صوت سنوني يتعدى على سابع جار
وبحجة برد مشيتها الرجفة

الكاهم فراغ منين ماحط شوك
الاحبهم مو نهار كلوبهم ظلمة

معركتي انتهت
والنصر
جان فراك

التعداني بحلم يلگاني عابُر ليل
الفجر گبل الشمس بعيوني وشلته

الما يشتاگلي ينترس حضنه فراگ
على الملگه من أسولف ما تذكرته

اذا دفنوني اسولف بيك للمَيتين
ديوان بمَحبتك انصُب هناك

ديربالك على عيونك راح اروح
واني هم راح ابقى
اراقب من بعيد
مقتنع بالصار گلي شون هيج ؟
ليش ما وضحت كلشي وحجيت
الكى احسن منك بيا دنيا هاي
اني صدگني ردت ، بس مالگيت
جنت ارد فرحان اذا نتلاگه يوم
وهاي اول مرة
اكول شعندي جيت ..

بيه انشلت من حرب
وماخذني جان النزف
وموت وصريخ وكتل
والدنيا تتعارك
من السديه رأساً كمت
باوعت بأيدي وطبت
ماهمني كل النزف
چي سالم اسوارك

مو كلت عايفهم شكد چذبت
ليش من تفوت منهم تلتفت
مو كلت كسرت الأقلام ونسيت
ليش بعدك تكتبلهم ما تبت
ليش ماليك الوفه أتعده النسوك
ليش لمن عرسوا ما عرست
هواي عندك وادم تريدك شجاك
شمالك وي الفاركتهم جلبت

مو جديدة لهسة گاعد
‏بَس جديد لوحدي أسهر
‏خوفي بَس لا صدفة تجمعني
‏وأشوفك ونفسة شكلك ماتغير
‏وداعتك ما أگدر أنسى
‏بالي يَمك خاف تگدر

لا تشتاگلي

أستاهل النسيان
اليحب مثلك بشر يستاهل الوجعه

تمنيتك تحبني بگد محبتي
و باچي بكَثر ما باچي بغرفتي

الفرصة الثانية بسلاحك يكتلوك
ومن نفس الصحن مرتين تسمم

لا تجبرني اشيعك وانتَ ما ميت

چانت گلادة من غيري
بنص رگبتك
واني چنت انتَ برگبتي
والله مو تدخين هذا
الخله صوتي يصير هيچ
تعبك الغير نبرتي

متحبني ، واحبك
والمصيبة الـ نوب
اريدك وانهزم
من الـ يريدوني

ماندمان بس صدگني مقهور
عُمر كامل يخلص بلخسارات

عشرتي وياك چنهة لعبة قمار
أربح مرة وأخسر عشر مرات

لو كسرة عظم
چان العذر مقبول
بس كاسرلي خاطر
بيش ترضيني ؟
العُمر مابي ضمان
شلون گلب إنسان
أدري غلطة منّي
أنطيتك سنيني

التفاصيل العشتها وياي
صعب يم غيري تلگاهن ..

روُح أترس فَراغك بالبرود البيك
أنا وجه الشمس بالملگة غَطيتة

طاريچ من ينذكر
أترك الكعده واهج
وانعل أبو الجابه
وثنين هنة تره
لو چذب هذا الحچي
لو أنتِ چذابه
الما راد يمچ لعب
هيج بسبب عملتج
ينلعب بأعصابه