🔸لما يجيلك حد الصيدلية ويشتكي ان ظهر عنده سواد في الجلد مش طبيعي ومش بيروح مهما يعمل او لو بنت ومهما استعملت من كريمات تفتيح وغيره خاصة في منطقة تحت الابطين او العنق زي مهو واضح في الصور
يبقي لازم تاخد بالك وتاخد بالك قوي كمان .

🔸لان الحالة دي اسمها acanthosis nigricans او الشواك الاسود ودي بتبقي نتيجة لارتفاع مستوي هرمون الانسولين في الدم ومقاومة الجسم ليه بشكل كبير وغالبا العلامة دي بتحصل للناس اللي وزنها زايد شوية او عندها دهون بكميات كبيرة (مرض السكري من النوع الثاني).

🔸لان الدهون لو زايدة ومتراكمة علي الكبد وعلى خلايا الجسم هتمنع الانسولين ان يمسك في المستقبلات بتاعته علي سطح الخلايا فبالتالي هو مشتغلش ومنزلش نسبة السكر في الدم (وظيفته الاساسية) يقوم البنكرياس مطلع انسولين كمان عشان هيحس ان لسا السكر عالي في الجسم وهو في الاساس الجسم اللي مقاوم الانسولين.

🔸المهم الانسولين الكتير دا هيروح يهجم علي خلايا الجلد ويرتبط بمستقبل ليه هناك اسمه insulin like growth factor ودا لما بينشط بيعمل مشاكل في ال keratinocytes او خلايا الجلد ويكسرها فتدي اللون الاسود دا اللي مش هيختفي غير لما الشخص يخس ويلعب رياضة وينظم الاكل وينزل الدهون من جسمه ويلتزم بعادات صحية.

🔸لما تشوف العلامة دي عند اي حد حاول تنبهه انها مؤشر لمقاومة الجسم للانسولين ولازم يروح لدكتور في اقرب وقت وأنها مش قلة نضافة او محتاجة تفتيح للبشرة.

تابعو قناة اليويتوب:👇
https://youtube.com/channel/UCZMWE6ZtlcXbQArUyoiqCTw
#دمتم_بخير ♥️

لو جالك مريض بعد كشف عند دكتور صدرية او باطنة وكان مكتوبله الأدوية دي :👇👇

Rx/
-#Salbutamol inhal سالبيوتامول بخاخ
-#Clarithromycin كلاريثرومايسين
-و ادوية أخرى معاهم .......
-قبل ما تجيبله الدواء لازم تكون صيدلي عبقري وتكون عارف إن دواء #كلاريثرومايسين يزيد من تركيز #سالبيوتامول مركزياً مما يزيد خطر حدوث الأعراض الجانبية على القلب زي

(تسارع ضربات القلب الجيبي - خفقان القلب -
وأستطالة QT interval)

هذا الكلام ينطبق على جميع أدوية مجموعة الماكروليد
ولكن بشكل أقل مع #أزيثرومايسين #Azithromycin

لذلك يجب ان تبلغ الطبيب بأن يشوف دواء بديل للكلاريثرومايسين.
https://youtube.com/@eshakmarzouk8196

Reference:
Stockley's drug interactions

⚕️ موضوعنا انهاردا عن حالة من اهم حالات الطوارئ االلي ممكن تشوفها وهي :
#السكتة_الدماغية 🧠 #Stroke

خلي بالك ان في الحالة دي الثانية بتفرق بالمعني الحرفي للثانية 👌👌

تحديد السكتة الدماغية : الدكاترة بيقولوا انهم لو لحقوا مريض السكتة الدماغية خلال 3 ساعات ف ممكن ينقذو حياته ويعيش .

احيانا اعراض السكتة ممكن يكون سهل التعرف عليها .. بس لسوء الحظ قلة الوعى ممكن تسبب كارثه.

Remember the 1st three words...S.T.R..

لو كل واحد قدر يتذكر العلامات البسيطه دى .. ممكن يساعد انه ينقذ اشخاص

ممكن الشخص العادى يتعرف ع اعراض السكتة دماغية بسهوله من خلال 3 اسئله بسيطة :

1-S : Smile
اطلب من الشخص دا انه يحاول يبتسم

2-T : Talk
اطلب من الشخص دا انه يقول جملة بسيطة )
مثلا يقول اسمه او هو من ...... فين اي سوال بسيط

3- R : Raise both arms ...
اطلب من الشخص دا ان يرفع ايده الاتنين

لو كان عنده مشكله ف واحده من دول ..اتصل بالاسعاف.

و علامه تانيه ع السكتة الدماغية .. اطلب من الشخص يطلع لسانه و لو لقيت ان لسانه ملفوف او رايح ف ناحيه اكتر من التانيه (مش ف النص) .. دى بردوا من علامات السكتة الدماغية .

احيانا الشحص دا ممكن كمان يحصله شلل بسبب الجلطه الدماغيه.

ودا فيديو بيوضحلك ببساطة انواع السكتات الدماغية وازاي تتعرف علي الشخص دا وتلحقه وتتعامل معاه
https://youtu.be/2b6WJYJcu_Y

#دمتم_بخير ♥️