Россия армияси сафида жанг қилган ўзбекистонлик украин қўшинларига қуролсиз таслим бўлди

Бухоро вилоятидан бўлган 31 ёшли Зухриддин Йўлдошев Россия армияси таркибида Украинадаги урушда иштирок этгач, украин ҳарбий дрони олдида қуролсиз ҳолда таслим бўлгани маълум қилинди.

Унинг сўзларига кўра, Россия полицияси уни “гиёҳвандлик”да айблаб, қамоқ ёки фронтга жўнаш ўртасида танлов қилишга мажбурлаган. Шу боис у жангга боришга рози бўлган.

Йўлдошев армияда интизом ва адолат йўқлигини, кўп ҳолларда ҳарбий жиҳозларни аскарлар ўз ҳисобидан сотиб олишига тўғри келаётганини маълум қилган.

У ҳозирда Ўзбекистон ҳукуматидан ватанга қайтишда ёрдам сўрамоқда.

Telegram I Facebook I YouTube I Instagram

Афғонистондан олиб келинган қарийб 50 кг “гашиш” моддаси мусодара қилинди

Давлат хавфсизлик хизмати ходимлари томонидан ўтказилган тезкор тадбир давомида Афғонистондан контрабанда йўли билан олиб кирилган гиёҳвандлик моддасининг ноқонуний айланмасига чек қўйилди.

Маълумотларга кўра, “Тошкент–Андижон” йўналишида ҳаракатланаётган «Cobalt» русумли автомашина Тошкент вилоятининг Оҳангарон туманидаги “Чинор” ЙПХ масканида тўхтатилиб текширилган.

Текширув жараёнида автомашинада бўлган Қирғизистон фуқаросининг ёнидан 4 кг 897 грамм “гашиш” моддаси топилган. Тергов ҳаракатлари давомида у ушбу моддани Бухоро туманидаги дала майдонидаги яширин жойдан олгани маълум бўлган. Ушбу ҳудуд кўздан кечирилганда яна 45 кг 52 грамм “гашиш” моддаси аниқланди.

Жами қарийб 50 килограмм гиёҳвандлик воситаси далил ашё сифатида расмийлаштириб олинган.

Ҳозирда фуқароларга нисбатан Давлат хавфсизлик хизматининг Бухоро вилояти бўйича бошқармаси томонидан Жиноят кодексининг 246 ва 273-моддалари билан жиноят иши қўзғатилиб, улар “қамоқ” эҳтиёт чораси билан ушлаб турилибди.

Терговга қадар текширув натижасида, мазкур гиёҳвандлик моддалари Афғонистондан контрабанда йўли билан олиб кирилиб, Ўзбекистон ҳудуди орқали транзит йўл билан олиб ўтилишини режалаштирилгани аниқланди.

Гиёҳвандлик воситаларининг зарари беқиёс. Тез бойиш умидида бундай жиноятга қўл урганлар эса қонун олдида жавоб беришлари муқаррар.

Озодликдан маҳрум бўлиш ва оилангиздан узоқда умрингизни ўтказишни истамасангиз — бундай қабиҳ ишлардан йироқ юринг.

Telegram I Facebook I YouTube I Instagram

LED ЧИРОҚЛАРГА ҚАРШИ РЕЙД ҚОНУНИЙ ЧОРАМИ ЁКИ ТИЗИМДАГИ БЎШЛИК НАТИЖАСИМИ?

Сўнгги кунларда вилоятларида автомашиналарга ўрнатилган ноқонуний LED чироқлар бўйича кенг кўламли рейд тадбирлари бошланди, Ҳар бир ЙПХ ходимига камида икки-учта шундай ҳолатни аниқлаш ва ҳайдовчига нисбатан чора кўриш топширилган.

Ўзбекистон Республикасининг Маъмурий жавобгарлик тўғрисидаги кодексининг 126-моддасида транспорт воситаларини техник регламентга зид равишда ўзгартириш ёки қайта жиҳозлаш учун жарима белгиланган LED чироқлар ишлаб чиқарувчи завод томонидан ўрнатилмаган бўлса ёки белгиланган меъёрдан ортиқ ёруғлик берса, бу ҳолат қонунга зид ҳисобланади ЙПХ ходими ҳайдовчидан буни тезкор тартибда бартараф этишни талаб қилиш ҳуқуқига эга.

Бу ерда ҳуқуқий жиҳатдан давлатнинг позицияси аниқ йўлда хавфсизлик биринчи ўринда, Бир қарашда бу тадбир йўл ҳаракати хавфсизлигини таъминлашга қаратилмоқдек кўринади, Бироқ масаланинг иккинчи, жамият учун муҳимроқ томони ҳам бор нега ҳайдовчи бундай чироқни ўрнатишга мажбур бўлди? Аслида муаммо қаерда?

