بعض النصائح الهامة عن الأمراض والادوية بشكل بسيط
Patient Counselling & patient education

Ceftriaxone & Cefotaxime

✅ ال Ceftriaxone يمتلك عمر نصف أطول عشان كدا يتاخد مرة باليوم
اما ال Cefotaxime يتاخد مرتين في اليوم.

✅ال cefotaxime بيخرج أكتر عن طريق الكلي بالتالي هيكون كويس فى حالة وجود عدوى أو إلتهابات بكتيرية فى المسالك البولية Urinary tract infection

✅ال ceftriaxone بيخرج أكتر عن طريق الكبد و المرارة و الباقي هيكون كويس فى حالة وجود عدوى بكتيرية فى الكبد أو المرارة.

✅ال Cefotaxime ممنوع مع مرضي الكلي لأنها مش هتقدر تعمله Elimination ومناسب مع مرضي الكبد

✅ال Ceftriaxone ممنوع مع مرضي الكبد ومناسب مع مرضى الكلي

✅ال Ceftriaxone لا يخلط مع الكالسيوم
بعكس ال Cefotaxime يمكن خلطه.

✅ال Ceftriaxone لا يعطي لحديثي الولاده
بعكس ال Cefotaxime يمكن اعطائه.

#دمتم_بخير ♥️

DIABETIC COMPLICATIONs

Diabetes_Mellitus
Diabetic_Neuroparhy
Diabetic_Nephropathy
Diabetic_Retinopathy

بادئ ذي بدء لازم نعرف إن في عملية بتحصل جوا الجسم اسمها Glycation
Gly mean glucose
Cation mean cations of proteins
و بكدا معناها ارتباط الجلوكوز مع بروتينات الجسم
(الجلوكوز ارتبط وإنت لسا)

المهم بقي إن عملية ال Glycation دي بتحصل بشكل طبيعي وبنسبة معينة في الحدود الطبيعية المقبولة إللي مش هتسيب ضرر للجسم

ولكن لو ارتفع السكر في الدم ف الجلوكوز هيرتبط مع نسبة كبيرة من بروتينات الجسم مهو سكر فاضي بقي ماشي ف الجسم وموجود بنسبه كبيرة ف هيرتبط بنسبة كبيرة مع البروتينات دي

هتلاقي مثلا ارتباطه اكتر مع بروتين اسمه الهيموجلوبين فيرتفع حاجه مشهورة جداً إسمها السكر التراكمي HbA1c

والموضوع دا لو حصل هيكون الموشر في حدوث المضاعفات الخطيره للسكر زي مهنشرح ونوضح في كلامنا

زيادة السكر هو العدو اللدود بصفة عامة للجسم وبصفة خاصة لمرضي السكر
البروتينات لما ترتبط مع السكر بشكل كبير هيتغير شكل البروتينات وبالتالي تفقد قدرتها على أداء وظيفتها بشكل صحيح .

ودا اللي بيحصل لبروتينات الطبقة القاعدية للأوعية الدموية واللي إسمها مش غريب علينا وهي ال
(Basement membrane)

البروتينات دي لما ترتبط مع السكر هيتغير شكلها وبالتالي تفقد قدرتها على حماية الأوعية الدموية الصغيرة وبالتالي تتمزق الأوعية الدموية دي ويحصل
(micro-vascular damage)

وبناءاً عليه هتقل كمية الدم وما يحمله من جلوكوز وأكسجين بيوصل للمناطق التي كانت بتغذيها الاوعية الدموية دي زي الكلى فتبدأ المناطق دي تتأثر

ولو فضلت فترة كبيرة منقطع عنها الاكسجين هتبدأ بالموت التدريجي وبما إن الكلي مش هتبقي شغالة بكفاءة عالية فهتبداء في تسريب بروتين خفي اسمه microalbuminurea
ويتم الكشف عنه في فحص يسمى نسبة الالبومين الى الكرياتين
Albumin to creatinine ratio
ولما نلاقي النتيجة
30 - 300 ug of albumin / mg of creatinine.

