فيديو أسئلة يختصر ٤٨ فيديو
View on YouTube

والله الواحد بيتعلم كتيييير من المشاكل أكتر من التلقي والاستقبال فقط.

لما تقابلك مشكلة، فتقعد تلف وتدور لها على حل سواء على يوتيوب أو Stack Overflow أو Reddit أو في بوست من ١٥ سنة على منتدى عتيق، وتجرب وتفشل، بتحصل معرفة ضخمة.

في الطريق للحل بتتعلم كتير وأنت مش واخد بالك.

#DO

شكل الأسبوع الجيد جداً بالنسبة لي🤩.
كتابة المهام الأسبوعية وتتبعها من أفضل الحاجات اللي هتشعرك بالرضا وتقلل من شعور التقصير الملازم لك طول الوقت.

الفورم:

إذا لم تبعد نفسك عن المشتتات، فالمشتتات ستبعدك عن تحقيق أي هدف أو تقدم في حياتك.

#DO

فكر فيها كدا:

" الواحد مش بيحس بطعم الحاجة بجد إلا لما يتحرم منها لفترة وبعدين يرجع لها تاني."

دورة الامتناع لمدة ثم إعادة التعرض للأشياء من أهم الحاجات اللي بتحسس الإنسان فعلاً بقدر النعمة وشكرها.

في حين ان الانغماس الدائم يُفقد الأشياء لذتها ويجعلها معتادة ومن المسلمات.

#DO

الوقت المناسب هو شيء غامض جداً، يأتي في المستقبل ولا يكون أبداً الآن.

الوقت المناسب لا يمكن أن يكون اليوم، بل يكون دوماً غداً ،الأسبوع القادم، الشهر القادم.

ننتظره طويلاً ولكن يبدو أنه تأخر هذه المرة أيضاً مثل "كل" المرات السابقة.

لا أدري لماذا لا يأتي الوقت المناسب أبداً.
#DO

كنت قاعد في البيت ومضايق، سبت التليفون في البيت وأخدت النوت بوك الصغير وروحت الغيط قعدت وسط الأرض في هدووووء تام وشوية طراوة حلوييين، وإذ بسيل من الأفكار والخواطر، كأنها ماسورة واتكسرت. الأفكار والخواطر دي عمرها ماكانت هتيجي لو كنت أخدت التليفون معايا.

حقيقة جديدة توصلت لها من خلال التجربة، التليفون عدو الأفكار. طول ما هو في ايديك، مفيش أفكار هتيجيلك أو بمعنى أصح، مش هتجيلك أفكار ذات جودة عالية. كأنه مفتاح أو سويتش، تفتح التليفون يقفل الأفكار، تقفل التليفون يشغل الأفكار.

هتقولي، طيب انت صورت بايه وكتبت البوست بايه؟ ، سؤال منطقي الصراحة، هقولك بالايباد. :)

والايباد الحقيقة مختلف تماماً عن التليفون خاصة لو معاه كيبورد.أو تقدر تقول اني بستخدمه بشكل مختلف بيحيث يكون جهاز يساعد على التركيز والانجاز مش التشتيت وتضييع الوقت.

٧ حاجات كل الناجحين بيعملوها
View on YouTube

أسرع طريق لتحسين حالتك الذهنية والنفسية هو تحسين حالتك الصحية.

ومثلث الصحة له ٣ أضلاع، الاكل والرياضة والنوم.
تحسين أي جانب من الثلاثة سيؤثر بالإيجاب عن الجانبين الآخرين، وبالطبع الخلل في أحدهم يؤثر فيهم جميعاً.

التحسن البدني والصحي يؤدي لتحسن نفسي وعقلي والعكس غير صحيح.

لا يوجد نصيحة واحدة تناسب كل الناس في كل الأوقات.

الوضع المثالي هو تزامن النصيحة مع وقت احتياجك لها.

فان كانت هناك نصيحة لا تناسبك، فهناك من هم في أمس الحاجة إلى تلك النصيحة.

لا تسخر من سطحية بعض النصائح، فهناك الكثيرين من ليسوا بعمق تفكيرك ومازالوا في أشد الاحتياج إليها.

ولا تسخر من فلسفة بعض النصائح، فهناك الكثيرين من هم أعمق منك فكرياً ويحتاجون للعمق والفلسفة.

خلاصة القول: أنت لست المعيار!

مزاجك هو سر فشلك
View on YouTube

شوفت فيديو المزاج والا لسه 😎.

أتمنى ثقافة “محدش يدخل بعدي” عند دكاترة الجامعة تنتهى للأبد.

‏يعني حضرتك عارف أن ممكن العطلة تكون من الطريق عادي، وكمان الناس بتكون صاحية من بدري جداً وراكبة كام مواصلة عشان تلحق وبعدين على ٥ أو ١٠ دقايق تقفل باب المدرج وتمنع الدخول!

‏رجاءً، خد بإيد اللي جاي وعايز يتعلم حاجة.

يومك عنب 🍇 ان شاء الله. 😅❤️

الواحد يا جدع لما بيكون مزنوق وعندة شغل كتير، بيحصل حاجات غريبة.
إذ فجأةً حبيت اللعبة دي جداً وقعدت اطلع إبداعات المهندس اللي جوايا.

استراتيجة هروب أنما ايه 👌
قولي بتهرب انت كمان ازاي؟ 😂

هو أنا زيي زيك بالظبط مكنتش مصدق🫣.

‏متفاجئ ومندهش ومبسوط من المفاجأة الحلوة دي😍🤩🥳🥳.

‏الحمدلله على توفيقه، وانتظروا بودكاست دروس في ثوبه الجديد قريباً ان شاء الله 🤩.

الفيديو الوحيد الذي تحتاجه في بداية الدراسة
View on YouTube

اللبس الرسمي للطالب المثالي اللي بيشرح لأصحابه😅.