كريمات التفتيح وحب الشباب المحتوية علي
Azelaic acid & Hydroquinon & Tretinoin
يفضل اختبارها على جزء بسيط من الايد مثلا لانها بتعمل حساسية زي :
Melanofree
Acretin
Azaderm
Eldoquine
Skinorin

✅في اتنين من الأدوية لو شخص بياخدهم يفضل توصفله معاهم multivitamin عشان تقلل من الاعراض الجانية وهم:
✅Orlistat
✅phenytoin

أحبتي الغاليين
معلومه طبيه مهمه
الناس الي بتشتكي من وجع منتشر في العظام ،، "نشر" فى الجسم كله بالذات الصبح اول ماتقوم من النوم ،، الام اسفل الظهر ،، تيبس -أحياناً- في المفاصل ،، لفتّ على دكاترة عظام وروماتيزم الدنيا ،، ومفيش أى تحسن واضح ،، او تتحسن وتنتكس وهكذا .. غالبا ده نقص في فيتامين دال بالجسم
الناس دول لو خدوا الدواء ده لمدة ٦ شهور هتقضي على اعراض تماماً بفضل الله .
لو انتى "أنثى" "فقط ست مصرية" اعرفى يقيناً ان عندك نقص فى "فيتامين دال" لان نسبة النقص فيها تصل ل ٧٢٪ في النساء المصريات عموماً ..

لو فكرتى بأه تحملى ،، ومع كل الڤيتامينات والأدوية اللى بتتاخد النقص بيوصل معاكى ل ٥٤٪ وهي نسبة -كبيره

انما لو بترَضعى ،، فنسبة النقص بتعلى لأعلى مستوياتها وبتوصل ل ٧٣٪ ودى ف حد ذاتها كارثة.

بعد سن اليأس ،، ومع تكرار الحمل والرضاعة ونفاذ المخزون ،، ٨١٪ من المصريات اللى عندهم هشاشة عظام عندهم نقص "شديد" فيها.

ڤيتامين "د" مش بس مش واخد حقه ،، لأ ده مُهمَل تماماً في توصيات الدكاترة ،،
ويوم ما يتكتب - على استحياء- بيتكتب بجرعات صغيرة وداخل multivitamines لا تسمن ولا تغني من جوع!!!ولابد من وجود الكالسيوم معه لأنه لايشتغل وحده

انتى عارفه انك لو اخدتى كل يوم وانتى مش حامل ولا بترضعى ٦٠٠٠ وحدة ڤيتامين د (٢ قطارة ڤي دروب) ،، هيقلل من أمراض العظام والمفاصل ،، من الاصابة بالضغط والسكر ،، مضاد للإكتئاب ،، مضاد للسرطان ،، مزود للمناعة .. وكل دى أبحاث مؤكدة في أرقى جامعات العالم ..!

طيب عارفة ان حضرتك لو حامل وخدتى ٦٠٠٠ وحدة ڤيتامين د يومياً (حوالى قطارتين ڤي دروب برضه) بيقلل من ولادة طفل خديچ (قبل الاوان) ومن حدوث ضغط وسكر الحمل والولادة القيصرية ( دراسات جامعة جنوب كارولينا) ،، مش كده وبس ده لقوا فى أبحاث مؤكدة ان الأمهات اللى اخدوا جرعات فيتامين د عالية في الحمل زودت وزن الطفل ١٠٠ جرام ،، وطوله ٠،٣ سم عن الأمهات اللى مأخدوش ..!!!

بلاش دى ،، عارفه طبعاً ان الطفل المولود لغاية سن سنتين محتاج ڤيتامين د بجرعات مناسبة (٤٠٠-١٠٠٠) وحدة يومياً ،،
ايه رأيك بأه انك لو أخدتى ٦٠٠٠ وحده يومياً(٢ قطارة ڤي دروب) وانتى بترضعي لبنك انتى هيطلع ٨٠٠ وحده لطفلك ومش هتحتاجى تديله أى ڤيتامين د !!!!
ده غير الفايده ليكي ولعظمك ومناعتك وسعادتك -متنسيش انه مضاد للإكتئاب ..

طيب عارفه ان ڤيتامين د آمن ليكى تماماً وان الجرعة القصوى للاستعمال اليومى ١٠،٠٠٠ وحدة دوليه ، وعشان "يترسب" عالكلى ،، ويعمل "حصوات" لازم تاخدى ٤٠،٠٠٠ وحدة يومياً لمدة شهرين عالأقل وده شبه مستحيل ...!!

نصيحة منى والله لكل الستات ،، البنات ،، الآنسات ،، الحوامل والمرضعات ،، ٢ قطارة ڤى دروب يومياً وهتشوفى الفرق 😃
و لكل الرجال
وللاطفال

فكرة المقاله هي توعيه للفيتامين دال في حد ذاته و ليس لماركة بعينها

لو الفيدروب مش موجود هتلاقي في الصيدليه البديل ممكن تاخديه

و فيه اقراص بدل القطارة بتاخدي قرص ٥ الاف وحدة كل يوم
و في اقراص ٥٠ الف وحدة بتتاخد قرص كل اسبوع