دا معناه أن الكلى بدأت في تسريب البروتين الخفي دا وبدأت في تطور الحاله بشكل تدريجي حتى توصل إلى مرحله تسمى اعتلال الكلي السكري
Diabetic nephropathy

هنا إحنا جاوبنا علي تساؤل مهم جداً وهو إزاي بتحدث مضاعفات مرض السكر واتكلمنا عن أول نقطة وهي ال Glycation

✅ تاني نقطة بقي وهي ال
Poly-ol Metabolism
زيادة الجلوكوز في الدم .. هتعمل علي زيادة تحويل الجلوكوز إلى كحول السوربيتول (Sorbitol) بواسطة إنزيم اسمه (Aldose Reductase)

الـسوربيتول دا بيتراكم في الخلايا
(لأنه أكثر قطبية polarity من الجلوكوز العادي.. لذلك فإن خروجه من الخلايا أصعب )

المشكلة أن السوربيتول المتراكم في الخلايا هيسحب الماء والسوائل الى داخل الخلايا بالخاصية الأسموزية

بالتالي السوائل هتزيد داخل الخلايا .. فتنتفخ الخلايا لحد ما نتأثر وتبدأ في الموت التدريجي
والخلايا المتأثرة هي خلايا الشبكية (Retinopathy) والكلى (Nephropathy) والأعصاب (Neuropatyh)

✅تالت نقطة معانا وهي ال
Oxidative Stress

ارتفاع السكر في الدم هيؤدي إلى انخفاض السكر داخل الخلايا ... وبالتالي تضطر الخلايا إلى زيادة تفاعلات الأكسدة (في الميتوكوندريا) علشان تستفيد من السكر الموجود بأكبر قدر ممكن ..

المشكلة أن تفاعلات الاكسدة دي هيتنج عنها مواد سامة
زي الشقوق أو الشوارد الحرة Free Radicals اللي بتقتل خلايا الشبكية Retinopathy .. واعتلال الكلى Nephropathy .. واعتلال الأعصاب Neuropathy شيئاً فشيئاُ...

✅رابع نقطة وهي ال
Atherosclerosis
يحدث تصلب الشرايين بسبب مضاعفات الاوعية الدموية
Macro-vascular Complications.
زي م كلنا عارفين إن مريض السكر من النوع الثاني
يوجد عنده إفراز للإنسولين .. لكن خلايا الجسم بتقاوم الإنسولين ولا تستفيد منه في ادخال الجلوكوز من الدم إلى الخلايا .. وبالتالي

تضطر الخلايا إلى إيجاد مصدر بديل للطاقة بدلا من الجلوكوز الممنوع من الدخول إلى الخلية .. فتضطر الخلايا إلى الاعتماد جزئياً على الدهون كمصدر بديل للطاقة

لكن عند استقلاب الدهون Metabolism of lipids
يؤدي إلى زيادة تكوين الدهون الثلاثية Triglycerides ويؤدي إلى انخفاض الكوليسترول الجيد (HDL)

والمشكلة هي أن ارتفاع الدهون الثلاثية وانخفاض ال(HDL) يؤديان إلى تكوين طبقة من الدهون في داخل الاوعية الدموية

فيقل وصول الدم الى المناطق إللي بتغذيها الأوعية الدموية دي زي الكلى .. فتموت خلايا الكلى شيئا فشيئا Nephropathy
كذلك تصلب الشرايين يرفع الضغط باستمرار وعند ارتفاع الضغط المستمر يتعب القلب و قد يؤدي إلى تضخمه
وبالتالي الي فشل القلب

وكمان تصلب الشرايين او تضيقها هيؤدي إلى بطء جريان الدم فيها .. ودا هيؤدي إلى زيادة فرصة تجلط الدم جلطات في القلب M.I وجلطات في الدماغ Stroke

