Поп тумани ўрмон хўжалиги масъуллари ва кадастр мутахассиси пора билан қўлга тушди

Наманган вилоятида фуқароларга ер майдони расмийлаштириб беришни ваъда қилган Поп тумани ўрмон хўжалиги масъул шахслари ва кадастр мутахассиси ушланди.

Бош прокуратура ҳузуридаги Департаментнинг Поп тумани бўлими ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилди.

Унда Поп ихтисослаштирилган давлат ўрмон хўжалиги директори вазифасини бажарувчи И.К. (муқаддам судланган) фуқаро Б.К.га ўрмон хўжалиги балансида бўлган 50 сотих ер майдонини 10 000 доллар эвазига шартнома асосида ижарага беришга келишиб, олдиндан бўнак сифатида 5 000 АҚШ долларини олган вақтида ашёвий далиллар билан ушланган.

Шу каби, яна бир тезкор тадбирда Поп ихтисослаштирилган давлат ўрмон хўжалигида ўрмонбеги вазифасида ишловчи М.С. фуқаро С.Ж.нинг ишончига кириб, туман ҳокимлиги захирасидаги 20 сотих ер майдонини 30 000 долларга сотишга келишиб, ушбу ер майдонида турар-жой ва бошқа бинолар қуришга тегишли ҳужжатларини расмийлаштириб беришини ваъда қилиб, олдиндан бўнак сифатида 15 000 долларни олган вақтида ашёвий далиллар билан ҳибсга олинди.

Шундан сўнг давом этган тадбирда, ўрмонбеги М.С. фуқародан олган 15 000 доллар ҳисобидан 500 АҚШ долларини кадастрлар палатасининг Поп тумани филиали шўъба мутахассиси Б.М.га берган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 211-моддаси (пора бериш) билан жиноят ишлари қўзғатилиб, прокуратурага юборилган.

Telegram I Facebook I YouTube I Instagram

Тошкент вилоятида ИИББ ва ДХХ тезкор ходимлари хонадонда ташкил этилган қиморхона фаолиятига чек қўйди

Telegram I Facebook I YouTube I Instagram

Фарғонада тартиб ўрнатган раҳбар энди бутун мамлакат хавфсизлиги учун жавобгар!

Ўзбекистон Республикаси Президенти Шавкат Миромонович Мирзиёевнинг Фармони билан Генерал-маёр Азизбек Исраилович Икромов Ўзбекистон Республикаси Фавқулодда вазиятлар вазири лавозимига тайинланди.

Бу қарор давлат ишончи, қатъият ва жасоратга берилган юксак баҳодир, Янги лавозим янги масъулият, янги синов ва янги зафарлар демакдир,
Фарғона Вилоят равнақи, халқ хавфсизлиги ва адолат йўлидаги хизматларингиз халқ хотирасида қолади, Сизнинг фаолиятингиз раҳбар қандай бўлиши кераклигининг амалий намунасидир.

Сиздан кейин келадиган раҳбарга омад, юртимизда эса Сиз каби фидойи, қатъиятли ва қонун устуворлигини амалда таъминлайдиган раҳбарлар кўп бўлишини тилаймиз.

Журналист: Аҳмедов Ҳамиджон

https://t.me/dolinacity

https://t.me/Dolina_city

Олмазорда фуқаролар пулларини зўравонлик йўли билан қўлга киритган уюшган безори гуруҳ қўлга олинди

Telegram I Facebook I YouTube I Instagram

«Ягона буюртмачи хизмати» ДМ «зам» директори, эко бошқарма бўлим бошлиғи ва ҳоким ёрдамчиси — ДХХ «қалмоғи»га «илинди»

Тошкент вилояти ҳокимлигининг «Ягона буюртмачи хизмати» давлат муассасаси директори ўринбосари ўз хизмат мавқейидан фойдаланган ҳолда қинғир ишга қўл урди.

Маълум қилинишича, у «Шаффоф қурилиш» миллий ахборот тизими орқали шартнома қиймати 2 млрд 73 млн сўм бўлган объектни капитал таъмирлаш бўйича ғолиб бўлган пудратчи ташкилот ҳисоб рақамига бўнак сифатида 1,1 млрд. сўм маблағ ўтказиб берганлиги эвазига муқаддам МЧЖ раҳбаридан тамагирлик йўли билан 2 минг АҚШ доллари олган.

Шунингдек, у жиноий ҳаракатини такроран давом эттириб, пудратчи ташкилот томонидан қурилиш ишлари белгиланган муддатларда бажарилмаганлиги сабабли, ундан 643 млн 530 минг сўм пеня ундириш бўйича Тошкент туманлараро иқтисодий судига киритилган даъво аризасидан воз кечиш орқали МЧЖ фойдасига ажрим чиқартириб бергани эвазига 5 минг АҚШ долларини пора тариқасида олган вақтида Давлат хавфсизлик хизматининг Тошкент вилояти бўйича бошқармаси ходимлари томонидан қўлга олинди.

