#تداخل_دوائي_هام ⚠️ ⚕️

يُمنع استخدام الأدوية التي تحتوي على مشتقات فطر ال #ERGOT مثل (Ergotamine) قبل مرور 6 ساعات على الأقل "بعض الدراسات تقول 24ساعة" بعد تناول أدوية مجموعة #Triptans مثل (Sumatriptan)
كما يُمنع تناول أدوية مجموعة #Triptans التي تستخدم ف علاج الصداع النصفي والعنقودي قبل مرور 24 ساعه على الأقل من تناول ادوية مشتاقات ال
#ERGOT (ergotamine) .

وذلك تجنباً لحدوث ضيق شديد للأوعية الدموية
Severe vasoconstricrion.

https://youtube.com/@eshakmarzouk8196.
#دمتم_بخير ♥️

جواب مفصل لسؤال المرة الفاتت ووهو
اي من الحقن الاتية لا تستخدم اثناء الحمل؟؟؟
(Depovit - neurotone - livabion)

وخلونا نجاوب علي السؤال دا بمقارنة بين حقن النيوروتون والليفابيون

#Neurotone VS #Livabion

⚕️ يحتوى نيوروتوتن على 5 فيتامينات اساسيه و هم:

🟢ثيامين هيدروكلورايد (فيتامين ب1): 250 مجم.
🟢بيريدوكسين هيدروكلوريد(فيتامين ب6) 150مجم.
🟢سيانوكوبالامين (فيتامين ب12): 250 ميكروجرام.

✍️بالمناسبة النيوروتون اقراص فيها المادتين دول زيادة عن النيوروتون امبول👇👇
1-ريبوفلافين فوسفات (فيتامين ب2): بتركيز 20 مجم.
2-حمض الفوليك: بتركيز 500 ميكروجرام.

⚕️ يحتوي كل 2 مللي من حقن ليفابيون على المواد الفعالة التالية:

🟢فيتامين ب12(Vitamin B12): 500 ميكروجرام.
🟢فيتامين ب6 (Vitamin B6): 4 ملليجرام.
🟢 فيتامين ب1 (Vitamin B1): 5 ملليجرام.
🟢حمض الفوليك (Folic Acid): 1000 ميكروجرام.
🟢نيكوتيناميد (Nicotinamide): 20 ملليجرام.
🟢بانثينول (Panthenol): 6 ملليجرام.
🟢حمض الأوروتيك (Orotic Acid): 10 ملليجرام.

#أولاً
هنلاقي اختلاف في المواد الفعالة وتركيزاتها
منها مثلاً ان تركيز فيتامين ب-12 اعلي في حقن الليفابيون
وتركيز فيتامين ب-1 وب-6 اقل

ثانيا#
جرعة النيوروتون بتكون من مرتين الي 3 مرات اسبوعياً
جرعة الليفابيون مرتين اسبوعياً

#ثالثا
يمكن استخدام حقن النيوروتون في الحمل والرضاعة ولكن تحت اشراف طبي متخصص

ولكن لا يمكن استخدام حقن الليفابيون اثناء الحمل او الرضاعة او في حديثي الولادة

ودا لان الليفابيون بتحتوي علي مادة حافظة اسمها الكحول البنزيلي وسبق واتكلمنا عن المادة دي
وبتعمل ايه في بوست منفصل ودا اللينك بتاعه : 👇
https://m.facebook.com/story.php?story_fbid=409858933952019&id=110811157190133&mibextid=Nif5oz

#رابعاً
حقن الليفابيون ممنوعة تماماً مع مرضي النزيف ودا عشان بتحتوي علي مادة البانثينول اللي ممكن تزود من مخاطر حدوث نزيف
https://youtube.com/@eshakmarzouk8196
#دمتم_بخير❤❤

ازاي نستغل الاثر الجانبي للدواء ونخليه استخدام واستخدام مهم جدا كمان 👌👌

🟢المضاد الحيوي #اريثرومايسين #Erythromycin من عائلة الماكروليد #Macrolodes من اعراضه الجانبيه الشهيرة هي حدوث اضطرابات في الامعاء بيزود حركة الامعاء بشكل كبير لدرجه انه ممكن يعمل مغص واسهال