كل اللي فات دا في نقطة ال
Macro-vascular Complications
عشان كدا تلاقي علاقة بين السكر والضغط ف المريض المهمل اللي مش واخد باله من نفسه

مرض السكر مهم وال management بتاعه أهم ودورك ك صيدلي في النصائح وتثقيف المريض أهم وأهم

#وشكراً ❤️ 👋 🌹

من أهم التحاليل إللي لازم نعرفها وهي :
⚡Creatinine
⚡Creatinine Clearance
⚡Creatinine Kinase

✅تحليل نسبة الكرياتينين Serum Creatinine

الكرياتينين عبارة عن ال waste product الناتجة عن نشاط العضلات اليومي
الكلي بقي بتفلتر الكرياتينين دا وتطلعه برا الجسم عن طريق ال urine ولو في مشكلة في الكلي هتبقي غير قادرة علي فلترة الكرياتينين وهيرتفع مستواه في الدم

النصيحة المهمة ان مينفعش الشخص ياكل لحوم قبل عمل التحليل دا لأنها هترفع بشكل مؤقت نسبه الكرياتينين ف الدم

وزي ما بنقول وناكد في كل تحليل إن النسبة متفاوتة من شخص للتاني وبتتاثر بعده عوامل مهمه

يعني مثلا لو شخص عنده نسبة الكرياتينين عالية ممكن يكون شخص طبيعي ومعندوش مشكلة صحية ولكن :

✍️بيروح الجيم كتير وبيعمل تمارين رياضية كتير
✍️بيأكل لحوم كتير
✍️بياخد بعض الأدوية اللي بترفع السيروم كرياتينين
✍️او ممكن يرتفع بشكل بسيط اثناء الحمل

فلازم نتأكد من كل العوامل الخاصة بالشخص دا عشان نعرف نقيم النتيجة بشكل كويس

✅في تحليل تاني إسمه
Creatinine Clearance test CrCl (ml / min)
ودا بقي تحليل بيوضحلك نسبة الكرياتينين إللي في الدم إلي نسبته في البول ودا بيكون أفضل شوية لمعرفة أمراض وكفاءة الكلي

✅وفي تحليل تالت اسمه
Creatinine kinase test CK
ال CK دا عبارة عن نوع من البروتين موحود في القلب والعضلات و كميات قليلة في الدماغ
ودا في منه ٣ أنواع
✍️ال CKMM ودا موجود في العضلات
✍️ال CKMB ودا موجود في عضلات القلب
✍️ال CKBB ودا موجود في انسجة الدماغ

لو نسبة البروتين دا عالية دا معناه إن في مشكلة مشكلة في العضلات أو القلب أو الدماغ علي حسب النوع بتاع ال CK
التحليل دا ليه إسم تاني وهو ال
Creatinine Phosphokinase CKP
وزي ما بنقول ديما في عوامل بتتداخل وتأثر علي نسبة التحليل يعني مش شرط إن ال CKMB عالي يعني الشخص دا عنده مشكله في القلب
(ما عدا لو هو حصلتله مشكله في القلب وبيتابعها بالتحليل دا )
من ضمن الحاجات إللي بتأثر علي نسبة التحليل دا هي
✍️العدوي والالتهابات
✍️بعض الادوية
✍️اضطرابات هرمونات الجسم

وشكرا🤍 💁‍♂️

حقن التخسيس والسكر الشهيرة
Byetta® Saxenda® Victoza® Trulicity® Ozempic® wegovy® Rybelsus®