Ҳозирда ушбу мансабдор шахсга нисбатан Жиноят Кодексининг 210-моддаси 2-қисми «а, в» бандлари билан жиноят иши қўзғатилиб, «қамоқ» эҳтиёт чораси қўлланилди.

Бошқа бир ҳолатда эса, Тошкент вилояти Экология ва атроф муҳитни муҳофаза қилиш бошқармасининг туманлардан биридаги бўлими бошлиғи 1990 й.т. фуқаро томонидан ўзи истиқомат қилувчи уйнинг кўча қисмида қурилиш ишларини амалга ошириш мақсадида кўп йиллик дарахтларни кесиб ташлаши учун рухсат бериш эвазига 3 минг АҚШ долларини пора тариқасида олган вақтида ашёвий далиллар билан ушланди.

Ҳозирда мазкур раҳбар ходимга нисбатан Жиноят Кодексининг 210-моддаси 1-қисми билан жиноят иши қўзғатилиб, «қамоқ» эҳтиёт чораси қўлланилган.

Наманган вилоятида кузатилган ҳолатда эса Поп туманидаги маҳалла фуқаролар йиғинларидан биридаги ҳоким ёрдамчиси давлат захирасидаги 90 сотих ер майдонини тадбиркорлик билан шуғулланмоқчи бўлган шахсга келгусида тўйхона қуриши учун олиб бериш ва тегишли ҳужжатларини тайёрлатиб бериш эвазига 2025 йилда 4500 АҚШ доллари олади.

Аммо, муқаддам судланган ҳоким ёрдамчиси ваъда қилинган ишни битира олмагач, 4500 АҚШ доллари ҳисобидан 1 млн 200 минг сўмни қайтариб берган

Telegram I Facebook I YouTube I Instagram

Тошкент вилоятида туман экология бошлиғи 3 минг доллар пора билан қўлга тушди

Экология ва атроф-муҳитни муҳофаза қилиш бошқармасининг туман бўлими бошлиғи кўп йиллик дарахтларни кесишга рухсат бериш эвазига 3 минг доллар олган вақтида қўлга олинди.

Давлат хавфсизлик хизматининг маълум қилишича, ушбу пул фуқаронинг уйи олдида қурилиш ишларини амалга ошириш учун дарахтларни кесишга рухсат бериш эвазига талаб қилинган. Ҳолат ашёвий далиллар билан тасдиқланган.

Ҳозирда мансабдор шахсга нисбатан Жиноят кодексининг 210-моддаси 1-қисми билан жиноят иши қўзғатилиб, қамоқ эҳтиёт чораси қўлланилган.

Telegram I Facebook I YouTube I Instagram

БЕКОР ҚИЛИНГАН ҚАРОР ҚАНДАЙ ҚОНУНИЙ ҲУЖЖАТГА АЙЛАНДИ?

05.09.2018 йилдаги 1207-сонли Фарғона шаҳар ҳокими қарори прокуратуранинг 11.07.2018 йилдаги 24-18-сонли протести асосида БЕКОР ҚИЛИНГАННИ КЎРИШ МУКИН

Лекин айнан шу бекор қилинган қарор архитектура-рeжалаштириш топшириғи (АРТ), ер ажратиш, кадастр паспорти, давлат рўйхати, олди-сотди шартномаси учун АСОС қилиб олинган.

Савол очиқ Бекор қилинган қарор қандай қилиб 2018–2024 йиллар давомида “амалдаги ҳужжат” сифатида ишлатилди? Бу тасодиф ...
Batafsil...

@ferganamedia

Наманганда мансабдорлар пора билан ушланди

Наманган вилояти Поп туманидаги ихтисослаштирилган давлат ўрмон хўжалигида йирик қонунбузарликлар аниқланди.

Telegram I Facebook I YouTube I Instagram

Самарқандда ер аукционига оид қалбаки ҳужжатлар тайёрлаган шахс қўлга олинди

Самарқанд вилоятида фуқарога аукцион савдолари орқали ер майдони харид қилганлиги тўғрисида сохта ҳужжатлар тайёрлаб берган шахс ушланди. Бу ҳақда Прокуратура Департаменти хабар бермоқда.

Маълум қилинишича, Бош прокуратура ҳузуридаги Департаментнинг Булунғур тумани бўлими томонидан терговга қадар текширув ўтказилган.

Унда фуқаро М.А. фуқаро Ж.Қ.нинг ишончига кириб, туман ҳудудидан аукцион савдолари орқали 22,5 сотих ер майдони олиб бериши эвазига 130 млн сўмини фирибгарлик йўли билан қўлга киритишга эришиб, гўёки “Yagona Raqamli Platforma Dav Xizmati” МЧЖ номидан тўлов амалга оширилганлиги ҳамда “E - AUKSION” электрон тизимида ғолиб бўлганлиги тўғрисида қалбаки ҳужжатларни тайёрлаб берганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

Telegram I Facebook I YouTube I Instagram

Нукусда фирибгарлик йўли билан ер сотмоқчи бўлган шахс ушланди

Нукус шаҳрида ер участкаларини фирибгарлик йўли билан сотмоқчи бўлган шахснинг жиноий фаолиятига чек қўйилди. Ҳуқуқни муҳофаза қилувчи органлар томонидан ўтказилган тезкор тадбир давомида мазкур шахс фуқароларга ер майдонларини расмий ҳужжатларсиз, сохта ваъдалар орқали пул эвазига сотишга уринаётган вақтида қўлга олинган.