🟢طيب طالما هو بيعمل انقباضات شديدة كدا في الامعاء يعني ممكن ينشطلنا الأمعاء الكسلانة اللي مش شايفه شغلها

🟢يعني لو مريض بيعاني من كسل او مشاكل في حركة الامعاء حاسس ان امعائه واقفه مش شغاله مش بتهضم مش بيروح الحمام او بعد العمليات الجراحيه..... سعتها بقي لازم ندي الاريثرومايسين عشان يحرك الامعاء ويخليها تنقبض وتنشط

🟢في حالة إسمها Gastroparesis يعني شلل المعدة ودي بتحصل عشان العصب اللي بيغذي المعدة حصل فيه مشاكل وبدا يلتهب ويتدمر فهتلاقي الأكل بيمر ببطء وبصعوبة إلي الاثني عشر وكمان بيفضل وقت اطول في المعدة

🟢الاريثرومايسين بيشتغل في الحالات دي ك Prokinetics يعني دواء بيسبب حركة في الامعاء

🟢بيتم اخذه بجرعة ٢٥٠ ملليجرام قبل الاكل عشان ينشط المعدة ويمنع القئ والامساك.
https://youtube.com/channel/UCZMWE6ZtlcXbQArUyoiqCTw
#دمتم_بخير ♥️⚕️

مضادات حيوية لا تحتاج الي ضبط جرعتها في حالة مرضي الكلي وهي :👇 👇

Ceftriaxone
Cefoperazone
Azithromycin
Erythromycin
Linezolod
Moxifloxacin
Doxycycline
Minocycline

بس خلي بالك من اخر اتنين دول تبع عيلة ال Tetracycline ولو اديتهم بعد انتهاء تاريخ الصلاحية بتاعهم هيدمرو الكلي ويعملو متلازمة إسمها Fanconi syndrome.
https://youtube.com/channel/UCZMWE6ZtlcXbQArUyoiqCTw
#دمتم_بخير ♥️

⚕️مفيش حاجة إسمها المسكن الأقوي أو المسكن الافضل لكن في المسكن المناسب للحالة المناسبة.

⚕️المسكن المناسب في حالات المغص الكلوي هو ال Diclofenac ولكن ممنوع مع مريض القلب.

⚕️المسكنات الآمنة في حالة الرضاغة هي ال Naproxen وال Ibuprofen.

⚕️معظم المسكنات ممنوعة في الاطفال اللي بتعاني من الصفرا ودا لانها بتعمل displacement لمادة ال bilirubin.

⚕️ال Aspirin ممنوع في الاطفال تحت سن ١٨ سنة كخافض للحرارة لاحتمالية حدوث متلازمة خطيرة اسمها Reye Syndrome.

⚕️ ممكن تلاقي الأسبرين مكتوب في روشته مع دواء البلافيكس ودا عادي جداً في حالات معينه وبيوفر حماية من الجلطات بنسبه كبيرة.

⚕️السيدات اللي بتاخد اسبرين زي ال Ezacard او غيره علي حسب ميحدد الدكتور دا بيكون بجرعة صغيرة وعشان يحميها من مخاطر تسمم الحمل او ارتفاع الضغط وكمان ليه دور في الحفاظ على حياة الجنين.

⚕️الSalicylic Acid بيستخدم topical علي الجلد كمقشر زي حالات عين السمكة.

⚕️مادة methyl salicylate اللي بنشوفها كتير في الكريمات دي بتشتغل counterirritants وبتستخدم في كريمات المساج لعلاج او تخفيف ألم الخشونة.

⚕️المريض اللي بيعاني من مشاكل في المعدة وبياخد مسكنات لفترة طويلة وبتسببله مشاكل في المعدة انصحه انه ياخد مضادات الحموضة PPIs عشان يحمي المعدة من القرحات.

⚕️المسكنات الأقل خطورة في مريض القلب هي ال Paracetamol وال Naproxen.

