مو كلت عايفهم شكد چذبت
ليش من تفوت منهم تلتفت
مو كلت كسرت الأقلام ونسيت
ليش بعدك تكتبلهم ما تبت
ليش ماليك الوفه أتعده النسوك
ليش لمن عرسوا ما عرست
هواي عندك وادم تريدك شجاك
شمالك وي الفاركتهم جلبت

مو جديدة لهسة گاعد
‏بَس جديد لوحدي أسهر
‏خوفي بَس لا صدفة تجمعني
‏وأشوفك ونفسة شكلك ماتغير
‏وداعتك ما أگدر أنسى
‏بالي يَمك خاف تگدر

لا تشتاگلي

أستاهل النسيان
اليحب مثلك بشر يستاهل الوجعه

تمنيتك تحبني بگد محبتي
و باچي بكَثر ما باچي بغرفتي

الفرصة الثانية بسلاحك يكتلوك
ومن نفس الصحن مرتين تسمم

لا تجبرني اشيعك وانتَ ما ميت

چانت گلادة من غيري
بنص رگبتك
واني چنت انتَ برگبتي
والله مو تدخين هذا
الخله صوتي يصير هيچ
تعبك الغير نبرتي

متحبني ، واحبك
والمصيبة الـ نوب
اريدك وانهزم
من الـ يريدوني

ماندمان بس صدگني مقهور
عُمر كامل يخلص بلخسارات

عشرتي وياك چنهة لعبة قمار
أربح مرة وأخسر عشر مرات

لو كسرة عظم
چان العذر مقبول
بس كاسرلي خاطر
بيش ترضيني ؟
العُمر مابي ضمان
شلون گلب إنسان
أدري غلطة منّي
أنطيتك سنيني

التفاصيل العشتها وياي
صعب يم غيري تلگاهن ..

روُح أترس فَراغك بالبرود البيك
أنا وجه الشمس بالملگة غَطيتة

طاريچ من ينذكر
أترك الكعده واهج
وانعل أبو الجابه
وثنين هنة تره
لو چذب هذا الحچي
لو أنتِ چذابه
الما راد يمچ لعب
هيج بسبب عملتج
ينلعب بأعصابه

فرشولِي ريش ومَانمت
بَس يمك اغفه اعله الجمر

أحب ذاك ارتباكج من الاگيج
عكس ذيج الوكاحة البالرسايل

و أعرف بيك تتغير
عباية بمگبرة ما تبقى نفس اللون

كول من البدايه عندي غير أنسان
عَليمَن احرك برُوحي وكلبي خلصان؟

وتنام يم راسي الاغاني
وانت كاضيها تحاجي ثاني

چان بحبي فد مشغول باله
ما تكضي الدقيقة بلا سؤاله
چان انسان ثاني بالبدايات
من حبيته شو زاد انشغاله

تالي اتأكدت لمّن يضمنوك
تظل ساعات مهموله الرسالة