مسالخير❤️
كيفكون بهالبرد
هلا متل مابقولوا بعد ماقطعتو الشوط الأول من مسلسل مابعد التخرج
اجانا الشي الاساسي واللي هوي كيف بدنا ننتسب للنقابة

#تفاصيل_التسجيل_بالنقابة_المركزية_ووزارة_الصحة

الأوراق المطلوبة للتسجيل في نقابة الصيادلة المركزية في دمشق:
1_ صورة مصدقة عن وثيقة التخرج عدد 3 (واحدة منهم غير ملتزم بالمناطق النامية) (متل ماحكينا يتم تقديم طلب للحصول على غير ملتزم بالنامية من الديوان بتحطولو طوابع وبتوقعوه من العميد وبعدين للشؤون
بدكن صورة عن المصدقة مااكتر)
وكمان غير ملتزم بالدراسات بالنسبة للطلاب يلي مارح تسجل دراسات هي مشان النقابة الفرعية يعني طلعوها صايرة وصايرة (بنفس الطريقة منقدم طلب وبعدين مناخدو مع صورة عن المصدقة لشعبة الدراسات)
شغلتن بسيطة ماتاكلوا هما دقيقتين
2_ صورة مصدقة عن شهادة البكالوريا عدد 1 صورة مو الشهادة الاساسية (للي ماعندو من دائرة الامتحانات) كمان مانها قصة
3_ وثيقة لياقة طبية عدد 1
هي الوثيقة بتحصلو عليها من مديرية الصحة كمان مانها شي عظيم (بدها صورة شخصية وصورة هوية)
4_ صورة عن الهوية عدد 3
5_ صورة شخصية مكتوب الاسم خلفها عدد 2
6_ مصنف سحاب اخضر متل يلي كنا نسجل فيه بالجامعة والسكن
يلا خلصنا تقريبا خدو نفس لنكفي

منجي للشي التاني:
يلي بحب يشتغل عن طريقنا بيجهز هي الأوراق وبيجي منشان يعمل الوكالة وبعدا بيسلمنا كل هي الأوراق بالمصنف.

بالنسبة للتكلفة :
المبلغ كامل مليون و ١٠٠ ألف ...
بيتضمن رسوم النقابة كاملة (مع ملحقاتا) وتسجيل الصحة وأجار المكتبة

منشان الوكالة كيف منعملا؟
تسهيلاً من المكتبة رح نعمللكن الوكالة بالمكتبة وانتو بتاخدوها بتصدقوها من المحكمة.

قديش بدا وقت لتخلص؟
حسب الوضع بالشام والعجقة بس السنة الماضية كانت المعاملة تاخد وسطيا 20 يوم للشهر زمان وبجوز تاخدلا احيانا يومين زيادة
لان بدنا نراعي وضع الزحمة والشبكة السيئة والكهربا

في كتب وسجلات؟
اي في كتب وسجلات ونشالله يلغوها بتوفرو حقا بس مبدئيا مو ملغية

إيمت فيني سلمكن الأوراق؟
بس تخلص مو مشكلة ايمت ما بدك

لايمت معنا وقت للتسجيل بالنقابة؟
بالعادة لاخر آذار بس السنة اكيد رح يعطوا مهلة اطول... انتو استعجلو واخلصو منها

#بالنسبة_للبشري_والاسنان
مشان يلي عندو اي حدا بخصو
كمان موجودين لنفس القصة
ومشان الاوراق فهي نفس الاوراق تماما بس بيختلف عن اوراق الصيدلة
وبدنا صورة هوية وحدة
اما باقي الاوراق نفسا
سواء وثيقة اللياقة الطبية والغير ملتزم وصور المصدقة وصورة عن شهادة البكلوريا والصور الشخصية
والرسوم بتختلف أقل من الصيدلة أكيد

#ملاحظة
رح يكون الاستلام والتسليم حسب مكان التواجد بالمحافظات
مبدئيا باللاذقية
مكتبة الجديد جانب مكتبة أليسار يسار باب سبيرو

اي سؤال كتبولنا ياه بالتعليقات ومنجاوبكن عليه
واللي بحب يستفسر عن اي تفصيل عالرقم 0949883715

#تنويه
طلاب بقية المحافظات والجامعات يلي صعبة عليهن يوصلو عاللادقية واللي بحب يسجل عن طريقنا كمان بتتواصلو معي عالخاص

كمان منشنو لبعض مشان يوصل الخبر للكل
بالتوفيق للجميع❤️❤️