‏تمردّي بالتغنّج و ألعبي بالطروق
‏اللي بها الغطرسه و العنفوان خْلطا

‏أنتي من اللي عليه قلوب الأمه تتوق
‏ما أنتي من اللي ليا روّح مراح القطا

‏دلوعة الشايب اللي سمعته فوق فوق
‏تسرف يمينه لجل عين الطراقي عطا

‏لـ ربوعه ألطف من النسمه و للخصم عوق
‏إليا عطا ما بخل .. و إليا تعزوى سطا

‏يوم جاء وجهك صباحٍ فيه ما للضيق داعي
‏جادت الدنيا سلام، وسافرت بالعين قرّة

‏للسّماء قبلة عيونك، لأوَّل دروبك مساعي
‏لآخرك نجمٍ قديم، وفي وهَج وجهك مجرّة

‏كيف أشوفك في فتور من الهوى وأنت اِندفاعي؟
‏شايفٍ فيك أجمل أيّامي.. ملذّات، ومسرّة.

‏يا مرحبا يا حفيدة ناقلين السيوف
‏يا ذخر من ترتع البل في ذرى سيفها

‏يوم المعارك ودقلات السرايا تطوف
‏ترعى الخطر بالمشوّك في رها ريفها

‏أنتي هوى البال يا منوة بعاد الشفوف
‏يا بنت قومٍ على العليا مشاريفها

‏عيطاً تخطرف ليا منها مشت ما تشوف
‏تقول ما خذةٍ الدنيا .. على كيفها

‏محبّتك و أسم أبوي و صيت جدّاني
‏زادت شموخي شموخ و صرت منغرّه

‏من يوم ما قمت تكتبني و تقراني
‏شف كل عذرا طويلة عنق منحرّه

‏من وصفك لـ رمشي اللي ضلل أوجاني
‏أوجاني اللي من أول بيت محمرّه

‏أخذت قلبي وهو ( لعيال عمّاني )
‏يعطيك من خيره و يكفيك من شرّه

كساك النور من لون الضحى يا عودها سربال
تبارك من وهب ذيك الوصوف وجل خالقها

مهاً بين الصبايا لا مشت تمشي وهي تختال
فريدة زين كن اللّه عن التلعات فارقها

ملاها سحر بُعد أقراطها عن موضع السلسال
سماويّة حسن حتى المراية ما تصدّقها

غزالية معنّق فاتنة مبسم عريبة خال
يا سلسال الذهب وش قيمتك لولا معنّقها !

يا قلبي ما قدرت تكون دون اللي تبي حيال
بعد بالغت في تقدير الأشياء حسرتك ذقها

ولا تندم على الماضي ولا تبكي على الأطلال
مثل ما الشمس مغربها هناك هناك مشرقها

عرفت إن الخسارة في العمر وإن العمر زوّال
يعيّشنا وجود أحلامنا لو ما نحققها

وش الروض الخضر لولا السحاب المغدق الهطّال !
وكلمة مرحبا من غير لهفة عين تسبقها

ليال الوصل لو طالت قصيرة والوله قتّال
يا كم لحظة فرح كنا بعّز الضيق نسرقها

نهلت الحب صافي من غرام الناهد المكسال
وشفت " أحبك " مْن عيونها من قبل تنطقها

خذت قلبي وصارت ملهمة شعري ورأس المال
تركت أجمل عشيقاتي بعد ما صرت عاشقها

لها مني على عرش الترف تجلس وهي تختال
وأجيب أحلى القصايد بين لبتها وعاتقها

‏العجب يوم أشوفك وأنت كلّك عجيب
‏تجمع اللول والماء والبرد والجمر

‏ماني بـ ناشد الدنيا وش اللي تجيب
‏بعد هبّ النسيم وبعد طلّ القمر

‏ما تحت رمش عينك غير قلبٍ صويب
‏ولا ورا رمش عينك غير ليلة عمر

‏تراني وإذا غرّبت عنّك ولو شرِّقت
‏على درب غيرك ما خذا القلب منهاجه

‏يقولون بلقى لك شبه بس ما صدّقت
‏شبيهك على درب النقا وقّف إنتاجه

‏معاك أتجرّد من مبادي تربت فيّ
‏و أنا الثابته اللي ما تغيّر مباديها

‏أداريك عن ضيقك و أحنّك من أدنى شي
‏و أنا ما أتلفت لـ الخواطر و أداريها

‏ولا أعاتب إلا الساعه اللي تجيبك لي
‏تجيبك ولا هي الراكده في ثوانيها

‏أحبّك و أنا اللي لو يدور الزمن هي هي
‏على حطّة يدين القلوب و هقاويها

‏يا شبه الظباء اللي من قوانيصها شرّيد
‏صعيبة مرامٍ تتعب الّلاش من بدري

‏من المفترض ينحط في معْبرك فالسيد
‏تنبّه هنا يوجد عبور " الرشاء العفري "

