من أهم التحاليل إللي لازم نعرفها وهي :
⚡Creatinine
⚡Creatinine Clearance
⚡Creatinine Kinase

✅تحليل نسبة الكرياتينين Serum Creatinine

الكرياتينين عبارة عن ال waste product الناتجة عن نشاط العضلات اليومي
الكلي بقي بتفلتر الكرياتينين دا وتطلعه برا الجسم عن طريق ال urine ولو في مشكلة في الكلي هتبقي غير قادرة علي فلترة الكرياتينين وهيرتفع مستواه في الدم

النصيحة المهمة ان مينفعش الشخص ياكل لحوم قبل عمل التحليل دا لأنها هترفع بشكل مؤقت نسبه الكرياتينين ف الدم

وزي ما بنقول وناكد في كل تحليل إن النسبة متفاوتة من شخص للتاني وبتتاثر بعده عوامل مهمه

يعني مثلا لو شخص عنده نسبة الكرياتينين عالية ممكن يكون شخص طبيعي ومعندوش مشكلة صحية ولكن :

✍️بيروح الجيم كتير وبيعمل تمارين رياضية كتير
✍️بيأكل لحوم كتير
✍️بياخد بعض الأدوية اللي بترفع السيروم كرياتينين
✍️او ممكن يرتفع بشكل بسيط اثناء الحمل

فلازم نتأكد من كل العوامل الخاصة بالشخص دا عشان نعرف نقيم النتيجة بشكل كويس

✅في تحليل تاني إسمه
Creatinine Clearance test CrCl (ml / min)
ودا بقي تحليل بيوضحلك نسبة الكرياتينين إللي في الدم إلي نسبته في البول ودا بيكون أفضل شوية لمعرفة أمراض وكفاءة الكلي

✅وفي تحليل تالت اسمه
Creatinine kinase test CK
ال CK دا عبارة عن نوع من البروتين موحود في القلب والعضلات و كميات قليلة في الدماغ
ودا في منه ٣ أنواع
✍️ال CKMM ودا موجود في العضلات
✍️ال CKMB ودا موجود في عضلات القلب
✍️ال CKBB ودا موجود في انسجة الدماغ

لو نسبة البروتين دا عالية دا معناه إن في مشكلة مشكلة في العضلات أو القلب أو الدماغ علي حسب النوع بتاع ال CK
التحليل دا ليه إسم تاني وهو ال
Creatinine Phosphokinase CKP
وزي ما بنقول ديما في عوامل بتتداخل وتأثر علي نسبة التحليل يعني مش شرط إن ال CKMB عالي يعني الشخص دا عنده مشكله في القلب
(ما عدا لو هو حصلتله مشكله في القلب وبيتابعها بالتحليل دا )
من ضمن الحاجات إللي بتأثر علي نسبة التحليل دا هي
✍️العدوي والالتهابات
✍️بعض الادوية
✍️اضطرابات هرمونات الجسم

وشكرا🤍 💁‍♂️

حقن التخسيس والسكر الشهيرة
Byetta® Saxenda® Victoza® Trulicity® Ozempic® wegovy® Rybelsus®

في البداية خلينا نعرف إزاي الأدوية دي بتشتغل ونجيب الموضوع من الأول خالص كدا

الطبيعي أثناء تناول اي طعام أو شراب يحتوي على السكر يبدأ الجسم بإمتصاص السكر دا من الأمعاء وبالتالي هينتج عنه تنبيه لخلايا خاصة في الأمعاء تسمى
Enteroendocrine cells
والخلايا دي بتفرز هرمونات أو ببتيدات معينه كدا نتيجة لتحفيزها إللي حصل لما شافت السكر
وتنبيه الخلايا دي يؤدي لإفراز هرمونات تسمى ↙️
incretins
الهرمونات دي بيتم افرازها من الأمعاء وليس البنكرياس وتفرز بعد دقائق من الاكل
اهم الهرمونات دي هو هرمون اسمه↙️
Glucagon-like peptide-1 (GLP-1)

ثواني قبل منكمل كلامنا
هو الجلوكاجون دا مش بيزود السكر أصلا
والمفروض الحاجات دي اتفرزت عشان تقلل السكر
ف إزاي إسمها Glucagon like إزاي شبه هرمون الجلوكاجون ؟؟! 🤔 🤔

بص يا سيدي الببتيد دا يشبه هرمون الجلوكاجون glucagon من حيث الشكل لكنه يختلف عنه من حيث الوظيفة تماماً

الهرمون دا بيرتبط بمستقبلات خاصة بيه والمستقبلات بتاعته كتيره اهمها إللي موجودة في خلايا بيتا والفا ف البنكرياس وكل واحده فيهم ليها وظيفة لما يرتبط بيها

