ليش من چنت أحترك ماجيت يمي

وغيرك عشگني صدك واكتبله احبك ردت
بس كلبي عتاني

يالماعرفت بعلتك يومين تهوى وترد شهرين تنساني

دعيتك وكت مُغرب
دعوة ام مفقود
مرة أبچي عليك ومرة ع العشرة ..

أنتَ الماردت تصبر
صلف وبكلشي رافضني
جنت حاسبني مثل
المشكلة الصعبة
كل تفكيرك
تفضني

احنا لو متخاربين احسلي عاد
ولا علاقتنه تضل بس السلام

يلتم التعب بية
واكول أيام وتعديّ

شايف هضمة الطاردها ابنها صياح
وعليها الچناين كلها تتمزهد
وبراس الفرع تتنخة بالسواق
يودوها على ابنها الثاني الاستشهد!
عشت هذا الوجع بالليل
من شفت البنيتة وياك ينهد

وانه بلا شوفتك شينفعن عيوني ..

ما أجذب عليك وألله فوكاي
أمس ردت أنتحر
من كلشي مليت
كالولي تتخطى وباجر تهون
بس ضحكوا عليه وما تخطيت
ولو ما أمي؟
جا هسة انا خِلصان
طلقة براسي قبل سنين خليت!
وإذا مظهري مرتب؟
أنا تعبان
ما واضح عليه هواي عانيت
ماتدري من أغمُض عَيّني مرات
أحس بروحي آخر نومة بالبيت

أمنيتي على كد ما ارمش أنساك

أنا جريتك نفّس گوة أعلى ريتي
وهسّه حَيرة منين ما أهدّك أموت

معقولة كلبك طاوعك
خلاك تكره صوتي
غشوك مدري بيا حجي
ومابيك حنية بعد
ما تهتم حتى بموتي
كتلك أموت عليك انا
وانت ما قصرت
بيدك جبت تابوتي

الوعد مثل الشرف مِن ينكسر ينعاب
عذرك مايفيدك شفتك بعيني
انازع بأشتياقي وغيري يمشي وياك
تجي بيا باب حتى تكلي وافيني

اليشلعون أضفره بغرفة التعذيب
ما حاول بكدك يسحب ايده

المفروض هسة الأيد بالأيد
چا حلوة خربانين بالعيد؟