✅ لو هنشوف استراكشر دواء ال Amiodarone المستخدم في علاج اضطراب نظم القلب Arrhythmia هنلاقي إنه بيحتوي علي عنصر ال Iodine تركيبة الاميودارون 37% منها عبارة عن يود

✅ وهنلاقى كمان إن استراكشر الاميودارون فيه تشابه بسيط مع استراكشر ال Thyroxin

✅ نأخد بالنا لو شخص عنده Arrhythmia وبياخد دواء الاميودارون لمعالجه لخبطه كهرباء القلب
واليود في الجسم موجود بكميات كبيرة
(من السمك او ملح الطعام )
تحدث ظاهره على هرمون الغده الدرقيه تسمى
تأثير وولف تشايكوف (Wolff-Chaikoff Effect)
الظاهرة دي تمنع الغده الدرقيه نفسها من أخذ اليود
ويحدث قصور في الدرقية (Hypothyroidism )

✅في الأشخاص الطبيعيين وعندهم لخبطه في كهرباء القلب ويأخذون دواء الاميودارون لمعالجه لخبطه كهرباء القلب واليود ناقص في الجسم
تقوم الغده الدرقيه بتحويل اليود الموجود في دواء Amiodarone إلى هرمونين:
Triiodothyronine (T3)
Tetraiodothyronine (T4)
ويحدث عند المريض فرط الدرقية
Hyperthyroidism

ف بالتالي لازم نأخد بالنا من تداخل الاميودارون مع كدواء مع مرضي الغدة الدرقية وتأثيره علي نشاطها في الوضع الطبيعي.
#دمتم_بخير ♥️

ليه بعض قطرات العين وخاصة المحتوية علي ال Latanoprost بتكون حساسة للضوء Photosensitive ؟!

ودا لأن القطرات دي تحتوي على مادة كيميائية اسمها كلوريد البنزالكونيوم وهي مادة حافظة تساعد على منع نمو البكتيريا في المحلول.

ومادة كلوريد البنزالكونيوم حساسة جداً للضوء ويمكن أن تتحلل عند تعرضها للأشعة فوق البنفسجية

ودا هيؤدي إلى تكوين منتجات ثانوية سامة ممكن تعمل مشاكل في العين عشان كدا مهم اننا نخزن قطرات العين المحتوية علي Latanoprost في مكان بارد ومظلم وتجنب تعرضها لأشعة الشمس المباشرة أو مصادر أخرى للأشعة فوق البنفسجية.

وتكون درجة الحرارة المناسبة لتخزينها من
15 - 25 C
#وشكراً ❤️

Ticagrelor
🔸مثبط لتجمع الصفائح الدموية
Platelet aggregation inhibitors
🔸بيثيط مستقبلات إسمها
P2Y12 adenosine diphosphate receptor

🔸بيتم استخدامه في حالات الجلطات والذبحة الصدرية وممكن يتاخد مع الاسبرين ف الحالات الصعبة من جلطات ومشاكل القلب

🔴الكلام دا كله عارفينه واكتر كمان

✍️الجديد بقي إن ال Ticagrelor بجانب عمله كمضاد للصفائح بيعمل كمضاد حيوى 🆙

✍️ولقوه فعال على معظم البكتريا موجبة الجرام وكمان على أخطرهم إللى بقوا مقاومين لمعظم المضادات الحيويه الموجوده زي ال
(MRSA - MRSE - VRE - GISA)
ودا يفتح الباب لفئه جديده جدية من المضادات الحيوية

✍️بعض التجارب عليه ف المعمل وجدت انه اسرع فى القضاء على الMRSA من الvancomycin

وشبهوه فى النشاط بتاعه على البكتريا بال Daptomycin


✍️نشاطه ك مضاد للبكتريا ملوش أي علاقة بأنه مضاد للصفائح دي ميزة اضافة وجدوها اثناء عمل الدراسات والأبحاث عليه

✍️وممكن بعدين يغيروا من الجزيئات بتاعته عشان يكون مضاد حيوى فقط لان جرعته عشان يشتغل كمضاد حيوى بتكون كبيره فتسبب نزيف ومشاكل

Change Ticagrelor molecule slightly to loose antiplatelet effect but keep antibacterial action.

