ኮድ 3ሜትር ትራንስፖርት አሽከርካሪ ና ባለንብረት ሲቪክ ማህበር

Forwarded from Henok $

የዛሬው ውይይት 👇

👇

የአዲስ አበባ ትራንስፖርት ቢሮ የኤሌክትሮኒክስ ታክሲ ስምሪት ወስደው ከአሰራር ስርዓት ውጪ የሚሰሩ አገልግሎት ሰጪዎች ላይ ጥብቅ ቁጥጥር እንደሚያደርግ አሳወቀ፡፡

የአዲስ አበባ ትራንስፖርት ቢሮ ሚያዝያ 05 ቀን 2018 ዓ/ም

የአዲስ አበባ ትራንስፖርት ቢሮ የኤሌክትሮኒክስ ታክሲ ስምሪት ወስደው ከአሰራር ስርዓት ውጪ ያለሲስተም የታክሲ አገልግሎት በሚሰጡ ባለንብረቶች፣ ድርጅቶችና አሽከርካሪዎች ላይ ጥብቅ ቁጥጥር እንደሚያደርግ አሳወቀ፡፡

ቢሮው ይህንን ያሳወቀው በከተማዋ የኤሌክትሮኒክስ ታክሲ ስምሪት ከሚሰጡ አካላት ጋር ዛሬ ባደረገው የውይይት መድረክ ሲሆን፤ የድርጅቶቹ ባለንብረቶችና ተወካዮችም የኤሌክትሮኒክስ ታክሲ ስምሪት የሚሰጡ አካለት አገልግሎቱን ለመስጠት የታክሲ አገልግሎት ፈላጊው በመተግበሪያው አማካኝነት ጥሪ ሲያደርግላቸውና በሲስተም በተቀመጠው ህጋዊ ታሪፍ ብቻ መሆን እንደሚገባው በውይይቱ ገልፀዋል፡፡

ቢሮው የክትትልና ቁጥጥር ሥራውን በልዩ ትኩረት በዘርፉ ካሉ ከትራንስፖርት ቢሮ የቁጥጥር ባለሙያዎች፣ ከትራፊክ ማኔጅመንት ባለሥልጣንና ከትራፊክ ፖሊስ እንዲሁም በዘርፉ ካለው ግብረሀይል ጋር እንደሚሰራ በማሳወቅ፤ ድርጅቶችም በስራቸው ውል ወስደው እየሰሩ ያሉ ባለንብረቶች በህጋዊ አሰራር መሰረት እንዲሰሩ ግንዛቤ እንዲፈጥሩና ታሪፋቸውን ለቢሮው እንዲያሳውቁ ተጠይቀዋል፡፡

በዘርፉ ለመሰማራት ከአዲስ አበባ ትራንስፖርት ቢሮ ፍቃድ የሌላቸው፣ የራሳቸውን ታሪፍ በማውጣት በድርድር የሚሰሩ፣ ከአገልግሎቱ መንግስት ማግኘት ያለበትን ገቢ እያሳጡ ያሉና ህግና ስርዓት አክብረው የማይሰሩ አገልግሎት ሰጪዎች ከዚህ ህገወጥ ድርጊታቸው እንዲቆጠቡ ቢሮው በጥብቅ እያሳሰበ፤ ይህን በማይተገብሩ የኤሌክትሮኒክስ ታክሲ አገልግሎት ሰጪዎች ላይ ቢሮው አስተዳደራዊ እርምጃ እንደሚወስድ በጥብቅ አሳውቋል።

ህብረተሰቡም ከትራንስፖርት አገልግሎት አሰጣጡ ጋር ተያይዞ ለሚሰጣቸው ጥቆማዎችና አስተያየቶች በቢሮው ነጻ የስልክ መስመር 9417 ዘወትር ከሰኞ እስከ እሁድ ከጠዋት 2፡00 ሰዓት እስከ ምሽት 2፡00 ሰዓት ጥቆማ መስጠት እንደሚቻል ቢሮው ያሳውቃል፡፡

Please open Telegram to view this post