Mukhammadkarim Tukhtaboev va Elbek Normurodov uchun juda hursandman.

Bizning yoshlarimiz qoʻlidan keladigan ish koʻp. Hozircha birlik va oʻnlikda sanayotgan boʻlsak, nasib qilsa kelasi yillar 100 lab yoshlarimiz shunday natijalarga erishishadi.

Buning uchun nima qilishimiz kerak?

1. Oʻqish
2. Oʻqish
3. Oʻqish
4. Oʻrganish
5. Tadbiq etish
6. Toʻxtab qolmaslik.

Farzandlarimizni oʻqitaylik. Natijalarga erishishsin. Ham oilamizga, ham millatimizga, ham Vatanimizga foydali boʻladi.

Bosh kelmang!!!

@DrAlgorithm

Mukhammadkarim Tukhtaboev and Elbek Normurodov from the core team of our community were recognized as "Microsoft MVP" by Microsoft company this year. Let us remind you that this achievement is the 2nd time for them.

Here you can see all Microsoft MVPs from Uzbekistan:
https://mvp.microsoft.com/en-US/search?target=Profile&program=MVP

@mdcuzbekistan

Dasturlash o'ldi tan olish kerak...

Kecha Adham Zokirov kanalida Ustoz-Shogir kanalidagi ish e'lonlarini Prompt Engineering bilan tahlil qilib chiqqanini e'lon qildi. Bu ma'lumot Sardor Og'a kanalida ulashgandan keyin qizg'in muhokamalarga sabab bo'ldi. Va ulardan eng asosiysi Sardor Og'a o'zi ham alohida e'tibor qaratgan quyidagi fikr

Dasturlash o'ldi tan olish kerak, 3 karra ish kamaygan

Dasturlash rostdan ham "o'ldi"mi?

Yuqoridagi fikrda jon bor. Chunki jadval 2020-yildagi ish e'lonlari soni 900 dan 2023-yilga kelib 300 taga tushganini yaqqol ko'rsatib turibdi. Lekin umumiy holatni tahlil qilmay turib faqat bu sondan xulosa chiqarish xato bo'lishi mumkin.

2020-yil

Bu yerda eng muhim va esdan chiqayotgan jihat jadval aynan 2020-yildan boshlangani. Pandemiya nafaqat O'zbekistonda, balki butun dunyoda birdaniga kompaniyalarni onlayn rejimga o'tishga majbur qildi. Onlayn xizmatlarga ehtiyoj ortishi natijasida esa dasturchilarga bo'lgan talab ham osmonga sakradi (qolgan ishlar esa "o'ldi").

Tasvirni kattaroq olish uchun esa AQSHdagi yangi ish o'rinlari statistikasiga e'tiboringizni qaratmoqchiman. Pandemiya dunyoga tarqalgan mart oyidan ish o'rinlari keskin kamayib, aprelda 6 yillik minimumga (4637 ta) tushgan. Ammo o'sha yil iyul oyidayoq o'zini ancha tiklab olgan (6439 ta) va bu aynan texnologik ishlar hisobiga amalga oshgan.


2021-yil

2021-yil boshida pandemiya cheklovlari kamayishni boshladi va AQSH hukumati "o'tirib qolgan" iqtisodni tiklash uchun kredit foizini minimum darajaga tushirib qo'ydi. Natijada kompaniyalar katta miqdorlarda kreditlar olib, o'z faoliyatini tiklashga kirishib ketdi. Ustoz-shogirdda ham 2021-yil pik bo'lganini ko'rish mumkin.

Ammo buning natijasida 2021-yil oxiri va 2022-yil boshlarida AQSHdagi inflyatsiya "osmonlarga" ko'tarilib ketdi.

2022-yil

Izdan chiqayotgan inflyatsiya (7-8%) ni jilovlash maqsadida 2021-yil oxiridan boshlab FED keskin tarzda kredit foizini ko'tarishni boshladi. Natijada kompaniyalar moliyalaviy holati cheklandi, bozor keskin qisqarishni boshladi va xarajatlarni kamaytirish ehtiyoji paydo bo'ldi.