في البداية خلينا نعرف إزاي الأدوية دي بتشتغل ونجيب الموضوع من الأول خالص كدا

الطبيعي أثناء تناول اي طعام أو شراب يحتوي على السكر يبدأ الجسم بإمتصاص السكر دا من الأمعاء وبالتالي هينتج عنه تنبيه لخلايا خاصة في الأمعاء تسمى
Enteroendocrine cells
والخلايا دي بتفرز هرمونات أو ببتيدات معينه كدا نتيجة لتحفيزها إللي حصل لما شافت السكر
وتنبيه الخلايا دي يؤدي لإفراز هرمونات تسمى ↙️
incretins
الهرمونات دي بيتم افرازها من الأمعاء وليس البنكرياس وتفرز بعد دقائق من الاكل
اهم الهرمونات دي هو هرمون اسمه↙️
Glucagon-like peptide-1 (GLP-1)

ثواني قبل منكمل كلامنا
هو الجلوكاجون دا مش بيزود السكر أصلا
والمفروض الحاجات دي اتفرزت عشان تقلل السكر
ف إزاي إسمها Glucagon like إزاي شبه هرمون الجلوكاجون ؟؟! 🤔 🤔

بص يا سيدي الببتيد دا يشبه هرمون الجلوكاجون glucagon من حيث الشكل لكنه يختلف عنه من حيث الوظيفة تماماً

الهرمون دا بيرتبط بمستقبلات خاصة بيه والمستقبلات بتاعته كتيره اهمها إللي موجودة في خلايا بيتا والفا ف البنكرياس وكل واحده فيهم ليها وظيفة لما يرتبط بيها

GLP-1Rs are particularly abundant in β-cells, where they drive glucose-dependent insulin secretion,

Also present in α-cells, where they mediate the inhibition of glucagon secretion,

And present also n the intestine, lung, kidney, heart, blood vessels, lymphocytes, and peripheral and central

ونتيجة لكلامنا دا ال Glucagon like peptide هيقوم بالوظائف الاتية :

1 - تنبيه خلايا البنكرياس لإفراز الأنسولين .
2- تثبيط إفراز الجلوكاجون .
3- إعطاء إلاحساس بالشبع .
4- تقليل وقت تفريغ محتوى المعدة .
5- بيروح للمخ و يقلل من الاحساس بالجوع
( بيسد الشهية)
وهتلاقو صورة ف الكومنت فيها كل شغل ال GLP1

وبما إن الحلو مبيكملش ف الببتيد دا بيقعد ف الدم فترة صغيرة اوى دقائق معدودة

ودا بسبب إنزيم غلس شوية إسمه
Dipeptidylpeptidase-4 enzyme

طيب إحنا عاوزينه يطول ف الدم نعمل إيه ؟؟؟! 🤔
تمام نوقف الإنزيم دا ودي فئة من الادوية إسمها 👏
DPP-4 inhibitors
او ممكن نعمل إيه كمان ؟!
نعمل حاجه تحاكي الببتيد دا اللي هو GLP-1

عملو اولا ال exenatide في ال byetta بس دا اخدوه من حيوان معين كده شبيه لل GLP1 ولكن كان لازم يتاخد مرتين في اليوم بالحقن تحت الجلد ويكون قبل الاكل بساعه.

بعد كده عملو ال liraglutide اللي في ال victoza لعلاج السكر ٢ و لما لقوه بينزل الوزن عملو منه ال saxenda نفس الفكتوزا بس الفرق ان قلم الساكسيندا بيدي جرعات اعلي فينزل وزن اكثر ولكن كان لازم يستعمل جرعه واحدة يوميا .

عملو ال dulaglutide ودا في ال trulicity بتاع شركة Elli lliely للسكر من النوع التاني و بينزل الوزن و بيتحقن مرة واحده في الاسبووووع بس كان نتيجته لتنزيل السكر التراكمي اقل من الفكتوزا .