✍️وكمان بيفكرو بيستخدموه ف ال تغليف البوليمر إللي بيتعمل منه صمامات القلب عشان يقلل من مخاطر العدوي..

🔴ايه الفرق بقي بينه وبين البلافكس Clopidogrel 🤔

✅ هما الاتنين بيشتركوا في Category هما الاتنين Antiplatelet

✅ ال Ticagrelor مفضل اكتر لمرضى ال
Acute coronary syndrome
ومناسب اكتر مع الاسبرين خاصة لو المريض بياخد اسبرين بجرعات قليلة

✅ ال Ticagrelor بيتاخد مرتين يوميا بينما ال Clopidpgrel مرة يوميا

✅ ال Ticagrelor لا يعتبر Prodrug بينما ال Clopidpgrel عبارة عن Prodrug

✅ ال Ticagrelor لا يتداخل مع ال Omeprazole

باختصار شديد ال Fluticasone بيقلل الالتهابات وال Swelling في حالات حساسية والتهابات الأنف

ال fluticasone furoate
دا أكثر فعالية من ال Propionate وجرعاته أقل منه وليه عمر نصف طويل حوالي ١٦ ساعة مقارنة ب ال propionate عمر نصفه حوالي ٧ ساعات

بالتالي نستنتج ان ال Avamys
هتكون مناسبة للأطفال عشان جرعتها أقل
هتتاخد مرة واحدة وبخة واحدة كمان
ودا كان الفرق بمنتهي البساطة 🤗

مادة الآيسين Aescin هي مادة تحمي الاوعية الدموية وتستخدم في علاج دوالي الاوردة والتواء المفاصل والاستسقاء والتورم.

يتم الحصول علي مادة الآيسين من شجرة الكستناء الهندية Aesculus hippocastanum.

يعمل الايسن على تمييع الدم ومنع تسرب السوائل من الأوردة والشعيرات الدموية، بيستهدف جدر الأوعية الدموية بالإضافة إلى منع ارتجاع الماء من خلال الميكانيزم دا :

It induces endothelial nitric oxide release and alos release of prostaglandin F2α.

دواء ريباريل جيل Reparil Gel يحتوي علي مادة ال Aescin بالاضافه الي مادة
DiMethyl Amine Salisalicylate
الساليسيلات بتعزز عمل المضاد الالتهابي Aescin وتخفف الألم بشكل فعال في المنطقة المتضررة.

#دمتم_بخير ♥️

بخصوص المسكنات #NSAIDs

✅ فئة Selective COX-2 inhibitor
زي ال Celecoxib ترفع الضغط أكثر من فئة ال
Non selective COX-2 inhibitor
زي ال naproxen وال Ibuprofen

✅ ال Ibuprofen أقل في رفع الضغط عن ال naproxen وال indomethacin

✅ ال Naproxen أقل خطورة في مرضي القلب إحداثاً للجلطات من ال Ibuprofen

Ref: 🆙 to date 2023

امتا الكولشيسين يكون دواء قاتل ؟!
لو اديته لمريض بياخد المضاد الحيوي Azithromycin أو clarithromycin وكان بيعاني من مشاكل في الكبد أو الكلي لأن هينتج عنه تداخل دوائي خطير يؤدي الي fatal toxicity.

(الكولشسين هو أحد الأدوية المستخدمة في علاج هجمات النقرص الحادة وحمي البحر المتوسط والتهاب غشاء القلب )

ال Rabeprazole هو اكثر أدوية ال PPIs فعالية وهتلاقي جرعته 20mg (وكمان هو ال Most rapid onset في العيلة دي)
يليه ال Esmoprazole موجود في Nexium ثم ال omeprazole موجود في ال Omez وال Pepzol ثم يليهم ال lansoprazole وال Pantoprazole

عليها كلام كتير اوووي وادعاءات اكتر من اللازم .......

