#كيميا_دوائية_عملي
آخر بوست إلي تصويبات لمادة عملي🥰

🔹 بالجلسة الأخيرة : فقرة طلائع الأدوية لإطالة فعالية الدواء، اول فكرة يتم تحويلها ببطء إلى الشكل الفعال مما يطيل من فعالية الدواء (مو يقلل)

🔹 نموذج مذاكرة أول :السؤال الثاني الجملة رقم ٢ الأمونيوم الرباعي R NH3
نموذج مذاكرة ثاني: السؤال الثاني الجملة رقم ١ التصحيح بس بدلو بين كلمة عكوسة وغير عكوسة بتصير هيك: الرابطة التساهمية غير عكوسة والهدف من HTS إيجاد مركبات ترتبط برابطة عكوسة مع الهدف

الاسئلة رح تكون حلوة وموووفقين كتيير وانشالله ختامها مسك❤

#Dare_to_Dream
#Dream_Team

مسا الخير 💞💞

#نظري
🔹 صيدلة مشافي: المحاضرة 11 (26 صفحة) والمحاضرة 12 (36 صفحة)
🔹 مراقبة دوائية: المحاضرة 10

💭تنويه 1: المشافي هيك خالصة 🥳
💭تنويه2: لسا في جطعة محاضرات ح تنزل بهالكم يوم ما خلصنا 🧘‍♀️
💭تنويه 3: موادنا بيتلحقو بوقتن بشكل عام فلا تخافو والمحاضرات النازلة لهلا بكل مادة ادرسوهن لتكون مرتاحين اكتر خلال الامتحان

موفقين كتير 💞💞

#Dream_team
#Dare_to_dream

مرحبا زملائي الحلوين 🫶

🔹المكتبة فاتحة اليوم
🔹 مسكرة احد وتنين
🔹 ورح ترجع تفتح تلاتا اربعاء خميس

وكل عام وانتو بخير جميعاً 🩵🩵

#Dream_team
#Dare_to_dream

صباح أجواء العيد الحلوة 🥰

🔹 المكتبة اليوم رح تفتح للساعة ٨ المسا 🧘‍♀️🫶

#Dream_team
#Dare_to_dream

صباح الخير زملاء🥰
هدول تصويبات المادة :
🍀محاضرة 1:
الصفحة 1: بمربع الشرح صاير خطأ بالتنسيق
الطبيب يشخص ويقترح الخطة العلاجية لمرض معين
الصيدلاني يتحقق من صحة الخطة...
الممرض يطبق الخطة على....

🍀محاضرة 5:
صفحة 34: حاصرات الكلس: يجب اجراء EcG .....في حال اطالة المسافةQT  أكبر (>) 20% من قيمتها الطبيعية..

🍀محاضرة 6:
صفحة21: اول مربع بالنسبة للتريبتان هاد رأي شخصي من الدكتورة بس اذا اجا السؤال بالامتحان بكون الجواب متل الفقرة الاساسية انو التريبتان لا يجب ان يعطى خلال طور الاورة

🍀محاضرة 7:
صفحة 8: الجدول الفيراباميل يثبط الغليكوبروتين p
صفحة 20: ملاحظة عن التداخل بين الليثيوم وال NSAIDs:
اطراح الليثيوم مرتبط ب اطراح الصوديوم، و NSAIDs تثبط البروستاغالندينات بالتالي تغير الجريان الدموي الكلوي مما يؤدي ل قلة اطراح الصوديوم والليثيوم

🍀محاضرة 8:
صفحة 1: المربع الاول أخر كلمة ناقصة (نزيد عمرها)
صفحة 24: السيليجين مثبط انتقائي لكن( غير قابل للعكس) ال moclobemid  هو فقط القابل للعكس

🍀محاضرة 9:
الصفحة الاخيرة: أدوية باركنسون وليس ادوية الذهان (مبينة🙄)

🍀محاضرة 12:
الصفحة 2: بالتظاهرات السريرية العوامل الرثيانية في المصل: ظهور (كميات) شاذة من العامل الرثياني
الصفحة 21: مصطلح ترقق العظام هو Osteoprosis
الصفحة 26: Teriparatide هو المركب المأشوب ل PTH (الباراثورمون هرمون جارات الدرق)
الصفحة 29: التهاب المفاصل التنكسي هو Degenerative  arthritis