Moliyaviy bosim sababli endi kompaniyalar yoppasiga dasturchilarni ishdan bo'shatishni boshladi (layofflar mavsumi). O'zi shundoq ham ishdan bo'shatib turganda esa yangi ish o'rni ochish ham sezilarli tarzda pasaydi.

2023-yil

Inflatsiya tezda pasayib qolmadi va 2023-yilda ham 5-6% atrofida qoldi. Layofflar ancha kamaygan bo'lsa ham, kompaniyalar yangi xarajatlar haqida juda ehtiyot bo'lib harakat qilishni boshladi.

Bundan tashqari 2023-yil boshida ommalashishni boshlagan Generative AI bozordagi noaniqlikni kuchaytirib yubordi. Umumiy shov-shuv ortidan AI bilan bog'liq kompaniyalar narxi uchib ketishiga qaramay, unga tezda moslasha olmaganlar biroz tahlikali vaziyatga tushib qoldi (Google va Apple ham shular qatori).

Natijada kompaniyalar xarajatlari judayam konsentratsiyalashib ketdi. Deyarli barcha mablag'lar AI uchun mos serverlar va qurilmalarga yo'naltirildi. Natijada dasturlash ish o'rinlari ham juda tor mavzuda bo'lib qoldi.

2024-yil

Bu yilga kelib AQShdagi inflatsiya stabil pasayishni boshladi va hozirda 3% atrofida. Ammo FED o'zi maqsad qilgan 2% ga yetmaguncha foiz stavkalarini baland ushlab turishda davom etyapti.

Bozordagi noaniqliklar ham ancha bosildi. Kompaniyalar ham, dasturchilar ham AI plyus-minus tomonlarini tushunib oldi va ikkisi ham "hali beri vahima qilish shart emas ekan" degan xulosaga keldi.

Tech ish o'rinlari ham 2024-yilda stabillashib, sekin o'sishni boshlayotganini ham ushbu jadvaldan ko'rish mumkin.


Xulosa

Dunyoning eng katta IT bozoridagi holat butun dunyo qatori O'zbekistonga ham, Ustoz-Shogirddagi e'lonlar soniga ham ta'sir qildi. Shu sababli ham

Dasturlash o'lmadi, u shunchaki o'ziga kelib oldi )

#software_engineering #financial_markets #economics

@Janob_Musayev

Juda ham zoʻr tahlil boʻlibdi. @janob_musayev ga alohida rahmat!

Oʻtgan yili Londonda bir korxona bilan uchrashgan edim. Dasturchilarni tavsiya qilib kelgan edi. Toshkentda ham dasturchilari bor ekanini aytgan edi.

Bozorga qanday kirding, hozir 3-4 ta katta korxonalar bor-ku dedim.
- Biz ham x1.5 bilan kirdik (maoshni 1.5 marta koʻtarib jalb qildik), - dedi
- Nahotki x1.5 silaga koʻtarsa, - desam.
- Koʻtarmaydi. Lekin odam yigʻish kerak-ku. Loyiha topamiz, mana oldingizga keldik-ku, - dedi.

Demak 2022 larda Oʻzbekistonda narxlar sunʼiy koʻtarildi.

Oradan biroz vaqt oʻtib, Toshkentda outsource ga ishlaydigan tanishlarim yozdi. ʼChet el IT kompaniyasiʼ (otini etmiman) oʻzbek dasturchilarga ish bermay qoʻydi. 4 oydan beri loyiha yoʻq deb.

Hullas, 2 yilda bozor qanday sunʼiy koʻtarilgan boʻlsa, shunday tezlikda joyiga tushdi. Vaziyatdan unumli foydalangan ham boʻldi, ulgurmagan ham.

Asosiysi, bu oddiy statistika. Mutaxassis doim kerak. Unga doim ish bor. Mutaxassis boʻlishga harakat qilaylik, ilm olishga hech qachon kech emas va toʻxtamaslik kerak. Qolgani oʻzi hal boʻladi.

@janob_musayev ga yana bir bor tashakkur.

@DrAlgorithm

Noyob CV

Yechim topish uchun har doim ham murakkab narsalarni oʻylash shart emas. Koʻp narsa soddalikda hal boʻladi.