الاشواجاندا Ashwagandha

عشبه مصدرها الهند وكانت تستعمل جذورها و اوراقها و ثمارها في الطب الهندي القديم لتقليل التوتر و زيادة مستويات الطاقه في الجسم وكمان ل تقوية المناعه و زيادة التركيز ولمرضي السكر من النوع الثاني لأنها تعمل علي زيادة افراز الانسولين و زيادة حساسية الخلايا للأنسولين.

الجرعه لاتزيد عن 2000 مجم يومياً و أفضل ميعاد قبل النوم.

ممنوعة للحوامل و المرضعات و من يتعاطون أدويه نفسيه.

القيمة العلاجية في اشواجاندا تتمثل في الجذور بتاعتها

ادعاءات الاستخدام .....

•مسحوق الأشواجاندا له تأثير مهدئ ومضاد للقلق، حيث يمكن أن يساعد في تقليل مستويات هرمون الكورتيزول (هرمون التوتر) في الجسم.

•بعض الدراسات اشارت إلى أن الأشواجاندا قد تعزز نشاط الجهاز المناعي وتعزز القدرة على مكافحة العدوى والأمراض.

•تحسين الأداء الجنسي

•تعزيز وظائف الدماغ وتحسين الذاكرة والتركيز.

•تقليل التعب وزيادة الطاقة

ملخص الكلام الاشواجندا عشبة جميلة وعليها كلام ودعاية وادعاءات حلوة اوي فمتضيعش فلوسك عليها لان مفيش حاجة من الهري الكتير اللي عليها هتحصل معاك وطعمها مش حلو ومش مضمونة المصدر ف انزل العب جيم وكل اكل صحي وحاول تموف أون ❤️

أحد أنواع الأفاعى البرازيلية كان اللي بيتلسع منها بيموت بكل سهولة ولكنه مكنش بيتألم او تظهر عليه اعراض التسمم كان بيحصله هبوط فجأة كدا ويموت .

العلماء قالو لازم نعرف سر الأفعى دي واكتشفوا إن الناس اللي بتموت بسم الأفعى دي كلهم بيجيلهم severe hypotension من السم ويموتوا بعدها ولما بحثو اكتر وجابوا السم دي وعملوا عليه ابحاث
اكتشفوا انه بيوقف انزيم في الجسم اسمه
Angiotensin Converting Enzyme [ACE]

معنى كدا ان السم دا ACE inhibitor بس تأثيره قوي جداً ....
قامت شركه bristol_mayers squibb عملت تعديل علي السم دا واستخلصت منه مادة بجرعات صغيرة علشان يستخدموها في علاج ضغط الدم المرتفع وسموها captopril
وبس كدا هي دي قصة أدوية ال ACE inhibitors ❤️
#دمتم__بخير

كل ما تحتاج معرفته عن تحليل صورة الدم الكاملة ❤️👌
https://fb.watch/lZ2eO1ZWrX/?mibextid=Nif5oz

صباحكم جميل كالقهوة ☕️
متنسوش اننا اتكلمنا قبل كدا عن بعض الأدوية التي تتداخل مع القهوة 👇
https://youtu.be/aUST2Koe84Y

✍️ #معلومة_مهمة
متستغربش ممكن تلاقيه مكتوب في روشتة جلدية🤔

دواء ال Montelukast المستخدم في علاج حساسية الصدر يتم استخدامه أيضاً في بعض حالات حساسية الجلد والتي تسمي Atopic dermatitis أو الاكزيما (حالة مزمنة يحدث فيها احمرار للجلد مع حكة شديدة وبقع علي الجلد ولكنها غير معدية )

الدواء بيمنع المواد المسئولة عن الحساسية إللي هي الليوكوترينات leukotrienes 👇

لو جتلك روشته فيها دواء الsinemet اللي بيستخدم في معالجة الشلل الرعاش Parkinsonism دورك كصيدلي محترف انك تنصح المريض بتجنب تناول الحديد أو الاطعمه الغنية بالبروتينات مع دواء ال sinemet في نفس الوقت لان الحديد يقلل من إمتصاصه ويقلل من التوافر الحيوي للدواء عشان كدا لازم يفصل بينهم لاطول فترة ممكنة .

