«ЗЭШХЭЗАКЪУЭ»

Адыгэм и унэ къыщIыхьэ зыгуэрэм "умэжалIэрэ, ушхэн?" жиIэуэ еупщI хабзэкъым. МыупщIэуэ занщIэу Iэнэ къыхурихьэжьэну абы иужь ихьэ мыхъумэ.

Си анэшыпхъу Iэсие нэкъуэлэн хъужауэ икъукIэ цIыхубз дахэт, икIи уэршэракIуэрэ гушыIэрейуэ, нэжэгужэуэрэ нэфIэгуфIэу апхуэдэу щытт. ШыгъупIастэкIэ абы аткIэ щымыIэжыуэ ехьэжьат, ущIыхьа нэужь зыгуэрэ уимыгъэшхауэ, Iэнэ къыпхузэтыримыгъэувэуэ игъащIэкIэ укъыщIигъэкIыжынтэкъым.

Пшхыр фIэмащIэти, Iэнэм укъыпэрыкIыжыну ухуежьамэ, "ар сыту щIэх, кхъыIэ, иджыри тIэкIу едзакъэ, Екъуб" - жиIэт.

Ди анэшыпхъум "уэри укъэтIыскъэ" - жесIэмэ, гушыIэурэ ар жиIэт: "ЦIыхубзыр тIэу-щэ шхэгъуэщи, цIыхухъур зэшхэзакъуэщ, жи, уэ уцIыхухъущ, шхэ, сэри сыкъэтIысынщ " - жери.

Анэ пэлъытэуэ диIа мы ди анэшыпхъу дыщэр и теплъэкIи, и щIыкIэкIи, и дэтхэнэ зыкIи адыгэ цIыхубзым и зы щапхъэт. "Адыгэ цIыхубз " жаIэмэ ар си нэгу къыщIохьэ сыт щыгъуи.

Пасэуэ дунейм ехыжьащ. ДыкъэзгъэщIа ди Тхьэм и нэфI къыщыхуэну, итIанэ жэнэтыр увыпIэ-тIысыпIэ хуэхъуну абыкIэ согугъэ.

Тэгъулан Екъуб

#Djrz_Гъуазэрытхэ

«КъэлапчъэмкIэ къыдахь!..» («Хъуаджэм икъэбархэр»)

Хъуаджэм ищагуи ихати чэу аIулъыгъэп, арыти гъогушхо рашIыкIыгъ.

Чылэм зыхахьэкIи елъэгъу, нэмыкIхэм ящагухэр къэшIыхьагъэх, къэлапчъэхэри ахэлъых, цIыфхэри къэлапчъэхэмкIэ адахьэх, къадэкIыжьых.

- Хъунэп, гъогу тырашIыкIыгъап, къэлапчъэ горэ тищагу хэтлъхьан нахь, - ыIуи, Хъуаджэм къэлэпчъэ дэгъу ыгъэуцугъ, щагур чэукIэ къызэрэмышIыхьагъэу. Къэлапчъэр ыгъэуцуи, сэхыр ригъэчъэжьыгъ, хьали дидзэжьыгъ.

А Iоф заулэр зэшIуихи, унэм ихьажьыгъэу исзэ, зы шыу горэ ядэжь къыдэпсыхагъ. Хъуаджэр къикIи, шыум пыплъыхьи-къыпыплъыхьажьи, мырэу риIуагъ:

- Еблагъ осIощт шъхьае, ухьэкIэ тэрэзмэ сшIэрэп.

- Сыда ар зытепIухьэрэр?

- Адэ утэрэзмэ, сыд пае къэлапчъэмкIэ щагум укъыдэмыхьагъ?

- Къэлапчъэм сылъигъэхъунэу чэу слъэгъугъэпти, сыкъызэрэкIорэм тетэу сыкъыдэхьагъ, - ыIуагъ хьакIэм.

- Чэу зэрэIумылъыр зылъэгъугъэ нэшхуитIумэ мы къэлэпчъэшхор алъэгъу хъущтгъагъэба! - Хъуаджэр мэцIацIэ. - Сэ къин мыгъуае пыслъагъоу мы къэлапчъэр зыкIэсшIыгъэр сыд пшIошIыра? ЦIыфхэр къырыдэхьанхэу, рыдэкIыжьынхэу ары. КъэлапчъэмкIэ къыдэмыхьагъэр сищагу тэрэзэу къыдэхьагъэкIэ слъытэщтэп.

#Djrz_IуэрыIуатэ

«ХЪУНЩIАКIУЭ»

Илъэсищэ ипэ, Адыгэхэр Хэкум къыщикIагъащIэхэм, Тыркум, Iузунейлэ жылагъуэ.