GLP-1Rs are particularly abundant in β-cells, where they drive glucose-dependent insulin secretion,

Also present in α-cells, where they mediate the inhibition of glucagon secretion,

And present also n the intestine, lung, kidney, heart, blood vessels, lymphocytes, and peripheral and central

ونتيجة لكلامنا دا ال Glucagon like peptide هيقوم بالوظائف الاتية :

1 - تنبيه خلايا البنكرياس لإفراز الأنسولين .
2- تثبيط إفراز الجلوكاجون .
3- إعطاء إلاحساس بالشبع .
4- تقليل وقت تفريغ محتوى المعدة .
5- بيروح للمخ و يقلل من الاحساس بالجوع
( بيسد الشهية)
وهتلاقو صورة ف الكومنت فيها كل شغل ال GLP1

وبما إن الحلو مبيكملش ف الببتيد دا بيقعد ف الدم فترة صغيرة اوى دقائق معدودة

ودا بسبب إنزيم غلس شوية إسمه
Dipeptidylpeptidase-4 enzyme

طيب إحنا عاوزينه يطول ف الدم نعمل إيه ؟؟؟! 🤔
تمام نوقف الإنزيم دا ودي فئة من الادوية إسمها 👏
DPP-4 inhibitors
او ممكن نعمل إيه كمان ؟!
نعمل حاجه تحاكي الببتيد دا اللي هو GLP-1

عملو اولا ال exenatide في ال byetta بس دا اخدوه من حيوان معين كده شبيه لل GLP1 ولكن كان لازم يتاخد مرتين في اليوم بالحقن تحت الجلد ويكون قبل الاكل بساعه.

بعد كده عملو ال liraglutide اللي في ال victoza لعلاج السكر ٢ و لما لقوه بينزل الوزن عملو منه ال saxenda نفس الفكتوزا بس الفرق ان قلم الساكسيندا بيدي جرعات اعلي فينزل وزن اكثر ولكن كان لازم يستعمل جرعه واحدة يوميا .

عملو ال dulaglutide ودا في ال trulicity بتاع شركة Elli lliely للسكر من النوع التاني و بينزل الوزن و بيتحقن مرة واحده في الاسبووووع بس كان نتيجته لتنزيل السكر التراكمي اقل من الفكتوزا .

جت شركة Novo Nordisk وطورو اكتر وصنعو الدواء الاشهر وهو ال semaglutide واسمه التجاري "Ozempic "وتم اعتماده لعلاج السكر من النوع ٢ وبيتحقن مرة واحدة في الاسبوع تحت الجلد حقق نتايج كويسه في تنزيل التراكمي

ولما لقو الموضوع نتايجه كويسه جدا قامت شركة Novo Nordisk برضو وعملتلنا حقن ال wegovy ودي اعلي عن ال ozempic تركيزاتها 1.7 و 2.4

والاوزيمبك موجودة بتركيزات 0.25 و 0.5 و 1

وكمان الشركة عاملة من ال semaglutide اقراص إسمها Rybelsus بتلات تركيزات
3 & 7 & 14

تعالو بقي نرجع لأشهر اتنين وهما ↙️

✅ Saxenda® liraglutide
✅ Ozempic® semaglutide

↩️يستخدمو لعلاج السكري من النوع الثاني
Type 2 DM
لكن تختلف الجرعة
Saxenda® (0.6-1.8) mg once daily
نبدأ بجرعة قليلة ثم نزيد الجرعة كل إسبوع

Ozempic®
(0.25-1) mg once weekly
نبدا بجرعة قليلة ثم نزيد الجرعة كل شهر
علي حسب الحالة

ودا من الفروقات بين الاتنين إن ال Saxenda جرعتها يومية وال Ozempic جرعة أسبوعية

ودا لأن الاوزيمبك بتفضل ف الجسم فترة طويلة علي عكس ال Saxenda إللي عمر النصف بتاعها حوالي ١٦ ساعة

↩️ يستخدمو لعلاج السمنة في حال كانت
Body mass index (BMI) > 30
ولو كان الشخص عنده سمنه وسكر ف الحالة دي يفضل حقن ال Ozempic

الجرعات في حالة علاج السمنة

liraglutide
dose is 0.6 mg once daily for one week then 1.2 mg once daily for one week then 1.8 mg once daily for one week then 2.4 mg once daily for one week then 3 mg once daily as maintenance dose .

semaglutide
dose is 0.25 mg once weekly for month then 0.5 mg once weekly for month then 1 mg weekly for month up to 2.4 mg as maintenance dose

في حالة لم يتم انخفاض الوزن على الأقل بنسبة تتراوح ما بين 5%-4% بعد 16 اسبوع من الإستخدام يجب وقف العلاج و يعتبر حينها العلاج غير ناجح

هما الاتنين ممكن يسببو الإسهال و الغثيان خصوصا في بداية العلاج ، ودا السبب بالبدء بجرعات قليلة و زيادتها تدريجيا .

