Прокурор, судья ёрдамчиси ва адвокат пора билан қўлга тушди

Ўзбекистоннинг турли ҳудудларида ҳуқуқни муҳофаза қилиш органлари ва суд тизими ходимларига нисбатан пора олиш ҳолатлари аниқланди.

1️⃣ Сурхондарёда прокурор қўлга тушди
Сурхондарё вилояти прокуратурасининг бўлим прокурори терговга қадар текширув материалларида жиноят иши қўзғатмаслик тўғрисида кўрсатма бериш эвазига 2000 доллар талаб қилган. 5 млн. сўмни пластик картага ўтказиб олган, яна 1300 доллар олган пайтида ДХХ ходимлари томонидан ашёвий далиллар билан ушланган. Унга нисбатан ЖК 168-моддаси 3-қисми “в” банди билан жиноят иши қўзғатилиб, қамоқ эҳтиёт чораси қўлланилди.

2️⃣ Андижонда судья катта ёрдамчиси ушланди
Андижон вилояти суди фуқаролик ишлари бўйича судлов ҳайъати судьясининг катта ёрдамчиси аёлнинг даъво аризасини ижобий ҳал қилиб бериш учун 500 доллар талаб қилган. Сўралган пулдан 200 доллар олган, қолган 3 млн. 800 минг сўмни қабул қилиб олаётганда ДХХ ва Иқтисодий жиноятларга қарши курашиш департаменти томонидан қўлга олинган. Унга нисбатан ЖК 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, қамоқ эҳтиёт чораси қўлланилди.

3️⃣ Жиззахда адвокат ушланди
Жиззахлик адвокат маҳкумни муддатидан олдин озодликка чиқариб беришни ваъда қилиб, 6000 доллар талаб қилган. ДХХ ва прокуратура органлари томонидан ўтказилган тезкор тадбирда, пулни олган вақтда ашёвий далиллар билан қўлга тушди. Унга нисбатан ЖК 25,168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Ҳозирда барча ҳолатлар бўйича суриштирув ишлари давом этмоқда.

Telegram I Facebook I YouTube I Instagram

Бухорода ҳоким ёрдамчиси пора билан ушланди

Бухоро вилояти Пешку туманида маҳалла фуқаролар йиғини ҳоким ёрдамчиси пора олишда ушланди.

10 сентябрь куни тадбиркор унинг ноқонуний хатти-ҳаракатлари ҳақида ҳуқуқни муҳофаза қилувчи органларга мурожаат қилган. Ҳоким ёрдамчиси хизмат мавқеидан фойдаланиб, ҳокимият захирасидаги 7 сотих ер майдонини онлайн аукцион савдолари орқали сотиб олиб бериш эвазига фуқародан 6 минг АҚШ доллари талаб қилгани аниқланди.

Давлат хавфсизлик хизмати, Бош прокуратура ҳузуридаги Департамент ва Ички ишлар органлари ҳамкорлигида ўтказилган тезкор тадбирда у 6000 доллар миқдоридаги пора маблағини учинчи шахс орқали олган вақтда ашёвий далиллар билан ушланди.

Айни пайтда ҳоким ёрдамчисига нисбатан Жиноят кодексининг 210-моддаси 2-қисми “в” банди билан жиноят иши қўзғатилиб, қамоқ эҳтиёт чораси қўлланилган. Тергов ҳаракатлари давом этмоқда.

Telegram I Facebook I YouTube I Instagram

Фарғона фестивали аммо маҳаллий фаоллар ва блогерлар четда қолмоқда

Эртага Фарғонада катта фестиваль бошланади ва бу тадбир вилоятнинг маданий ва туристик имижини кўтаришда муҳим аҳамият касб этади лекин шу ҳақиқат борки ҳар гал маҳаллий фаоллар ва блогерлар эътибордан четга қолади

Муаммо шундаки фестиваллар бюджет маблағлари ҳисобига ташкил этилади яъни бу тадбирлар халқ пули эвазига амалга оширилади аммо халқнинг ҳақиқий овози бўлган блогерлар ва фаоллар жараёндан четга сурилади

