هل ستتخلَّىٰ عن نفسك يا صاحبي؟!
ستنتهي هذه الامتحانات و الأيام بنتائجها السيئة أو الجيدة، ولكن أشنَع ما في الأمر شعُور العجزِ أمَام نفسك..
ستذكُر أنك عجَزت وأنتَ قادِر لا حاربَت ولا قاوَمت.. بل أتبعتَ نفسكَ هوَاهَا ولم تؤدِّي الذِي عليك..

اسمَع يا صاحِبي: المُؤمن القوي خير وأحبُّ إِلىٰ اللَّه من المؤمن الضعيف، وفي كلٍّ خير..
استعِن باللَّه ولَا تعجَز
ولَا تقل لو أني فعلت كَانَ كذا وكذا،
ولكن قل: قدر اللّٰه، وما شاء فعل؛ فإن لو تفتح عَمَل الشيطان..
للمقاومة لذة، ولقهر الشيطان لذّة، ولمخالفَة هَوَاكَ لذَّة.. لذَّة لا تدانيها لذة الدعة ولا النَّدَم بعدها..
فاصبِر تفُز .. ورابِط تحز كرامَة الدّنيا والدّين..
ومن صبَر ظفَر ..
واللّٰه يحبُّ الصَّابرِين. 💕
#عافر_حلمك_يستاهل
#Mohamed_Elgareeb

ثانيا انا هتكلم معاكم فى كام حاجه كده على السريع عشان مضيعش وقتكم
1/ عدى 4شهور فى الثانوية العامة وفاضل 6 وهتمتحنو فى السابع فلازم كل واحد يستغل وقته بالطريقة الصح
2/المسلسلات والافلام و المباريات والتليفون لا يتنسو الفترة دى نستخدمه التليفون فى حدود المذاكرة بس يعنى بدل ما تعد تكلم كل واحد من زمايلك على المدرس عمل ايه النهارده وهزق مين وقال افيه ايه وكده بلاش تضيع وقتك الكثير فى حاجة زى دى

3/انتو داخلين على شهر 12 ده شهر ربنا يكون في عونكو فيه انا شخصيا عانيت بسسببه دخلت الشتا والنهار قليل والليل طويل والواحد بينام كتير انا فاهم كل ده بس لازم كل واحد يكون عارف ان مفيش حاجه بتيجي بالساهل لازم تتعب وتجتهد وتقرب من ربنا

نيجي بقى للمذاكرة هذاكر ازاى انت اولا خلصت فى كل مادة 3ابواب على الأقل فبقى مطلوب منك مذاكرة الجديد ومراجعة الجزء القديم وكلنا عارفين ان الاسبوع 7ايام والمواد بتاعت 3ثانوى سبعة فكل يوم لمادة من ساعتين ل تلاته على الاقل انا كنت بصحى الفجر اصلى وبخلص على 5ونص سته بالكتير فكنت اعد اذاكر للساعة 9 فى الأبواب القدية وكانت دروسى بتبدا من عشره الصبح ل 5 او 6 يعنى لحد العشاء تقريبا ده بالصلاة بالاكل بما الى ذالك وعندك من 6لحد 11 او 12بالليل فاضى كنت بذاكر كل اللى اخده مش براكم دروس عليا وكده

يعنى اهم حاجة تنظم وقتك لان عندك وقت فاضي كبير وانا مش بقولك جدول بس تنظم نفسك بالطريقة الصح بتاعتك انته بس لازم توصل ل 10ساعات فى اليوم مذاكرة وحل
نيجي لنقطة المواد طبعا امتحانات الثانويه العامه كلها اختياري اما عندنا مكناش نعرف هى اختياري ولا لا فكنت بشتغل على المقالى والاختيارى مع بعض بس انت هتحلوا اختياري بس فدى لها ميزه وعيب الوقت اللى هتحل فيه عشر اسئلة مقالى هتحل مكانه 60*70 سوال اختياري وكده هتشوف عدد كبير من الأسئلة

بالنسبه للكتب وانا عارف ان المصاريف كتير فانا كنت بشترى الكتب لان مكنتش بستخدم التليفون ف انت ممكن تجيب الكتب من على النت وكده انا كنت حليت بفضل الله فى الاحياء الامتحان والمرجع والنفيس والتميز والمدرس كان بيمتحنا من كتب تانيه انا مش متذكر اسمها الوقتى

بس اهم حاجه فى شهر 12 المراجعة مع مذاكرة الجديد والحل الكتب الكتير فى النظام ده عشان تمر على عدد اكبر من الأفكار

واخيرا اتمنى ان اكون افادتكم وكل واحد ياخد باله ان ربنا مش بيضيع تعب حد وان حد قال انه دخل الكليه بمجهوده يبقى كداب كله بتوفيق ربنا وربنا يوفقكم جميعا وتفرحو بالنتيجة 🤲🤲

ولو حد عايز اى حاجه يسال سواء هنا او على الخاص لو مش عايز يسال هنا وان شاءالله اقدر افيدكم سواء في الأحياء او اى مادة تانيه

نصائح من الدكتور محمد عثمان بارك الله ف عمره ونفع به الأمه الاسلاميه ❤️❤️❤️

‏
اسأل الله ولا تمل، اسأل الله ولا تستكثر السؤال، اسأل الله فهو يحب السائلين الراغبين الملحين الصادقين المقبلين عليه، وأصعب ما يكون عندك، أسهل ما يكون عنده، وأيسر ما يكون لديه، وإذا أراد شيئا قال له كن فيكون، فكيف تستصعب المسألة وربك حي ويسمعك ويراك وقادر على حل مسألتك!؟
#Mohamed_Elgareeb