و في كمان ابر اسمها ديفارول ٢٠٠ الف وحدة
بتتاخد ابرة عضل كل ٣ اسابيع

الجرعات ديه هي الجرعات العلاجيه للي عندهم شكوي

طيب بعد الست شهور العلاج نعمل ايه؟

نبداء ناخد الجرعه الوقائيه
عشان ميرجعش ينقص تاني في الجسم والاعراض تبداء تاني في الظهور

الجرعه الوقائيه هي قطارة كامله كل يومين

او قرص ٥ الاف وحدة كل اسبوع

او قرص ال ٥٠ الف كل شهر

و دمتم بالعافيه

ڤيتامين "د".
ملحوظة
لابد يكون فيتامين د مع كالسيوم معا والأهم أنه كأي فيتامين أو دواء له حد معين حتي النسبة المطلوبة لأنه لو زاد بيرسب الكالسيوم ومشكلة في الكلي

المعلومات متجمعه و منقوله من كذا مصدر

معلومات مهمة جداً عن صحة الأطفال✅👌
https://www.facebook.com/share/p/gkzjq4oT2SSq8iyt/?mibextid=oFDknk

واحدة حامل ربنا كرمها بتوأم وقررت انها مش عاوزه تخلف تاني راحت الصيدلية وجابت حبوب جينيرا لمنع الحمل وبعدها بفترة جات الصيدلية ... يا دكتور لبن الرضاعة قليل اووي ومش عارفة ارضع !

بصو بقي حبوب منع الحمل دي نوعين نوع في هرمون البروجيستيرون بس ونوع تاني في استروجين وبروجستيرون مع بعض ؟ حضرتك لو اخدتي اللي فيها استروجين وبروجستيرون مع بعض زي ياسمين وجينيرا وغيرها الاستروجين هيخلي أنتاج اللبن هيقل وحرفيا بعد فترة قريبة هتلاقي الرضاعة قلت بشكل ملحوظ وممكن تقف خالص والحل انك تخدي نوع تاني يحتوي علي البروجستيرون فقط زي ( Microlut ( levonorgestrel وزي برضو cerazette (Desogestrel) وغيرهم والأسماء اللي مبين قوسين دي عبارة عن المادة الفعالة اللي هيا بروجيستيرون صناعي مش هيأثر علي كمية اللبن .

ممنوع اعطاء الأدوية المحتويه علي الاستروجين مع
-مرضي سرطان الثدي
-مرضي القلب واللي عاملين قسطرة وماشيين علي أدوية سيولة

الحل الآمن مع الفئة دي انها تبعد عن أي ادوية هرمونية فيها استروجين و تاخد Ca & Vit D علشان تقلل الهشاشة والوجع اللي بيحصل بسبب قلة الاستروجين بعد انقطاع الدورة الشهرية (menopause).

وتاخدى Vit B6 & Omega 3 علشان تحسن المود
ولازم طبعا تغير اسلوب حياتها واكلها لاكل صحي وتلعب رياضة مناسبه.

واحد داخل الصيدلية يشتكي من وجع في العظام بقاله فترة ومبيروحش.
لما اتكلمت معاه لقيته ماشي علي علاج Ator والفكره ان الماده الفعالة دي اوقات كتير بتسبب وجع في العظام.
الحل ببساطة هو انه يرجع للدكتور المعالج ويخليه يقلل الجرعة او يغير لمادة فعالة تكون مش بتسبب وجع ف العضلات
زي مادة ال (pravastatin) والاسم التجاري (Lipostat)
تاني حاجه لازم نديله
Coenzyme Q10 + Vit D3+ Magnesium.

شوية نصايح مهمة جدا للحفاظ علي صحة الكلي في فصل الصيف 👌👇
https://www.facebook.com/share/p/SwJJbFSPSnHdnrPA/?mibextid=oFDknk

نصائح لحماية الكلى في فصل الصيف

مع الإرتفاع الشديد في درجة الحرارة ☀️☀️ الجسم بيفقد كميات كبيره من الماء عن طريق العرق ودا بيزود من تركيز الأملاح والمواد بالدم ويؤثر على كفاءه عمل الكلى و زيادة نسبة تكوين الحصوات

ف ازاي نتجنب المشاكل دي ؟

١- تناول كميات كبيرة من الماء وخاصة أثناء فترة النهار لتعويض ما يفقده الجسم من سوائل

٢- تناول العصائر الفريش🍹والامتناع عن تناول المشروبات الغازية ومشروبات الطاقة

٣-تقليل كميات الملح في الطعام قدر الإمكان ودا لان زياده تركيز الصوديوم في الدم يسبب تكوين حصوات الكلى وإرتفاع في ضغط الدم.

٤- الحرص علي التغذية الصحية المتوازنة...مثل الاسماك والفواكه والخضروات التي تحتوي على الماء والمعادن كالخيار والطماطم والجزر🍅🥕🥒وتجنب أكل البروتينات الحيوانية واللحوم المدخنة والمصنعة والبطاطس المقلية بكميات كبيرة .

٥- تجنب تناول المسكنات الا عند الضرورة ويكون نوع مسكن مناسب للحالة...حيث انها تضر الكلى على المدى البعيد

٦- عدم حبس البول لفترات طويلة..او لمرات متكررة...لان ذلك يسبب تمدد المثانه مما يؤثر علي عمليه الترشيح بالكلى والتهابات في المثانة البولية.

٧-الحرص علي قياس ضغط الدم ونسبه السكر بالدم بشكل دوري.

ودمتم بصحة وعافية ❤️