⚕️مريض جلطة الدماغ أو القلب اللي بياخد أسبرين ممنوع انه ياخد مسكن تاني معاه في نفس الوقت زي ال بروفين مثلا والا هيزود من مخاطر الجلطات دي عنده.

⚕️المسكنات ممنوعة مع مريض ال asthma لانها بتزود مادة ال leukotriene ودي بتعمل انقباض للحويصلات الهوائية وبيتم استخدام دواء ال montelukast للتغلب علي المشكلة دي لو حصلت عن غير قصد.

⚕️ال Ibuprofen يعتبر أقل خطورة علي المعدة ولكن الميزة دي بنفقدها في الجرعات العالية.

⚕️ال Indomethacin ليه اكبر خطورة علي المعدة عشان كدا لازم ننصح الشخص اللي مستمر عليه لفترة طويلة انه ياخد باله وياخد حاجة تحمي المعدة.

⚕️دواء Aceclofenac هو عبارة عن إستر لل Diclofenac واعراضه الجانبية أقل منه.

⚕️ال ketorolac وهو من أقوي المسكنات ولازم يستخدم لفترة قصيرة (أقل من ٥ أيام ) وفي حالات معينة زي ألم الاسنان الحاد والكسور وغيرها.

⚕️أدوية ال Enolic Acid ومن أشهر أفراد العيلة دي
Piroxicam - Tenoxicam - lornoxicam - Meloxicam.

⚕️ال Piroxicam ودا مفعولة بيستمر لفترة طويلة - (once daily) وبيسبب مشاكل في المعدة.

🟢ال Tinoxicam ودا أفضل شوية من ال piroxicam من حيث تأثيره علي المعدة.

🟢ال Lornoxicam دا ليه تأثير سريع وبستمر لفترة صغيرة.

🟢ال Meloxicam ودا ليه تأثير ضعيف علي المعدة ولكن ليه مخاطر علي القلب.

⚕️دواء ال Ponstan forte أو ال Mefenamic acid هو الاختيار الأول في حالات ألم ومغص الدورة الشهرية.

⚕️ال Novalgin من الأدوية المحرمة دولياً لانه بيعمل تكسير في كرات الدم البيضاء (Agranulocytosis) ولكن للاسف ما زال مستخدم عندنا في مصر.

⚕️الأدوية اللي بتشتغل علي انزيم ال COX-2 فقط زي ال Celecoxib بيتم استخدمها في علاج الروماتويد والخشونة وممنوع عند مريض القلب والشخص اللي عنده حساسية من السلفا.

https://youtube.com/channel/UCZMWE6ZtlcXbQArUyoiqCTw

دمتم بخير وصحة ديما ♥️
رمضان_كريم ♥️

-تقنية توصيل أدوية استنشاق معلقة بالجرعات المضغوطة

Co-suspension delivery technology in pressurized metered-dose inhalers

واختصارها هي #PMDIs

-تعد #PMDIs واحدة من التقنيات الجديدة المستخدمة لإيصال أدوية #الربو ومرض #الانسداد_الرئوي_المزمن

-توفر هذه التقنية جرعات موحدة وتضمن استقرار التعليق

-يسمح بدمج العديد من الأدوية ذات الخصائص المتغيرة في PMDI واحد.

-بخاخ #الميديكورفال يحتوي علي مادتي ال #Budesonide وال #Formoterol

-مادة ال #Budesonide هو أحد الكورتيزونات التي تعمل علي الحد من تهيج وتورم منافذ الهواء

-مادة ال #Formoterol تعمل علي مستقبلات بيتا-2 حيث تساعد علي ارخاء وفتح ممرات الهواء وجعل التنفس اكثر ارتياحاً

-يوصف بخاخ الميدكورفال في حالات #الربو_الشعبي #وحساسية_الصدر وأمراض الرئة المزمنة وانسداد الشعب الهوائية المزمن

-مفيد في الحالات المزمنة ولا يتم استخدامه في حالات الازمة الحادة بل يتم استخدام الأدوية سريعه المفعول مثل سالبيوتامول

-لا تحدث أي أثار جانبية من الكورتيزون في هذا البخاخ حيث يتم التوصيل الي الرئتين #مباشرة