هل أدوية موانع الحمل ممكن تسبب عقم ......؟؟
الحقيقة أن معظم ادوية موانع الحمل مش بتسبب العقم وبمجرد التوقف عن إستخدامها الخصوبة هترجع لوضعها الطبيعي ويحصل حمل ولكن في دواء من مشتقات البروجستيرون وهو الMedroxyprogesterone الذي يستخدم كل ٣ شهور كمانع حمل ممكن يأخر شوية من عوده الخصوبة بعد التوقف عن إستخدامه وبالتالي يتأخر حدوث الحمل بمعنى لو الست التي وقفت إستخدام هذا الدواء بغرض الإنجاب هنا ممكن يتأخر حدوث الحمل شوية ولكن موانع الحمل لاتسبب العقم .....

#نصيحة

ممنوع لبس عدسات العين لو الشخص بياخد قطرات محتوية علي Benzalkonium chloride كمادة حافظة preservative ودا لان العدسات بتمتص المادة دي وبتسبب التهابات وتهيج للعين.

قولولنا بقي ايه القطرات اللي تعرفوها في الصيدلية تحتوي علي Benzalkonium Chloride كمادة حافطة وايه القطرات المناسب استخدامها مع عدسات العين ؟؟؟!

عندنا أنواع كتير من الزنك وكل نوع ليه استخدام معين .....
✍️Zinc oxide
ودا اللي بيستخدم في واقيات الشمس UV blocking action
✍️Zinc Sulfate
ودا بيستخدم في علاج نقص عنصر الزنك ولكن مش أفضل نوع
✍️Zinc Carbonate
ودا ليه تأثير مضاد للفطريات هتلاقيه ف الكريمات والتركيبات المضادة للفطريات
✍️Zinc Gluconate
ودا بيستخدم ف نزلات البرد وهتلاقيه ف بعض أقراص الاستحلاب ومفيد للعناية بالفم والأسنان هتلاقيه موجود ف بعض الانواع من معجون الاسنان
✍️Zinc Citrate
ودا شبه ال Gluconate ولكن امتصاصه أفضل واسرع منه عشان كدا ممكن يستخدم ك مكمل غذائي

✍️Zin Picolinate
ودا الأعلى من حيث ال Bioavailability يعني الأكثر امتصاص في الجسم ودا هيخليه النوع الأنسب لناس كتير خاصة انه مش بتسبب اي مشاكل أو اضطرابات ف المعدة والامعاء
بيستخدم لدعم صحة الجهاز المناعي والخصوبة عند الرجال وبيساعد علي التئام الجروح ومفيد لصحة الشعر والاظافر
#Eshak_Marzouk

مينفعش تقرأ البوست دا غير وانت بالك رايق وبتحتسي كوب من القهوة ولكن خلي بالك من تداخلات القهوة مع الأدوية برضو .....

#تداخلات_دوائية_هامة ⚕️💊💉♥️

⚕️يمنع استخدام الأدوية التي تحتوي على الحديد مع المضادات الحيوية من عائلة الفلوروكينولون وخاصة #السيبروفلوكساسين حيث يترابط الحديد معه chelation ويعيق امتصاصه
____________

⚕️ يفضل أن لاتستخدم دواء ال Glimepride العروف تجارياً باسم Amaryl# في نفس الوقت مع الأدوية المحتوية على #كيتوبروفين(#KETOPROFINE)
وكذلك مع الادوية المحتوية على الاسبرين
#ASYTAYLSALSALICACID
لانها تسبب في انخفاض شديد في السكر في الدم .
____________

⚕️ يمنع استخدام دواء ال simvastatin الذي يستخدم كخافض للدهون antihyperlipidemic مع دواء الكيتوكونازول ketoconazole المضاد للفطريات حيث يؤدي ذلك إلي زيادة الاعراض الجانبية لل simvastatin
____________

⚕️ لا تعطي دواء ال(#Paracetamol) الخافض للحرارة لشخص يستخدم دواء ال(#Isoniazid) المستخدم في علاج الدرن لانه يزيد خطورة الإصابة بتسمم الكبد.
____________