Ҳаётдаги воқеликни кузатсак, кўпчилик ҳайдовчилар LED чироқни куз-қилиш учун эмас, балки кўчаларда ёритиш етарли бўлмагани сабабли ўрнатмоқда, айниқса туман ва чекка ҳудудларда йўл ёқасидаги фонарлар ишламайдиган манзилларда ёмғир ёки туманли тунларда кўриш масофаси жуда камайиб кетади, Бундай шароитда ҳайдовчи ўз хавфсизлигини таъминлаш учун янги чироқ қўйса у қонунни бузмоқдами ёки тизимдаги бўшлиқни тўлдиряптими?

Бу ҳолат фақат ҳайдовчиларнинг айби билан изоҳланмайди аслида, йўл инфратузилмаси ва ёритиш тизими етарли даражада таъминланмагани ҳам катта омил эмасми? Масалан кўпгина маҳаллий йўлларда ёритқичлар йўқ ёки ишламайди йўл белгиларининг кўриниши ёмон давлат бюджети ҳисобидан таъмирланган йўллар тез орада қайта ёмон ҳолатга келади, демак, рейдлар муаммонинг оқибатини бартараф этаётган тадбир, сабабини эмас.

Ўзбекистонда автомашина бошқариш ҳуқуқи 18 ёшдан берилади бу ёшда ҳайдовчи нафақат техника, балки жамият хавфсизлиги учун ҳам жавобгар шахс ҳисобланади шу боис, ҳар қандай ўзгартириш ёки LED ўрнатиш олдиндан ўйлаб қилинмоғи лозим, Чунки бир ёруғлик орқали бошқа инсоннинг ҳаётига хавф туғдириш мумкин.

Икки томонлама хулоса қилсак давлат органлари рейдларни ўтказишда ҳақли, чунки йўл хавфсизлиги умумий манфаат бироқ шу билан бирга йўл ёритиш тизимини яхшилаш, фонарларни тиклаш, маҳаллий ҳокимликлар масъулиятини кучайтириш ҳам лозим эмасми?
Журналистлар ва фуқаролик жамияти вакиллари бу масалада икки томонни ёритиши керак ҳайдовчининг сабабини ҳам, давлатнинг талабини ҳам LED чироқни ўчириш осон, аммо йўлдаги қоронғиликни бартараф этиш тизимли ечим талаб этилади аслида.

https://t.me/dolinacity

https://t.me/Dolina_city

ТЕЗКОР ХАБАР

Фарғона шаҳридаги Ал-Хоразмий ва Абдураҳмон Жомий маҳаллалари ҳудудида автомобилларда ҳаракатланишда юзага келган ноқулайликлар бўйича масала қисман ечимини топди.

Тегишли чоралар кўрилди ва тез кунларда йўлдаги бетон тўсиқлар олиб ташланади, Шундан сўнг фуқаролар учун ҳаракат ва хизмат кўрсатиш ҳолати аввалгидек тикланади.

https://t.me/dolinacity

https://t.me/Dolina_city

Намангандаги кафеда нарколаборатория фош этилди

Янгиқўрғон туманида ҳуқуқни муҳофаза қилувчи органлар томонидан олиб борилган тезкор тадбир давомида “Версал” номи остидаги кафеда ноқонуний фаолият излари аниқланган.

Текширувлар жараёнида айрим шахслар томонидан ғайриқонуний моддалар тайёрлаш ва сақлаш билан боғлиқ ҳолатлар юзасидан дастлабки маълумотлар йиғилган. Ҳозирда мазкур ҳолат бўйича терговга қадар текширув ишлари олиб борилмоқда.

Расмий маълумотларга кўра, ҳодиса юзасидантегишли экспертизалар тайинланган ва қонун доирасида чора кўрилиши белгиланган.

Telegram I Facebook I YouTube I Instagram

Сурхондарёда қурилиш, уй-жой коммунал хўжалиги бўлими бошлиғи ва архитектор ушланди

Сурхондарё вилоятида қурилиш лойиҳалари билан шуғулланувчи хусусий МЧЖ архитектори фуқаронинг ишончига кириб, пора талаб қилган пайтда қўлга олинди.

Маълумотларга кўра, архитектор Музработ туманида яшовчи фуқарога тегишли қурилиши тугалланмаган бинога оид лойиҳа ҳужжатларини тегишли ташкилотлардан “осон ўтказиб бериш” эвазига 17 миллион сўм талаб қилган.

