💎 #معلومه ..

♦️لازم تاخد بالك وانت بتغير لمريض عنده #قرح_فراش Bed sores ..

🔹 #ممنوع استخدام البيتادين الجراحي في الغيار علي قرح الفراش .....طيب ليه 🤔

🔹 لانه يحتوي علي اليود الي بيتسبب في كي الانسجه وحرقها وبيموت الخلايا الجديده الي بتعمل التئام القرحة☑️

بخصوص سؤالنا المرة الفاتت عن سبب وجود حمض الفوليك في بعض ادوية منع الحمل ؟!

✅استخدام حبوب منع الحمل مرتبط بحدوث نقص في مستوي حمض الفوليك في الجسم ف اضافته مع حبوب منع الحمل حاجة كويسة عشان يضمن مستوي الفوليك عند السيدات إنه يكون طبيعي

✅كمان ممكن يحصل حمل رغم أخد حبوب منع الحمل لكتير من الأسباب نسيان الحباية أو حالة تكون محتاجه تاخد وسيلة تانية مع الحبوب ومخدتش وغيرها من الاساب وكلنا عارفين إن حمض الفوليك بيستخدم للوقاية من تشوه الانبوب العصبي للطفل Neural tube defect
ودي كانت نقطة قوية برضو إنه بيحافظ علي مستوي الفوليك وحتى لو حصل حمل بالخطأ يحافظ على صحة الجنين دا ♥️👌

✅Reduce risk of birth defect if pregnancy occur
✅Ensure adequate folate level in body

معلومات عن محلول الباراسيتامول الذي يستخدم بالتنقيط الوريدي ✅
https://m.facebook.com/story.php?story_fbid=pfbid02oq5NmAaFUHu2rVExPjA6gEx5RGqTvqy5wAw3ATrYKC2TvRmeswRGrrQQZaw4abQQl&id=100064368871617&mibextid=Nif5oz
#دمتم_بخير ♥️

تحليل ال C-Peptide 🧪

قياس ال C Peptide في الدم أو ال Urine عشان نعرف من خلالها كفاءة الجسم في تصنيع الانسولين

الانسولين عندنا عبارة عن سلسلتين A and B
ال C Peptide هي الرابطة إللي بتربط ال
insulin A chain with insulin B chain 🔗
والسلاسل التلاته مع بعض إللي هما A, B, C دول إسمهم pro insulin يعني لسا متكونش منهم أنسولين

الرابطة دي بتطلع من خلايا بيتا في البنكرياس لما ال pro insulin يتحول ل insulin

ولما بنقيس الرابطة دي بنشوف كفاءة البنكرياس في تصنيع الانسولين هل قدر يكسر الرابطة C دي ويرميها ف الدم ويطلعلنا أنسولين A, B ولا لا

إيه إللي ممكن اعرفه من خلال تحليل ال C peptide

✅اسباب انخفاض السكر
✅الفرق بين السكر من النوع الأول والثاني
✅متابعة مرضي السكر
✅أورام البنكرياس Insulinoma

لازم تكون صايم لمدة 8 إلى 12 ساعة

High level of C peptide
معني كدا إن البنكرياس بيطلع أنسولين كتير وبالتالي ممكن يكون
Type 2 Diabetes
Cushing syndrome
Insulinoma
Kidney failure

Low level of C peptide
معني كدا إن البنكرياس بيطلع أنسولين قليل وبالتالي ممكن يكون
Type 1 Diabetes
Sever infection
Addison disease
Liver disease

النسبة الطبيعية لل C Peptide بتكون
0.5 to 2.5 ng/ml
بس خلي بالك إن النسبة دي
Individually based on several factors
ممكن تختلف علي حسب عوامل كتير جدا زي بعض الالتهابات وارتفاع حمض اليوريك ومريض السمنة المعرض للسكري وارتفاع الدهون وكمان بتختلف من معمل للتاني
https://m.facebook.com/story.php?story_fbid=pfbid0kmqB7djhMZrAa7J2N8qXPRyamV1HgMpHGZ3gQWeVci7CRSN2x83mwiqgvxGYJSVYl&id=100064368871617&mibextid=Nif5oz
#وشكراً ❤️👋

