Farg‘onada keng aholi vakillari uchun bepul o‘quv kurslari boshlandi

😊 O‘zbek tilining davlat tili sifatidagi nufuzi va mavqeyini yanada oshirish, aholi savodxonligini yuksaltirish, davlat tilida ish yuritish madaniyatini shakllantirish hamda aholining bu boradagi bilim va ko‘nikmalarini mustahkamlash maqsadida Farg‘ona viloyatida navbatdagi o‘quv kurslari yo‘lga qo‘yildi.

🟢O‘zbekiston Respublikasi Prezidentining 2019-yil 21-oktabrdagi PF-5850-son va 2020-yil 20-oktabrdagi PF-6084-son Farmonlari, Vazirlar Mahkamasining 2020-yil 3-martdagi 117-son qarori hamda tegishli hujjatlar ijrosini ta’minlash doirasida tashkil etilgan mazkur kurslar Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazining Farg‘ona viloyati hududiy bo‘linmasi hamda Quvasoy shahar hokimligi hamkorligida tashkil etildi.

🟢Joriy yil sentabr oyidan boshlangan o‘quv mashg‘ulotlari keng aholi qatlami vakillari uchun bepul asosda olib borilmoqda. Mashg‘ulotlarda tinglovchilarning yozma va og‘zaki savodxonligini oshirish, davlat tilida ish yuritish bo‘yicha bilimlarini mustahkamlash, hujjatlarni adabiy til me’yorlari asosida to‘g‘ri va sifatli rasmiylashtirish, davlat tilidan samarali foydalanish ko‘nikmalarini shakllantirishga alohida e’tibor qaratilmoqda.

🟢Hududlarda bunday bepul o‘quv kurslarining tashkil etilishi aholining davlat tilini puxta egallashi, savodxonlik darajasini oshirishi, ish yuritish madaniyatini yuksaltirishi hamda davlat tilining kundalik va kasbiy faoliyatdagi amaliy qo‘llanish doirasini kengaytirishga xizmat qilmoqda.

🌎Bizning manzillar:
🌐Veb-sahifa |✈️Telegram |™️ Facebook | 📺Youtube

#alifbo

Senatning 19-yalpi majlisida “Lotin yozuviga asoslangan oʻzbek alifbosini joriy etish toʻgʻrisida”gi Oʻzbekiston Respublikasi Qonuniga oʻzgartirish kiritish haqida”gi Qonun muhokama qilindi.

Keyingi yillarda mamlakatimizda oʻzbek tilini rivojlantirish, uning davlat tili sifatidagi maqomini mustahkamlash borasida tizimli chora-tadbirlar amalga oshirilmoqda. Oʻzbek tilining xalqaro maydondagi nufuzi ortib borayotgani qayd etildi.

Qonun bilan “Lotin yozuviga asoslangan oʻzbek alifbosini joriy etish toʻgʻrisida”gi Oʻzbekiston Respublikasi Qonuniga lotin yozuviga asoslangan oʻzbek alifbosi 26 ta harf va 3 ta harflar birikmasi oʻrniga 28 ta harf va 1 ta tutuq belgisidan tashkil topishini nazarda tutuvchi tegishli oʻzgartirishlar kiritilmoqda.

Shuningdek, yangi tahrirdagi alifboga oʻtish jarayonida fuqarolar va tashkilotlarning huquq va manfaatlarini inobatga olish maqsadida Qonun kuchga kirguniga qadar amaldagi alifbo asosida rasmiylashtirilgan hujjatlar, milliy valyuta va qimmatli qogʻozlarning muomalada boʻlishiga toʻsqinlik qilinmasligi belgilanmoqda. Davlat organlari va tashkilotlarining ayrim ramziy belgilari, peshlavha va koʻrsatkichlardan esa ular yaroqsiz holatga kelguniga qadar yoki belgilangan muddatgacha foydalanishga ruxsat beriladi.

Senatorlarning fikricha, mazkur Qonunning qabul qilinishi lotin yozuviga asoslangan oʻzbek alifbosi va imlo qoidalarini takomillashtirish, davlat tilidan foydalanish imkoniyatlarini kengaytirish, shuningdek, oʻzbek tilini raqamlashtirish jarayonlarini rivojlantirishga xizmat qiladi.

Muhokama yakunida senatorlar Qonunni maʼqulladi.


🌎Bizning manzillar:
🌐Veb-sahifa |✈️Telegram |™️ Facebook | 📺Youtube

#ommaviy_diktant

Gulistonda ta’lim sohasi rahbar-xodimlari “Ommaviy diktant” yozdi

Bugun, Guliston shahrida davlat xizmatchilari hamda ta’lim sohasi vakillarining davlat tili bo‘yicha savodxonlik darajasini aniqlash maqsadida “Ommaviy diktant” tadbiri tashkil etildi.

Tadbirdan ko‘zlangan asosiy maqsad — o‘zbek tilining nufuzini oshirish, uning barcha jabhalarda to‘laqonli qo‘llanishini ta’minlash hamda rahbar kadrlarning yozma savodxonligini yanada yuksaltirishdan iborat. Unda shahardagi maktabgacha va maktab ta’limi muassasalarining 104 nafar rahbar va mas’ul xodimi qatnashdi.

Aksiya Guliston shahar hokimligi, shahar maktabgacha va maktab ta’limi bo‘limi hamda ToshDO‘TAU huzuridagi Davlat tilida ish yuritish asoslarini o‘qitish va malaka oshirish markazining Sirdaryo viloyati hududiy bo‘linmasi hamkorligida o‘tkazildi.


🌎Bizning manzillar:
🌐Veb-sahifa |✈️Telegram |™️ Facebook | 📺Youtube