На матбуот бурчаги яратилган на блогерлар учун қулай майдон бор на моддий техник қўллаб қувватлаш натижада фестиваллар ҳақидаги ахборот тўлиқ ва холис тарзда тарқалмайди

Конституциянинг 29 моддаси ҳар ким ахборот излаш олиш ва тарқатиш ҳуқуқига эга деб белгилайди агар блогер ва маҳаллий фаоллар четга сурилса бу ҳуқуқ бузилади 42 модда давлатдан жамиятнинг маънавий ва маданий ҳаёти учун шароит яратишни талаб қилади блогерлар ва фаоллар эса ана шу ҳаётнинг фаол иштирокчилари “Оммавий ахборот воситалари тўғрисида”ги қонун эса оммавий ахборот майдонида иштирок этувчиларни моддий техник жиҳатдан қўллаб қувватлашни назарда тутади

Блогерлар ва маҳаллий фаоллар халқ овози улар ёритган хабар кенг жамоатчиликка тезкор етиб боради агар улар четда қолса фестиваллар фақат расмий кўринишда қолиб кетади

Саволлар эса ҳали ҳам очиқ қолмоқда нима учун маҳаллий блогерлар ва фаоллар фестивалларда ҳақиқий ҳамкор сифатида кўрилмаяпти нима учун 2021 ва 2023 йилларда берилган ваъдалар ҳалигача бажарилмади Фарғоналик фаоллар ва блогерлар учун қачон Матбуот уйи қурилади

Фарғона фестиваллари саҳна ва безаклар билан эмас балки халқ овози ва фаолларнинг иштироки билан таъсирчан бўлиши керак

👉https://t.me/dolinacity

👉https://t.me/Dolina_city

Божхона ва солиқ ходимларининг коррупция билан боғлиқ ҳаракатлари фош этилди

Давлат хавфсизлик хизмати ходимлари томонидан Божхона қўмитасининг Шахсий хавфсизлик бошқармаси, Тошкент шаҳар прокуратураси ва Бош прокуратура ҳузуридаги Департамент билан ҳамкорликда коррупцияга қарши йўналтирилган бир қатор тезкор тадбирлар ўтказилди.

1️⃣ Тошкент вилояти “Навоий” чегара божхона пости инспектори хизмат мавқеидан фойдаланиб, 7 кг олтинни декларациясиз чегарадан ўтказиш эвазига 5 минг доллар пора олган пайтда ашёвий далиллар билан ушланди. Унга нисбатан Жиноят кодексининг 210-моддаси билан иш қўзғатилди ва қамоқ эҳтиёт чораси қўлланди.

2️⃣ Шайхонтоҳур туман давлат солиқ инспекцияси бош инспектори МЧЖ фаолиятини тугатиб бериш эвазига 2500 доллар талаб қилган. У сўралган маблағни олган вақтда қўлга олинди. Унга нисбатан Жиноят кодексининг 168 ва 211-моддалари билан иш қўзғатилди.

3️⃣ Миробод тумани солиқ инспекцияси инспектори солиқ текширувлари ўтказмаслик ва олдиндан маълумот бериш шарти билан 10 млн сўмни шахсий картасига ўтказиб олган. Унинг ҳам ноқонуний ҳаракатларига чек қўйилди ва энди қонун олдида жавоб беради.

Telegram I Facebook I YouTube I Instagram

Тошкент ва тўрт вилоятда инсон аъзолари савдоси билан шуғулланган жиноий гуруҳ фош этилди

Давлат хавфсизлик хизмати ва Ички ишлар вазирлиги ходимлари томонидан олиб борилган тезкор-қидирув тадбирлари давомида инсон органлари ва тўқималари савдоси билан шуғулланган уюшган жиноий гуруҳ фош этилди.

Маълумотларга кўра, гуруҳ таркибига кирган 12 нафар фуқаро ижтимоий тармоқлар орқали буйрак ва жигар касалликларидан азият чекаётган беморларни топиб, соғлом шахсларни пул эвазига органини сотишга қизиқтирган. Улар чет элдаги ҳамкорлари орқали қалбаки ҳужжат тайёрлаб, донор ва реципиентларни қариндош сифатида кўрсатиб, қўшни давлатдаги хусусий клиникада жарроҳлик амалиётларини ўтказишган.

