Щхьагъэ: жэм
КIахэ: чэмы

Щыпкъэр: кIахэ къэIукIэри щхьагъэ къэIукIэри – зыщ, адыгэбзэщ. Диэлект теухуакIэ макъым тIэкIу зызэрахъуэжыри наIуэщ.

УзэрыщIэмэ, узэдощIэ, узэдэщIэмэ, зы уохъу!

#Djrz_ЗыБзэ

ЩIэпщакIуэ Iэнэ, Iэзэ/IэзакIуэ Iэнэ

…Адыгэ IэзакIуэм, IэзэкIэм теухуа тхыгъэм пытщэкIэрэ “Djarez”-м и Iэнэ хабзэ тхыкIэм тIэкIу икIыу, щхьэпырыкIыу зы адыгэ щIэныгъэ фи пащхьэ къитлъхьэнщ…⬇️

https://vk.com/wall-91320497_5613

#Djrz_Iэнэ

«Нарт Хъымыщрэ Исп-гуащэрэ» - https://vk.com/wall-91320497_5616

#Djrz_IуэрыIуатэ

ЩIэпщакIуэ Iэнэ, Iэзэ/IэзакIуэ Iэнэ

…ЩІэупщІакІуэ-щІэпщакІуэхэми зэрызаІэтышхуа щыІэкъым. Иужьырей махуэм а Іэзэм ищІаращ нэхъ гъэщIэгъуэныжыр. Абы и пхъуантэ цІыкІум къыдихащ и Іэпхъуамбапщэм и гъумагъым хуэдизыну къамыл ку гъуанэ. Абы зыхуеинум хуэдиз къыпеупщI. Аргуэру и пхъуантэ цIыкІум цІыужу гъэкъэбзауэ шыкІэ ІэмыщIэ къыдех. Сымаджэм йохъуцацэри, зэгуэркІэ йоупщІ. Пэшым щІэтыр къыщIегъэкІри, сымаджэр егъэгъутхьэ. Абы и гъутхьэпсым шыкІэхэр зэ хегъэщIытыхьыжри, ахэр къамылым ирелъэф из хъуху. Мэл кІапэл мышу тІэкIy къырегъэхь, къамылым и пэм пеIури, шыкIэпшынауэм жыреIэ “Лыс илъхьэ” макъамэм къеуэну. Арати, мыгузавэурэ, макъамэм зыдигъэхъуурэ къамылыр уIэгъэм пхегъэкI, шыкІэхэм я кІапэр еубыдыри, къамылыр пхелъэфыпэ шыкІэхэр уIэгъэм къинэу…

Тхыгъэм къыкIэлъыкIуэнущ

*псалъэгъэнахуэр иужь дыдэу къэкIуэнущ

#Djrz_Iэнэ

«Нартанрэ и анэбзэмрэ» - https://vk.com/wall-91320497_5621

#Djrz_Гъуазэрытхэ

КIэщт Резуан щыIэжкъым. Куэду гухэщI тщыхъуащ. Игъуэнэмысщ, гуауэшхуэщ. ЩIалэми жылэ хьэдэщ.
Зызейхэм Тхьэм фщимыгъэгъупщэ.

«Djarez» гуп

ЩIэпщакIуэ Iэнэ, Iэзэ/IэзакIуэ Iэнэ

…Сымаджэм кІэлъыплъу, щІэпщакІуэм жэщкІэрэ хэту Іэзэр тхьэмахуэ зэхуаку хуэдэкІэ щыIэжащ. Сымаджэм къигъэзат. Ар махуэ къэс игъэгъутхьэмэ, псыутх цIыкIу ищIауэ абыкIэ гъутхьэпсыр шыкІэхэм зэпхырыжыху уІэгъэм кIуэцIрихуурэ махуихыр кIуащ. ИтIанэ щежьэжыну махуэм Іэзэм уIэгъэм зы шыкІэ налъэ къыхилъэфыжыри, сымаджэм сыт щыгъуи щхьэщыс даем жриIащ мыгузавэурэ, езым зэрищIам хуэдэу махуэ къэс зы шыкIэ къыхилъэфыну, гъутхьэпс щІэгъэжынри шыкІэхэр яухыху щамыгъэтыну. А щIыкIэм тету иужьырей шыкIэр къыщыхалъэфыжам къелынкIэ зыщымыгугъыжа уIэгъэр хъарзынэу хъужат.”