وخلي بالك عليهم تحذير من FDA إنها ممكن تسبب ⬇️
thyroid C cell carcinoma
لذلك ممنوعين في حال وجود تاريخ مرضي عائلي عند المريض

طيب لو عاوزين النقط الجوهرية بين الاتنين ؟! 🤔
بص يا سيدي

اوزيمبك ينفع للتخسيس زي الساكسندا
لكن الاوزيمبك افضل للي عندهم (سمنة + سكر)

ال Saxenda افضل (اكثر أمانا) للي عندهم (سمنة) بس

ال Ozempic تأثيره في إنقاص سكر الدم أكتر شوية من الساكسندا، لكنه في المقابل احتمالية حدوث هبوط السكر hypoglycemia معاه اكتر من الساكسندا

يعني ال Ozempic افضل لمرضى السمنة و السكري و ال Saxenda افضل لمرضى السمنة فقط

حدوث الغثيان و الاسهال مع ال Ozempic اكتر من Saxenda على الرغم ان الاوزيمبك بيتاخد اسبوعيا و الساكسندا يوميا.

لو انقطعت فترة شهر أو آكتر عن الحقن وحبيت ترجع هتبدأ من أول جرعة

لو وصلت لحد هنا ف انا حابب اديلك تحية وأشكرك جدا ♥️
متنسوش تشيرو البوست 🤍
#Dr_Eshak_Marzouk

معلومة مهمة جداً عن دواء الاميودارون المستخدم في علاج اضطراب نظم القلب
https://m.facebook.com/story.php?story_fbid=646947794127511&id=100064368871617&mibextid=Nif5oz

باختصار شديد ال Fluticasone بيقلل الالتهابات وال Swelling في حالات حساسية والتهابات الأنف

ال fluticasone furoate
دا أكثر فعالية من ال Propionate وجرعاته أقل منه وليه عمر نصف طويل حوالي ١٦ ساعة مقارنة ب ال propionate عمر نصفه حوالي ٧ ساعات

بالتالي نستنتج ان ال Avamys
هتكون مناسبة للأطفال عشان جرعتها أقل
هتتاخد مرة واحدة وبخة واحدة كمان
ودا كان الفرق بمنتهي البساطة 🤗

امتا الكولشيسين يكون دواء قاتل ؟!
لو اديته لمريض بياخد المضاد الحيوي Azithromycin أو clarithromycin وكان بيعاني من مشاكل في الكبد أو الكلي لأن هينتج عنه تداخل دوائي خطير يؤدي الي fatal toxicity.

(الكولشسين هو أحد الأدوية المستخدمة في علاج هجمات النقرص الحادة وحمي البحر المتوسط والتهاب غشاء القلب )

#تداخلات_الأدوية ⚕️⚠️🙋‍♂️
من أهم المواضيع إللي لازم تعرفها جوا الصيدلية هي تداخلات الأدوية :
Drug interactions
وكمان التداخل مش بس بيكون بين دواء ودواء
Drug - Drug interactions 💊💊
لا دا في أنواع من التداخلات كتيرة جداً زي:
Drug Food interaction 💊🥪🍲
Drug Disease interactions 💊😣
Drug Herb interactions 💊🌿🍀
Drug gene interactions💊 🧬
Drug allergy interactions💊💉
Drug lab test interactions 💉🔬
Drug smoke interactions 💊🚬

وغيرها كتير من التداخلات المهمة... إللي هتعرفها انهاردا

قد ينتج عن التداخل دا إبطال مفعول الدواء أو زيادة تركيزه أو التسمم بيه أو ممكن يسبب حالة حساسية و إلتهابات خطيرة وغيرها من المشاكل......

وعشان كدا قدمنالك سلسلة من التداخلات المهمة إللي لازم تعرفها وتعرف تتعامل معاها إزاي وتتجنبها

الفيديو مفصل عن أنواع التداخلات الدوائية وأمثلة عليها ونتعامل إزاي مع التداخل نتجنبه أو نتغلب عليه و مخاطر التداخلات وغيرها كتير من المواضيع..... 👇
https://youtu.be/Z9yCSNY5pbY
#وشكراً ❤️

ليه بعض قطرات العين وخاصة المحتوية علي ال Latanoprost بتكون حساسة للضوء Photosensitive ؟!

