"Навоий шеърияти ва Навоий образи ҳамиша кучли бир қуёш каби кўнглимни тортар эди. Тарихга кўз ташласам, Навоий гигант, буюк бир сиймо ҳолида қаршимда турар эди. Ёшлигимдан бери Навоийнинг ўлмас, абадий шеърларини севиб ўқир эдим, унинг жозибали ғазаллари борган сари кўнглимга сингиб борди; шакл ва мазмуни юрагимни маст ва мафтун этди.
Мен Навоий тилининг қудратини, гўзаллиги ва ҳуснини тўла кўрсатишга тиришдим.
Ёзувчилар тилни халқдан ўрганишлари лозим. Халқ тили ажойиб учирмалар ва қочириқларга бой битмас-туганмас асл манбадир".
ОЙБЕК

ХУЛОСА

Ойбекнинг «Навоий» романига ёзув

Тарих зулматининг узун йўлида,
Учрашди музаффар устозу толиб.
Армон машъаласи бирин қўлида,
Бирида қалам бор орзудай ғолиб.

Учқур асрларнинг шиддати нураб,
Тонглар талвасаси келар ҳалқумга.
Ойбек Навоийга етишди теран,
Навоий Ойбекни берди халқимга.

Одил ҲОТАМ
t.me/Odil_Hotam

"Шоирим, сен қайга қайтмоқ бўлибсан,
Ким сени бадарға қилмиш, жавоб бер,
Сен нечун алвидо айтмоқ бўлибсан?
Олтин болалигинг ўтган тупроқда
Наҳот топилмаса сенга бир мадад?
Наҳот онанг руҳи қолмиш йироқда,
Наҳот боболаринг қўлламас минбаъд?
Гўзал бу дунёга келиб кетмоқлик
Наҳотки шунча жўн, шунчалар осон?!
Юлдузлар шивирлар, диллари доғлиқ:
- Ё ўзга сир борми? Айтгил, қадрдон!.."
АБДУЛЛА ОРИПОВ
(09.02.2024. Ойбек уй-музейи хотиралари)

"Навоий шеърияти ва Навоий образи ҳамиша кучли бир қуёш каби кўнглимни тортар эди. Тарихга кўз ташласам, Навоий гигант, буюк бир сиймо ҳолида қаршимда турар эди. Ёшлигимдан бери Навоийнинг ўлмас, абадий шеърларини севиб ўқир эдим, унинг жозибали ғазаллари борган сари кўнглимга сингиб борди; шакл ва мазмуни юрагимни маст ва мафтун этди.
Мен Навоий тилининг қудратини, гўзаллиги ва ҳуснини тўла кўрсатишга тиришдим.
Ёзувчилар тилни халқдан ўрганишлари лозим. Халқ тили ажойиб учирмалар ва қочириқларга бой битмас-туганмас асл манбадир".
ОЙБЕК

Тошкент Тўқимачилик ва енгил саноат институти (ТТЕСИ) ўқитувчиларининг музейга ташрифи

Тошкент Тўқимачилик ва енгил саноат институти (ТТЕСИ) 1 ва 2 босқич талабаларининг музейга ташрифи

ДХХ Академияси малака ошириш курси тингловчиларининг музейга ташрифи

Устоз Ойбекка бағишланган ҳужжатли фильмдан фотокадр (1985). Ойбек домлага бағишланган шеъримни ўқияпман.

Хуршид ДАВРОН ОЙБЕКНОМА
1

Ойбекнинг шеърини далага чиқиб,
Майсага ёнбошлаб ўқимоқ керак:
Билмай қолсин юрак: сув узрами, ё
Ойбекнинг шеърида ўйнайди бу нур?

Ойбекнинг шеърлари бамисли нигоҳ,
Бу нигоҳ асрорин йўқдир поёни.
Худди бўлмагандек майсага изоҳ,
Йўқ Ойбек шеърининг тўла баёни.

Ойбек — бу майсага чўккан бужур тош,
Ҳайратдан ёрилиб-ёрилиб кетган.
Ойбек — бу дарахтзор устида қуёш,
Нури то чумоли кўзига етган.

Ойбек — бу улкан бир чорбоғ ортида
Ёввойи узумзор оралаб, титроқ —
Қуёш тангалари ўйнаб сиртида
Бирдан ёруғликка чиққан шўх ирмоқ.

Ойбек — бу оғриқни қари тол каби
Юракнинг тубида асраган сўзлар,
Барча ҳасратини жим туриб лаби,
Энг яқин дўстига сўзлаган кўзлар,

Ойбек тирик ҳамон, у кўкда ҳилол,
У — шамол, боғларда тинмай еладир.
У мени чорлаган ойдин бир хаёл,
Кўкдаги Каҳкашон унинг йўлидир

2

Шеър — фақат қуш тили,деганди шоир
Қулоқ тутиб қувноқ, шўх товушларга.
Бошида рутубат қилганда қаҳр,
У тилин қайтариб берди қушларга.

Шеър — юлдуз киприги, деганди Ойбек,
Ўзи киприк эди Ўзбекистонга.
Сўнгги дам бошида сўнаркан осмон,
Шоир кўзларини берди осмонга.

1982

Устоз Ойбекка бағишланган ҳужжатли фильмда увайсий устозимга бағишланган шеъримни ўқияпман (1985).