-الدواء مناسب للاطفال من فوق سن 4 سنوات ولكن يفضل جلسات البخار مع الأدوية الأخري

-يجب #رج البخاخ قبل الاستخدام

-اذا كانت الجرعة الموصوفة لك 2 بخه فيجب الانتظار #دقيقة بين كل بخه

-اذا كنت تستخدم بخاخات أخري مع ميديكورفال يجب ان تجعل ميديكورفال الأخير الذي تستعمله

-سؤال: لماذا يجب الغرغرة وغسل الفم بعد استخدام ميديكورفال بخاخ؟؟

#دمتم_بخير❤❤

#معلومة ❤️⚕️

#ساكوبيتريل هو دواء يستخدم لعلاج قصور القلب.

بيشتغل عن طريق تثبيط إنزيم #النبريليسين اللي بيكسر بعض الهرمونات اللي بتنظم ضغط الدم وتوازن السوائل في الجسم.

عن طريق تثبيط neprilysin يزيد sacubitril من مستويات الهرمونات المنظمة دي

ودا هيؤدي إلى تحسين تدفق الدم وتقليل تراكم السوائل في الجسم.

#فالسارتان هو مانع لمستقبلات الأنجيوتنسين
Angiotensin recoptor blocker (ARBs)

يؤدي الجمع بين الدوائين دول إلى زيادة مستويات حاجة مهمة جدا إسمها Natruritic peptides
(التي تساعد على تقليل حجم الدم وضغط الدم)

وفي الوقت نفسه تقليل نشاط نظام الرينين - أنجيوتنسين - ألدوستيرون (RAAS).

ال ٢ ميكانيزم دول مع بعض هيحسنو الأعراض ويقللو من خطر فشل القلب في المرضى اللي بيعانو من قصور القلب المزمن مع انخفاض الكسر عشان كدا هنلاقي إن شركة نوفارتس ابدعت وضافت المادتين في نفس التابلت ❤️👌

ليه بيتم اضافة دواء ال phenylephrine مع ال Cyclopentolate في نفس القطرة ؟!

ال Cyclopentolate بيعمل Mydriasis بيوسع حدقة العين والميكانيزم دا مفيد جداً في فحص قاع العين

ال phenylephrine بينشط مستقبلات ألفا في قزحية العين ودا برضو بيخلي حدقة العين تتسع وبالإضافة لكد بيعمل Constriction في الاوعية الدموية بالتالي ضغط العين هيقل وهيدي صورة أوضح في الفحص

بالتالي هما الاتنين بيكملوا بعض في الفحص لقاع العين وعلاج ارتفاع ضغط العين

#وشكراً ❤️👋

ليه بيتم اضافة دواء ال Ezetemibe مع دواء Statins رغم ان هما الاتنين بيقللو نسبة الكوليسترول في الدم ؟؟

بص يا سيدي وبكل بساطة ال Ezetemibe دا بيمنع امتصاص الكوليسترول وال Statin بيمنع تصنيع الكوليسترول في الكبد

ف بالتالي أنا منعت الامتصاص لما ناكل أي حاجه فيها كوليستيرول ومنعت التصنيع كمان وحصلت علي فعالية أقوي وقللت الجرعات من كلا الدوائين لما ضفتهم مع بعض ♥️👌

Allow dual inhibition of both cholesterol production and absorption ♥️👌

https://m.facebook.com/story.php?story_fbid=591144479707843&id=100064368871617&mibextid=Nif5oz

#وشكراً ❤️ 👋

✍️من أفضل أدوية مثبطات مضخة البروتون PPIs
يحتوي على المادة الفعالة Pantoprazole

✍️يستخدم في علاج ارتجاع المرئ و حموضه المعده وآلآم فم المعده وقرح المعده

✍️ضمن العلاج الثلاثي للتخلص من الميكروب الحلزوني أو جرثومة المعدة

✍️المميز في الدواء العبقري دا إنه أفضل واحد من ال PPIs بيستخدم في الوقاية من قرحه المعدة بصفة عامة وبصفة خاصة لما الشخص يكون بياخد المسكنات NSAIDs زي البروفين والكتافلام وغيره لفترات طويله وعلي معده فارغه