درسوا منيح ونطروا تصويبات الدورات والحل رح ينزل اليوم موفقين❤

#Dream_team
#Dare_to_dream

مرحبا زملاء جبتلكن تصويبات الدورات 🥰:
🍀الصفحة 4:
16: B
🍀الصفحة 10: بأفكار الدورات أدوية الخيار الاول (للمعالجة الوقائية) للشقيقة: حاصرات بيتا (أو الاوكزيتورون)
🍀الصفحة 11:
السؤال 2 الكوليسترامين (ينقص) التوافر الحيوي للبروبرانولول
🍀الصفحة 16:
38: C
39 : D
40 : D
🍀الصفحة 18:
43: B
48 : B
54: C
55: تطبيق اللصاقة بكون بالنهار و مابنطبقها بالليل لتجنب سقوطها
🍀الصفحة 19:
61 : A
🍀الصفحة 20:
68: C

وتحت بالصور حل اسئلة قسم د. نسرين موفقين❤

#Dream_team
#Dare_to_dream

بس كم ملاحظة صغار سريعا:
🍀بالمحاضرة 8 صفحة 24: Tranylcypromin قابل للعكس و فقط ال phenelazin هو الغير قابل للعكس

🍀بالدورات صفحة 14 السؤال 27 الجواب B
(سقط سهوا اكيد الامتصاص ما الو اهمية أما التوزع ما كل التداخلات الها اهمية سريرية بالمحاضرة محطوط انو فقط اللي هامشها العلاجي ضيق أما الاستقلاب فهو من اهم التداخلات ذات الاهمية السريرية)

🍀صفحة 15 السؤال 31 : أكيد E

🍀تصويب للتصويب🤣 صفحة 3 السؤال 16 خلوه A

#Dream_team
#Dare_to_dream

هيلووو من نص زنقة المشافي💔
اتركو كلشي من ايدكن وتعو لنحكي عن احلى مادة هالفصل 😌 (اوعى حدا يعترض ها)
في مفاجأة بالاخير  🤫🪄

#تغذية_و_حميات
🔹 بداية الكل بيعرف المادة كاملةً للدكتورة زينب صارم
🔹 عدد المحاضرات: 8
🔹 توزيع المحاضرات مع عدد الصفحات بالصورة تحت 👇

هلا منجي لفقرة سؤال جواب 🤓
💠بتتلحق المادة؟
🔹 طبعاً وحطيت بالصورة تحت وقت تقريبي لكل محاضرة

💠 كيف الاسئلة بتجي عادةً؟
🔹 هلا ليكو متل ما في اسئلة سهلة بالامتحان بكون في كمان اسئلة صعبة بصراحة وكم سؤال فيهن شوية انكلش بس ما تاكلو هم كلللو موجود بالمحاضرات
🔹 وانا ضمن المحاضرات منوهة ع اغلب الافكار يلي جاية سابقاً بالدورات 😌 فما تاكلو هم شي أبداً

💠 على شو منركز اكتر شي ضمن المحاضرات؟
🔹 على فقرات العلاج الدوائي والتغذوي
🔹 الدكتورة بتجيب من كلللشي ضمن المحاضرة ما فيكن تتركو شي بس الفقرات يلي بتدقق ع التفاصيل فيهن هنن فقرات العلاج بالتحديد

🔹 في مبوب دورات؟
🔹 نعمم طبعاً، مبوب دورات 22 صفحة موزع حسب العناوين
🔹 بالإضافة التجميعات السنة الماضية 🧘‍♀️