Тергов маълумотларига кўра, 2023–2025 йиллар давомида 32 нафар беморга буйрак ёки жигар тўқималари кўчириб ўтказилган. Олинган катта маблағларнинг бир қисми клиника ва донорларга берилган, қолгани эса гуруҳ аъзолари ўртасида тақсимланган. Шунингдек, операциядан кейин соғлиги яхшиланмаган беморларга қиммат нархларда кучли таъсир қилувчи дори воситалари сотилган.

Уюшган жиноий гуруҳга нисбатан Жиноят кодексининг тегишли моддалари бўйича иш қўзғатилиб, ҳозирда судга юборилган.

Ҳукумат фуқароларни ушбу гуруҳ ёки шунга ўхшаш ҳолатлардан жабр кўрган тақдирда, энг яқин ички ишлар органларига ёки 102 рақами орқали мурожаат қилишга чақирмоқда.

Telegram I Facebook I YouTube I Instagram

Янгийўлдаги муштлашув: бир неча шахслар қўлга олинди, икки нафарга қидирув эълон қилинди

Жорий йил 9 сентябрь куни Тошкент вилоятининг Янгийўл шаҳрида бир гуруҳ шахсларнинг ўзаро муштлашгани акс этган видео тарқалди.

Ички ишлар вазирлиги маълум қилишича, ҳолат шу куни назоратга олинган ва тезкор қидирув тадбирлари ташкил этилган. Аниқланишича, соат 21:30 ларда 29 ёшли фуқаро синфдошлари билан тўйхона ҳовлисида турганида, 1997 йилда туғилган фуқаро Юнусов Сирожиддин Саfoмуддин ўғли бошчилигидаги бир гуруҳ шахслар давлат рақами олиб ташланган автомашинада кириб келган.

Низо оқибатида Сирожиддин Юнусов ва унинг шериклари 29 ёшли фуқарони қўл ва оёқлари билан урган ва унга тан жароҳати етказган.

Ҳолат юзасидан Жиноят кодексининг 277-моддаси 3-қисми “г” банди билан жиноят иши қўзғатилган. Тезкор тадбирлар давомида жиноятга алоқадор шахслар қўлга олиниб, уларга нисбатан "қамоққа олиш" эҳтиёт чораси қўлланган.

Шунингдек, жиноятда гумонланувчи 2000 йилда туғилган Қоражонов Жавоҳир Джафер ўғли ва Нуралиев Асадбек Алишер ўғлига нисбатан қидирув эълон қилинган.

Агар сиз ушбу шахслардан жабрланган ёки уларнинг жиноятга алоқадорлигидан хабардор бўлсангиз, ҳудудий ички ишлар органларига ёки 102 қисқа рақами орқали хабар беришингиз сўралади. Маълумот берган фуқароларнинг шахси сир сақланиши кафолатланади.

Telegram I Facebook I YouTube I Instagram

Фурқатда участка нозири маст ҳолда машина ҳайдаб, велосипедчини уриб ўлдирди

Фарғона вилояти Фурқат туманида Кармак маҳалласи участка нозири Зафар Қўшматов маст ҳолда Matiz ҳайдаб, 63 ёшли Нўмонжон Аҳмедовни велосипедда кетаётганда уриб юборган.

Марҳумнинг яқинлари иддао қилишича, ҳайдовчи биринчи ёрдам кўрсатмасдан ҳодиса жойидан йўқолган. Кейин эса отаси билан бирга жабрланувчини шифохонага олиб бориб, “йўлдан топиб олдик” деб шифокорларни ишонтиришга ҳаракат қилган.

Қурбоннинг оила аъзолари ва ҳамкасблари уни ҳалол меҳнат қилиб, 40 йилдан зиёд пахта пунктида ишлаган, фарзандларини тарбиялаб катта қилган инсон сифатида ёдга олишди.

Фарғона вилояти прокуратураси айбланувчи қамоққа олинганини ва ҳодиса юзасидан тергов ҳаракатлари олиб борилаётганини маълум қилди.