✍️كمان تقدر تستخدمه في حالات مهمة جداً زي
1️⃣Stress Ulcer
2️⃣Nocturnal Heartburn
3️⃣Acid stimulating Heartburn

يعني لو بيحصل حموضة بعد الأكل أو الحموضة بتزداد بالليل ال Controloc هيحل المشاكل دي

ومفيش بديل ولا غني عن ال Controloc حقن خاصة في حالة Stress Ulcer

✍️كمان الميزه في الدواء ده انه ليه تداخلات دوائيه قليله جداً وبيستخدم بآمان مع المرضي اللي بياخدو أدويه تحتوي علي الكلوبيدوجريل زي البلافيكس 👌

#وشكراً ❤️

موضوع عن ال Glycopyrronium❤️

واستخدامه في علاج الأزمة والإنسداد الرئوي المزمن ❤️👌

https://m.facebook.com/story.php?story_fbid=593539466135011&id=100064368871617&mibextid=Nif5oz

الاستخدام المزمن للملينات Stimulant laxative
قد يؤدي إلى مشاكل في الضفيرة العصبية اللي بتغذي الأمعاء ودا بيأدي إلى clonic atony ضعف في حركة الامعاء

فلازم تستخدم في موضعها زي بعد العمليات مثلاً ويكون استخدام بسيط مع الحركة يعني لازم المريض يمشي عشان صحة وحركة الامعاء

بالاضافة لكدا ممكن تعمل انخفاض في ضغط الدم واغماء واضطراب في عناصر الجسم خاصة لو كان الشخص بيعاني من ارتفاع الضغط او السكر
(طبعاً عند الاستخدام المفرط فقط وبدون وعي)

https://youtube.com/@eshakmarzouk8196
#دمتم_بخير ♥️⚕️

دواء #Somazina أو #Cerebroprove أو #fortamind ⚕️

المحتوي علي المادة الفعالة Citicoline ودي مادة موجودة طبيعياً في الدماغ

وهي مكونة من المواد الكيميائية التالية
Ribose - Cytosine - choline - Pyrophosphate

ال Citicoline ليها كذا اسم تاني عشان لو شفتهم علي ادوية متستغربش وهما:
Cytidine diphosphate choline
Cytidine diphosphacholine

وبيتم وصفها في بعض الدول علي إنها مكمل غذائي

بتعمل على زيادة الإشارات الكيميائية المسئولة عن الرسائل والاتصال بين الاعصاب

بتزود مخزون الجسم من مادة الكولين choline
وطبعا الكولين دا محتاجه الجهاز العصبي لتنظيم الذاكرة وتحسين المود ووظائف العضلات

بتقلل من مادة ال Glutamate وبتزود مادة ATP اللي هي الطاقة والغذاء بتاع الدماغ

وبتزود ميتابوليزم الجلوكوز في الدماغ

معني كدا انها بتحسن الذاكرة ووظائف المخ ويتم استخدامها فيما بعد الإصابة بجلطات الدماغ

بيتم استخدامها كمان ف الحالات دي

مشاكل الذاكرة المرتبطة بالتقدم في العمر
مرضي الجلطات الدماغية
مرضي الزهايمر
وكمان الاكتئاب ثنائي القطب

https://m.facebook.com/story.php?story_fbid=584427173712907&id=100064368871617&mibextid=Nif5oz
#دمتم_بخير ♥️ ⚕️

#تداخل_دوائي_هام⚠️⚕️

يفضل عدم إعطاء المضادات الحيوية من عائلة الفلوروكينولون وخاصة #السيبروفلوكساسين (Ciprofloxacin) و المضادات الحيوية من عائلة التتراسيكلين (tetracycline) مع مضادات الحموضة التي تحتوي علي الكالسيوم والماغنسيوم و الألومنيوم مثل : المالوكس والميوكوجيل و الإبيكوجيل

حيث تتداخل هذه العناصر الموجودة في الأدوية المضادة للحموضة مع هذه المضادات الحيوية وتقلل من امتصاصها وفعاليتها بشكل كبير.

