yaratilgan.

“Ipak yoʻli” turizm xalqaro universitetida ta’lim ingliz tilida olib borilib, oʻqishga kirish uchun IELTS (5,5 dan yuqori), TOEFL (72 balldan yuqori), CEFR (B2 darajasidan yuqori) sertifikati talab qilinadi. Hozirda muayyan sertifikatga ega bo‘lmagan abituriyentlarga talabalar safiga qabul qilinishi uchun sertifikatni 10-sentabrgacha taqdim etish imkoniyati beriladi.

Agar abituriyent 2021-yil 20-iyuldan 10-sentabrgacha bo‘lgan muddatda ingliz tilini bilish darajasi bo‘yicha milliy yoki xalqaro sertifikat bo‘yicha imtihonlarni topshirib, tegishli ball toʻplagan boʻlsa, mazkur abituriyentlarning til boʻyicha imtihon topshirish xarajatlari universitet tomonidan qoplab beriladi.

Boshqa davlat oliy ta’lim muassasalariga hujjat topshirgan abituriyentlar parallel ravishda “Ipak yoʻli” turizm xalqaro universitetiga 1-avgustga qadar hujjat topshirishlari mumkin.

Davlat test markazining rasmiy sahifalari:
Telegram | Facebook | Instagram | YouTube
Prezident maktablariga qabul imtihonlari

Ertaga, 26-iyul kuni barcha hududlarda Prezident maktablariga qabul imtihonlari boshlanadi.

📆 Imtihonlar Qoraqalpog‘iston Respublikasi, viloyatlar va Toshkent shahrida 2 smenada tashkil etiladi hamda 28-iyulga qadar davom etadi.

Imtihonlar 1-smenada 8:00 dan 09:00 ga qadar, 2-smenada 19:00 dan 20:00 ga qadar bo‘lib o‘tadi.

Ota-onalardan farzandlarini imtihon bo‘lib o‘tadigan hududga belgilangan vaqtdan kamida 1,5 soat oldin (1-smenada 06:30 ga qadar, 2-smenada 17:30 ga qadar) olib kelishlari so‘raladi.

🔖 Talabgorlar imtihon o‘tkaziladigan hududga faqat “tug‘ilganlik haqida guvohnoma” va “ruxsatnoma” bilan kiritiladi.

📌 Kech kelgan yoki “tug‘ilganlik haqida guvohnoma” va “ruxsatnoma”si mavjud bo‘lmagan talabgorlar test sinovlariga kiritilmaydi.

🧢 Imtihonlar ochiq maydonlarda bo‘lib o‘tishini inobatga olgan holda talabgorlarga bosh kiyim (kepka, panama) kiyib kelishlari tavsiya qilinadi.

Davlat test markazining rasmiy sahifalari:
Telegram | Facebook | Instagram | YouTube
#Qabul2021
Test sinovlari 5-avgustdan boshlanadi

🔰 O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi majlisining 2-son bayoni tasdiqlandi.

📆 Unga ko‘ra pandemiya sharoitidagi epidemiologik vaziyatdan kelib chiqib, 2021-2022-o‘quv yili qabulida oliy ta’lim muassasalariga kirish test sinovlari 2021-yil 5-avgustdan boshlanadi hamda test sinovlari ochiq stadion va xiyobonlarda o‘tkaziladi.

📌 Test sinovlari qoida tariqasida, kuniga ikki smenada o‘tkaziladi va 1-smena 07:00 da, 2-smena 19:00 da boshlanadi.

Davlat test markazining rasmiy sahifalari:
Telegram | Facebook | Instagram | YouTube
Davlat test markazi pinned «#Qabul2021 Test sinovlari 5-avgustdan boshlanadi 🔰 O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi majlisining 2-son bayoni tasdiqlandi. 📆 Unga ko‘ra pandemiya sharoitidagi epidemiologik vaziyatdan kelib…»
#Qabul2021
Test topshiriqlari soni qisqartirildi

📌 Davlat komissiyasining 2-son bayoni test topshiriqlari soni maqbullashtirilib, kirish test sinovlariga jami 3 soat vaqt ajratilishi belgilandi.

👉 Barcha test topshiruvchilar uchun majburiy bo‘lgan 3 ta fan bo‘yicha:

Ona tili
(o‘zbek, rus yoki qoraqalpoq tili) - 10 ta savol.
Har biri uchun 2.1 balldan.
Maksimal ball – 21 ball.

Matematika - 10 ta savol.
Har biri uchun 2.1 balldan
Maksimal ball – 21 ball.