Telegram I Facebook I YouTube I Instagram

Олтиариқ туманида Тиббиёт муассасасига ишга киритиб қўйиш эвазига пора олган шахс ушланди

Олтиариқ тумани Марказий поликлиникаси ходимаси фуқарони Тиббиёт бирлашмасига ишга жойлаштириб қўйишни ваъда бериб, эвазига 1,5 минг доллар олган вақтида ушланган.

Шунингдек, Нукус шаҳрида Ихтисослаштирилган эндокринология илмий-амалий тиббиёт маркази ходимаси фуқарони тиббиёт муассасаларининг бирига ишга жойлаштириб қўйиши эвазига 15 млн сўмни олган вақтида қўлга олинган.

Мазкур ҳолатлар юзасидан жиноят иши қўзғатилиб, тергов ҳаракатлари ўтказилмоқда.

Каналга уланиш:
👉Vodiy24.uz rasmiy kanali

⚡️Жиззахда судья ёрдамчиси 300 АҚШ доллари олган вақтида ушланди

Жиззах вилояти фуқаролик ишлари бўйича Дўстлик туманлараро суди судья ёрдамчиси хизмат мавқеидан фойдаланган ҳолда Мирзачўл туманида яшовчи аёлнинг ишончига киради.

Хусусан, уни турмуш ўртоғи билан ўзаро ажримини тезлаштириб, эр-хотин ўртасидаги мол-мулкнинг бир қисмини олишида ёрдам бериш эвазига 300 АҚШ доллари талаб қилади.

Давлат хавфсизлик хизмати ходимлари томонидан Бош прокуратура ҳузуридаги Департамент билан ҳамкорликда ўтказилган тезкор тадбирда, у ўзининг хизмат хонасида сўралган пул маблағини олган вақтида ашёвий далиллар билан ушланди.

Ҳозирда судья ёрдамчисига нисбатан Жиноят кодексининг 168-моддаси 3-қисми “в” банди ва 211-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилди.

Тергов ҳаракатлари олиб борилмоқда.

Telegram I Facebook I YouTube I Instagram

Укасига ёрдам қилмоқчи бўлган солиқ идораси ходими пора билан ушланди

Фарғона вилояти Давлат солиқ бошқармасининг тадбиркорликни қўллаб қувватлаш – хизмат кўрсатиш бўлими катта инспектори ўз укасига 2023 йилда Фарғона тумани ҳудудидан электрон аукцион орқали 30 йил муддатга ижара асосида берилган, қишлоқ хўжалигига мўлжалланган 48 сотих ер майдонини юқори лавозимда ишловчи танишлари орқали харидор номига расмийлаштириб бериш эвазига 30 000 АҚШ доллари талаб қилади.

Давлат хавфсизлик хизмати ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбир давомида солиқ идораси ходими ушбу пул маблағини олган вақтида ашёвий далиллар билан ушланди.

Ҳозирда унга нисбатан Жиноят Кодексининг 25,168-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмоқда.

Каналга уланиш:
👉Vodiy24.uz rasmiy kanali

Сўх туманида Янги Ўзбекистон ислоҳотлари самараси

Фарғона вилояти Сўх туманида одамлар юрагида шукроналик ва қувонч, чунки Янги Ўзбекистон ислоҳотлари халқ ҳаётига нур олиб кирди, енгиллик олиб кирди, одамлар айтишича бу ўзгаришлар фақат йўл ёки инфратузилма эмас балки турмуш тарзига кирган умид, йиллар давомида қийинчилик кўп эди, йўл йўқ, чироқ бор кучи йўқ, кўп кечаларда ўчоқда овқат қилишга мажбур бўлардик, интернет йўқ, томорқани суғоришга сув етишмас эди, қоронғи кечаларда чақалоқ билан ўтирган кунларимиз ҳам бўлган дейди ўзини сир сақлашни истаган бир фуқаро, сувсизликдан боғдаги дарахтлар қуриган, экилган маҳсулот йўқолган, болалар масофавий дарсларга қийналган, умид сўниб қолган