لحل هذه المشكلة يجب الفصل بين الدوائين بمدة لا تقل عن ٨ ساعات.
https://youtu.be/UwRcj6cdhbg

#وشكراً ❤️👋

The ultimate chondroprotective Formula

https://m.facebook.com/story.php?story_fbid=pfbid0i3UD618snfb5xWWnetPe5bLA2csZWDEwBUNqjn2LmrTexQ2MFuW87KLKPYz89zqal&id=100064368871617&mibextid=Nif5oz

من أفضل الأدوية الموجودة في علاج مشاكل العظام والخشونة والتهابات المفاصل 👌

ازاي احدد دواء الدهون اللي هستخدمه مع المريض ؟؟!
يعني ايه ال VLDL & IDL & LDL & HDL وهل الدهون دي بتحتوي علي كوليستيرول اكتر ولا ترايجليسرايد اكتر عشان نحدد الدواء هيشتغل علي إيه بالظبط ؟؟
ايه الفرق في الميكانيزم ما بين ادوية الدهون وامتا استخدم دواء واحد وامتا اكثر من دواء؟؟

هات قهوتك☕ وورقة وقلم وركز معايا جامد جداً في البوست دا

هنجيب الموضوع من الأول خالص .....

لو انت دلوقتي أكلت دهون أو زيوت ..... الحاجات دي بتحتوي علي ترايجلاسريد TGوكوليستيرول Cholesterol
ولازم الجسم يتعامل معاهم ويمتصهم ....... ازاي بيحصل الكلام دا ؟؟

هنقسم رحلة الدهون دي ل 3 أماكن

1-اول مكان وهو الامعاء Intestine
بعد اكل الدهون بيشتغل عليهم انزيم اسمه Pancreatic lipase وواضح من اسمه ان بيفرزه البنكرياس
الانزيم دا بيكسر ال triglycerides اللي هما الدهون الثلاثية ل 3 free fatty acid يعني ل 3 دهون حرة عشان نعرف نتعامل معاهم

وعشان الدهون الحرة دي والكوليستيرول يمتصو لازم يروحو علي ال bile acid ودا حمض بيصنعه الكبد ووظيفته هضم الدهون يحول الدهون كدا لمستحلب عشان تقدر المعدة تتعامل معاها

ال bile acid بقي يقوم محاوط الترايجليسرايد والكوليستيرول دول وقافل عليهم وباعتهم علي خلايا اسمها ال Enterocytes

الخلايا دي بتقوم بعجن الدهون وكمان بتحوطها ببروتين وترميها في الدم وكدا وصلنا لتاني مكان وهو الدم Blood stream ❤

2-الintestine هترميهم في الدم في صورة بروتينات كبيرة كدا اسمها Chylomicrons⚡

الchylomicrons# دي هيشتغل عليها انزيم اسمه lipoprotein lipase ودا بيطلع من جدار الشرايين

يبدأ الانزيم دا يكسر في ال triglycerides ويرمي free fatty acid وتقوم الانسجة بحرق الدهون الحرة دي وتطلع منها طاقة

ال chylomicrons دي طول مهي ماشية الانزيم عمال يلطش فيها لحد متوصل لمكان تالت وهو ال Liver

يعني lipoprotein lipase دا عمال يحرق من ال chylomicrons ويرمي لحد محمولتها خفت خالص

3- اللي هيوصل للكبد من ال chylomicrons بعد الضرب اللي خدته دا هو الكوليستيرول فقط وحطام ال chylomicrons او ال remnants

كدا انا عندي كوليستيرول وشوية triglycerides جايين من مخلفات ال chylomicrons
بس قبل منشوف الكبد هيتعامل ازاي خلونا نعرف ان الكبد قادر لوحده انه يصنع كوليستيرول من غير مساعدة اي حد عن طريق انه يجيب مواد precursor ويبدا يشتغل عليها بانزيماته ويحولها لكوليستيرول

