گالت رايحة .. وتمشت بعيد
الوكت واني وگفنه نباوع الها
وظل يمشي اعله طولي الخوف حسيت
احساس الشمعة من تطفه القبلها

وانه ها للعلم وياها تعبان ..
المشاكل والظفاير چنت احلها

سنة بوداعك يسكتون بية

ومثل
گطرة ندى بلا صوت
شوگك ياكل بروحي

السكتة چذبه
بروحي نار
ويا قلق ذاك الهدوء
اليترس اجواء المحاكم
قبل اصدار القرار

يا حبيبي الليل هم ساكت
يشبهك

سامحني بعد ما بية حيل ازعل
‏ولا متعود آخذ دور المدلل
‏ولا متعود اتباهى بدموع الناس

بس شفت الورد يرتاح من يذبل..

شوف غيري تأمل بروحه العشگ
عيش الغرام وانه خليني على غربة
وانسى كلشي واكطع وياي السلام

واني ادري والله ادري بيا حضن
طولك ينام

صوت سنوني يتعدى على سابع جار
وبحجة برد مشيتها الرجفة

الكاهم فراغ منين ماحط شوك
الاحبهم مو نهار كلوبهم ظلمة

معركتي انتهت
والنصر
جان فراك

التعداني بحلم يلگاني عابُر ليل
الفجر گبل الشمس بعيوني وشلته

الما يشتاگلي ينترس حضنه فراگ
على الملگه من أسولف ما تذكرته

اذا دفنوني اسولف بيك للمَيتين
ديوان بمَحبتك انصُب هناك

ديربالك على عيونك راح اروح
واني هم راح ابقى
اراقب من بعيد
مقتنع بالصار گلي شون هيج ؟
ليش ما وضحت كلشي وحجيت
الكى احسن منك بيا دنيا هاي
اني صدگني ردت ، بس مالگيت
جنت ارد فرحان اذا نتلاگه يوم
وهاي اول مرة
اكول شعندي جيت ..

بيه انشلت من حرب
وماخذني جان النزف
وموت وصريخ وكتل
والدنيا تتعارك
من السديه رأساً كمت
باوعت بأيدي وطبت
ماهمني كل النزف
چي سالم اسوارك

مو كلت عايفهم شكد چذبت
ليش من تفوت منهم تلتفت
مو كلت كسرت الأقلام ونسيت
ليش بعدك تكتبلهم ما تبت
ليش ماليك الوفه أتعده النسوك
ليش لمن عرسوا ما عرست
هواي عندك وادم تريدك شجاك
شمالك وي الفاركتهم جلبت

مو جديدة لهسة گاعد
‏بَس جديد لوحدي أسهر
‏خوفي بَس لا صدفة تجمعني
‏وأشوفك ونفسة شكلك ماتغير
‏وداعتك ما أگدر أنسى
‏بالي يَمك خاف تگدر

لا تشتاگلي

أستاهل النسيان
اليحب مثلك بشر يستاهل الوجعه

تمنيتك تحبني بگد محبتي
و باچي بكَثر ما باچي بغرفتي