‏زهقت من الامتحانات ( لسه مبدأتش)

مش لازم يكون شكلك حلو عشان تتصور، ولا يكون صوتك حلو عشان تغني ❤️

أي حاجه عايز تعملها اعملها لنفسك مش لازم تعجب حد أبدًا، عيش لنفسك

•الدحيح

‏نفسي اجرب الحياه وانا مش الطرف الأكثر حماساً عاملة ازاي

الخروج الوحيد اللي نفسي أخرجه هو خروجي من الأرياف ،،

رايقه معاكو يامخطوبين

مهما حصل.. خلي حياتك كلها مبنية على الجملة دي "عسى في الأمرِ خيرًا"

مهما كانت أمورك مش مُيسّرة، ومهما كان حظك قليل في أي أمر من أمور الدنيا، خليك دايمًا راضي.

سيدنا عمر رضي الله عنه قال:
"ستمضي أقدارك على كل حال، فاجعلها تمضي وأنتَ عنها راضٍ؛ فَلَرُبما ثوابُ رضاك يُرضيك".♥️

‏اصعب احساس لما تكون بتقرا شات حد و مندمج و فجاه تلاقيه typing

من كام يوم بنت سالتنى .... مين الشخص اللي لو بعد
عنك ممكن تتعب نفسيآ ؟

أنا ضحكت وقولتلها " مفيش حد "..... قالتلي يعني انت مش خايف من فقدان الناس اللي حواليك

قولتلها " متمناش يبعدوا لكن مش خايف من بعدهم " سألتني و دا يعتبر حب ؟ ..... قولتها

" اه بس حب عقلاني شوية مابتوصليش للمرحلة دي الا
بعد فترة معينة بتمر عليكي و مواقف بتأثر في شخصيتك

يعني انا مثلآ زمان كنت دايمآ بنام وانا خايف ان اللي
بحبهم يبعدوا عني ، حقيقي كانت اول حاجة بفكر فيها لو صحيت وملاقيتش حد فيهم جمبي كنت
بقلق عليهم بطريقة بشعة و بعتذر ليهم لو اتضايقوا مني حتي لو انا مش غلطان كنت بعتذر علشان ميبعدوش

حياتي كانت متلخصة في وجودهم وبس ، غفرت و سامحت ليهم كل غلطة و غمضت عيني عن حاجات كتير غلط
كانت بتحصل ، كان كل همي ميبعدوش و رغم اني اتمسكت بكل اللي مشوا من حياتي
لكن في النهاية بردو بعدوا
الفقدان و الخذلان و حشيه الغياب انك تصحي من النوم مثلآ تلاقي ناس بعدت بدون سبب تشوف اللي
كان أقرب شخص ليك بقي عدوك و اللي كنت بتتكلم معاة طول اليوم فجأة مبقتش تعرف عنه حاجه واللي
باعك واللي ما صدق انك تغلط علشان يبعد حسيت قد اية ان انا ضعيف بمعني الكلمة

و كأن اللي عارف كويس انك بتحبه بيتعمد انه يوجعك او يعاقبك بالحب دا ، ومع الوقت إتاقلمت علي الحقيقة اللي طول عمري مش عايز اصدقها

للاسف فعلا " محدش بيفضل.. محدش بيكمل"

ومن ساعتها بقيت بتعامل مع اللي حواليا بمنطلق مختلف اللي عايز يبعد يبعد انا معنديش طاقة أتمسك بحد ،
واللي عايز يفضل عادي لكن عمري ما هظهر لحد طريقة
حبي له مهما كان قريب مني

علي قد ما في ناس كتير وجودها مهم جدآ في حياتي لكن
لو غابوا عني مش هموت ، اتعلمت ازاي معلقش حياتي بشخص مُعين او أبني كل حاجة علي شخص
بطلت اتعشم أو اراهن علي حد ، دايمآ متوقع من اي شخص اي حاجة ودا بيخليني مطمن لنفسي اني مش
هتخذل او اتوجع من حد ، و دايمآ بضحك لما حد بيراهني علي غيابه لاني معنديش حاجة اخسرها اصلآ

