ЩIэпщакIуэ Iэнэ, Iэзэ/IэзакIуэ Iэнэ

Адыгэ хабзэм, псэукIэм, гъащIэм нэхъри щыгъуазэ дыхъун папщIэ щIэпщакIуэм, Iэзэм/IэзакIуэм, щIэпщакIуэ Iэнэм, Iэзэ/IэзакIуэ Iэнэм мащIэу дытепсэлъыхьынщ. ЩIэпщакIуэ зыращIэкIыр сымаджэхэр арт, псом хуэмыдэжу уIэгъэ куу зытелъхэмрэ зи къупщхьэ къутахэмрэт.

УIэгъэр IэзакIуэхэм гыныпскIэ* (antiseptic) ягъэузэпкъырти*, (disinfection) япхэжырт. Мыдрейуэ къупщхьэрыIэзэхэм къупщхьэр зэфIэщIыкIамэ, къэчамэ, зэрыпкIамэ/зэрыуамэ зыпагъэувэжырт, зэрагъэувэжырт, пхъэщIэпхэ* щIапхэрти, шхэпскIэ/жыпскIэ* (gypsum) яшхэжырт. НэгъуэщIуи уIэгъэ куу, фэбжьышхуэ зытелъхэм, шэ щыхахыжкIэ (шабзэшэ, фочышэ), зэрытыпIэ ипкIа, къупщхьэ къута щызэрагъэувэжкIэ, Iэпых-лъэпыхым щыхуекIуэкIэ зэIэзэм и жьэм пхъэIумбэ* жьэдалъхьэрт узыр нэхъ хьыгъуафIэ щыхъун папщIэ…

Тхыгъэм къыкIэлъыкIуэнущ

*псалъэгъэнахуэр иужь дыдэу къэкIуэнущ

#Djrz_Iэнэ

«Лъэпшъ ичэтэшIыгъэIе благъор зэрауIигъэр» - https://www.instagram.com/p/CnCmqpJt5IQ/?igshid=YmMyMTA2M2Y=

#Djrz_IуэрыIуатэ

ЩIэпщакIуэ Iэнэ, Iэзэ/IэзакIуэ Iэнэ

…ЩIэпщакIуэ щызэхыхьэу щытар пщыхьэщхьэрщ. Сымаджэр ямыгъэжейуэ трагъэурт, жей куум хэту уIэгъэр, къупщхьэ къутар игъэхъейуэ е емыкIуэн папщIэ. Махуэрат сымаджэр хуиту щыжейр, абы щыгъуэми дае/дыгызэ*(nurse) хъыджэбзхэр кIэлъыплъ зэпытт.

Мыпхуэдэ дауэдапщэхэм хьэблэ, ныбжьэгъу, благъэ щIалэгъуалэхэр зэхуэсырти, гушыIэхэу, нэгузыужьу, уэрэд жаIэрэ къафэхэу зэхэтхэт. ДжэгукIэ зэмылIэужьыгъуэкIэ зэхьэзэхуэхэт, абыхэм ящыщщ: «Мастащэ», «Iэгуауэ», «Нэхьэху», «Шэт тIыс», «Джэдрэ адакъэрэ», «Псэлъыхъу», н.къ. Псори зыхуеим тету къызэгъэпэща хъун папщIэ бжьыпэр зыгуэрым иIыгъын хуейт, абы щхьэкIэ нэхъ гушыIэрейуэ, нэхъ жьэрыIэзэу зы щIалэ нэхъыжьыIуэ джэгу хьатэу* хахырт. Сымаджэм узыр къытехьэлъэ хъурэ, Iэуэлъауэ хуэмыхьыжымэ, джэгур зэпагъэурти, Iуэхур Iэзэм къыхуэнэрт…

Тхыгъэм къыкIэлъыкIуэнущ

*псалъэгъэнахуэр иужь дыдэу къэкIуэнущ

#Djrz_Iэнэ

«Хъудымыжъ иуджыпI»

Хъудымыжъ нарт лъэпкъэу, Лъэпшъ игъукIэ гъусэу кIочIэшко зыхэлъ цIыфэу щытыгъ. Пхъэ куахьиблэр ащ изытэмэрыхьыгъэу къаIотэжьы.

Ащ фэдэу зэгорэм мэзым ар къикIыжьзэ, ТIатIрыхъу иорэдыIо макъэ зэхихыгъэ. Хъудымыжъ къэшъокIо Iазэу щытыгьэти, пхъэкуахьиблэр ытамэ зэрэтелъэу, къечъэкIзэ къашъоу фежьагъ. Аущтэу къашъозэ, лъэгъо хъурэешко риубыкIыгь, ащ ыгузэгу Iуашъхьэу къэнагъ. Ащ джыри Хъудымыжъы иIуашъхьэджэ еджэх.

Непэ къакIорэм ылъэгъунэу, Хъудымыжъ иIуашъхьэ Къунчыкъохьаблэ чылэ гузэгум ит, уфаеми сурэт тех.

#Djrz_IуэрыIуатэ

ЩIэпщакIуэ Iэнэ, Iэзэ/IэзакIуэ Iэнэ

…Сымаджэр хъужыхукIэ зы жэщ къэмынэу щIалэгъуалэ зэхуэсам щIэпщакIуэ Iэнэ хуагъэувырти, зэIурагъэухэрт, ягъашхэрт. Апхуэдэ Iэнэр сымаджэр зей унагъуэм къыщынэмыщIауэ зэрылъэпкъыу, хьэблэри, ныбжьэгъухэри абы хэтыжу, гъуэрыгъуэурэ къызэрагъэпэщырт. Абы хуэщхьэхуэжу щIэпщакIуэм къырихьэлIэ хъыджэбзхэми пщыхьэщхьэ къэсыхукIэ зэрызыхэу шхын щIэщыгъуэ къызэдахьхэрт.

Иджы дгъэзэжынщ IэзакIуэхэм ядеж. Узыфэмрэ, фэбжьымрэ гъэхъужыным фIыуэ хащIыкIыу, хуэIэкIуэлъакIуэу, хуэщIауэ адыгэ Iэзэхэр зэрыщытар къыхощыжыр ди нарт хъищэм, IуэрыIуатэжьым, тхыдэм. Ди хэкум щыIа, щыхьэщIа европей щIэныгъэлIхэми абы гу лъамытэу къэнакъым, икIи адыгэ IэзэкIэм, гъэхъужыкIэм теухуауэ тхыгъэ гъэщIэгъуэнхэри къагъэнащ…

Тхыгъэм къыкIэлъыкIуэнущ

*псалъэгъэнахуэр иужь дыдэу къэкIуэнущ

#Djrz_Iэнэ