Iузунейлэм икIыуэ хамэ жылагъуэм щыкIуам щыгъуэ, Хъуэстхьэблэ щыщ Хъусен и щхьэ къырикIуахэр къегъэхъыбарыж.

Япэ Iыхьэ

Ди малъхъэм и унэкъуэщ щыIэт Бэрнауз. Бэрнауз дыкIуэри, дыкъыщыдэкIыжым Къыр Мэлуд и къуэшымрэ и щыкъумрэ ахэри Азей кIуэнути, гъусэ къытхуэхъуащ. Джоксун дыкъынэсри, "Дырджен Алий фигъэхьэщIэнщ" жари, дыкIуэри, абы дыхуеблэгъащ. ЛIы бзаджэт Дырджен Алий. Дырджен Алий хъунщIакIуэуэ лIиплI зэришэт, Къургъаным и дыгъапIэ лъэныкъуэм чэт щахуригъэщIарэ абы щIэсхэу. Дэ дымыщIэххэу гъуэмылэ зыхьхэмкIэ хъыбар яригъэщIауэ къыщIэкIащ, "пщэдей абыкIэ нокIуэ зыгуэрхэри, фхъунщIэну фымыбэлэрыгъ", жери.

ДаригъэхъунщIэн и мурадт. Сэлихь тхьэмыщкIэрат си гъусэри. Сэлихь ди адэшхуэм и анэшт, жэндармэуэ абы щыIауэ къэкIуэжу дыхуэзат…

Тхыгъэр и кӏыхьагъкӏэ ди ВК-м щывгъуэтыфынщ - https://vk.com/wall-91320497_5325

#Djrz_Гъуазэрытхэ

Щхьагъэ: гъатхэ
КIахэ: гъатхэ

Щыпкъэр: кIахэ къэIукIэри щхьагъэ къэIукIэхэри – зыщ, адыгэбзэщ. Уи хабзэр зымэ, уи бзэри зыщ.

УзэрыщIэмэ, узэдощIэ, узэдэщIэмэ, зы уохъу!

#Djrz_ЗыБзэ

ПIэлъапэ Iэнэ

ХьэщIэ Iэнэ теплъэгъуэхэм ящыщщ. ХьэщIэм и гъуэлъыжыгъуэр къэблагъэу пIэр хуадза иужь, фоупс, дэ фо тхъу зэхэлъ, матэ кхъуей, кхъуей плъыжь хуэдэхэр тету, хущIахьэ Iэнэщ, жэщым игу къыпылъадэ хъумэ хэIэбэну. Iэнэр гъуэлъыпIэм и гъунэгъу ягъэувырт. Аращ ПIэлъапэ IэнэкIи зэджэжыр.

Хабзэ дахэщ, зедвгъахьэ?

#Djrz_Iэнэ

ГуфIапщIэ/ гуэпащIэ Iэнэ

ЦIыхур зэжьа, ерэ емыжьэхэу къырагъащIа къыжыраIа гуфIэгъуэм пэкIуэж гуэпащIэщ. КъызэрекIуэкIыр арти гуфIэгъуэр зыхуаIуэтамрэ хуэзыIуэтамрэ елъытакIэ гуфIапщIэу хьэпшып зэмылIэужьыгъуэ гуэрхэр иратырт п. п. цIыхубзымэ/хъыджэбзцIыкIумэ дыщэ дыжьын хэкI, щэкI, е цIугъэнэ гуэрхэр, цIыхухъумэ/щIалэцIыкIумэ, абыхэм нэхъ яхуегъэзэкIа хьэпшып зэмылIэужьыгъуэхэр. Апхуэдэм деж гуапэзехьэр балигъмэ гуфIапщIэ Iэнэ, хуагъэувырти, хъуахъуэхэрт. Аращ гуэпащIэ, ерэ гуфIапщIэ Iэнэ жыхуаIыжыр.

#Djrz_Iэнэ

ДыщжьантIэ Iэнэ

Ипэм щыгъуэ хабзэт зи хъыджэбз дэкIуа лъэпкъым, япхъур дыщасэу къашэжрэ зы мазэ хуэдэкIэ щагъыIэу. Апхуэдэм деж лъэпкъым/лIакъуэм щыщ дэтхэнэ зы унагъуэми чэзукIэ япхъур къырашэкIыурэ жьантIэм щагъэлъапIэрт, щагъафIэрт дыщжьантIэ Iэнэ къыхуаухуэрти. ДыщырыкI жаIэрти, хьэпшып лъапIэ зэмылIэужьыгъуэхэр къыхуащIэрт, шыуэ, Iэщышхуэу, IэщцIыкIу бжыгъэ пыухыкIа гуэрхэри къыратырт.

(къыкIэлъыкIуэнущ)

#Djrz_Iэнэ