‏من الخصر والعاتق ليا الناصيه والجيد
‏لا شحّ القصيد وتاهت خْطاي وش عذري ؟

‏لذيذة قبال وعذب منطق وفارع جيد
‏على كل ناطق ضاده وناطق العبري

‏شنو بينك و بينه ؟
‏- خوارزميّات روحيّة والبساط احمدي

‏لا متى وأنا أعشقك في حدود الأحترام
‏المحبه مالها إلا .. البساط الأحمدي (:

‏"عَناءٌ أن تُحِبُكَ شاعِرة"

‏كل دربٍ يجمعني فيك جيت و تغانمته
‏أعدّك ربح و غيرك في الدنيا مخاسيري

‏ياذات الغي وآُم المنطق المعسول
‏من فْصول اللقى ؛ كم فاتني حصة

‏تذكرتك وانا .. ( بيني وبينك ) حول
‏سنة ولّا آكثر / مْن الشوق والغصة

‏رغم ما بيننا .. يبقى ؛ الغلا موصول
‏على كثر « الزعل » طاريك يمتصه

‏وقفت آدوّرك " بين الوجيه " تقول
‏وجيه الناس هامش ؛ وأنتِ القصة

‏مخارج حروفك تسحر ومبسمك ذبّاح
‏وبحر عينك أعمق من بحور الفراهيدي

‏تسرق القلب منْك و تاخذه خِلسه
‏و أنت تدري .. و لا تقدر تكلمها

‏من رهف كفها الناعم ومن ملسِه
‏لو تنزّل .. يديها طاح خاتمها :)

‏_ أحمد تميم

‏قمر لكن تطلّ أحلى بكثير من القمر لا طلّ
‏وأنا أوجد لك من أبيات الشعر مايصعب إيجاده

‏قلايد من عقود الياسمين ومن عقود الفُل لعنقك
‏وأنت عنقك يستحق أكثر من قلااااده

‏من يدلّك ما عاد يعرف عقبك ضاع ولا دلّ
‏ومن يشوفك ؟ يشوف الغيد مافيهم ولا غااااده

يا هاجسي هات منكْ اللي عليها الكلام
تحت اسمي المستعار ودافعي المعنوي

بيوت شعري لها عندي قدر واحترام
قافٍ يجمل وراسٍ للجزيل احموي

وانا طرى لي مع هب النسيم السلام
للي عليه القصيده من غلا تستوي

ما قلتها من عتب ولا عليك الملام
يقولها شوق قلبٍ كنت اظنه قوي

الى متى تحوف نعم وكل طيب ومقام
متى يدينك تحوف الضامر المنزوي :)

حبيبي انت الكريم اللي ملاني اهتمام
هذي مواري محبة كل قلب بدوي

وانا لعينك سهجت الكحل وارمي اللثام
لك وجهي اللي بزينه شابع ومرتوي

ان جيت يا مرحبا، لجلك يميل القوام
وان غبت سندت قافي لك وما يحتوي

‏عفيف ما يعرض زينه فالطريق المار
‏ما عانق زوايا عاتقه غير .. سلساله

‏زايد بن ذعار

‏بنت مروين الأسنّه جلاليب الأجل
‏يوم للموت أصطفاقه و للحدب ألسنه

‏ردّي السود المظلّه عن الخرس النجل
‏خلّي الشاعر يهجرس من الشعر أحسنه

‏فيك شي من الغوايه و شي من الخجل
‏للقلوب الجاحده و القلوب المؤمنه

‏تقعد عيون القصايد رجل على رجل
‏كل ما خلّيتها في بهاك مزيّنه

‏وجهك ماهو وجه إختلاف ونقاشات
‏وجهك وجه " حاضر ، تدلّل ، تفضل "

‏ما أشعر بالحب إلا معاك أنت بالذات
‏شكلك حبيبي .. يا صديقي المُفضل

‏بدر بندر