التفاصيل العشتها وياي
صعب يم غيري تلگاهن ..

روُح أترس فَراغك بالبرود البيك
أنا وجه الشمس بالملگة غَطيتة

طاريچ من ينذكر
أترك الكعده واهج
وانعل أبو الجابه
وثنين هنة تره
لو چذب هذا الحچي
لو أنتِ چذابه
الما راد يمچ لعب
هيج بسبب عملتج
ينلعب بأعصابه

فرشولِي ريش ومَانمت
بَس يمك اغفه اعله الجمر

أحب ذاك ارتباكج من الاگيج
عكس ذيج الوكاحة البالرسايل

و أعرف بيك تتغير
عباية بمگبرة ما تبقى نفس اللون

كول من البدايه عندي غير أنسان
عَليمَن احرك برُوحي وكلبي خلصان؟

وتنام يم راسي الاغاني
وانت كاضيها تحاجي ثاني

چان بحبي فد مشغول باله
ما تكضي الدقيقة بلا سؤاله
چان انسان ثاني بالبدايات
من حبيته شو زاد انشغاله

تالي اتأكدت لمّن يضمنوك
تظل ساعات مهموله الرسالة

نمَت ويه الجثث
مَا خفت و هتزيت
خفت مِن گتلي
كلمَن يلتهي برُوحه ..

الصافن بالدرس بعيونة كومة اوهام

هديتك وين اوديها ؟
مثل هدوم كاتل جاي اضم بيها
وشل مايها عيوني و احسها زناد
ماريد اضغط إعليها

وياج من التفت
واتعثر بدمي
بالصورة جنت اختنگ
من انتِ مو يمي
عفتي فراغ شكثر
ماسدة حضن امي

تلمع عيوني من اشوفج انتِ يمي
تروحلج فدوة امنياتي
من اباوعلج بنظرة حُب اگول
شلون هيج بنية حلوة
من بعد هذا الجهد جتي لحياتي

صدمه وعشتها قوي
لكن امل خليت
وانت ذكي بموقفك 
جوايه تحفر جنت
وبكلشي ماحسيت
من كتلي خل نبتعد
فترة ويردنا الزمن
اني رحت للمرض
وانتَ رحت حبيت

هسه گاعد هوه يمها
وانا هم بصفها گاعد
الفرق بالگعده واضح
هوه گاعد يم خصرها
وانا گاعد يم صورها
عندي حيره وحيل حيره
وسالفة كلشش چبيره
الاحبها ابيته عاشت
وغيري فلاها الظفيره

المفارگ النسمه العابره تخنكه

صرت مثل الصلاة انذكر وكت العوز

جاي تگلي صعبة نخلي أيد بأيد
وانه مرات صدري لصدرك تضمة