Kolumbning tuxumni tikka qoʻyganini eslang.

Bu bola ishga kira olmay yurib, natijada ajoyib gʻoya oʻylab topibdi.

CVsini kiymiga chiqarib olib, odamlar koʻp toʻplanadigan joyda aylanib yurgan. Eng qizzigʻi u reklama agentligida ish topgan.

Baʼzida sodda narsalar oyogʻimiz ostida boʻladi. Eʼtibor bermaymiz.

Ishingizga rivoj!

@DrAlgorithm

🔥 Mohirdevga koʻngillilar kerak!

✅ Nima qilinadi:
Yangi loyiha ustida ishlayapmiz. Shuni sinovdan oʻtkazish kerak. Bundan tashqari, unga tanqidiy fikr (fidbek) ham berish mumkin.

🧑‍💻 Kimlar kerak:
Python dasturchilar. Ish full-time emas, shuning uchun asosiy ishidan ortib vaqt ajrata oladigan koʻngillilar zarur.

💎 Sizga nima foyda:
IT taʼlimidagi yangilikni hammadan oldin BEPUL oʻtab koʻrasiz.

🔗 Qiziqqanlar uchun havola

PS. Ishtirokchilar soni cheklangan.

👉 @UstozShogird kanaliga ulanish

Ilm tekin boʻlishi afzalmi?
[Shaxsiy fikrlarim]

Arab tili ilmiy til boʻlgan davrda juda koʻp xalqlar kitoblari arab tiliga tarjima qilingan ekan. [1] [2] [3]
Ovrupa davlatlari 10,000 lab kitoblari bor vaqtda, Bogʻdodda kutubxona 100,000 larda oʻlchangan ekan. [4] [5]
Bu ishni amalga oshirish uchun har bir kitob tarjimasi va koʻpaytirilishi uchun gʻaznadan pul toʻlangan deyishadi. [6]

Ilmni bir joyga toʻplashning bundan unumli yoʻli bormikan?

Shaxsiy kutubxona va Kutubxonani xususiylashtirish

Davlat kutubxonalari hamma davrda boʻlgan. Davlat buning uchun gʻaznadan pul ajratgan. Jamoat kutubxonasi boʻlgani uchun kitoblarni saralash va tanlash mutaxassis va markazlar boʻynida boʻlgan. Oʻzbekistonda hozir ham shunday.

Shaxsiy kutubxonalar esa odamlar oʻzlari toʻlagan kitoblari saqlanadigan joy. Uni, ham tor doirada yopiq, ham keng jamoatchilik uchun ochiq qilsa boʻladi. Kitob saviyasi obyektiv, kutubxona egasiga bogʻliq.

Unda, kutubxonani xususiylashtirish nima?

Bunda kutubxona bir guruh shaxslar boshqaruviga oʻtadi. Kutubxona rivoji uchun mablagʻ kiritishadi, aholi uchun qulayliklar qilishadi. Davlat, xalq puli sarf boʻlmaydi.

Muammo nimada?

Muammo bu kutubxona ichidagi kitoblar magʻzida. 'Best seller' kitoblarni eslang.
Kutubxona oʻzida endi barcha kitoblarni saqlamaydi, joy cheklangani uchun savdosi yaxshi kitoblarni koʻpaytiradi. Eskilarini chiqarib tashlashadi va sotib yuborishadi. Sizga ilmiy adabiyot kerak boʻlsa, muddati oʻtga boʻladi yoki umuman mavjud boʻlmaydi. Kitoblar asosan savdoga aloqador mavzularda boʻladi. Bitta kitob tekinga oʻqiysiz keyin muallifning boshqa kitobini sotib olasiz.

Yana bir kutubxona turi bor. GB larda oʻlchanadi.

Elektron kutubxona.

Saqlash va tarqatish oson boʻlgani uchun bu usuldan foydalaniladi. Qogʻoz kitobni olib, skanerlab, elektron shaklga oʻtkaziladi. PDF yasab (veb-sayt, kanal va boshqa tarmoqqa) joylanadi. Shu bilan odamlar yuklab olishni boshlashadi.

