ДЫГЪЭГЪАЗЭ

Ди Тхьэ, Тхьэшхуэ!
Ди Тхьэ закъуэ!
Уафэри щlылъэри зезыгъакlуэ
Тыгъэшхуэ къызыбгъэдэкl
Щымыlэр хэзыгъахъуэу
Телъыджэр зи lэужь
Псори зыщыгугъыу
Зыми щымыгугъыж
Къэхъури зэлъэlуу
Зыми емылъэlуж
Ди Тхьэ!
Зы Тхьэ!
Тхьэшхуэ!
Щыlэ псори зытетыр Хабзэщ
Хабзэм тету дыгъэм зыкъегъазэ
Дыгъэм зыкъегъазэм
Махуэ къыдок1уэри
Махуэу къыдэкlуэм
Фlыгъуэр щlыгъуну
Дэрэжэгъуэ хуэтщlыну
Хуэтщlар бэгъуэну
Бэгъуам зыдэдужьыну
Тхьэшхуэу дыкъэзыгъэщlам жиlэ !!!

"Chapsh”-м сыхуохъуахъуэ

Мы нобэ къытхэхъуа гупыщӏэр гуп узыншэу, гуп дыгъэлу, кӏуэ пэтми къиблу, фибл ихьэфу, щымыӏа яублэу, щыӏэр яублэщӏу, ирагъэфӏакӏуэу, езыхэр факӏуэрэ зэкӏужу, екӏур ящӏэу, ящӏар екӏуу мы зэрыхьа утыкур яхуэмэхуэн ухъу.

"Chapsh” гупым дызыхагъэплъа щӏэиныр къэзыгъэщӏу щӏы фӏыцӏэжьыр зышхыжа ди нэхъыжьыфӏхэ, фи лъэужьыр мыужьыхын ухъу. Ди жьэгу пащхьэ мафӏэр къыщыблэу, вагъуэшхуэ лэду фытхуэгъуазэу, фыдмыгъэщӏэхъуу, дымыхутыкъуэу, бийм и быдапӏи дыдэмыхутэу фи ӏэужьыр зыгъэбэгъуэн щӏэблэу дыкъыфхущӏэкӏынуэ сохъуахъуэ.

Етӏэнэгъэ пӏалъэ фӏыкӏэ дынигъэс.

@djarez

Дыгъэгъазэщ

Созэрэщу ди дыщэ шу,
Нобэ Дыгъэгъазэщ,
ХъуэхъукIэ доублэ!
Гъэм и махуэр ди бжаблэу,
ЩIым и махуэр тхуэбагъуэу,
Ди хэку жылэжьхэр уардэ унэжьхэу,
Нэхъыжь диIэмэ пщӏэ хуэтщIу,
Ди щIалэхэр гъущӏыпсэу,
Уэрэд жызыIэр ди хъыджэбзу,
Хэкужь махуэрэ, унапIэ махуэрэ Тхьэм дищI.

ЗэрытщIэщи, дыгъэгъазэм и 21-22 жэщ-махуэм гъэ псом къриубыдэу махуэр щынэхъкIэщIщ, жэщыр щынэхъкIыхьщ. Аращ адыгэжьым абы гу лъитэу щIыжиIар: “Дыгъэм зегъэзэж”, е “дыгъэр ещIэжащ” жоуэ. Дыгъэр къеплъэкIыжауэ махуэр щыхэхъуэжкIэ ди пасэрейхэмм гухэхъуэ ящыхъурти, Нэхум ехъуэхъурт, еубзэрт.
ЕтIэнэгъэ пIалъэ фIыкIэ Тхьэм дынигъэс!

Мне очень приятно наблюдать за тем, какой ренессанс сейчас переживает черкесская этническая музыка. На днях в Нальчике прошел концерт фолк-коллектива Chapsh. Надеюсь, скоро услышу вживую.

"Жъыу"-м ихьак1эщ