الليله كون اكدر اضم عيني وراي
حتى ما تبچي لان تشتاقله
المصيبه الصور اشبكها وانام
براسي مو كل السوالف كامله
بيه هوسة فاتحه وموتت عزيز
وطبت الكاتل البيت الكاتله
صدك تحچي يا قلق يا انكسار
انه واصل جرح محد واصله

مو زعل ويفُض بالآسف
كامت تحس بالمَلل

جاي أعاني من الأحبها
بگد مُعاناة الشَلل

طبع نخلة
اذا ترموني بحجار اذب تَمري
واخليكم تدنگون !

اتمنى اضل وحدي
البدوي حياته تعب
ضيم وسموم وعطش
بس المهم منعزل

وانتَ حيل غالي
جَنك آخر نفس من الجگارة

من شفتك تحب الورد
ورده صرتلك
كمت تمردني ما تسكيني

أدفع بالبلم مَا أدري بي غرگان
والمردي أنكسر والروجه خانِگته
وبديرة مناجل سنبله أنحَطيت
حصّدوني وخضار الطيش ما شفته
وصَدكت الرمل بي تكشخ الصحراء
مَا أدري الأبل كٌل حول ساحگته
وصبرت عَلى الجرح حد ما خذاني الشِيب
وتحَملت وضگت ما ضگته

الحَنظل والعسل والزين والمو زين
كلهن جربتهن وأنت ذاك انت

خابط ياوكت ما يصفى بيك الراي
تطشرني وتلمني العٌمر خلصته ..

انه ما بچاني حُبك
انه من عندك بچيت
وَلك چنت قافل باب گلبي
انتَ من يا باب أجيت

گالت رايحة .. وتمشت بعيد
الوكت واني وگفنه نباوع الها
وظل يمشي اعله طولي الخوف حسيت
احساس الشمعة من تطفه القبلها

وانه ها للعلم وياها تعبان ..
المشاكل والظفاير چنت احلها

سنة بوداعك يسكتون بية

ومثل
گطرة ندى بلا صوت
شوگك ياكل بروحي

السكتة چذبه
بروحي نار
ويا قلق ذاك الهدوء
اليترس اجواء المحاكم
قبل اصدار القرار

يا حبيبي الليل هم ساكت
يشبهك

سامحني بعد ما بية حيل ازعل
‏ولا متعود آخذ دور المدلل
‏ولا متعود اتباهى بدموع الناس

بس شفت الورد يرتاح من يذبل..

شوف غيري تأمل بروحه العشگ
عيش الغرام وانه خليني على غربة
وانسى كلشي واكطع وياي السلام

واني ادري والله ادري بيا حضن
طولك ينام

صوت سنوني يتعدى على سابع جار
وبحجة برد مشيتها الرجفة