والله ما عارف بنيل اي في حياتي بس الناس بتقولي يا هندسه

اى مشكلة بتحصل ف البيت بطفي الموبايل و أحطه جنبى بخاف يدخل فى الموضوع .

_أنا مابقتش نور بتاع زمان..
ابتسم هو ابتسامة كانت حنونة و مطمنة ليها و قال لها واصفا و مقرا له قبل ما يكون لها:
=كل حاجة اتغيرت إلا انتِ...
وقتها اتهزت من جواها من كلامه...
هي لسة محتاجاه و عايزاه بس زعلانة منه، زعل طفلة محتاجة الدلال و الرضا من أمها اللي زعلها و هي هترضى...
و هو فاهم دا و مقدره و محترمه كمان حتى قرب منها خطوة فرجعت هي بتردد و زعقت:
_ أنت عايز إيه!
ابتسم و قال:
=عايز اتجوزك و أشيلك في عيني العمر كله...

سكتت شوية و بتشاور عقلها و اللي برده بيردد "اثبتي يا مهزأة" و بعدها قالت:
_مش عايزة أنا!...
=بس أنا عايز
_بالعافية هو!
=لا بالحب..
_لا!

و لأنه عارف حبها للشعر اتفنن في اختيار أبيات لعمرو حسن و قال:
_لما توافقي
هيبيع جواهرجي ف يوم خاتم
هيجيب مأذون عشا لولاده
هيزيد مشروب وهيبقى اتنين
ونضيف للدنيا اتنين عشاق
وإن موافقتيش
فيه رزق هيبقى انتهى مقطوع
وانتي مترضيش تقطعي ارزاق

قالت بصوت مهزوز و كلامه و طريقته و إصراره أثروا فيها بزيادة :
_المفروض كدا اقتنع مثلا!
= وافقي و ريحي قلبي الغلبان اللي مقدرش في يوم يبعد...وافقي و طمني روحي اللي بتتعب في بعدك...وافقي عشان عايز احقق إنجازي بيكِ
_ردت بعناد:الجواز مش إنجاز
=بس أما يبقي بيكي أعظم إنجاز

سكتت تاني و قلبها مال و ظهرت بسمتها على وشها و اتغاضت عن عقلها اللي ردد"عليه العوض" و بصتله من غير كلام بس موافقتها بانت في عنيها، وقتها حس هو إنه طاير من الفرحة و حمد ربه إنه رزقه قلبها الطيب.

و على الموقف اشتغلت موسيقى خلفية من غير سابق إنذار و فاجأتها و كأن اللي شغلها فجأة يعرف حبها للأغاني القديمة و صوت أم كلثوم و هي بتقول:
"قابلني
والأشواق في عينيه
سلم وخد إيدي في إيديه
وهمس لي قال لي الحق عليه
نسيت ساعتها بعدنا ليه
وهمس لي قال لي قال لي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامة من عيونه نسّاهالي
أمرّ عذاب وأحلى عذاب ...
عذاب الحب
عذاب الحب للأحباب"
#غادة_عادل

ازاي أخلي واحدة بتتكلم كتير تسكت
الواحدة( أنا)

هي الطرح المودال جميلة وكل حاجة بس العمر فيه كام لحظة عشان نضيعها في الكوي

اي حد انا وهو نكون بنتكلم وفنص الكلام مره واحده يختفي وميردش والاقيه بينزل بوستات وستوريز ويجي يرد بعديها بكتير او تاني يوم متجيش تكلمني تاني عشان هزعلك ومش هعبرك تاني وشكرا احنا مش تحت امر اي حد يتكلم زي مهو عايز ويرد وقت مهو عايز في حاجه اسمها ذوق عندك عذر قولي بس متجيش مره واحده تختفي والاقيك قاعد بتهزر فكومنتات وحاجات غريبه لا يا حبيب قلبي مع السلامه انت مين انت اساسا يا نكره

واجعَلني مِمّن سَمِعتَ دُعاءَهُم فَأجَبتَهم يَا ربّ ♡
يارب ♡"..

أنا والله عايز أقول كلام كتير أوي بس مابحبش العيش والحلاوة

نفسي يكون gentle man، و دمه خفيف و طويل، و بيحط بيرفيوم حلو، و بيلبس حلو، و بيعرف يلعب كورة ولا عينه زايغة ولا عليه زحمة ولا البنات بتحبه، و ناضج و طريقة تفكيره سوية، و لويال و بار بأهله و بيصلي، و شخص تقيل مش خيخا، و كريم و حنين و قلبه طيب و بيحب الأطفال، و cold as ice but in my hands he melts، و جدع و شاطر و روش في نفس الوقت و بيحب الميمز و الخروج و السهر و بيحب صحابي و التجمعات، و بيحب أهلي، و حِرَكي و بيحب التمشية، و شخصية مسئولة و طموحة و فرفوشة و بيعرف يطبخ.

بعيط لصاحبتي و بقولها انا اكتر حاجة مزعلاني ان انا كده اللي هبان بياعة ومش فارق معايا

قالتلي طيب ما دي الحقيقة انتي هتمثلي عليا ولا ايه .

هي اي الناس اللي نجحت دي ياجماعه ؟
ده احنا لو الكليه بتاعتنا عرفت الخبر ده السيستم هيغمي عليه من الصدمه وتتأجل بعد 3 شهور

اي النتيجه امتي احنا مكتبناش حاجة تستاهل التصحيح ده كلو!!

الميزة الوحيدة في إنك شخص نظرك ضعيف ولابس نضارة،
إنك لو قاعد في مكان والكلام مش عاجبك..
بمجرد ما تقلع النضارة، فأنت لا شايف، ولا سامع حد.

