هذا الموقف
لازلنا بثاراتك نهتف
بس ماندري ادور موقف

نتقدم ونگلك وينك
لا تغفه لثارات حسينك
اليسمعنه ايظنّه المتقدم
ويحسبك انته المتخلف ... هذا الموقف

بينه الكوفه اتعيش الوان
مرات انطفيها النار
بس انسيّر عالدخان
مرات نسولف بالثار
بس مامش اي ومضة سيف
انحد للثارات ألسان
انحد سيف لثارك مانعرف
هذا الموقف

كلنه انصيح بيا ارض انته
بس كلنه اندور استقرار
نلطم كلنه لركض ايتامك
بس هم نشرد من النار
نريدك حار واحنه بروده
شيوالم بارد وي حار
نغالط انفسنا ونتفلسف
تنظير مسوين الثار
اراء
واهواء
وفكره
محد يحچي السيف بنيته
والحال اعلى غيابك مؤسف ... هذا الموقف

ومن يوم الغبت احنه انريدك
بس مانعرف بيش انفيدك
ومرات بكل صدق الچلمه
انصيح انقذنه
ومن تسمعنه شگد نحتاجك
تفتح ايدك
وهنا ترجع بينه الكوفه
وبالرغم احنه المحتاجينك
ماننطي الايدين لأيدك!!!!!
ممكن ننطي احجايه ونخلف ... هذا الموقف

باليدعولك عجّل واقبل
يدعولك بس عدهم غيرك
اغلبهم بس يشبع ينسى
ومن يجوع ايحن لخيرك
عجّل عدهم بيها اسباب
ممكن واحد بيته ازغير
ويريد بدولتكم بيت
ممكن واحد شانه ازغير
ويريد بطاريك صيت
ممكن واحد كله ازغير
ويگلك عجل ياريت
ممكن واحد هو تأخر
ويگلك وينك ماجيت

وبيهم واثق مامحتاجك
يحس روحه العنده مكفيه
بس يذكرك سولة عابد
وما يعرف ثارك مو بيه
مايدري شيحتاج الينزف
... هذا الموقف

قار ومذعن كلي اگبالك
هذا انه بواقع تقصيري
بلكت من اصدق گدامك
تبدي اول خطوه بتغييري
مااريد اكتب مثل الخانوا
لجدك اقبل كتبوا غيري
هسه انه اتوسلّك اقبل
بس خايف واكتب تقريري
عدنه القلّه اوياك التنصف ...هذا الموقف



أحمــد اللامــي

في ذكرى أربعينية عقيلة بني هاشم مولاتنا
المظلومة الغريية زينب بنت أمير المؤمنين صلوات الله وسلامه عليهم
#موكب_دموع_الزهراء يدعوكم لحضور مجلس العزاء السنوي يحييه
خادم سيد الشهداء الملا علاء التميمي

#يوم_الجمعة 4/9 _ الساعة 8:30
السماوة . جامع الحاج سليمان . الغربي

السلام على القلب الكبير وصبره

https://youtu.be/9_blC7k7kgA
رابط اليوتيوب ↖️

https://youtu.be/8kXl26A_b3I


صلى الله على المظلوم وابن المظلوم القاسم بن الحسن وعلى أمه الطيبة الطاهرة مولاتنا رملة ورحمته وبركاته

حُزناً لحزن النبي الأعظم محمد برحيل سيد البطحاء ووصي الأنبياء مولانا أبي طالب و أم الزهراء مولاتنا خديجة صلوات الله وسلامه عليهم أجمعين

موكب دموع الزهراء يدعوكم لحضور مجلس العزاء السنوي يحييه

الملا حيدر الفريجي و الملا وسام الصيمري


يومي الأربعاء والخميس 21 و 22 /4
[ الساعة 9 ]
السماوة . جامع الحاج سليمان . الغربي

تعزية ...