O‘zbekiston tarixi - 10 ta savol.
Har biri uchun 2.1 balldan.
Maksimal ball – 21 ball.

Jami to‘plash mumkin bo‘lgan ball – 63 ball.

👉 Bakalavriat ta’lim yo‘nalishiga mos bo‘lgan 2 ta fan bo‘yicha:

1-fan - 20 ta savol
.
Har biri uchun 3.15 balldan.
Maksimal ball – 63 ball.

2-fan - 20 ta savol.
Har biri uchun 3.15 balldan.
Maksimal ball – 63 ball.

Jami to‘plash mumkin bo‘lgan ball – 126 ball.

Umumiy holda, 2021-2022-o‘quv yili qabulida abituriyentlarga 5 ta fan bo‘yicha jami 70 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi.

Davlat test markazining rasmiy sahifalari:
Telegram | Facebook | Instagram | YouTube
#Qabul2021
Sport musobaqalari g‘oliblariga istisno tariqasida imtiyoz belgilandi

📌 Davlat komissiyasining 2-son bayoni bilan sport musobaqalarida sovrinli o‘rinlarni qo‘lga kiritgan sportchi-o‘quvchilar hamda ularning ota-onalari murojaatlarini inobatga olgan holda, sport turlari hamda paralimpia sport turlari bo‘yicha Osiyo va Respublika chempionatlarida oxirgi uch yilda g‘olib va sovrindor bo‘lgan sportchi-o‘quvchilarni qo‘llab-quvvatlash maqsadida, istisno tariqasida, 2021-2022-o‘quv yili qabulida faqat “Sport faoliyati (faoliyat turlari bo‘yicha)” va “Jismoniy madaniyat” bakalavriat ta’lim yo‘nalishlari bo‘yicha o‘qishga kirish uchun onlayn ro‘yxatdan o‘tgan ushbu toifadagi abituriyentlarni o‘qishga qabul qilish tartibi belgilandi.

Unga ko‘ra:

👉 ikkinchi mutaxassislik fani (umumiy jismoniy tayyorgarlikni nazarda tutgan holda) hamda majburiy uchta fanga – ona tili (o‘zbek, rus, qoraqalpoq va boshqa tillar), matematika va O‘zbekiston tarixi bo‘yicha test sinovlaridan ozod etgan holda maksimal ball beriladi;

👉 kirish imtihonlari (kasbiy (ijodiy) imtihon) natijalariga ko‘ra, ushbu toifadagi abituriyentlarning to‘plagan ballariga muvofiq, ular umumiy tanlovdan tashqari davlat granti va to‘lov-kontrakt asosida talabalikka qabul qilinadi. Bunda, kirish imtihonlari (kasbiy (ijodiy) imtihon) natijalariga ko‘ra, ushbu toifadagi abituriyentlarni davlat granti va to‘lov-kontrakt asosida talabalikka qabul qilish uchun minimal o‘tish bali Davlat komissiyasining qaroriga muvofiq belgilanadi;

👉 “Sport faoliyati” va “Jismoniy madaniyat” bakalavriat ta’lim yo‘nalishlari bo‘yicha o‘qishga kirish uchun onlayn ro‘yxatdan o‘tish jarayonida mazkur bakalavriat ta’lim yo‘nalishlarining sirtqi ta’lim shaklini tanlagan ushbu toifadagi abituriyentlar kirish imtihonlari (kasbiy (ijodiy) imtihon) natijalariga ko‘ra faqat to‘lov-kontrakt asosida talabalikka tavsiya etilishi mumkin;

👉 “Jismoniy madaniyat” bakalavriat ta’lim yo‘nalishi bo‘yicha o‘qishga kirish uchun onlayn ro‘yxatdan o‘tgan ushbu toifadagi abituriyentlarga sovrinli o‘rinlar qo‘lga kiritilgan sport turlarining xususiyatidan kelib chiqib, O‘zbekiston davlat jismoniy tarbiya va sport universitetining “Sport faoliyati (faoliyat turlari bo‘yicha)” bakalavriat ta’lim yo‘nalishining sport turlari bo‘yicha tuzilgan fan dasturlari asosida birinchi mutaxassislik fani bo‘yicha kirish imtihonlari (kasbiy (ijodiy) imtihon) o‘tkaziladi;

👉 sovrinli o‘rinlar qo‘lga kiritilgan sport turlarining xususiyatidan kelib chiqib, birinchi mutaxassislik fani bo‘yicha kasbiy (ijodiy) imtihon oliy ta’lim muassasasi professor-o‘qituvchilari, tegishli sport federatsiyalari, Turizm va sport vazirligi hamda Oliy va o‘rta maxsus ta’lim vazirligi vakillaridan iborat bo‘lgan tarkibda tuziladigan imtihon komissiyasi tomonidan onlayn videotranslyatsiya qilingan holda belgilangan muddatlarda o‘tkaziladi.