جت شركة Novo Nordisk وطورو اكتر وصنعو الدواء الاشهر وهو ال semaglutide واسمه التجاري "Ozempic "وتم اعتماده لعلاج السكر من النوع ٢ وبيتحقن مرة واحدة في الاسبوع تحت الجلد حقق نتايج كويسه في تنزيل التراكمي

ولما لقو الموضوع نتايجه كويسه جدا قامت شركة Novo Nordisk برضو وعملتلنا حقن ال wegovy ودي اعلي عن ال ozempic تركيزاتها 1.7 و 2.4

والاوزيمبك موجودة بتركيزات 0.25 و 0.5 و 1

وكمان الشركة عاملة من ال semaglutide اقراص إسمها Rybelsus بتلات تركيزات
3 & 7 & 14

تعالو بقي نرجع لأشهر اتنين وهما ↙️

✅ Saxenda® liraglutide
✅ Ozempic® semaglutide

↩️يستخدمو لعلاج السكري من النوع الثاني
Type 2 DM
لكن تختلف الجرعة
Saxenda® (0.6-1.8) mg once daily
نبدأ بجرعة قليلة ثم نزيد الجرعة كل إسبوع

Ozempic®
(0.25-1) mg once weekly
نبدا بجرعة قليلة ثم نزيد الجرعة كل شهر
علي حسب الحالة

ودا من الفروقات بين الاتنين إن ال Saxenda جرعتها يومية وال Ozempic جرعة أسبوعية

ودا لأن الاوزيمبك بتفضل ف الجسم فترة طويلة علي عكس ال Saxenda إللي عمر النصف بتاعها حوالي ١٦ ساعة

↩️ يستخدمو لعلاج السمنة في حال كانت
Body mass index (BMI) > 30
ولو كان الشخص عنده سمنه وسكر ف الحالة دي يفضل حقن ال Ozempic

الجرعات في حالة علاج السمنة

liraglutide
dose is 0.6 mg once daily for one week then 1.2 mg once daily for one week then 1.8 mg once daily for one week then 2.4 mg once daily for one week then 3 mg once daily as maintenance dose .

semaglutide
dose is 0.25 mg once weekly for month then 0.5 mg once weekly for month then 1 mg weekly for month up to 2.4 mg as maintenance dose

في حالة لم يتم انخفاض الوزن على الأقل بنسبة تتراوح ما بين 5%-4% بعد 16 اسبوع من الإستخدام يجب وقف العلاج و يعتبر حينها العلاج غير ناجح

هما الاتنين ممكن يسببو الإسهال و الغثيان خصوصا في بداية العلاج ، ودا السبب بالبدء بجرعات قليلة و زيادتها تدريجيا .

وخلي بالك عليهم تحذير من FDA إنها ممكن تسبب ⬇️
thyroid C cell carcinoma
لذلك ممنوعين في حال وجود تاريخ مرضي عائلي عند المريض

طيب لو عاوزين النقط الجوهرية بين الاتنين ؟! 🤔
بص يا سيدي

اوزيمبك ينفع للتخسيس زي الساكسندا
لكن الاوزيمبك افضل للي عندهم (سمنة + سكر)

ال Saxenda افضل (اكثر أمانا) للي عندهم (سمنة) بس

ال Ozempic تأثيره في إنقاص سكر الدم أكتر شوية من الساكسندا، لكنه في المقابل احتمالية حدوث هبوط السكر hypoglycemia معاه اكتر من الساكسندا

يعني ال Ozempic افضل لمرضى السمنة و السكري و ال Saxenda افضل لمرضى السمنة فقط

حدوث الغثيان و الاسهال مع ال Ozempic اكتر من Saxenda على الرغم ان الاوزيمبك بيتاخد اسبوعيا و الساكسندا يوميا.

لو انقطعت فترة شهر أو آكتر عن الحقن وحبيت ترجع هتبدأ من أول جرعة

لو وصلت لحد هنا ف انا حابب اديلك تحية وأشكرك جدا ♥️
متنسوش تشيرو البوست 🤍
#Dr_Eshak_Marzouk

معلومة مهمة جداً عن دواء الاميودارون المستخدم في علاج اضطراب نظم القلب
https://m.facebook.com/story.php?story_fbid=646947794127511&id=100064368871617&mibextid=Nif5oz