Бугун эса ҳолат ўзгарди, аҳоли мамнуният билан айтади, йўлимиз бор, интернетимиз ишлаяпти, уйимизда чироқ ёнаяпти, томорқамизга сув келди, фарзандларимиз учун умид пайдо бўлди, бу ўзгаришлар Янги Ўзбекистон стратегияси самараси, Сўх туманига йўналтирилган маблағлар эвазига йўллар қурилди, сув тармоқлари бетон ариқлар билан мустаҳкамланди, шаффоф тендерлар асосида қурилиш ишлари амалга оширилди, Жаҳон банки кўмагида ажратилган маблағлар йиллар давомида ечим топмаган муаммоларни ҳал қилди

Энг асосийси халқнинг кўнглида ишонч уйғонди, одамлар энди келажакка умид билан қарайди, фарзандларимизнинг келажаги ёруғ, бугунги ўзгаришлар учун миннатдорлигимизни сўз билан ифодалаш қийин дейди аҳоли, одамлар айтишадики йиллар давомида қоронғуликда қолган қишлоқлар бугун ёритилди, йиллар давомида сувга зор бўлган томорқалар бугун яшнади, йиллар давомида йўлсизликдан азият чеккан юраклар бугун кенг йўлларда енгил нафас оляпти

Янги Ўзбекистон Сўх туманига нафақат йўл, сув ва чироқ олиб келди балки халқнинг қалбига ишонч олиб келди, халқнинг кўзларида умид ёритди, болаларнинг қўлида китобни, деҳқоннинг қўлида сувни, она юракда тинчлик ва шукронани пайдо қилди

https://t.me/dolinacity

https://t.me/Dolina_city

Навоийда 104 млрд сўмлик ноқонуний криптоайланма фош этилди

Навоий вилоятида ноқонуний криптовалюта айланмаси билан шуғулланган шахслар қўлга олинди.

Маълумотларга кўра, улар One Payments ва P2P Trade иловалари орқали ўзга шахсларга тегишли банк карталарини улаб, криптовалютани пулга айирбошлаш билан шуғулланган.

Натижада улар томонидан 104 миллиард сўмлик айланма амалга оширилган.

Ҳозирда мазкур ҳолат бўйича тергов ҳаракатлари олиб борилмоқда, айбдор шахслар аниқланмоқда.

Telegram I Facebook I YouTube I Instagram

ЎЗБЕКИСТОН РЕСПУБЛИКАСИ
ПРЕЗИДЕНТ АДМИНИСТРАЦИЯСИГА

Ўзбекистон Республикаси Бош прокуратурасига

Ўзбекистон Республикаси Давлат хавфсизлик хизматига

Истеъмолчилар ҳуқуқларини ҳимоя қилиш агентлигига

Давлат солиқ қўмитасига

МУРОЖААТ
Ҳурматли раҳбарият!
Эътибор қаратиш сўрайман!

Сўнгги йилларда мамлакатимизда инфратузилмаларни ривожлантириш, аҳолининг турмуш даражасини ошириш, сув, энергия ва транспорт тизимларини модернизация қилиш йўналишида улкан ишлар амалга оширилмоқда Янги уйлар қурилиши, ички ва ташқи туризмни қўллаб-қувватлаш, маҳалла даражасида тадбиркорликни ривожлантириш орқали янги иш ўрунлари яратиш борасида қабул қилинган қарор ва фармойишлар халқимиз томонидан катта мамнуният билан кутиб олинмоқда.

Бироқ амалий ҳаётда айрим соҳаларда ушбу қарорлар ижросида камчиликлар ва назорат етишмаслиги кузатилмоқда.

Хусусан, туризм инфратузилмаси ва аэропортлардаги савдо ҳамда овқатланиш хизматларида нарх-наво сиёсати мутлақо асоссиз равишда юқори экани фуқаролар ва меҳмонлар орасида жиддий норозилик келтириб чиқармоқда.

Тошкент халқаро аэропорти ҳудудида фаолият юритаётган айрим савдо ва умумий овқатланиш шохобчаларида
Бир бокал кофе 50–100 минг сўм,
Оддий сув 15 минг сўм,
Енгил таомлар ва сувенир маҳсулотлар эса бозор нархидан бир неча баробар қиммат.