Davlat test markazining rasmiy sahifalari:
Telegram | Facebook | Instagram | YouTube
#Qabul2021
Abituriyentlarga qo‘shimcha imkoniyat

📌 Davlat komissiyasining 2-son bayonida kasbiy (ijodiy) imtihonlar bilan birga majburiy uchta – ona tili (o‘zbek, rus yoki qoraqalpoq), metamatika va O‘zbekiston tarixi fanlaridan test sinovi orqali bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan, biroq belgilangan to‘lovni amalga oshirmagan abituriyentlarga bir ish kuni ichida tegishli to‘lovni amalga oshirishga ruxsat berildi.

Bunda mazkur toifadagi abituriyentlar 28-iyul kuni 18:00 ga qadar to‘lovni amalga oshirishlari mumkin.

Davlat test markazining rasmiy sahifalari:
Telegram | Facebook | Instagram | YouTube
#Qabul2021
5 yil ish stajiga ega bo‘lgan xodimlar qabuli

📌 Iqtisodiyot tarmoqlarida kamida besh yil ish stajiga ega bo‘lgan fuqarolarni 2021-2022-o‘quv yilida respublika OTMning sirtqi va kechki ta’lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga tavsiya etish huquqiga ega bo‘lgan vazirlik, idora va yirik xo‘jalik birlashmalarining ro‘yxati tasdiqlandi.

Bunda:

👉 vazirlik, idora va yirik xo‘jalik birlashmalari 2021-2022-o‘quv yili uchun 100 nafargacha talabgorga tavsiyanoma berishlari mumkin;

👉 vazirlik, idora yoki yirik xo‘jalik birlashmasi tizimida asosiy ish joyi sifatida 5 yildan kam bo‘lmagan muddatda faoliyat yuritayotgan xodimlarga ushbu vazirlik, idora yoki yirik xo‘jalik birlashmasining asosiy faoliyatidan kelib chiqib, tavsiyanoma tashkilotning shaxsan birinchi rahbari tomonidan beriladi;

👉 suhbat natijalariga ko‘ra sirtqi va kechki ta’lim shakliga o‘qishga tavsiya etilgan talabgorning o‘qishi (sirtqi ta’lim shakli uchun 5 yil, kechki ta’lim shakli uchun 4 yil) uchun to‘lov-kontrakt mablag‘lari ishlab turgan muayyan tashkilot (vazirlik, idora, yirik xo‘jalik birlashmasi) tomonidan belgilangan muddatlarda to‘lab beriladi.

👉 talabgorlarni onlayn ro‘yxatdan o‘tkazish 2021-yil 5-avgustdan 25-avgustga qadar amalga oshiriladi.

Davlat test markazining rasmiy sahifalari:
Telegram | Facebook | Instagram | YouTube
Эртадан бошлаб хорижий олий таълим муассасаларидан ўқишни кўчириш учун transfer.dtm.uz орқали ариза берган талабгорлар аризалари Олий ва ўрта махсус таълими вазирлиги томонидан ўрганиш ишлари бошланади.

@radjabovs
#Qabul2021
Xorijiy davlatlardan o‘qishni ko‘chirish

📌 Davlat komissiyasining 2-son bayoniga muvofiq xorijiy oliy ta’lim muassasalaridan o‘qishini O‘zbekiston Respublikasi davlat oliy ta’lim muassasalarining mos va turdosh bakalavriat ta’lim yo‘nalishlariga ko‘chirish istagini bildirgan fuqarolardan test sinovida ishtirok etish uchun bazaviy hisoblash miqdorining yarim baravari miqdorida to‘lov undiriladi.

Bunda undirilgan to‘lovning 50 foizi Oliy va o‘rta maxsus ta’lim vazirligi huzuridagi Ta’lim muassasalarida elektron ta’limni joriy etish markaziga, 50 foizi esa Davlat test markazi faoliyatini rivojlantirish jamg‘armasiga o‘tkaziladi.

Davlat test markazining rasmiy sahifalari:
Telegram | Facebook | Instagram | YouTube