معلومة ع السريع 💡

✅مريض القرحة او ارتجاع المرئ اللي بيعاني من من حموضة وحرقان في المعدة بعد الأكل يفضل انه ياخد أدوية من فئة ال PPIs وخاصة ال Rabeprazole ودا لانها بتعمل
Inhibition of meal stimulated acid secretion
وبيكون تاثيرها افضل من ال
H2 receptor Antagonist
زي ال Famotidine وال Nizatidine

https://m.facebook.com/story.php?story_fbid=609709664517991&id=100064368871617&mibextid=Nif5oz
#دمتم_بخير ♥️⚕️

يا ريت كلنا نشارك في هاشتاج تكليف دفعة ٢٠٢١
https://m.facebook.com/story.php?story_fbid=612377184251239&id=100064368871617&mibextid=Nif5oz
لازم كلكم تهتمو بالموضوع  يا شباب وتشاركو ✅🙌

🟢في مرض التهاب المفاصل الروماتويدي Rheumatoid Arthritis بيحصل ان جهاز المناعة بيهاجم الخلايا حوالين المفاصل وبيحصل التهابات والم وتورم وعدم القدرة علي الحركة.

🟢يفضل اننا نأخد المسكنات المستخدمة في علاج الروماتويد مساءاً.... طيب ليه ؟! 🤔🤔

🟢لان العوامل المضادة الالتهابات اللي بيصنعها الجسم بتقل اثناء الليل.... ببساطة جدا كلنا عارفين ان الكورتزول وهو احد العوامل المضادة للالتهاب بيقل تصنيعه في الليل وعوامل الالتهابات دي بتزداد بالليل و للاسف الكورتيزول مش بيبقي قادر انه يواجه كمية السيتوكين والانترلوكين و عوامل الالتهابات الكتيرة اللي بتغير من رد فعل جهازك المناعي.

🟢عشان كدا مرضي روماتويد كتير ممكن تلاقيهم بيشتكو من morning stiffness

🟢لما تاخد المسكنات مساءاً يبقي هتقلل عوامل الالتهابات دي وتمنع الألم وال stiffness اللي بيصحي عليه بعض مرضي الروماتويد.

المصدر:
https://pubmed.ncbi.nlm.nih.gov/21529303/

https://arthritis-research.biomedcentral.com/articles/10.1186/ar4146

#دمتم_بخير ♥️

قبل صرف دواء "NETLOOK " المستخدم في حالات حب الشباب لازم نسأل على تاريخ عمل أي عمليات ف العيون أو ارتداء عدسات العين
ودا لإن الدواء بيسبب جفاف العين
وممكن يسبب مشاكل شديدة في الإبصار
Dry eye syndrome
Contact lens intolerance
Photosensitivity
Reduce night vision
#دمتم_بخير ♥️

لما حد يسألك ليه اخترت كارير صيدلة ؟!
https://fb.watch/kHah9LVwoA/?mibextid=Nif5oz

#Movicol_sachets

🔹يحتوي على المادة الفعالة Macrogol أو البولي ايثيلين جليكول واللي يعتبر Osmotic Laxative بيجذب جزيئات الماء ويدي التأثير الملين

✅ Increasing the water content and volume of stool, making it easier to pass.