"لِمَ توقفت؟
أليسَ هذا حُلمك الذي تتمنىٰ الوصول إليه؟
أأنهككَ التعب؟
وكيف الوصول لِحلمٍ دون تعب؟
وكيف الشعور بِلذة التمتع دون اجتهاد ومَشقة؟
تذكر دائمًا أنكَ مسئول عن السعي لا عن النتيجة، وتذكر قوله -سبحانه وتعالىٰ-:
{وَأَنْ لَيْسَ لِلْإِنْسَانِ إِلَّا مَا سَعَى وَأَنَّ سَعْيَهُ سَوْفَ يُرَى}.
لن تنالَ حُلمكَ وأنتَ تحت سقف الراحةِ، قاتل لأجلِ حلمكَ، لا تتراجع مهما كلفكَ الأمر، لا تستسلم مهما نال بكَ اليأس وسيطر عليكَ، نعم لا بُد أن تأتي عليكَ لحظات من الخَيبة والقنوط، خُذ برهة لتُفَكِر قليلًا وأَعِد التفكير في الأمر بِهدوءٍ؛ فَهذا حُلمكَ يا رَفيق أتضيعهُ هدر بسبب لحظة تراخٍ؟
اِعلم أنَّ هناك عوائق كثيرة للوصول إلىٰ نهايةِ المطاف، فإن سقطت في حُفرةِ اليأسِ فانهض مِن جديدٍ ولا تُبالٍ‎؛ بالتأكيد كُل سقطة ولها أسبابها، وأيضًا كل سبب يُعلمك الحرص أكثر في المرة التي تَليِها، ألم تسمع تلك المقولة التي تقول: "إن سقطت سبعًا، فانهض الثامنة"؟
لا بُد أن تُدرك أنَّ سقوطكَ ليس نهاية الدَّرب وإنما هي عوائق لِتتعلم، فليس المقصود بالفشل أن تقع في حفرةٍ في منتصفِ الطريقِ، وإنما الفشل الحقيقي هو أن تُفكر في التراجع، الفشل هو أن تستسلم." 💚

Waiting 🌿

ان شاء الله تعالي شغال علي مذكره الوراثه وبعدها الاخراج وهنزل المناعه بعدها باذن الله تعالى
بس ادعولنا بس وربنا ييسر ويوفقنا ❤️❤️

ولو حد محتاج حاجه يكلمني
http://662665087.sarhne.com
#Mohamed_Elgareeb

من مذكره سنه أولي .....

˚˚
‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾
‏- سُبحان الله .
‏- الحَمد لله .
‏- لا إله إلا الله .
‏- الله أكبر .
‏- أستغفِرُ الله .
‏- لا حَول و لا قوة إلا بالله .
‏- سُبحان الله و بِحمده .
‏- سُبحان الله العَظيم .
‏- اللهم صل و سلم على نبينا محمد.

السلام عليكم ورحمه الله وبركاته 👋
النهارده أول ٢
(شهر واحد جري محسناش بيه 😂 )

عايز أقول بس كلمتين انك تجدد النيه وتعتمد علي الله وتقول ي رب .

ربنا بس هو الي هينفعك بس وادعيه انه يتولي أمرك مثلا قوم صلي قيام الليل و ادعيله
( وواظب عليه لأن بكل بساطة قيام الليل شرف المؤمن ) ❤️

✅خلاصه الكلام ان ايوه لسه فيه وقت وهتلحق بس قول ي رب ونظم وقتك احنا كلنا كان عندنا نفس الشعور ان احنا مهنلحقش فدا الطبيعي

وبالتوفيق ان شاء الله ❤️

وانت بتدعي ربنا تقوله يوفقك للفيه خير مش طب بس

✅وعايز اقلك متخبش خيبه الي قبلك يعني ايه !
لو رجعت لوري هنا هتلاقي الي واقع في الجيولوجيا والي واقع في الفيزيا أظبط الكلام ده من الوقتي في وقت والله وهتلحق لا تقلق

✅عايزك تاخد بالك من حاجه الشيطان بيصورلك ان الدنيا سوده لكن والله احسان الظن بالله هيخيلك تغلب الشيطان ونفسك الأماره بالسوء

✅ واحب افكرك انك عليك السعي مش النتيجه
"وَأَن لَيسَ لِلإِنسانِ إِلّا ما سَعى
وَأَنَّ سَعيَهُ سَوفَ يُرى
ثُمَّ يُجزاهُ الجَزاءَ الأَوفى " ❤️

ربنا معاكم ❤️
#Mohamed_Elgareeb

ونبقي نتذكر أحبتنا فهم بحاجة إلي دعواتنا

الذكرى السنوية الثانيه لاستاذنا سيد رضوان فكان خير الأب قبل أن يكون خير المعلم نسأل الله أن يغفر الله له و جدتي و عمي و موتي المسلمين وأن يجمعنا بهم ف الفردوس الاعلى 🤲🤲

دعواتكم لهم 🌿

«‏المقياس الحقيقيّ لنجاحك هو عدد المرّات التي استطعت أن تستعيد فيها توازنك وإحسان الظن بربك بعد كُل انهيار أو احباط، جاهد في سبيل طلب العلم ولا تيأس، وضع نُصب عينيك: والذين جاهدوا فينا لنهدينّهم سبلنا»

ربنا يحقق كل ما بتتمنوه ❤️❤️