زي ال Hydroxymethylglutaryl-CoA أو اختصاره HMG Co A بيشتغل عليه انزيم مهم جدا اسمه HMG CoA Reductase ويحوله لكوليستيرول ودا تاني مصدر للدهون بعد الدهون اللي جاياله من ال Chylomicrons

تالت مصدر وهي الدهون اللي متخزنة في جسمك في ال Adipose tissues بتوصل هي كمان للكبد ودي تالت مصدر

الكبد هيتصرف ازاي بقي ؟؟!!
هيقوم مجمع كل الدهون اللي جاياله دي ويقوم مديهم علقة موت ويحطهم في كيس كدا ويرمي علي الدم ويرميهم في صورة VLDL

طيب ال VLDL دلوقتي ماشية في الدم واحنا قولنا من شوية ان في انزيم بيطلع من جدار الشرايين اسمه lipoprotein lipase بيقوم مكسر في ال triglycerides ويرمي free fatty acid في الدم يعني بيخفف من عليها الشيلة بتاعت ال triglycerides

بالتالي يقوم محول ال VLDL دي إلي دهون اقل في المحتوي من ال triglycerides وهي ال IDL اللي هي ال Intermediate density lipoprotein ويفضل كمان يضرب في ال IDL لحد ميحولها إلي LDL

ال LDL دي ممكن تروح علي الكبد وتتكسر بشرط ان الكبد يكون بيحتوي علي مستقبلاتها LDL receptors يقوم الكبد مكسرها او مصنع منها هرمون او مطلع منها طاقة المهم هنخلص منها بس الشرط مهم ان ميكونش عندك مشكلة جينية تمنع وجود المستقبلات دي عندك Familial hyperlipidemia

طيب لو في مشكلة ومش قادرين نتخلص من ال LDL هيحصل ايه؟؟
هتقوم ال LDL مرسبة الكوليسترول اللي فيها علي الشرايين طول مهي ماشية ترمي علي جدار الشريان

الكوليستيرول اللي علي جدار الشريان بعد كدا هيتأكسد ويقوم متحد بالكالسيوم ويحصل تصلب الشرايين

الكلام دا ممكن يحصل لو الشخص وارث مشكلة في الجينات ومعندوش مستقبلات

عشان كدا بنزعل لما بنشوف في تحليل الدهون ان الشخص عنده ال LDL عالية لاننا عارفين المشكلة اللي ممكن تسببها

ولكن ممكن سيناريو احسن ممكن يحصل متفقدش الأمل وهو ان ممكن جسمك يطلع الكوليستيرول المترسب دا ويشيله يوديه للكبد في صورة اسمها HDL ودي بتحتوي علي كوليستيرول فقط

طيب ايه مصير الدهون او الكوليستيرول دا ؟؟!!

ال HDL دا هيروح للكبد من تاني والكبد يستخدمه يصنع منه هرمونات او يصنع جدار الخلايا او حاجات تانية كتير مش وقتها دلوقني

وعشان كدا بنفرح لما نلاقي ال HDL عالية او طبيعية عشان دي دلالة ان الجسم بيصحح الخطاُ وانه اتخلص من ال LDL

المهم بقي وانت بتقرا تحليل الدهون لازم تعرف مين اللي عالي ومين اللي طبيعي ومين اللي قليل متاخدش التوتال وخلاص عشان تعرف تحدد نوع الدواء اللي هيتم استخدامه

بتحدد الدواء علي اساس ايه طيب ...؟؟

علي اساس نوع الدهون واحتوائها قد ايه من الكوليستيرول وال ترايجليسريد

Chylomicrons contain 90% triglycerides and 5% cholesterol, other 5% is phospholipids and proteins

VLDL contain 75% triglycerides and 20% cholesterol

IDL contain 50% triglycerides

LDL contain 25% triglycerides

HDL contain about 10% triglycerides

تعالو بقي نشوف قصة الأدوية اللي بتشتغل علي الدهون وازاي نستخدمها صح

عندنا مثلاً المجموعة الشهيرة Statins دي بتثبط الانزيم اللي اسمه HMG-CoA reductase
اللي هو يعتبر انزيم مهم جداً في تصنيع الكوليستيرول
بالتالي هو بيقلل ال LDL وبيزود ال HDL وبيقلل كمان الترايجلسرايد بنسبة قليلة
كدا نعرف ان هو مفيد في علاج ال Hypercholesterolemia