*псалъэгъэнахуэр иужь дыдэу къэкIуэнущ

#Djrz_Iэнэ

ЩIэпщакIуэ Iэнэм, Iэзэ/IэзакIуэ Iэнэм и псалъэгъэнахуэ

⁃ Гыныпс (antiseptic) – удз хъущхъуэ зэмылIэужьыгъуэхэм зэрыцIынэу къыщIэпIытIыкIа, е къыщIэгъэвыкIа, лы цIынэр/уIэгъэр зырагъэузыпкъ удзыпс хъущхъуэгъуэ.
⁃ Гъэузыпкъын (disinfection) – 1) уIэгъэм, узыфэхэм хэлъ, хиуа фIейхэр, цIывцIутIхэр гъэкъэбзэн, лъэсын, гъэлынцIын, гъэвэпхъын;
2) хьэпшыпу, хьэкъущыкъуу н. къ., лъэса, къабзэ дыдэ хъун папщIэ псывэ игъэжыхьын, гъэплъын, гъэлынцIын, гъэвэпхъын, игъэвэпхъыкIын, гъэщтын, зыщIэгъэщтыхьэн.
⁃ ПхъэщIэпхэ - къупщхьэ къутар зэпагъэувэжрэ зэрагъэзэхуэжа иужь захуэу кIыжын папщIэ щIапхэ пхъэ пIащIэ джафэ - Splint
⁃ Шхэпс (gypsum) – джэдыкIэпсырэ гуэдз хьэжыгъэрэ зэхэгъэшыпсыхьауэ псылэ, къупщхьэ къутар щашхэкIэ зэрашхэ, къырашэкI уIэгъэпхыр (щэкIыр) зыхагъауэ, зыхагъэуцIынэ псылэ.
⁃ ПхъэIумбэ - дзэм хуэубыд пхъэ пIащIэ джафэ. ЦIыху къэмэххэм, къэмэхырейхэм, уIэгъэ куу, хьэлъэ зытелъхэм шэ щыхахыжкIэ (шабзэшэ, фочышэ), зэрытыпIэ ипкIа, къупщхьэ къута щызэрагъэувэжкIэ, Iэпых-лъэпыхым щыхуекIуэкIэ IэзакIуэхэм сымаджэм и жьэм Iуралъхьэу щыта Iэмэпсымэ. Нарт хъищэм къыщыкIуэ щапхъэ: “Лъэпщ щхьэ къутам гъуаплъэр дыщэIуниблкIэ тыридэн ипэ къайлъэIуащ и гъусэхэм зы уэрэд едзыгъуэ жиIэхукIэ лIыжьым и жьэм пхъэIумбэр Iурамылъхьэну.”
⁃ Дае/дыгызэ (nurse) – 1. нанур езым къимылъхуауэ зыпI, зыгъасэ цIыхубз. 2. Щауэр щэуапIэу зэкIуалIэ унагъуэм я унэ гуащэр. 3. Сымаджэм, лъэрымыхьым кIэлъыплъ, зезыхьэ хъыджэбз, е цIыхубз.
⁃ Джэгу хьатэ – щIэпщакIуэм щекIуэкI джэгукIэхэр къызэзыгъэпэщ, зыгъэнахуэ, кIэлъыплъыж.
⁃ Лыс (antiseptic) – шэху егъэфа хъыдан, уIэгъэ куум е емыкIуэн, кIыжын папщIэ иралъхьэу щытащ. ЛыцIынэр егъэузыпкъыджэри, хъужыгъуафIэ ещI.

#Djarez
#Джэрэз
#Djrz_Iэнэ