شكد هضيمه تخلي
غيري يحضنك وياخذ مكاني

شكد هضيمه لمن اكتبلك قصايد وايدي
ترجف وانت تسمع شعر ثاني ..

تمنيتك تحبني بگد محبتي
وباچي بكثر ماباچي بغرفتني
منو مثلي وصل وياك ماخاف
ألتقاليد وحچي الناس وسمعتي
ألماخذني كلي وكلي وياه
ألمخرب تفاصيلي وكشختي
تطبك عازته وساعات الفراك
مثل ماينطبگك چفي على كصتي

ظلام انتَ بحياتي وظلمك هواي
وأضوگك مر واگولن لا طعم هيل
وأعرفك خاين وأدريك بذات
وتريد وياك اخلصها بتواسيل
ولك أعرفك قبلي عاشگ وأعرف الـ بيك
وضميت الأسرار بوحشة الليل
كُل هذا وبقيت مصبر الروح
حلم وابقي على حيلچ قوي الحيل
آنه الـ دلليتك وبوكت عوز
وتگلهم علية مشوفك الويل
آنه أكفر بالكرامة الـ طخت الراس
واكفر بالعشگ واهل المراسل

مثل أهلي جنت شتسوي ما اكرهك

شجاك وخاطري تكسره؟
تحط بيه جرح وتروح
واگلهُم شوفوا حط ذكرى ..

هسه انتَ عادي رحت
هاي الرسايل شنو
واللهفة والدمعة
تقشمرني بيهن چنت
لو انتَ طبعك لعب
تنساهن بسرعة

ضميتها
بگلبي الك بعدين تتلگاها

انه الحچايه
الجارحه لو اموت ما انساها

والنَاس الردتهم ؟
خلو عيونك نَهر ..

عمي ترا حقها الكرايب منج تضوج
لمعة ركبتج تسوى العشيره
بكد امج وغارت من العيون
اعذريها اذا تغار الصغيره
وماترضين بيهم حقج اصحاب

التكعد ع الذهب ترضه بحصيرة؟

نمت ويّ الجثث
ماخفت واهتزيت

خفت من گتلي
كلمن يلتهي بروحة

هذا ياهو الماخذج وقنعتي بي
منهَ بَس كليلي چنتي ششايفهَ

ذوق ماعندج ولا عندج ضمير
من تبدلين القصيدة بسالفة

حَتى من الزعل مَحروم
جاي اتعب وما احچي
واخاف تغثَك دموعي

اتأكد نمت يله ابچي

من أولها گلبك مو إلي
عندك فراغ وجيتني
تجاملني جنت بعشرتك
مو من صدك حبيتني

بشارعگم شگد
واكف وما شفتك
يومية أرتب نفسي واوصل لهناك
وارجع مدنك
چي تكلهم عفتك
هاي الاذية الما تمر اعلة البال
عايف احلامي
وما عفت سالفتك
متصور عيونك
تحن وتشتاك
تعزها عينك عني متصورتك

ياهو انتَ وعليك أبچي بتوالي الليل
وشنو تنزل دموعي لخَاطرك انتَ
غيرك يحلم احجي ويا مو أشتاك
يحفظ شكو بروحي ويفهم البية
وبعد ماريدك وعلى الحُب صدك ندمان
ندم بنت شيوخ نهبت وي حرامية
كلت ماحن عليك بصم رمل
غلطان لا هسة احرگك انتَ والبية

مـو ياهو اليحضنك يعني ميت بيك
تره اليصعد ع نخل مچبور عالحضنه

ارسمك ملتفتلي وتطلع اوهام
ملامح وجهي مافهمت معانيك

دَمعتك بارده يگولون ماتِشتاگ
وأنه خيال الحَنين يثگل بِجدمه
والگاهُم فراغ منين ماحِط شوگ
الأحبهُم مو نَهار گلوبهم ضَلمه
اليضُم عِندي هوى ما سِولفه المَخنوگ
اليجي بوگته دمع بعيوني ماضِمه
واهِس ليل جرحي شكد سِوالف بي
على كِل ذكرى مَرت تنحسب لَچمه

جزت روحي منك شرد احاجيك 
الطفل من ينجوي يضل يكره النار ..