ف لما يجيلم تحليل دهون تشوف نوع الدهون العالية وبتحتوي علي ايه وتعرف تحدد هل ادي statin ولا نشوف مجموعة تانية

عندنا مجموعة ال Fibric acid derivatives دي بتزود نشاط الانزيم اللي اسمه lipoprotein lipase ودا اللي مسئول عن تكسير الترايجليسريد زي مقولنا وبيرمي free fatty acid تاخدها الانسجة تحولها لطاقة

بالتالي المجموعة دي بتعالج Hypertriglyceridemia ومن الادوية اللي في المجموعة دي هما ال Fenofibrate and Gemfibrozil

عندنا محموعة كمان اسماه bile acid binding resin ودي بتمسك في ال bile acid في الامعاء وتمنعه انه يساعد علي امتصاص الدهون ويتم طرحها في ال feces وبيقلل كمان امتصاص الكوليستيرول

ولكن لو فاكرين ان الكبد عنده كذا مصدر لتخليق الكوليستيرول ف بالتالي لما يلاقي ان الكوليستيرول تم منع امتصاصه هينشط انزيماته ويصنعه برضو عشان كدا لازم المجموعة دي يتم استخدامها مع ال statins

ال nicotinic acid او فيتامين B3 بيثبط عملية ال lipolysis يعني منع ان الدهون المتخزنة في ال adipose tissue تتفكك وتروح للكبد
وبالتالي بيقلل ال VLDL and LDL ولكن مينفعش استخدمه لوحده لانه ضعيف - يفضل استخدامه في combination مع باقي الأدوية

وهكذا .......

يبقي كدا يا دكتور انت هتعرف تحدد من خلال تحليل الدهون lipid profile انهي دهون اللي زيادة وبعدها انت خلاص بقيت عارف محتوي الدهون دي ايه وعلي اساسه هتحدد الدواء المناسب ❤

نعتذر ع الإطالة ولكن الموضوع مهم ونتمنى تكونو استفدتو
#وشكراً ❤️

💎 #معلومه ..

♦️لازم تاخد بالك وانت بتغير لمريض عنده #قرح_فراش Bed sores ..

🔹 #ممنوع استخدام البيتادين الجراحي في الغيار علي قرح الفراش .....طيب ليه 🤔

🔹 لانه يحتوي علي اليود الي بيتسبب في كي الانسجه وحرقها وبيموت الخلايا الجديده الي بتعمل التئام القرحة☑️

بخصوص سؤالنا المرة الفاتت عن سبب وجود حمض الفوليك في بعض ادوية منع الحمل ؟!

✅استخدام حبوب منع الحمل مرتبط بحدوث نقص في مستوي حمض الفوليك في الجسم ف اضافته مع حبوب منع الحمل حاجة كويسة عشان يضمن مستوي الفوليك عند السيدات إنه يكون طبيعي

✅كمان ممكن يحصل حمل رغم أخد حبوب منع الحمل لكتير من الأسباب نسيان الحباية أو حالة تكون محتاجه تاخد وسيلة تانية مع الحبوب ومخدتش وغيرها من الاساب وكلنا عارفين إن حمض الفوليك بيستخدم للوقاية من تشوه الانبوب العصبي للطفل Neural tube defect
ودي كانت نقطة قوية برضو إنه بيحافظ علي مستوي الفوليك وحتى لو حصل حمل بالخطأ يحافظ على صحة الجنين دا ♥️👌

✅Reduce risk of birth defect if pregnancy occur
✅Ensure adequate folate level in body

معلومات عن محلول الباراسيتامول الذي يستخدم بالتنقيط الوريدي ✅
https://m.facebook.com/story.php?story_fbid=pfbid02oq5NmAaFUHu2rVExPjA6gEx5RGqTvqy5wAw3ATrYKC2TvRmeswRGrrQQZaw4abQQl&id=100064368871617&mibextid=Nif5oz
#دمتم_بخير ♥️