بالحطب غطيت النار
ردت اليصير وماصار
والنوبه جبتلها جروح حطيت فوك جروحي
شوف شلعبت بروحي

ومن صارت صدك ردتك ولو حاجوز
وغصب عذرك قبلته تخاف تتعور

بزلاتك أضم ردتك ضمير تصير
وچذبت الصدك حتى إنتَ ماتخسر

وعاونتك عليّ من شفت عذرك خاب
قنعت النفس كلتلها يتغير

لا مدك وصل والعين شافت نور
لا كسرك جُبر لا لغزك تفسر

گدامك طحت ماشفت وجهك گام
هاك أبسط مثال وشوف وتصوّر

ولك خشبه بطبر فرگست چف حطاب
من شافت حطب كدامها تطبّر

ليش أكلك أبقى يمي
وأنت رحت بمشتهاك؟
وليش متهمك دمعتي
وآنه كاسر خاطري لخاطر رضاك!
ياكل بروحي التناقض
ما اريدك بالحقيقة
وبالحلم اركض وراك

جا مو عود طاهر وماتعرف تخون؟
ونبع صافي على أساس
وبأسمك يحلفون
وكلش حابني وتكضي
العمر وياي
وعلي سويت روحك
بالعشك مجنون خبصتني
وتحجي على موسى بتوالي
الليل وتالي من الصبح
رحت لحضن فرعون

ضلت بروحي السوالف تشتهيك
وانتَ بارد ما تفرفح من اجيك

أنتَ ماخذ روحي مني
ياسبب جرحي اليغني
أنتَ دفانك دفني

وعلى كبرك كتبوا إسمي

لمن چانت ايامي بصعوبه تمرّ
و احتاجيتك و شلت الحزن وحدي
من عدها و محبتك أزمة حاسبها
شما تكبّر بروحي لازم تعدي

انمدتلي غير جفوفك هواي
بس عيبهن مابيهن ايدك

ليش من چنت أحترك ماجيت يمي

بكد حبك انه بجيت
ميت شوگ ضليت

أحبك من الأبهر وأعبد الي سواك

ليش من چنت أحترك ماجيت يمي

وغيرك عشگني صدك واكتبله احبك ردت
بس كلبي عتاني

يالماعرفت بعلتك يومين تهوى وترد شهرين تنساني

دعيتك وكت مُغرب
دعوة ام مفقود
مرة أبچي عليك ومرة ع العشرة ..

أنتَ الماردت تصبر
صلف وبكلشي رافضني
جنت حاسبني مثل
المشكلة الصعبة
كل تفكيرك
تفضني

احنا لو متخاربين احسلي عاد
ولا علاقتنه تضل بس السلام

يلتم التعب بية
واكول أيام وتعديّ

شايف هضمة الطاردها ابنها صياح
وعليها الچناين كلها تتمزهد
وبراس الفرع تتنخة بالسواق
يودوها على ابنها الثاني الاستشهد!
عشت هذا الوجع بالليل
من شفت البنيتة وياك ينهد

وانه بلا شوفتك شينفعن عيوني ..