🕵️‍♂️ ДХХ ва ички ишлар органлари ҳамкорлигида ўтказилган тезкор тадбирда, у сўралган пулни олган вақтда ашёвий далиллар билан ушланган.

Тадбир давомида аниқланишича, архитектор олинган маблағнинг 1 миллион сўмини Музработ туман қурилиш ва уй-жой коммунал хўжалиги бўлими бошлиғига беришни режалаштирган. Ушбу мансабдор шахс ҳам пулни қабул қилаётган пайтда қўлга олинган.

Ҳозирда уларга нисбатан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Аҳолининг йиллар давомидаги
мурожаати натижа берди!

Фарғона туманидаги Дилкушо МФЙ маҳалласи аҳолиси 12 йилдан буён давом этиб келаётган оғриқли муаммо йўл масаласига ниҳоясида ечим топилди.

EFFECT.UZ мухбири Ҳамиджон Аҳмедовга маҳалла фуқаролари мурожаат қилиб, йиллар давомида хонадонларига катта йўл орқали бемалол кира олмаётганини билдиришган.

Маълум бўлишича, “Дилкушо” МФЙ, Исломобод кўчасида жойлашган 5 та хонадон учун ажратилган йўл майдони “Водил Нишон файзи” фермер хўжалиги ерлари орқали ўтган. 3,56 гектарли боғ майдони 2019 йилда ҳоким қарори билан фермерга узоқ муддатли ижарага берилган. Шу боис, йўлдан фойдаланиш масаласида фуқаролар ва фермер ўртасида 12 йил давом этган келишмовчилик келиб чиққан,Бир неча бор мурожаатлар қилинганига қарамай, муаммо ечимсиз қолган. Бироқ бу гал туман ҳокими Хамидулло Иномов шахсан ўрганиш олиб борди.

Томонлар ўзаро келишувга эришди. Фермер хўжалиги раҳбари Н.Йўлдошев фуқароларга катта йўл орқали эркин ҳаракатланиш имкониятини яратиб берди, Энди Дилкушо аҳолиси ўз хонадонларига ҳеч қандай тўсиқсиз кириб-чиқиши мумкин.

Маҳалла фуқаролари EFFECT.UZ орқали миннатдорлик изҳор этиб, йиллар давомида йиғилиб келган муаммолари ҳал этилганини мамнуният билан таъкидлашди
Фарғона туманида 12 йиллик низо тугади халқ манфаати устувор бўлди!

Мухбир: Ҳамиджон Аҳмедов
Манба: EFFECT.UZ

https://t.me/dolinacity

https://t.me/Dolina_city

Бухорода ЙПХ ходимига пора таклиф қилган фуқаро қўлга олинди

Бухоро вилоятида йўл-патруль хизмати ходимига пора таклиф қилган шахс ушланди.

Тезкор маълумотларга кўра, фуқаро маъмурий жавобгарликка тортилмаслик мақсадида ЙПХ инспекторига пул миқдорида пора таклиф қилган. Ҳуқуқни муҳофаза қилувчи идоралар ходимлари томонидан ўтказилган тезкор ҳаракатлар натижасида у ашёвий далиллар билан қўлга олинди.

Ҳозирда мазкур ҳолат бўйича қонунчиликда белгиланган тартибда терговга қадар текширув ишлари олиб борилмоқда.

Эслатма: Пора олиш ҳам, пора бериш ҳам жиноят ҳисобланади ва жавобгарликни келтириб чиқаради.

Telegram I Facebook I YouTube I Instagram

Фарғона шаҳар ҳокимига
Фарғона шаҳар прокурорига
Фарғона шаҳар солиқ инспекцияси бошлиғига
Фарғона шаҳар ички ишлар бўлими бошлиғига
Фарғона шаҳри, Ал-Хоразмий МФЙ ҳудудида яшовчи фуқаро томонидан

МУРОЖААТ

Мен бир неча йиллардан буён кўп қаватли уйда истиқомат қиламан. Охирги йилларда кўп қаватли уйларга хизмат кўрсатувчи сервис ташкилотлар фаолияти ва уларнинг фуқаролар олдидаги бурч ва жавобгарликлари бўйича жиддий муаммолар кузатилмоқда.