Bu men eng yomon koʻrgan usul:

1. Odamlar barcha kitobga ega chiqishga qiziqadi va hammasini oʻziga yuklab olishga harakat qiladi. Vaqtini ketkazib saqlab oladi. Ammo oʻqimaydi.

2. Kutubxona egasi arzonga kitob tarqatayotganidan hursand boʻladi. Ammo muallif haqqiga hiyonat ekanini oʻylamaydi.

Bundan keyin qaysi muallif kitob yozgisi keladi?

Toʻgʻri yoʻl

Toʻgʻri tashkil etilgan elektron kitoblar ham bor. Baʼzilarini misol keltiraman.

1. Kindle, Kobo, Boox va PDF DRM kabi elektron kitob oʻqish va tarqatish usullari bor. Kitoblar sotib olinishi va muddatga ijaraga olinishi mumkin. Ijara vaqti tugasa, oʻzi oʻchib ketadi. Juda qulay, millionlab kitob bor. Sotish mexanizmi mavjud.

2. Libby dasturi va kutubxona. Bunda kutubxona oʻzida mavjud kitob, jurnal va gazetalarni Libby kabi dastur yordamida tarqatadi. Odamlar kutubxona aʼzolik raqami orqali kirib, kitob olish huquqiga ega boʻlishadi. Elektron kutoblar soni cheklangan boʻladi. Bir vaqtda faqat 10-15 kishi oʻqiy olsa, boshqalar navbat kutib turadi. Kitob oʻqish tekin. Faqat navbat kutasiz. Yoki navbatsiz kitobni sotib olib oʻqiysiz. Qaytarish muddati kelgach avtomatik kitob sizdan ochib ketadi.

3. Kitobni ommaviy tekin qilish uchun muallifga toʻliq pulini berish usuli. Bunda biror mavzuda yangi kitob yozish yoki tarjima qilish kerak boʻlsa muallif bilan kelishiladi. Uning mehnati baholanib, uning xizmat haqqi toʻliq qoplanadi. Shunda kitobni necha marta chop etish yoki tekinga tarqatish moliyalashtirgan tomonda boʻladi. Masalan, 500mln soʻmga yangi kitob yozdirib, chop etasiz va maktablarga tarqatib yuborasiz. Muallif kitob yozish ishtiyoqi oshadi, ilm tekin qilingan boʻladi. Albatta, bu usulni davlat ham koʻp ishlatadi.

Ilm olinadi, ilm berilmaydi. (Wiki)

Hulosa oʻrnida aytmoqchi boʻlganim, ilm olinishi kerak. Ilmni tekin qilaman deb qadrini tushirib yuborilishi mumkin. Intilish bilan, qiyinchilik bilan, doimiy shugʻullanish bilan olingan bilim ham qadrli boʻladi ham doim esda qoladi.

@DrAlgorithm

IT uzilishi

Aviakompaniyalar, banklar va TV/radio korxonalarda butun dunyo bo'ylab uzilishlar kuzatilmoqda. Buning sababi Microsoft va Cyberstrike (global kiberxavfsizlik korxonasi) bilan bog'liq mammo bo'lishi mumkin. (manba)

Oxirgi marta 2000 yilga yaqin OT (Operatsion Tizim - OS) dagi muammo bunday katta miqyosda ziyon ko`rishi mumkin ekanini ko`rgan edim. Yana qaytarildi shekilli.

Bu safar hali aniq bilmadim aynan nima BUG chiqdi. Lekin shu BUG ancha qimmatga tushvotti.

Oxiri yaxshilik bilan tugasin.

@DrAlgorithm

Crowdstrike 🍈 Tushurdi

Bu 80 milliard dollar deb baholangan dunyodagi xavfsizlik dasturlarini ta'minlovchi kompaniya. Kecha qilgan o'zgarishlari butun dunyo bo'yicha Windows operatsion tizimida ishlaydigan kompyuterlarni buzib qoydi. Ya'ni, barcha Windows kompyuterlarida blue screen of death kuzatildi.