⚕️ يمنع صرف او استخدام دواء(#Colchicine)الذي يستخدم في هجمات النقرص الحادة وانيميا البحر المتوسط لمريض قلب يستخدم دواء ال(#Diltiazem او #Verapamil)وذلك لأن دواء ال(#Diltiazem) يزيد من تركيز دواء ال(#Colchicine) في الدم مما يؤدي الى حدوث تسمم الكبد والكلي.
____________

⚕️ لا تعطي المضاد الحيوي Doxycycline المعروف تجارياً باسم Vibramycin من عائلة التتراسيكلين مع دواء Isotretinoin المعروف تجارياً باسم Netlook المستخدم في علاج الحالات الصعبة من حب الشباب حيث يؤدي استخدام الدوائين مع بعض إلي ارتفاع الضغط داخل الدماغ Pseudotumor cerebri قد يكون مهدد لحياة المريض Life threatening.

____________

⚕️لا تعطي عائلة المسكنات NSAIDs مع دواء الوارفارين Warfarin المميع للدم حيث يؤدي ذلك إلي زيادة نسبة النزيف وتؤثر علي نتيجه تحليل INR الخاص بالسيولة.
____________

⚕️ لا تعطي دواء ال ميترونيدازول المعروف تجارياً باسم الفلاجيل مع دواء ميبندازول المعروف تجاريا باسم verm one حيث يؤدي ذلك الي حدوث تفاعلات حساسية خطيرة قد تؤدي للوفاة Steven Johnson syndrome
____________

⚕️ لا تعطي عائلة المسكنات NSAIDs مع عائلة الفلوروكينولون من المضادات الحيوية حيث يؤدي ذلك إلي زيادة مخاطر حدوث نوبات صرع Seizures
____________

⚕️ يمنع إستخدام دواء #كلاريثرومايسين الذي يستخدم كمضاد حيوي مع دواء #دومبريدون المضاد للغثيان والقئ .
وذلك لأن ادوية مجموعة الماكروليدات تعمل على زيادة وتركيز وفعالية دواء Domperidone بما يقارب 3 أضعاف عن طريق تثبيط أنزيم CYP3A4 وذلك يؤدي إلى QT-Inteval والذي قد تسبب اضطرابات في نظم وكهربية القلب ❤

(هذا الكلام ينطبق على جميع أدوية مجموعة االماكروليدات ماعدا دواء Azithromycin)
____________

⚕️ يمنع استخدام دواء بوسينتان الذي يستخدم لمعالجة ارتفاع الضغط في الشريان الرئوي مع دواء سيكلوسبورين الذي يستخدم كمثبط مناعي في حالات نقل وزراعة الاعضاء ..
وذلك لأن دواء بوسينتان يقلل من تركيز سيكلوسبورين وبذلك يزيد خطر حدوث مقاومة مناعية تجاة العضو التي تمت زراعته بالاضافة الي ذلك دواء سيكلوسبورين يزيد من تركيز دواء بوسينتان الذي من اعراضه الجانبيه تسمم الكبد.
____________

⚕️ يُمنع استخدام الأدوية التي تحتوي على مشتقات ERGOT مثل (Ergotamine) قبل مرور 6 ساعات على الأقل "بعض الدراسات تقول 24ساعة" بعد تناول أدوية مجموعة #Triptans مثل (Sumatriptan) التي تستخدم في علاج الصداع النصفي وذلك تجنباً لحدوث تضيق للأوعية الدموية.
____________

⚕️لا تعطى دواء المضاد الحيوي المعروف باسم #سيبترين (Septrin) مع فوارات المسالك البولية مثل #يوريكول (Uricol) او Renal S أو Coli urinal
وذلك لأن دواء الــ (Septrin) يحوي مادة الــ Sulfamethoxazole
و دواء الــ (#Uricol) يحتوي مادة الــهيكسامين Hexamine التي تزيد من حامضية البول ؛ وزيادة الحامضية تُـــسـَـهّــل عملية ترسيب الــ Sulfonamide
في البول على شكل بلورات غير ذائبة (Insoluble Crystals) وهو ما قد يؤدي إلى تكوين حصوات في الكلى والجهاز البولي ....
____________