Маълум бўлишича, у ер участкаларини гўёки расмийлаштириб бериши мумкинлигини айтиб, фуқароларнинг ишончига киришга ҳаракат қилган. Тезкор тадбир жараёнида ундан ашёвий далиллар олинди.

Ҳолат юзасидан тегишли тартибда жиноят иши қўзғатилиб, ҳозирда тергов ҳаракатлари олиб борилмоқда.

Telegram I Facebook I YouTube I Instagram

Бухорода автомактаб раҳбари пора билан қўлга олинди

Бухорода осон йўл билан "права" олиб беришни ваъда қилиб, содда фуқароларни чув тушурган автомактаб раҳбари қўлга олинди.

Маълум қилинишича, “M.A.” МЧЖ автомактаби раҳбари фуқаролар Д.Р. ва С.Р.нинг ишончига кириб, уларнинг фарзандларига “В, С.” тоифадаги ҳайдовчилик гувоҳномасини олиш учун ўқиганлиги тўғрисида имтиҳон варақаси ва гувоҳнома тайёрлаб бериш эвазига 16 млн сўм олган, бироқ берган ваъдасини устидан чиқа олмаган.

Фуқаролар берган пулларини талаб қилгач, у олган пулдан 6 млн сўмни қайтариб бермоқчи бўлган ва шу вақтда Департамент томонидан ўтказилган тезкор тадбирда қўлга олинган.

Мазкур ҳолат юзасидан Жиноят кодексининг 168-моддаси билан жиноят иши қўзғатилиб, тергов ҳаракатлари ўтказилмоқда.

Telegram I Facebook I YouTube I Instagram

Фарғонада Россия фуқароларини яқин 10 млн рублга "ухлатган" кибергуруҳ қўлга олинди – ДХХ 

Давлат хавфсизлик хизмати Фарғона вилояти ҳудудида ўтказган тезкор-қидирув тадбирида уюшган кибер жиноий гуруҳ фаолиятини фош қилди.

Ушбу кибергуруҳ Фарғона ва Тошкент шаҳарларида биноларни ижрага олиб, “Колл-марказ”лар ниқоби остида фаолият юритган  ва уни 40 ёшли эркак бошқарган ва унинг қўл остида нақд 34 киши ишлаган.

Қизиқ жойи шундаки, кибергуруҳ Россияда дори
воситалари ҳамда биологик фаол қўшимчалар савдоси билан шуғулланувчи ташкилотларнинг 70 мингдан ортиқ мижозлари тўғрисидаги маълумотларни қўлга киритишган.

Telegram I Facebook I YouTube I Instagram

Андижонда “Роналдо” лақабли киллер ва унинг дўстлари қўлга олинди

Андижон вилоятида “Роналдо” лақабли 42 ёшли жиноий гуруҳ етакчиси ва унинг шериклари қўлга олинди.

Улар тадбиркорни ўлдириш учун киллер ёллашга уриниб, 1 500 доллар эвазига келишган.

Маблағнинг бир қисми ижрочига олдиндан берилган.

Ҳуқуқни муҳофаза қилувчи органлар маълумотига кўра, ташкилотчи жиноятни пухта режалаштирган: ижрочини танлаган, кўрсатмалар берган ва бутун жараённи назорат қилган.

Ҳолат юзасидан жиноят иши қўзғатилган, тергов ҳаракатлари давом этмоқда

Telegram I Facebook I YouTube I Instagram

Тошкентда омборда 3 млрд сўмлик дори сақлаган ота-бола қўлга олинди

Давлат хавфсизлик хизмати ва Божхона органлари сифат сертификатига эга бўлмаган дори воситалари савдосини тўхтатди.

Тошкент шаҳрида яшовчи ота ва бола яширин омбор ташкил қилиб, Туркия ва Ҳиндистонда ишлаб чиқарилган 87 турдаги, жами 133 минг 374 дона, тахминий қиймати 3 млрд сўмдан ортиқ дори воситалари сақлагани аниқланди.

Шунингдек, 50 минг АҚШ доллари, 10,6 млн сўм ва 150 та банк картаси топилди.

Ҳозирда дори воситалари намуналари Фармацевтика маҳсулотлари хавфсизлиги марказига экспертизадан ўтказиш учун юборилган ва терговга қадар текширув ҳаракатлари олиб борилмоқда.

Telegram I Facebook I YouTube I Instagram