ودا لأن القطرات دي تحتوي على مادة كيميائية اسمها كلوريد البنزالكونيوم وهي مادة حافظة تساعد على منع نمو البكتيريا في المحلول.

ومادة كلوريد البنزالكونيوم حساسة جداً للضوء ويمكن أن تتحلل عند تعرضها للأشعة فوق البنفسجية

ودا هيؤدي إلى تكوين منتجات ثانوية سامة ممكن تعمل مشاكل في العين عشان كدا مهم اننا نخزن قطرات العين المحتوية علي Latanoprost في مكان بارد ومظلم وتجنب تعرضها لأشعة الشمس المباشرة أو مصادر أخرى للأشعة فوق البنفسجية.

وتكون درجة الحرارة المناسبة لتخزينها من
15 - 25 C
#وشكراً ❤️

بخصوص المسكنات #NSAIDs

✅ فئة Selective COX-2 inhibitor
زي ال Celecoxib ترفع الضغط أكثر من فئة ال
Non selective COX-2 inhibitor
زي ال naproxen وال Ibuprofen

✅ ال Ibuprofen أقل في رفع الضغط عن ال naproxen وال indomethacin

✅ ال Naproxen أقل خطورة في مرضي القلب إحداثاً للجلطات من ال Ibuprofen

Ref: 🆙 to date 2023

دواء الإندرال ومادته الفعالة Propranolol بيستخدم في علاج رهاب المسرح والخوف من التحدث أمام الجماهير
ولكن لو إديته لمريض الأزمة أو مريض ضربات قلبه بطيئة أقل من 60 مش هيشوف المسرح ولا الجماهير تاني أبداً

لمشاهدة فيديو تفصيلي عن الدواء:
https://www.youtube.com/watch?v=AyotRYoAPAs&t=268s

هنتكلم في البوست دا عن ملخص بسيط لأنواع الانسولين

✅ Rapid acting insulin
ودا عندنا ٣ أنواع وهما
Insulin Lispro
Insulin Aspart
Insulin Glulisine
ودول عبارة عن أنسولين بشري تم تعديله في الموضع رقم 1 و 2 عشان يزودو ال Solubility بتاعتهم

الانواع دي هي الاسرع fastest acting insulin
وبيتاخدو قبل الوجبات

Onset يعني بيبدأ شغله بعد قد إيه من الزمن
Peak بيوصل لقمة تركيزه امتا
Duration كام المدة وتأثيره يتلاشي

ومعانا هنا في Rapid acting insulin

Onset: 5-15 minute
Peak: 1-2 hours
Duration: 3-5 hours

✅ Short Acting Insulin
ودا بنسميه Regular insulin أو soluble insulin أو Neutral insulin
ودا النوع الوحيد إللي نقدر نستخدمه IV في حالة الطؤاري
Onset: 30 minutes
Peak: 2-4 hours
Duration: 6-8 hours

✅ Intermediate Acting or Isophane
ودا اسمه NPH أو Neutral Protamine Hagedron
ومن إسمه كدا ضافو بروتين ال Protamine لل Neutral insulin عشان يطولو مدته
Onset: 1-2 hours
Peak: 4-6 hours
Duration: 12-16 hours

✅ Long Acting Insulin
ودول ٣ أنواع وهما
Insulin galargine or Lantus
Insulin detemir
Insulin Zinc suspension
ودول بيستخدمو مرة واحدة يومياً عشان long acting

Onset: 1-2
Peak: peakless
Duration: 18-24 hours

✅ Ultra long acting
وهو ال Insulin Degludec والنوع دا بيدي
Slow acting supply of insulin
وبينظم مستوي السكر علي مدار ال 24 ساعة
والنوع دا صمموه بأنهم حدفو حمض أميني مقارنة بالانسولين البشري وجابو حمض ال Hexadecanedioic acid وربطوه بالحمض الاميني Lysine في استراكشر الأنسولين والرابطة دي عبارة عن حمض الجلوتاميك Glutamic acid

✅ Mixed or Biphasic insulin
ودا بيبقي نوعين أنسولين مع بعض
زي ال Mixtard بتبقي
70 % NPH 30% Regular
وزى ال Humalog Mix بتبقي
75% NPH 25% Regular

ودا عشان يدي Rapid onset and long duration مع بعض والنوع دا بيتاخد مرتين يومياً

نوع الانسولين وتحديد الجرعة ومرات الاستخدام والوحدات بيكون من قبل الدكتور فقط

اتمني تكونو استفدتو 💚
متنسوش الشير الجميل ✅💯
#دمتم_بخير ♥️