✅Lubricate intestinal wall make stool easier to pass without straining or discomfort

🔹من النقاط المميزة جداً إن الدواء مش بيمتص ف الجسم لأنه بوليمر وزنه الجزيئي كبير وبالتالي مش هيعمل أي مشاكل أو تاثيرات جانبيه علي عكس غيره من الملينات

🔹بيستخدم قبل عمل منظار القولون Colonoscopy عشان يعمل تفريغ للأمعاء والفحص يكون واضح

🔹أفضل خيار في حالات الإمساك المزمن
ومناسب للإستخدام اثناء الحمل والرضاعة

🔹مش بيعمل أي تداخلات مع الأدوية أو يقلل امتصاصها

🔹مش بيأثر علي نسبة المعادن في الجسم ودا لإنه بيحتوي على
Sodium chloride, Sodium bicarbonate, Potassium chloride so ↙️
No electrolyte imbalance occur

🔹وبالتالي مش هيأثر علي مرضي القلب والضغط ومش هيحصل منه جفاف عند الاستخدام

🔹مش بيسبب كسل القولون atonic colon عكس بعض الملينات الأخري من فئة osmotic laxative
إللي بتعمل كدا و الشخص بيبقي متعود عليها ديماً

🔹هيكون أفضل خيار لمرضي البواسير إللي بيشتكو من الإمساك لأن هيعمل انزلاق للفضلات بدون خدوش او جروح ومش هيزود الألم عند المريض، عكس بقية الملينات اللي بتشتغل بطرق أخري وبكدا الحالة تخلصت من الإمساك، وفي نفس الوقت محصلهاش مشاكل

تقدر تطلع الدواء OTC بدون مشاكل وجرعاته كالتالي :👇

🟢جرعته في حالات ال Constipation العادي بتكون كيس من مرة إلي ٣ مرات يومياً علي حسب شدة الحالة

🟢وجرعته في حالة ال Faecal impaction
٨ اكياس علي لتر من الماء ويوخذ علي مدار ٦ ساعات

#دمتم_بخير ♥️
ومتنسوش الشير الجميل 💛

الفرق بين حقن التخسيس والسكر الشهيرة
Byetta® Saxenda® Victoza® Trulicity® Ozempic® wegovy® Rybelsus®

https://m.facebook.com/story.php?story_fbid=631958782293079&id=100064368871617&mibextid=Nif5oz

معلومات هامة عن دواء السيولة Ticagrelor
https://m.facebook.com/story.php?story_fbid=634866902002267&id=100064368871617&mibextid=Nif5oz

أدوية السكر SGLT2 inhibitors زي
(Empagliflozin - Dapagliflozin - Canagliflozin)

تستخدم بشكل كبير في مريض الفشل الكلوي المزمن او الفشل القلبي لان ليها فايدة في تقليل تدهور الحالات دي بعيداً عن مرض السكر.

تأثيرها كدواء للسكر ممتاز ولكن تأثيرها في خفض السكر يكاد يكون معدوم عندما يصبح ال GFR
(معدل الترشيح الكلوي) اقل من 45 علي عكس بقيه الاستخدامات مع مرضي الفشل الكلوي والقلب ممكن يكون لها فائده حتى لو كان معدل الترشيح الكلوي 20 نتيجتها بتكون ممتازة.

#دمتم_بخير ♥️

مريض بياخد أدوية مضادات الاكتئاب Antidepressant وجالك الصيدلية بيشتكي من :

كحة جافة وإنت طلعتله دواء Tussivan أو رشح و احتقان وطلعتله Pentaflu أو Rhinotus
ف كدا ممكن تأذيه وتوديه ف داهية بعملتك دي


الأدوية اللي تم ذكرها فوق دي تحتوي علي مادة تسمى Dextromethorphan مادة مشهورة جدا ف أدوية البرد ومن مثبطات الكحة الجافة

ال Dextromethorphan بيرفع من مستوي هرمون السيروتونين في الدماغ وأدوية مضادات الاكتئاب بترفع نفس مستوي الهرمون خاصة عيلة ال SSRIs
ممكن مستوي السيروتونين يزيد جدا ف الدماغ لدرجة إنه يحصل ما يسمي ب Serotonin syndrome ودي حالة خطرة جداً بيحصل فيها اضطرابات ف الدماغ ومشاكل ق القلب والضغط وعضلات الجسم