فوّضتُ لكَ الأمر كله، وظنّي فيكَ يا ربِّي جميل، فتولّني برحمتك، واجبرني.. وكّلتك أمري وحيرتي وشتاتي وقلة علمي، وكّلتك الأبواب المُغلقة التي مفاتيحها بين يديك، والأمور الصعبة التي تيسيرها هينٌ عليك، وكّلتك الطرق التي لا أعلم نهايتها والمسافات التي لا أعلم حجمها، فإنك خير المُستودعين.

أجمل كلمة سمعتها من واحدة صاحبتي بتقولي انتي عارفه أنا بحكيلك كل حاجه ليه؟ قالتلي لأني مهما حكيت عمري ما هنزل من نظرك وهتفهميني وهتفضلي تحبيني وبصراحة كلنا محتاجين الشخص اللي مهما يسمع يبقى عارف جوانا ايه ❤

أحبُ مجالسة
من يربطون
كل شيءٍ باللّٰه."

فـ (مجالسة الصالح تُصلحك)♥️.

لَمْ يُسْعِفْنِي شَيْءٌ
سِوَى تِلْكَ اللَّحْظَاتِ الَّتِي رَسَمْتُهَا
وَعِشْتُهَا بِكَامِلِ شَغَفِي
وَيَقِينِي مَعَكَ
كَانَتْ رُوحِي مِنْ خِلَالِكَ
تُشْرِقُ
وَيَتَوَرَّدُ صَدْرِي
مِنَ الرَّبِيعِ مَعَكَ🌷

جلستُ يومًا لأحصِي ذنوبي فإذا هي آلاف، فجعلتُ أقول:
يا سُفيان! تقف بين يدِي اللَّه؛ فيسألُك عن آلاف الذنوب؟
ماذا ستقول؟ واللَّه ليسقُطنَّ لحم وجهكَ؛ خجلًا وأنتَ تعرض قبائِحكَ على اللَّهِ يا سُفيان!
هذا ما تذكرتهُ، فكيف بما أحصَاه اللَّهُ ونسيتهُ أنتَ!

أيَّا نفسٌ يكرمكِ ربكِ وتعصيه!

_سُفيان الثورِي.

قاعده فاضيه و حابه اتكلم فى حاجه كدا...

اى علاقه فى حياتى مرتبطه جدا بالحب بالنسبالى أياً كان صديق أو قريب أو حبيب او اى إنسان فى حياتى مع اول ظهوره لو انا تمام حبيته ؟
خلاص بالنسبالى البنى ادم دا مهما يغلط مغفورله مهما يعمل متسامح منى معاه صلاحيات كل حاجه معايا بالدوشة و الرغى و الزعل و الخناق و كل حاجه
لكن لو محبتهوش بقا من الاول خالص ؟
انسى بقا نهائى انا ف اول غلطه بنسحب و مبفكرش نهائى انى ارجع تانى بمحى الشخص من دماغى مع توضيح للطرف التانى انى متقبلتهوش بنسبه ١٠٠٪ مثلا و اعتذار و بس كدا .
و برضوا الإنسان اللى بحبه دا لو تمادا فى الغلط فى حقى و كان مصمم عليه و حسيت لو لمرة مجرد احساس أنه مبيحبنيش هبعد نهائى ولو هموت مش هرجع ، مش هكدب و اقول فى ناس محاولتش ارجعلها لا حاولت بس حالياً انا فعلا بعدت عن إلى بحبه واللى مبحبوش و فكرة القُرب تانى تكاد تكون مستحيله لأن حقيقى الانسان تعب كتير جدا و جه وقته يرتاح مع نفسه و شويه ناس بتحبه و بتقدره صح 💗 .

"فضل طول الفيلم يخونها وفي الاخر اتجوزها"
جملة قذرة غزت الفيس بوك ومنتشرة وبتنتشر وكل ما افتح الفيس بوك الاقي معظم الناس مشاركاها مع صورة من فيلم وواحدة شبه عارية .. يا جماااعة فووقوا يا جماااااعة انتم مش مستوعبين انتم بتقولوا اي وبتشاركوا اي ؟؟!! فضل طول الفيلم يخونها يعني "زنا"؟ يعني بتروجوا فكرة إن الخيانة والزنا دا شئ طبيعي ما الراجل في الاخر اتجوزها اهو ! اتقوا الله والله العظيم البوست اللي انت بتشيره ومستهتر بيه دا ممكن يكون سبب دخولك النار يوم القيامة ليييه بقينا بنستسهل الذنوب كدا ليه بقينا ينجهر بالمعاصي بكل سهوولة يقول صلى الله عليه وسلم (كل امتي معافى إلا المجاهرين) الا تحبون أن يعفوا الله عنكم؟! وقال الله تعالى ( ﴿إِنَّ الَّذينَ يُحِبّونَ أَن تَشيعَ الفاحِشَةُ فِي الَّذينَ آمَنوا لَهُم عَذابٌ أَليمٌ فِي الدُّنيا وَالآخِرَةِ وَاللَّهُ يَعلَمُ وَأَنتُم لا تَعلَمونَ﴾ الا تخافون الله؟!

أنت لازم تفهم يعني إيه
"يَوَدُّ الَّذينَ كَفَروا لَو كانوا مُسلِمينَ"

يعني إللي أنت دلوقتي بتشوفه وتقول ياه لو معايا اللبس ده ياه لو معايا عربيته لو كنت أشتغل زيه
لو كنت في شهرته لو معايا موبايله

كل الناس اللي أنت نفسك تبقى زيهم في الدنيا وتعيش حياتهم كلهم يوم القيامة هيكون نفسهم يبقوا زيك

بس أنت مش فاهم أنت معاك إيه.

أحمد عامر