✅شكر وتقدير لطلاب دفعة 26 الدورة الألكترونية

✅اليوم امتحنه اول امتحان بلأساسيات صراحه جيل صاعد عملاق


درجات الطلاب والملفات نشرناها بكروباتهم الخاصه ( احتراماً لخصوصية الطالب ما اكدر انشرهم هنا )

حب چبير جداً واحب هيج التزام

واشكر كادر العمل على الجهود المبذوله وان شاء الله القادم افضل بعون الله

((كلام من القلب ))

جنت داخل بمطعم ف صادفتني ام طالب ف كالتلي انت مو نفسك الاستاذ الي يدرس عليك ابني

ف كالتلي ابني هلفتره مديقره واني مدمره نفسياً ف اريد منك طلب واحد تدخله وتحجي ويا بس هلشي اريده لان اني ماكدر احجي ويا لان من احجي ويا دائما وكأنما ما يسمعلي وصراحه من داخلي حيل مقهوره

ف يا اخي اهلكم ( حيل تعبانين من كم طالب الي مديقره ) وعبالكم شي طبيعي بس هم ما يحجون وياكم او يجرحوكم بس انتو همهم الچبير يا اخي اكعد ويه روحك للمره الأخيره

وهواي اسمع طلاب ينشرون ( الحمل الشايل صدري وحدي عديته مو بمساعده احد ) لا جذب اهلك الي ساعدوك واهلك الي وصلوك ودفعولكم وربوك لا تنكر هل شي لو مو اهلك جان هسه انت لا شيئ

ف يا اخي جازي اهلك بهل ايام المُباركه الي ما ضي شي الها

✅اكعد ويه روحك وخطط على الأيام الي بقت || يا اخي اصنع لنفسك شي يكفيك العمر كله وتحدى روحك بهل ايام تصنع المستحيل وتكتب قصة نجاحك الك ويارب التوفيق

لتزعلون مني اذا كلمره الح عليكم بخصوص هلموضوع بس انتو اعز ما املك لان صراحه اني حتى بعيد عن اهلي ف انتو بمثابة اهلي وناسي واخواني وتعبي خلال سنه اريد نتائجه بدرجاتكم

ف ووياكم || نجرع هل ايام الصعبه


أ.محمد العبيدي