هلأ صار دور المفاجأة 🥳
🪄😌ملخص للمادة 😌🪄
🔹 48 صفحة
🔹 ملخص لكل المادة إلا المحاضرة السادسة يلي هية جديدة تماماً ما في إلها دورات لشوف نمط الدكتورة شو بتجيب منها وهية المحاضرة مليييئة بالتفاصيل فما فيي اختصر شي منها ع مسؤوليتي
🔹 اشتغلت الملخص ع اساس الدورات كيف الاسئلة عم تجي وكيف النمط عم يكون وشو القصص يلي بتركز عليها الدكتورة اكتر من غيرا
🔹 الملخص بيضمن الترفيع بس انا ما بنصح انو تنترك المادة كلا تندرس ملخص
🔹 يلي عندو مواد حملة صعبة يدرس كم محاضرة كاملة والباقي يكفيه ملخص
🔹 يلي بضل عليه محاضرة بس او تنين يمرقها ملخص ولا يتركا بالكامل
🔹 ويلي ما بلحق يعيد المادة كلا محاضرات فكمان يعيد من الملخص بيقدر يركز ع اهم الافكار بأسرع وقت 😌🫶
🔹 وآخر صفحة بالملخص هية صفحة الأرقام والحسابات جمعت فيها كل الشغلات الحسابية يلي عم تجي بالامتحان 😎

💠هالمرة جد آخر شغلة، يلي معو محاضرات السنة الماضية بيقدر يدرس منها (كأساسية نفسها بس شغل محاضرات الفريق بيفرق بالشرح والتنسيق) بسس المحاضرة السادسة بجيبا جديد هي ما انعطت السنة الماضية

ومن بعد ما نقدم مشافي بكون جاهز بالمكتبة 8 محاضرات مع الملخص ومبوب الدورات 🧘‍♀️❤️
وع فكرة مفاجآتي ما خلصو خلو عينكن ع القناة قبل المادة 😌🪄

موفقين كتير 💞

#Dream_team
#Dare_to_dream

تصويبات وملاحظات أخيرة للمادة:
🍀تصويب أكيد كلكن نتبهتوا عليه بالدورات صفحة 13 السؤال 5 طبعا الجواب A🙄

🍀صفحة 2 السؤال 3 الجواب C

🍀صفحة 15 السؤال 31 الجواب C لانو بالخيار 3  الصح يكون تدهور الحالة العقلية (وليس الصرعية)

🍀بالمحاضرة السابعة الصفحة 5:
النقطة الخامسة قد ينخفض امتصاص بعض الادوية اذا تم اعطائها مع مواد ماصة مثل الكربون كوليسترامين... (يعني كل هدول الادوية بنقصوا الامتصاص ما بس الكربون) وصححوها بالجدول صفحة 8

🍀بالنسبة لتحديد مستوى الخطورة:
عوامل الخطورة هني 5
(عمر وكوليسترول -كلي- وضغط وHDL و التدخين)
بس اذا كان مريض سكري او تصلب عصيدي واضح او عندو نسبة خطورة اكتر من 20 وقتا بعتبر انو مريض خطورة عالية(شو ماكان عندو عوامل خطورة تانية يعني)

هي اخر رسالة الي بتمنى كون ساعدتكن قدر الامكان🥺❤
درسوا منيح وموفقين ببداية النهاية❤❤

#Dream_team
#Dare_to_dream

مساء الخير ودراسة المواد الحلوة متل التغذية 🥹🥹 مرقولي ياها 🥹

#تصويبات_الأمراض_الهضمية
يعني اول ٤ محاضرات
وتصويباتن ضمن الملخص كمان
+++ تصويبات الدورات

وفي توضحين مهمين شوفوهن ضروري 🥹
ورح بلش نزللكن شغلات مميزة بتخربط لنركز التفاصيل الصغيرة منيح 🥰
باقي المحاضرات ما بتطول تصويباتن انشالله

#Dream_team
#Dare_to_dream

مين خلص الهضمية كلا؟
تعو نراجع كم فكرة مميزة 🤓

🔹 بالغثيان مننصح بالأطعمة النشوية الجافة✅
🔹 أما بجفاف الفم منتجنبا ❌

🔹 بالغثيان منتجنب الروائح النفاذة ❌
🔹 أما بعسر البلع مننصح فيها مشان نزيد الشهية ✅

🔹 مين المرضى يلي مننصحن بالاسلتقاء بعد الطعام؟ هنن يلي عاملين جراحة مشان نتجنب حدوث متلازمة الإغراق ونبطئ الإفراغ المعدي

🔹 ال achalasia بتسبب حدوث عسر البلع المريئي
🔹 القلس بسبب حدوث مريء باريت
🔹 متلازمة شوغرن بتسبب جفاف فم
(ركزولي مين السبب ومين النتيجة)

