السلام عليكم أحبتي طلاب دفعة 2025
المنهجين العربي والمتميزين

حتكون المحاضرة الاخيرة لأكمال المنهج يوم السبت القادم
المصادف 1 / 3

الحمدلله حافظت على وعدي الكم بأول محاضرة شفتكم بيها قبل سنة تقريبا أنه يخلص المنهج وينضبط بهذا التاريخ.

صحيح شوية تعبتكم بكثرة الامتحانات وخصوصا التراكمية بس اتصور هسه عرفتوا انه هذا الشي هو لمصلحتكم من ضبطتوا المادة.

عادة اغلب طلاب السادس يكونون ضابطين أول ٣ افصل ويعانون من الافصل المتبقية ( من الفصل الرابع للتاسع ) لقلة الوقت المخصص ألها...لذلك من بداية دورتنا خلينا خطة وجدول خاص بحيث هاي الافصل تاخذ حقها من الوقت اللازم لشرحها بكل تفاصيلها وكذلك كثرة الامتحانات بيها حالها حال الافصل الثلاثة الاولى والسبب حتى لاتعاني من هاي الافصل بفترة مراجعتك للوزاري..ولازم تعرف انه بالوزاري عليهن بحدود 80 درجة..

المنهج حيخلص السبت بس الخطة الي خالها الكم بعدها مخلصانة ...المطلوب منكم هو الالتزام بامتحانات الفاينل التراكمية الي حنرجع ونسويها مرة اخرى ونظل نمتحن وبكل اسبوع ولغاية ما تكملون المواد المتبقية الاخرى وتكعدون بالبيت وتبدون فترة المراجعة للوزراي ...لازم تعرف ان كثرة الامتحانات وتكراره ( وانتوا أصلا فاهميها ) حتثبت المعلومة براسك وتسيطر ع المادة بشكل كامل

كل التوفيق أبنائي..محبتي وأحترامي ألكم