إخوتي وأحبتي طلاب بري 11، بوست الختام ❤️

شكراً لكم جميعاً على كلماتكم الطيبة، ان شاء الله كون قدرت وفّي جزء بسيط من هالأمانة يلي وثقتوا فيني بها وسلمتوني اياها.

الحكي كتير، حكيت مبارح، وح احكي اليوم، وفيني احكي لبكرا. ف نصيحة أخيرة بعيداً عن المثاليات، الرجاء ثم الرجاء ثم الرجاء لا حدا يبلش يفكر (لو رجع فيني الزمن ودرست هيك لكنت جبت أكتر).
هي الدوامة ما بتخلص، مافي رجعة بالزمن، حاول تتأقلم شوي شوي وتبني مستقبلك يلي انفرض عليك هلق، بدال ما تضيع فيه وانت عم تصفن وتبكي عالماضي، لربما يكون الكلام مرير عند البعض:
Don't miss the moon while counting the stars.

الحمد لله يلي أعطاني شرف تدريسكم خلال هذا العام، وكتابة النوطة وتسجيل الكورس الذين كانوا عون ل آلاف الطلاب كل عام، الحكي معكم ومعرفة مشاكلكم الدراسية والنفسية صارت جزء من حياتي بكل عام على مدى 9 أعوام.

حاولت بكل طاقتي درسكم اللغة بأسلوب سلس يختلف عن أسلوب المدارس، وغيرلكم اسلوب تفكيركم فيها من الحفظ الأعمى للقواعد إلى فهم أصل كل قاعدة، وبرهنلكم أنه مهما كان مستواك، في علامة ح تقدر تجيبها وتستاهلها، الأسئلة الخارجية دائما ستكون موجودة، ولكن بالإتقان، ستسعى جاهدا على تقليصها عبر أسلوب الاستبعاد وغيره "متل ما علمتكم بدفشة واقع"

حاولت كون قريب منكم بأصعب لحظاتكم، ب تسجيلات دعم كل فترة وتانية، لاني بأحد الأيام ما كان في حدا يواسيني، أو يفهمني اني مالي غبي، طلع في كتير متلي هيك بيحسوا، بس كبرياؤهم بيخليهم يقولوا انو الدراسة سهلة.. وعهالأساس كمان ناوي احكي أكتر وأكتر بالايام القادمة، لأن إخفاء معاناتك مالها بطولة ولا ذكاء.

بالفترة القادمة، سأقوم بتجهيز القناة لاستقبال الدفعة الأخيرة، ولكن ح تضل رسائلكم الحلوة ذكرى للمحبة والثقة التي أصبحت اليوم الدافع الرئيسي لاستمراري في العام القادم، أتمنى أن أكون تركت أثر طيب في قلوبكم، وقدرت أسهلكم مادتين على الأقل من عشرات المواد بمسيرتكم الجامعية

عن أسئلتكم: في تسجيل سجلته قبل سنتين عن مستقبل كل كلية داخل البلد وخارجها (اضغط) ما زال صالح بنسبة 80%، مع وجود قليل من المتغيرات المتعلقة بالذكاء الاصطناعي، ببالي تسجيلات قادمة على الانستجرام قريباً، بسا افضى وخلص تحضير نوطة بري 12.

نبقى على تواصل لطيف على الانستجرام حتى بعد انتهاء السنة.
https://www.instagram.com/baraamodallal

وعلى القناة العامة لجميع السنين.
https://t.me/More_Baraa

وعلى قناة الطريق إلى ألمانيا للاطباء.
https://t.me/Germanyroad

الله يكتبلكم الخير والسعادة بالفرع يلي ح تختاروه.

قناة د. براء المدلل للإنكليزي @DR_BMOD

يتم طبخ مقدمة جديدة لبري 12 ❌
تهديد أخير ✅

وبعد طول انتظار، مقدمة مادة اللغة الانكليزية PRE-12 صارت جاهزة ❤️

ما بتعرف شي لسا عن الانكليزي هالفصل أو تقسيمها 🥺؟

حبيت أعمل فيديو شامل لجميع استفساراتكم والأمور المهمة من تجربتي بتدريس عشرات الاف الطلاب من قبلكم والأخطاء يلي وقعوا فيها.
مستوى اللغة، الامتحان، الأخطاء، أسلوب الدراسة.

الفيديو 12 دقيقة، احضروه عالسريع حتى تاخدوا فكرة عن المادة، لينك اليوتيوب:

https://www.youtube.com/watch?v=H2DJj3ewiyI


نهاية، يتم طبخ الكورس حالياً، وأكواد اللغة صارت متوافرة بالمكاتب المعتمدة 🔥
بالإضافة ل أكواد وخطط باقي المواد ل فريق إيليت (بيولوجيا د. يوسف البردان - فيزيا د. نوار شاهين - كيميا د. إلياس ناصيف ود. محمد دالاتي - تاريخ د. حسن السينو).
رابط تطبيق الانكليزي (اضغط)، الايفون قريبا.

بري 11: عندك شي نصيحة عن الانكليزي ل بري 12؟ اكتبها ب تعليقات فيديو اليوتيوب.

دمتم بألف خير 💜
د. براء المدلل للانكليزي @DR_BMOD

صباح الخيرات ل بري دزينة ❤️

بالنسبة للغة يتم طبخ فيديو تأسيسي تقدر تراجع فيه كل المطلوب عندك من أيام المدرسة باذن الله، ح ينزل يوتيوب و تيلي، ح يكون حجر الأساس لكل هالسنة.