Айрим ҳолларда хизматлар нархи чет эл валютасида (доллар ёки евро) белгиланган бўлиб, бу ҳолат Ўзбекистон Республикаси Конституциясининг 53-моддасида белгиланган «миллий валюта сўмнинг давлат ҳимоясида экани» ва адолатли иқтисодий муносабатлар тамойилига зиддир.

Бундан ташқари, фуқароларнинг аэропорт ҳудудидаги қулайликлардан фойдаланиши чекланаётгани Конституциянинг 44-моддасидаги “ҳар бир шахс ўз ҳуқуқ ва эркинликларини давлат органларидан ҳимоя қилиш ҳуқуқига эга” деган қоидани бузади.

Бундай ҳолатлар нафақат фуқароларнинг иқтисодий манфаатларига, балки Президентимизнинг “Янги Ўзбекистонда инсон қадри учун” тамойилига ҳам зид ҳолда, давлат сиёсатига соя солмоқда.

“Истеъмолчилар ҳуқуқларини ҳимоя қилиш тўғрисида”ги Қонуннинг 4-моддасига кўра, ҳар бир истеъмолчи ҳаққоний нарх, тоза маҳсулот ва аниқ маълумот олиш ҳуқуқига эга.

“Реклама тўғрисида”ги Қонуннинг 5-моддасига мувофиқ, товар ёки хизмат ҳақидаги маълумот истеъмолчини чалғитмаслиги ва ҳақиқий нархни акс эттириши шарт.

Солиқ кодекси ва Валюта тартибини либераллаштириш тўғрисидаги қонунларга асосан, ички бозорда барча ҳисоб-китоблар миллий валютада амалга оширилиши керак.

Аэропорт каби стратегик жойлардаги нархларнинг сунъий кўтарилиши монополия, солиқ қочириш ёки асоссиз бойиш ҳолатларига олиб келиши мумкин Бу эса давлат бюджетига ва аҳоли ишонч даражасига салбий таъсир кўрсатади.

Тошкент халқаро аэропортида ва шунга ўхшаш объектлардаги нарх-наво сиёсати устидан давлат назоратини кучайтириш Барча хизматларда ҳисоб-китобларни фақат миллий валюта сўмда амалга оширишни мажбурий тартибда жорий этиш Истеъмолчилар ҳуқуқларини ҳимоя қилиш агентлиги ва Солиқ қўмитаси томонидан мунтазам мониторинг тизимини йўлга қўйиш
Туризм соҳасида маҳаллий маҳсулотлар ва сувенирларни арзон, рақобатбардош нархларда сотишни рағбатлантириш Мазкур ҳолат бўйича жамоатчиликка очиқ расмий хулоса тақдим этиш.

Ушбу масалага жиддий ва тизимли ёндашиш мамлакатимиздаги ижтимоий адолат, иқтисодий шаффофлик ва миллий валюта қадрини мустаҳкамлашга хизмат қилади.

Бу фақат бир соҳадаги муаммони ҳал қилиш эмас, балки халқ ва давлат ўртасидаги ишончни янада мустаҳкамлашдир.

https://t.me/dolinacity

https://t.me/Dolina_city

Тошкент вилоятида кўп қаватли уйлар атрофидаги ноқонуний қурилмалар бузилмоқда

Тошкент вилоятида кўп қаватли уйлар атрофига ўзбошимчалик билан қурилган қурилмалар бартараф этилмоқда.

Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари Бекобод тумани “Гулистон” маҳалласида ўтказган рейдлар давомида бир нечта мулкдорлар томонидан умумфойдаланишдаги ҳудудлар эгалланиб, ноқонуний қурилмалар барпо этилгани аниқлади.

Инспекция томонидан берилган ёзма кўрсатмаларга асосан, мазкур қурилмалар мулкдорларнинг ўз ихтиёри билан бузиб ташланмоқда.

Эслатиб ўтамиз, Қурилиш ва уй-жой коммунал хўжалиги соҳасида ҳудудий назорат қилиш инспекциялари томонидан республика бўйлаб кучайтирилган тартибда назорат тадбирлари изчил давом эттирилмоқда.

Telegram I Facebook I YouTube I Instagram