وكمان ال Dextromethorphan بيثيط من metabolism بعض الأدوية من مضادات الاكتئاب
ف هيخلي مستواها يعلي ف الدم وأعراضهم الجانبية تبقي اكتر أو العكس بعض مضادات الاكتئاب هي إللي تقلل metabolism ال Dextromethorphan

ف لازم مهما كان الشخص إللي داخلك الصيدلية بيطلب حاجه بسيطة زي دواء كحة أو برد تسأله وتعرف منه لو بياخد أدوية تانيه ولا لا

متنسوش الشير الجميل وتفيدو غيركم
#وشكراً ❤️ 👋

Aceclofenac & Diclofenac

هما الاتنين من عائلة ال NSAIDs بيستخدمو في تخفيف الألم والالتهابات
يا تري ايه نقاط الإختلافات!!؟

✅ الاستراكشر بتاع الدواء نفسه ال Aceclofenac هو مشتق من ال Diclofenac عن طريق اضافة مجموعة استيتل Acetyl group عشان كدا سمو Aceclofenac

✅ مجموعة الاستيل إللي اتضافت دي خلت المركب أكثر قوة من حيث تأثيره كمضاد للالتهابات فقط

✅ ال Aceclofenac تأثيره علي المعده لطيف شوية عكس ال Diclofenac

✅ ولكن ما زال ال Diclofenac الاكثر استخداما في حالات زي الروماتويد والخشونة ومشاكل والآلام العظام المختلفة لكثرة وتنوع أشكاله وتصميماته الدوائية زي ال
Arthrofast 150mg
Olfen 100 SR Depocaps
#دمتم_بخير ♥️

اتكلمنا قبل كدا عن الاوزيمبك والساكسندا بالتفصيل

انهاردا هنتكلم عن حقن #المونجارو #Mounjaro إللي بتحتوي علي المادة الفعالة ال Tirzepatide

The first and only FDA approved GIP and GLP-1 receptor agonist

يستخدم ال Tirzepatide عن طريق الحقن مرة واحدة في الأسبوع وتم تطويره بواسطة شركة Eli Lilly لعلاج مرض السكري من النوع 2

الجديد بقي إنه بيشتغل عن طريق ٢ ميكانيزم
اولاً هو عبارة عن بولي ببتيد بينشط افراز الانسولين اعتماداً علي نسبة الجلوكوز الموجودة (GIP)
Glucose dependent insulinotropic polypeptide

وكمان محفز لمستقبلات الببتيد -1 (GLP-1) إللي يشبه الجلوكاجون ودا اللي اتكلمنا عنه بالتفصيل في بوست ال Ozempic & Saxenda

الميزات الرئيسية لـ Tirzepatide هي :

✅ الجرعات مرة واحدة في الأسبوع زي ال Ozempic وال Wegovy

✅ بيقلل بشكل كبير من مستويات السكر التراكمي HbA1c

✅ بيعزز من فقدان الوزن لدى مرضى السكري من النوع 2.

✅في التجارب السريرية لقيو إن ال Tirzepatide ليه فوائد للقلب والأوعية الدموية زي الحد من مخاطر الأحداث القلبية الوعائية العكسية (MACE)

✅بالاضافة لشغله وهو الارتباط بمستقبلات GIP و GLP-1 في البنكرياس ودا اللي بيحفز إفراز الأنسولين ويقلل من إفراز الجلوكاجون فهو كمان بيساعد على إبطاء إفراغ المعدة ودا بيساعد على تنظيم مستويات السكر في الدم بعد الوجبات

✅ ال Dual mechanism إللي شغال بيه هو إللي بيساعد علي فقدان الوزن بشكل أكبر.

المصادر :
https://www.lilly.com/news/media/media-kits/mounjaro

https://www.mounjaro.com/
#دمتم_بخير ♥️