إذا كتير متحمس لدراسة اللغة، ف فيك تعمل لحالك المستقبلي خدمة العمر وتبلش تقرأ عالمفردات بتطبيق المفردات وتعيدهم بين فينة وأخرى لبين ما اخلص كتابة وتصوير منهاجكم 🌸

رابط تطبيق الكورسات (اضغط)

رابط تطبيق المفردات (اضغط)

تجربة زميلتنا نور بالانتقال من حمل الانكليزي بالفصل الأول لعلامة حلوة كتير، مشان تتعلموا من أخطاء بري 11 على بكير:

https://www.facebook.com/share/p/1DWmj4rbFe/

يعني بلش ولا ما بلش 🥹

هدية لجميع طلاب التحضيرية المقبلة على دراسة اللغة الانكليزية، مراجعة كل ما هو مطلوب من المنهاج المدرسي 🌹

🔸فيديو 30 دقيقة فيه كل ما تحتاج معرفته، مراجعة الأزمنة والأفعال المساعدة، ان شاء الله سيكون بمثابة حجر الأساس الذي سنبني عليه عدة قواعد في الفصل الأول والفصل الثاني كحد سواء.

🔶فهم الأزمنة سيوفر عليك ما يقارب 20 علامة في الامتحان، ويختصر معلومات سنين دراسية كاملة، وهو نفس الفيديو الموجود في خطة الدراسة لهذا الأسبوع (ستنزل لاحقاً).

رابط اليوتيوب:
https://youtu.be/LnOwgcEMTBE

دمتم بألف خير
قناة د. براء المدلل للانكليزي @DR_BMOD

أسئلة تقنية غريبة عن العادة، عم شوفها ع جروبكم بتكرار:

🔸 وأخيرا صرت مشروع دكتههوور، شو جيب، لابتوب ولا تابلت لدراسة الجامعة؟

- هلق مو ضروري تجيب شي، اغلب الطلاب بيتابعوا الكورس عالموبايل، والنوط بيكونوا مطبوعين هالسنة.
بس مشان السنين القادمة + اذا بدك تتابع هالسنة ع شاشة أكبر، الأفضل تابلت مشان تقدر تاخده عالكلية وما تهكل هم الشحن.
إلا اذا كنت من النوع يلي بيدرس 100% عالقاعد عالبيت وما بيمشي.


🔸 عندك شي تابلت بتنصحني فيه؟

- يعني اذا بدنا شي أندرويد ما يعلق وسعره حلو مقارنة بميزاته، عندك Poco Pad M1 أو Redmi Pad 2 Pro جيدين، معالج جيد جدا ومساحة 128 تكفي ب 6 غيغا رام، أو نسخة 256/8 غيغا من بوكو، السعر حوالي 200-250 دولار.


🔸 لا حبيب أنا من جماعة التفاحة!

- بيكفي الايباد الستاندرد iPad 11th Generation ب اقل مساحة متوافرة، مافي داعي تجيب ال Air ولا ال Pro.. ما تنكب أهلك ع شغلات محا تستعملها، اتوقع حقه بحدود ال 400 دولار، أقل ب جيل او جيلين مو مشكلة.


🔸 أنا زلمة بدرس ورقي ومالي متعود ادرس ع شاشات!

- مافي مشكلة فيك تكمل سنة تانية تالتة الخ ورقي ومحاضرات، بس بنهاية السنة الخامسة بيطلع تقريبا اكتر من حق التابلت، انا هاد رأيي الشخصي، لربما مو كتير محرزة هلق بالتحضيري، بس اذا مخطط ومخطط، وفي مقدرة مادية ف مو غلط ع بكير، لا تنس تجيب قلم متوافق مع التابلت، ولو كوبي، سعره مو اكتر من 20 دولار، مشان تتعامل مع المحاضرة متل كأنك فاتح محاضرة ورقية.


🔸 قديش مساحة التخزين اللازمة لأي جهاز تابلت؟

- بصراحة أي Pdf حجمه كم ميغا، وكل سنة ح تمسح المقررات، تخلي كم مرجع بس، فما بدك أي شي ضخم، ٦٤ غيغا كافي، و ١٢٨ اولريدي كتير ضخم، ما ضروري تشتري أغلا شي.


🔸 طيب ليش مو تابلت سامسونج مثلا؟

- لك حرية ذلك، ولكن تابات السامسونج كمواصفات مقارنة، بالسعر كتير غالية، اغلى من ابل، في تابلتات سعرها رخيص تحت ال 100 دولار حتى، بس بتعلق لدرجة بتزعجك كتير بالاستخدام ومستحيل تصمد 5 سنين.


🔸 طيب قديش القياس اللازم للتاب؟

- تابلت 7 انش برأيي كتير صغير، خليه مو أقل من 9 انش.


د. براء المدلل للانكليزي @DR_BMOD

خبر يسر النيردات 💜

إليكم ملف عينة نوطة اللغة الانكليزية الجديدة English For PRE 12 تشمل ربع المنهاج المطلوب للفصل الأول.

لا تنسوا تشاركوها مع زملائكم، حيث حننطلق مزبوط بالخطة عما قريب 😍

فيديوهات الكورس الالكتروني سيتم تحديثها وإعدادها لكم على التطبيق (اضغط) 💜

انتظرونا في برنامج الدراسة، دمتم بألف خير.

د. براء المدلل للانكليزي @DR_BMOD⁧