🔹 النعنع منتجنبو بالقلس ❌
🔹 بس مننصح فيه بمتلازمة القولون العصبي✅

🔹 البروبيوتيك وين ذكرناه؟ بعلاج الاسهال ومتلازمة القولون العصبي

🔹 بالداء الزلاقي بصير فيه قصر الزغابات المعوية
🔹 اما متلازمة الامعاء القصيرة بتتكيف لتصير أطول واعمق

🔹 اللفائفي هو مكان امتصاص فيتامين B12 وحمض الصفراء
🔹 أما الاثني عشر مكان امتصاص الحديد

#Dream_team
#Dare_to_dream

هاي أعزائي

🔹 هي باقي التصويبات كلا محاضرات وملخص ودورات
🔹 وما تنسو اول ملف نزل ها

انشالله هيك كلو تمام ما عد في شي اذا صار وانتبهت ع شي لسا بخبركن اكيد
يلي عندو اي سؤال مهم ابعتولي اليوم لأن بكرا ما ح افتح نت لبعد المادة 🌚
اي بس ما نسيانتكن بتجميعات وهيك قصص ها 🧘‍♀️

موفقين 💞

#Dream_team
#Dare_to_dream

#نقاط_مهمة
#المحاضرة_السادسة

🔹 مين الأفضل التغذية المعوية او الوريدية بشكل عام؟ المعوية برافو، ليش؟ لأنها بتحاكي الحالة الطبيعية اكتر ومضاعفاتا اقل.

🔹 التغذية المعوية إما مكملات غذائية عن طريق الفم (انشور ونسلة وبووست) او تغذية انبوبية
🔹 اذا الشخص عندو فقد شهية بدون مشاكل تانية فمنحطو ع مكملات غذائية عن طريق الفم
🔹 اذا كان سوء التغذية شديد والمكملات ما فادتو، عندو اضطرابات بلع حادة، عيوب بالجهاز الهضمي، جراحة وهيك قصص منحط ع التغذية الانبوبية.
🔹 موانع الانبوبية ص ٤ مهمين

🔹 طرق الوصول للجهاز الهضمي إما أنبوب تغذية أو فغر أمعاء
🔹 اذا اقل من ٤ اسابيع انبوب تغذية، اكتر من ٤ اسابيع فغر امعاء

🔹 اذا كانت مدة التغذية اقل من ١٠ ايام بشكل عام منلجأ للوريدية مو الأنبوبية

🔹 شو منفضل بالتغذية الانبوبية الوصول للمعدة ام الامعاء؟ المعدة
🔹 اذا كان في انسداد بالمعدة او خطر استنشاق رئوي وقتا منلجأ للأمعاء

🔹 الصيغ المعوية إما قياسية (بروتينات كاملة) او مختلطة (كمان اطعمة كاملة) او أولية (بروتينات وكربوهيدرات مقسمة جزئيا او كليا) او خاص بالأمراض او خاصة بالافراد

🔹 الأولية (متحللة) يفضل منخفضة الدهون منستخدم فيها MCT

🔹 راجعو المخطط ص ١٠
🔹 الجدول ص ١١ مهم كتير

🔹 اذا علبة الصيغة المعوية ما استخدمناها كلا بينحط تاريخ ووقت فتح العلبة، واقصى حد بنرجع نستخدما ٢٤_٤٨ ساعة.

🔹 ص ١٤ مهمة

🔹 لنتأكد انو الأنبوب بالمحل الصح ممكن نستخدم الأشعة السينية او فحص ph السوائل ضمن الأنبوب

🔹 اذا فحصنا حجم بقايا المعدة وكان اكتر من 500ml متوقف وقتا التغذية المعدية والحل إما بتصير معوية او منعطي أدوية التحريض الافراغ متل ميتوكلوبراميد