Har bir komyuterni qo'lda birma-bir tuzatib chiqish kerak bo'lar ekan. Tasavvur qiling, butun dunyo bo'yicha aeroport, kasalxona, maktav va universitetlardagi ish to'xtab qolishi birgina kompaniyani deb bo'lsa?!

Telegram | YouTube | Linkedin

PHP bormi?

Kitob doʻkonidaman. Java bor. Python bollari bilan turishibdi. PHP qani?

Koʻzim Pythonga tushganida darrov UzGeeks tashkil etayotgan Avgust oyidagi MeetUp esga tushdi.

Kelish esdan chiqmasin.

PHP hali tirik. 4:7 coordinatada turibdi.

Til muhim emas. Kalla butun boʻlsa boʻldi.

@DrAlgorithm

Bahodir juda kuchli professor.

Milliy Universitet davridan taniyman. Keyinchalik chet el universitetlariga oʻqishga ketdi va ilmiy faoliyatini davom ettirib qaytdi.

ACM Club tashkil etgan edi. ACM bu xalqaro dasturchilar musobaqasi. Avvallari IBM homiylik qilar edi, keyinchalik JetBrain homiy boʻldi.
Finalga chiqqan (yutmasa ham) guruh (3 kishi) TOP AT korxonalariga $20k ga ishga taklif qilinar edi.
Oʻzbekistondan 1 marta finalga chiqilgan (2013 y.)

Bahodir INHA, Akfa universiteti, New Uzbekistan universitetlarida faoliyat yuritgan.
Turli konferensiya va tadbirlarda matematik nazariyalarni o`yinlar yordamida tajriba qilib ko`rsatishi ko`pchilik yodida qolgan.

Farzandingizni ilm olishiga sharoit qiling. Bahodirdek jasur qilib tarbiyalang. Ertaga ham oʻzingiz ham farzandingiz roxatini koʻradi.

Bahodirlarimiz koʻpaysin!

@DrAlgorithm

Oshga borganda shovqindan qutulish

Ko`pincha oshga borganimizda musiqa baland bo`ladi. Hatto to`y oqshomida ham. Ikki kishi suhbatlashaman desa, qiynaladi.

Manimcha bu odamlar biz uchun yechim taklif qilishibdi. Bemalol 2 kishi gaplashib o`tirsa bo`ladi. Yetmaganida, chet ellik mehmonlar bilan ona tilida gaplashishni ham o`ylashibdi.

Ixtiro qilishgani uchun bitta oshga olib borish kerak!

Nima deysiz?

@DrAlgorithm #AI

Oʻnta farzandli kitobxon oila

Instagram'ni gʻarb segmentida bookbloging anchagina rivojlangan. Bizdan farqli ravishda ularda bu jarayon faqatgina tarmoqlarda emas amaliy hayotda ham oʻz aksini topadi.
Masalan mana bu ayolni olaylik.

Uning 10 ta bolalari boʻlib eng kattasi 12 yoshda boʻlsa eng kichigi esa 5 oylik. Onani oʻzi faol kitobxon va bolalarini ham kitobxon qilgan.

Katta oʻgʻli Evan ayni paytda seriyali katta kitoblar ishqibozi ekan. Videoda koʻrsatilgan kitobni 2-marta qayta oʻqibdi. Eng kichik bolasini qoʻlida esa vizual tasavvur xosil qiladigan kitob turibdi.

Bu videoni koʻrib biz musulmonlarni oʻsha mashhur gapi yodga tushadi:
"Bir erkakni oʻqitsang bir oilani oʻqitasan. Bir ayolni oʻqitsang butun ummatni oʻqitasan."
Faqat bu gapni magʻzini gʻarblik ertaroq anglab yetishgan.

Manba

@kitob_ombori

🔥 Antiqa savollar vaqti keldi!

Yangi “10 ta antiqa savol” rubrikasining birinchi sonini kutib oling. Moneff CTO’si Saidolim Djuraev hazil va professionallik bilan biroz g‘ayrioddiy savollarimizga javob berdi.

👉 Videoni koʻrish

✔️ Kanalimizga obuna bo‘ling va yangi sonlarni oʻtkazib yubormang!

@mohirdev