Денов тумани ҳокими фуқаролар муаммоларини ҳал этмоқда

Денов тумани ҳокими, биринчи сектор раҳбари Илҳом Аброров бошчилигида сайёр қабул бўлиб ўтди.

Қабулда 25 нафар фуқаро иштирок этди. Сайёр қабул жараёнида фуқаролар томонидан турли муаммолар хусусан, йўлни таъмирлаш, газ таъминотини яхшилаш, уй-жойни таъмирлашда ва уй-жой билан таъминлашда кўмаклашиш, ичимлик суви билан таъминлаш, бола пули, моддий ва тиббий ёрдам беришни сўраб мурожаат қилишди.

Фуқароларнинг мурожаатлари тингланиб уларга ҳуқуқий тушунчалар берилди.

Мурожаатларнинг ҳал этилишида вақт талаб этадиганлари мутасаддиларга ўрганилиши учун кўрсатмалар берилди ва туман ҳокимининг назоратига олинди. Шунингдек, 7 дан ортиқ мурожаатлар жойида ҳал этилди.

Денов тумани ҳокимлиги
Ахборот хизмати

🕊@dthaxborotxizmati 📱Instagram 📱Facebook 📺YouTube

Бугун тумандаги 82-умумий ўрта таълим мактабида "Умумтаълим мактабларида тарбиявий ишлар самарадорлигини ошириш, тизимли муаммолар ва уларни бартараф этиш, истиқболдаги режалар” мавзусида ўқув-семинари ўтказилди

Семинарда Сурхондарё вилояти Мактабгача ва мактаб таълими бошқармаси бошлиғи Хусниддин Мамадиев иштирок этди. Ўтказилган семинар давомида маънавий-маърифий ишлар бўйича директор ўринбосарлари билан семинар юзасидан фикр алмашилди.

Шунингдек, бошқарма бошлиғи "Буюк келажак" маҳалласи ҳудудида жойлашган 44-сонли давлат мактабгача таълим ташкилоти фаолияти билан танишиб, мавжуд камчиликларни бартараф этиш бўйича масъулларга тегишли кўрсатмалар берилди.

Денов тумани ҳокимлиги
Ахборот хизмати

🕊@dthaxborotxizmati 📱Instagram 📱Facebook 📺YouTube

📍 Денов тумани ҳокими Илҳом Аброров "Ўрикзор" маҳалласида яшовчи меҳнат мигрантларининг оила аъзолари билан учрашди

Учрашувда дунёда юз бераётган ҳолатлар уларнинг оқибатлари бўйича тушунтириш берилиб, ҳар бир фуқаро билан суҳбат олиб борилди. Шунингдек, хорижда вақтинчалик меҳнат фаолиятини амалга ошириб келаётганларга фуқароларнинг мамлакатда бўлиш қоидалари, меҳнат, ижтимоий, уй-жой ва маиший таъминот шароитлари, хорижий иш берувчилар билан меҳнат шартномаларини тузишнинг ҳуқуқий жиҳатлари, шунингдек, қонун ҳужжатларида белгиланган чоралар тўғрисида маълумотлар берилди.

📍 Денов тумани ҳокими Илҳом Аброров бошчилигида фуқаро Неъматжон Илёсовнинг хонадонида олиб борилаётган тадбиркорлик ишлари билан танишилди. Шунингдек, маҳалланинг ихтисослашганлик ҳолатини ўрганиш ва амалий ёрдам бериш, аҳоли фаровонлигини, оилаларнинг яшаш шароитини яхшилаш бўйича фуқаролар билан суҳбатлашилди.

📍 Кейинги манзил яқинда хориждан қайтган фуқаро Аслиддин Ашуровнинг яшаш хонадони бўлди. Унинг келажакдаги мавжуд режалари ўрганилиб, қизиқишларидан келиб чиққан ҳолда бандлигини таъминлаш юзасидан мутасадди ходимларга тегишли топшириқлар берилди.

Денов тумани ҳокимлиги
Ахборот хизмати

🕊@dthaxborotxizmati 📱Instagram 📱Facebook 📺YouTube