إتعلمت ازاي احتفظ بالطفل اللي جوايا لنفسي
أنا و بس ، إتعلمت ازاي اركن كل مشاعري و عواطفي علي الرف و اتعامل بعقل

مأساة حقيقية محدش بيحس بيها الا الشخص نفسه محدش اكيد اختار يكون كدة لكن للاسف الواقع والظروف هي اللي بتجبرنا نكون الشخص ده
#نوتيلاا

"‏يَعْلَمُ خَائِنَةَ الأَعْيُنِ وَمَا تُخْفِي الصُّدُورُ"🤍

انا بموڤ اون من حاجات انا اللى عملتها فى نفسى اصلاً

ايه يـ جماعه الهدوم فـ المحلات مالها غاليه ومعفنه ومتتلبسش كده ليه فـ ايه !!

الناس بتحلوّ قوي لما بتكون في المكان الصح
شوف الفرق على وش الناس لما بيشتغلوا حاجة بيحبوها.. ولما يكونوا في شغل مش هو هواهم
شوف الفرق على ملامح شخص وسط شلة صُحاب بتقدره.. وبين وشه وهو بيعافر عشان ينول القبول
شوف الفرق في جمال بني آدم وهو بيحب الشخص الصح له.. وبين توتر ملامحه دايماً وهو متحاوط بشخص مش مناسب له
كل اختياراتك في الحياة بتبان على وشك.. اختار صح

سَتَمُرُّ
وَ
ڪَأنَّها
لَمْ
تَڪُن!

{ إِنَّا مُنَجُّوكَ } ❤️

الناس كلها بتشغل دماغها وعايزه تنجح
أمااال مين الفاشل أنا والعياذ بالله🙂

مش عارفه ليه حاسه أني هموت الأيام دي و ان دي اخر ايامي واني سوف ألقي الله قريبا

‏أن
تكون
النهاية
اننا نِلنا
ما أردنا
يا رب

سكن ايه يا حجه اللى هيبقى ب٥٢٥ حد قالك انو احنا شغالين فالبورصة 🙆‍♀️😂

‏أنا حاسس ان لازم أخد فيرست ستيب
( تجاه المذاكرة )

لو حكيتلك سر عني
وأنت رميته وسط الهزار مش هتقمص منك
وممكن اضحك معاك عادي
وحتي لو جيت اعتذرتلي هقولك ولا يهمك محصلش حاجه

بس من جوايا انا عرفت انك غير مؤهل انك تتحط في مكانة الشخص الي احكيله اسراري ف مش هحكيلك حاجه تاني ..

وعلي نفس النمط بتمشي كل حاجه ف علاقتي مع الناس ..
ردود افعالي عمرها ما كانت طفوليه
واني اتقمص وازعل منك..

ردود افعالي بتبقي إقصائيه من الدرجه الاولي ..
حطيتك في مكانه وطلعت اصغر منها ؟
ايه المشكله
ارجعك لحجمك الطبيعي
من غير عتاب ومبررات فارغه ووجع دماغ...

بنكون ناويين أنا وصحابي نتقابل نشكي لبعض ونعيط، أول ما بنلمح بعض بنقعد ناكل ونضحك على أحزانا
ودي تُسمى جلسة ثيرابيست مجانًا على ما ربنا يفرجها

إن شاء الله يوم عرفة هيكون موافق السبت 15 يونيو
يعني خلاص باقي أيام قليلة.

كل عام وأنتم بخير ♥️

أُذِّكر نفسي وأُذكِّركم بإن الصحابة كانوا بيجهّزوا دعواتهم استعدادًا لليوم العظيم ده، وكان عندهم ثقة ويقين إنّه "يوم عرفة" العام اللي بعده كل دعواتهم هتكون مُستجابة!

يقول أحد الصالحين:
"واللهِ ما دعوتُ دعوةً يوم عرفة ودار عليها الحول إلا رأيتها مثل فلق الصبح".

اللهم بلّغنا يوم عرفة واجعل لنا فيه دعوةً لا تُرَد ♥️