هيك خلصنا التغذية المعوية هلا منجي للوريدية
🔹 ايمت منلجألا؟ لما الشخص عندو مشكلة بالهضم او الامتصاص
🔹 بداية الصفحة ١٩ مهمة
🔹 التغذية الوريدية إما محيطية او كاملة (مركزية)
🔹 مشكلة المحيطية ممكن يصير phlebitis اذا كانت المحاليل مركزة
🔹 لازم اسمولالية السوائل المحيطية اقل من 900 mmol/l
🔹 منلجأ للكاملة وقت بتكون متطلبات السعرات الحرارية كثيفة
🔹 اذا مدة التغذية اقل من اسبوعين محيطية اما اكتر من اسبوعين فكاملة
🔹 بالتغذية المركزية بتنحط اما مباشرة بالوريد المركزي بتكون اكتر تغلغل بس اكتر تكلفة، او بتنحط بطريقة غير مباشرة عن طريق وريد محيطي هي اقل تغلغل واقل تكلفة

🔹 المحاليل التغذوية الوريدية فيها احماض امينية اساسية ودكستروز احماض دسمة اساسية وسوائل وكهارل (لازم تكون معتدلة الشحنة كلن سوا) وفيتامينات ومعادن

🔹 الدكستروز بيعطي 3.4 سعرات حرارية مو 4 متل الغلوكوز

🔹 تعدادات المضاعفات ص ٢٦ مهمين
🔹 المخطط باخر صفحة مهم كمان راجعوه

هي أهم النقاط والأفكار بالمحاضرة اكيد بيبقى تفاصيل تانية كتيرة بس يلي ما بلحق يدرسا او يراجعا ما يروح بلا ما يدرس هدول

موفقين 💞

#Dream_team
#Dare_to_dream

صباح الخير للزملاء الجميلين جداً 💙 ايدكن عن محاضرة الدعم التغذوي واقرؤولي هالحكي للمهم عن مادتنا القادمة #الكيمياء_الدوائية

بدايةً المادة مستلمها الدكتور محمد قوصرة كاملة وهي عبارة عن 8 محاضرات بس صغار،والعناوين كالتالي مع عدد الصفحات:

1⃣ العوامل المؤلكلة 1 (22)
2⃣ العوامل المؤلكلة 2 (16)
3⃣ العوامل المتداخلة مع الدنا + مثبطات التوبوإيزوميراز (22)
4⃣ مضادات المغزل الانقسامي + مثبطات البروتين كيناز (18)
5⃣ مضادات الاستقلاب (20)
6⃣ هرمونات قشر الكظر 1 (22)
7⃣ هرمونات قشر الكظر 2 + الهرمونات التناسلية 1 (24)
8⃣ الهرمونات التناسلية 2 (18)

🔥 طبعاً طبعاً المفاجأة الحلوة بهالمادة هي الدورات .. مبوب دورات 22 صفحة قسمناه حسب المحاضرات + حطينا تجميعات السنة الماضية وطبعاً حذفنا الأسئلة المكررة (بس خلوكن متذكرين انو الدكتور كتير بكرر دورات 🔥🔥🔥🔥 لهيك اللي بدو يترك محاضرة مااااااا يترك دوراتها أبداً أبداً اتفقنا !!)

💙 المادة بتتلحق محاضرات ما تاكلو همها ابداً بس أهم شي تدرسو المحاضرة وبعدها دوراتها فوووووراً لتعرفو كيف عم تجي الأسئلة ومنو بتعملو وجه عالدورات اللي لازم تبصمووووهن منعيد ومنكرر 🔥🔥🔥

💙 اللي عندو محاضرات السنة الماضية بيقدر يدرس منها لأن الأساسية بحد ذاتها ما تغيرت بس تغير تنسيق المحاضرة وتقسيم العناوين بكل محاضرة بس مبوب الدورات الجديد فيه دورات جديدة ومقسم حسب المحاضرات لا تنسو تشوفوه

💙 المادة نازل قبل منها 5 محاضرات، ومن بعد التغذية والحميات بتقدرو تمرو عالمكتبة بكون جهزو التلاتة الباقيين مع مبوب الدورات وموفقييين 🥰

#Dare_to_Dream
#Dream_team

بتقلكن نور بالمحاضرة 5 صفحة 23 بالجدول
تالت مجموعة هية الmeglitinide مو الغليتازون
اخر مجموعة بالجدول هية الغليتازون (التيازوليدينيات نفسا) متل ما مكتوب

محاضرة 6 ص 21 بفقرة الدهون أول سطر احماض دسمة اساسية مو أمينية

وبس هيك🌚❤️
#Dream_Team
#Dare_To_Dream