Қуйидаги масалалар бўйича тегишли чоралар кўришингизни сўрайман Кўп қаватли уйларга хизмат кўрсатувчи сервис компаниялар фаолияти амалдаги қонунчилик талаблари ва давлат стандартларига қай даражада мос?
Ушбу ташкилотлар фуқаролар олдида белгиланган бурчларини қандай бажармоқда, ва улар фаолиятининг мониторинги ким томонидан амалга оширилади?
Фуқаролар бундай хизматлардан розими? Улар фикри қай йўл билан инобатга олинади?
Кўп қаватли уйлардаги умумфойдаланишдаги ҳудудлар йўлаклар, кириш қисми, уй орқаси, тозалаш ва таъмирлаш ишларини мулкдорми ё ижарачи бажариши кераклиги аниқ белгилаб берилганми? Бундан ташқари,
Ўзбекистон Республикаси Президентининг топшириқларига мувофиқ, маҳаллаларда фуқароларнинг ҳуқуқ ва мажбуриятларини тушунтириш, улар билан доимий мулоқотни таъминлаш керак.

Аммо амалда айрим маҳаллаларда бу вазифалар етарли даражада бажарилмаётгани, масъул шахслар фуқаролар билан самарали иш олиб бормаса, бу аҳолининг давлатга бўлган ишончини пасайтиради ва ҳамжиҳатликни бузади.

Ўзбекистон Республикаси Конституцияси:13-модда: Давлат халқ иродасини ифода этади ва унинг манфаатларига хизмат қилади.

24-модда: Ҳар бир инсоннинг муносиб яшаш ҳуқуқи давлат томонидан таъминланади.

30-модда: Ҳар бир фуқаро давлат органларига мурожаат қилиш ҳуқуқига эга.

43-модда: Давлат органлари фуқароларнинг ҳуқуқ ва эркинликларини ҳимоя қилиши шарт.


“Кўп квартирали уйларни бошқариш тўғрисида”ги Қонун (2022 йил 14 июнь, ОРҚ-757-сон)
5-модда: Мулкдорлар умумий мулкдан фойдаланишда тенг ҳуқуққа эга.

7-модда: Сервис ташкилотлар фаолияти шартнома асосида амалга оширилади ва улар мулкдорлар олдида жавобгардир.

10-модда: Кўп квартирали уйларни бошқариш соҳасида давлат назоратини маҳаллий давлат ҳокимияти амалга оширади.

“Маҳалла тўғрисида”ги Қонун (2020 йил 15 сентябрь, ОРҚ-637-сон) 9-модда: Маҳалла фуқаролар йиғини фуқароларнинг ҳуқуқ ва манфаатларини ҳимоя қилиши шарт.

Юқоридагиларни инобатга олган ҳолда, Фарғона шаҳар ҳокимлиги, прокуратураси, солиқ ва ички ишлар органларидан сервис ташкилотлар фаолиятини жойига чиқиб ўрганишни, фуқаролар ҳуқуқлари таъминланиши юзасидан текширув ўтказишни, ҳамда натижалари ҳақида аҳолини очиқ хабардор қилишни сўрайман.

Ҳурмат билан,
Ал-Хоразмий МФЙ
фуқароси Ҳамиджон Аҳмедов

https://t.me/dolinacity

https://t.me/Dolina_city

🎖️ 25 октябрь Ўзбекистон Республикаси Ички ишлар органлари ходимлари куни муносабати билан табрик!

Ҳурматли ички ишлар органлари ходимлари ва азиз фахрийлар!

Сизларни касб байрамингиз Ички ишлар органлари ходимлари куни билан чин қалбимдан табриклайман!

Юртимиз тинчлиги, фуқаролар осойишталиги ва жамият хавфсизлигини таъминлаш йўлидаги масъулиятли хизматингиз учун сизларга чексиз миннатдорчилик билдираман.

Сизларга ва яқинларингизга сиҳат саломатлик, хонадонларингизга файзу барака, шунингдек, юртимиз равнақи ва халқимиз осойишталиги йўлидаги фидойи фаолиятингизда янги ютуқлар ва муваффақиятлар тилайман.

🇺🇿Ҳурмат билан,
Ҳамиджон Аҳмедов

https://t.me/dolinacity

https://t.me/Dolina_city

Ўзбекистон халқ артисти Ёқуб Аҳмедов оламдан ўтди

Машҳур санъаткор, Ўзбекистон халқ артисти ва Ўзбекистон театр арбоблари уюшмаси раиси Ёқуб Аҳмедов 87 ёшида вафот этди.

Ёқуб Аҳмедов узоқ йиллар давомида миллий театр санъатининг ривожига катта ҳисса қўшган, саҳна ва экранда яратган ўлмас образлари билан томошабинлар муҳаббатини қозонган эди. Унинг ижоди Ўзбекистон маданияти тарихи саҳифаларида ўчмас из қолдирди.

Санъаткорнинг яқинлари ва ҳамкасбларига чуқур ҳамдардлик билдирамиз.

Telegram I Facebook I YouTube I Instagram