ضميتها
بگلبي الك بعدين تتلگاها

انه الحچايه
الجارحه لو اموت ما انساها

والنَاس الردتهم ؟
خلو عيونك نَهر ..

عمي ترا حقها الكرايب منج تضوج
لمعة ركبتج تسوى العشيره
بكد امج وغارت من العيون
اعذريها اذا تغار الصغيره
وماترضين بيهم حقج اصحاب

التكعد ع الذهب ترضه بحصيرة؟

نمت ويّ الجثث
ماخفت واهتزيت

خفت من گتلي
كلمن يلتهي بروحة

هذا ياهو الماخذج وقنعتي بي
منهَ بَس كليلي چنتي ششايفهَ

ذوق ماعندج ولا عندج ضمير
من تبدلين القصيدة بسالفة

حَتى من الزعل مَحروم
جاي اتعب وما احچي
واخاف تغثَك دموعي

اتأكد نمت يله ابچي

من أولها گلبك مو إلي
عندك فراغ وجيتني
تجاملني جنت بعشرتك
مو من صدك حبيتني

بشارعگم شگد
واكف وما شفتك
يومية أرتب نفسي واوصل لهناك
وارجع مدنك
چي تكلهم عفتك
هاي الاذية الما تمر اعلة البال
عايف احلامي
وما عفت سالفتك
متصور عيونك
تحن وتشتاك
تعزها عينك عني متصورتك

ياهو انتَ وعليك أبچي بتوالي الليل
وشنو تنزل دموعي لخَاطرك انتَ
غيرك يحلم احجي ويا مو أشتاك
يحفظ شكو بروحي ويفهم البية
وبعد ماريدك وعلى الحُب صدك ندمان
ندم بنت شيوخ نهبت وي حرامية
كلت ماحن عليك بصم رمل
غلطان لا هسة احرگك انتَ والبية

مـو ياهو اليحضنك يعني ميت بيك
تره اليصعد ع نخل مچبور عالحضنه

ارسمك ملتفتلي وتطلع اوهام
ملامح وجهي مافهمت معانيك

دَمعتك بارده يگولون ماتِشتاگ
وأنه خيال الحَنين يثگل بِجدمه
والگاهُم فراغ منين ماحِط شوگ
الأحبهُم مو نَهار گلوبهم ضَلمه
اليضُم عِندي هوى ما سِولفه المَخنوگ
اليجي بوگته دمع بعيوني ماضِمه
واهِس ليل جرحي شكد سِوالف بي
على كِل ذكرى مَرت تنحسب لَچمه

جزت روحي منك شرد احاجيك 
الطفل من ينجوي يضل يكره النار ..

اليحب من طرف واحد يشبه
المشلول من يشوف كتلوا أمه كدامه

المشايف الشفته لا يضل يلوم !
اليجي للفاتحة مو مثل صاحبها

شلت حملك ملح وچتافي كلها جروح

بَاجر يعوفك جديّدك
وَتحلم تعود لقديمك

اليوم بالصَدفة
مثل عطرك لگيت
حاولت بَس ...
ماگدرت الزم عبرتي
بهَوسة السوگ وبچيت

اذا غيري لكيت وغايتك ترتاح
روح يحرسك الله وبالخير داعيلك

واذا وي غيري تلكه المالگيته وياي
يحقلك لو رحت شتريد اسويلك

عَليك بداعتي لا تگطع الجيَة
اليحَبك مَن صَدك يتعنى يومية

هسه تأكدت اليوجعَنك وَين
من تلمسِت اليوجعَك بيه