Ҳурматли фуқаролар!

Куз фасли табиатнинг имтиҳони, Дарахтлар баргларини тўкар экан, Аллоҳ таоло бизнинг табиатга бўлган меҳримиз ва эътиборимизни синамоқда, десак муболаға бўлмайди.

Ер юзи хазонга тўлиб, яшил ранг ўрнини сариқ барглар эгаллайди, Бу эса яратган Зотнинг ерни покланишдаги ҳикмати ва ибратли кўринишидир.

Шу муносабат билан шанба ва якшанба кунлари умумхалқ ободонлаштириш ҳашари ташкил этилади, Бу фақат меҳнат эмас бу савобли амал, ибодатнинг бир кўринишидир.

Расулуллоҳ ( с а в ) шундай деганлар Поклик имоннинг ярмидир. (Муслим ривояти)

Демак, уйимиз, кўчамиз ва маҳалламизни пок тутиш бу фақат давлат ёки маҳалла вазифаси эмас, Аллоҳ учун бажариладиган амалдир.

Ҳар бир инсон ўз уйи олдини, йўлак ва атрофини тозаласа, бу амал орқали нафақат муҳитини, балки дилини ҳам поклайди,
Фарзандларимизни ҳам шундай амалга ўргатайлик ўғилларимизга меҳнатни, қизларимизга озодаликни ўргатайлик,
Чунки поклик бор жойда барака, тинчлик ва муҳаббат бўлади.

Онажонлар! Аллоҳдан ризқ ва барака сўраётганда, қўлингизга супурги олиб
Эй Аллоҳ, уйимга ва маҳалламга барака бер!
Деб амал билан дуо қилинг, Зеро,
Аллоҳ амал билан қилинган дуони севади.

Келинг, биргаликда поклик ва ободонликда бўлайлик!
Чунки Тозалик имоннинг ярми,
Ободонлик мусулмоннинг юзи,
Меҳнат ризқ эшигидир!

Ахмедов Хамиджон.

https://t.me/dolinacity

https://t.me/Dolina_city

⚡️Водилда шов-шувли можаро: Фарғонада тиббиёт муассасаси ноқонуний равишда хусусий қўлга ўтказиляптими?

8 сентябрь куни номаълум шахслар санаторий ҳудудига келиб, муассаса “уларнинг ихтиёрига ўтгани”ни билдириб, ходимлар ва беморлардан биноларни бўшатишни талаб қилган.

Фарғона туманида жойлашган Фарғона вилоят болалар фтизиатрия сихатгоҳи “Водил” фаолияти катта хавотирлар остида. Шу сабабдан сихатгоҳ ходимлари Президент Администрацияси раҳбари Саида Мирзиёевага мурожаат йўллади.

Ходимлар сўрови:

1. Фарғона вилояти болалар фтизиатрия сихатгоҳи “Водил” фаолияти билан боғлиқ Давлат-хусусий шерикчилик битимини қонуний жиҳатдан текшириб чиқиш,

2. Агар у қонун талабларига зид тузилган бўлса, битимни бекор қилиш чораларини кўриш,

3. Муассаса ходимларининг меҳнат ва ижтимоий ҳуқуқларини ҳимоя қилиш масаласини шахсан назоратингизга олишингизни сўраймиз.

Ҳурмат билан, Фарғона вилояти болалар фтизиатрия сихатгоҳи “Водил” ходимлари

👉 https://youtu.be/Mq3XiDpENv8

Кечаги YouTub даги жонли эфирни кўриб шахсий фикрим.

Олим Сулаймоновнинг чиқишларидан шуни ҳис қилдимки, у депутатлик даврида ҳақиқатдан ҳам халқ манфаати учун кўп яхши ишлар қилган экан ва сайловчилар ишончини оқлаган. Лекин кейинги воқеалар, айниқса, вилоят ҳокими Зойир Мирзаевнинг унга нисбатан қилган муомаласи менда катта саволлар уйғотди. Мен бу ҳолатни очиғи “ўйин” деб қабул қилдим.

Сабаби шундаки: Олим Сулаймонов депутатликдан кейин журналист ва блогерлар жамоасига кириб борди. У кирган жамоа эса вилоят даражасигача танқид қилувчи фаол жамоа эди. Бу эса табиийки, маҳаллий раҳбариятга ёқмаслиги турган гап.

Шунинг ортидан Тошкент вилояти ҳокими томонидан Олим Сулаймоновни кейинги сайловларда номзодини қўймаслик учун дипломатик йўл билан четга суриш ҳаракати бўлгани сезилиб турибди. Гўё чин қалбдан лавозим таклиф этгандек қилиб, амалда эса сайловларга яқин уни лавозимдан ноқонуний равишда четлатиб юборгани — ҳаммаси битта чизмадан экандай.

Энг аччиғи: Олим Сулаймонов қўшилган ўша жамоа, унинг бошига иш тушганида бир четда томошабиндек туриб қолгандек туюляпти. Ахир улар бир оиладай эди-ку? О.Сулаймонов ҳар доим уларнинг ёнида турган эди. Нега энди унинг муаммоси пайтида улар ҳам овозини кўтармаяпти?
Ёки... улар ҳам яна ҳокимият пинжиғига кириб олганми? Кейинги пайтларда икки юзламачилик кучайиб кетгани ҳақиқат.

Бундан ташқари, яна бир жиддий муаммо:
Суд қарорлари “Ўзбекистон Республикаси номидан” чиқарилади, аммо уни бирорта масъул орган ижро этмаса, унда суднинг обрўси қаерда қолади?
Одам судма-суд юриб, вақт ва маблағини сарф қилиб адолат талаб қилади, лекин қарор барибир бажарилмаса, унда суднинг ўзига бўлган ишонч қандай сақланади?

Олим Сулаймонов эфирда:
"Хатто сенаторлар ҳам суд қарорларининг ижросини назоратга олмаяпти", деб айтди.

Бу эса яна бир саволни туғдиради:
Ҳокимнинг ўзи ҳам сенатор эканлигини инобатга олсак, “қарға қарғани кўзини чўқимайди” деган гапнинг таги борми?

Зойир Мирзаев!
Олим Сулаймонов — хақчил, виждонли ва етакчилик қобилиятига эга инсон. У киши халқ ва жамоат манфаати учун хизмат қилгани билан танилган. Шу боис, унга яна бир бор имконият беришингиз, шу билан бирга суд қарори ижросини таъминлашингиз ҳам адолат, ҳам давлатчилик манфаатига мос бўлар эди.

Сиз Тошкент вилояти ҳокими, агентлик раҳбарлари эса масъул шахслар бўла туриб, суд қарорларини бажармасангиз, бу бошқалар учун ҳам жуда нохуш, хунук ва адолатсиз намуна бўлиб қолмайдими?

Отабек Ҳолиқов

жонли эфир ҳаволаси 👇

https://www.youtube.com/live/cMsh0SULg2A?si=-nIdXN0ayXhDtVu_