ЗэкIуж/зэгъэкIуж Iэнэ
Ипэ къихуэу жытIэпхъэщ зэрыхъукIэ лIитI утыку иту, цIыхухэм зэхахыу, псом хуэмыдэу цIыхубз здэщыIэм щызэщыхьэу, псалъэ бзаджэ щызэрадзыу зэрыщымытар.
ЗэкIуж Iэнэр адыгэм къыдекIуэкIа хабзэхэм щыщщ, нэхъ зыхуегъэзэкIауэ щытри цIыхухъухэрщ. ЛIитI яку мыхъумыщIэ къыдэхъуамэ зилажьэм: «сщIар хъуакъым, емыкIу сыкъомыщI, дызэгурыгъэIуэж» - жиIэнти, джакIуэкIэ зэкIуж Iэнэм къыригъэблэгъэнт, ерэ зэщыхьаитIыр мыхъуу, я ныбжьэгъу, гъунэгъу, кIуэгъу-жэгъу хуэдэхэми зэрагъэкIужыфынт. Ар уизщ.
Мыдрейуэ, псалъэкIэ зэгурымыIуэжыххэ хъумэ пIалъэ зыратырти, щIакIуэ кIапэр* (лэт. Duellum) я лIыгъэ зэхэгъэкIыпIэт . ЛIэн-къэнэну щIакIуэ кIапэ здытеуваитIым языр уIэгъэшхуэ хъуамэ, е епсэхыжыпамэ зэрыхъукIэ лъыщIэж къыхамыгъэкIын папщIэ нэхъыжьхэр, хабзащIэхэр, хеящIэхэр зэхуэсырти, къуаншэмрэ захуэмрэ зэхагъэкIкIэрэ лъэпкъитIыр зэрызэрагъэкIужын иужь итхэрт, инэхъыбэми къайхъулIэрт. Абы щыгъуэми зэкIуж Iэнэшхуэ яухуэрт. Ари уитIщ, зиунагъуэрэ.
*ЩIакIуэ кIапэр (лэт. Duellum) лIыгъэмрэ гъэсэныгъэмрэ и нэщэнэу адыгэм къыдекIуэкI хабзэжьщ.
#Djrz_Iэнэ
Ипэ къихуэу жытIэпхъэщ зэрыхъукIэ лIитI утыку иту, цIыхухэм зэхахыу, псом хуэмыдэу цIыхубз здэщыIэм щызэщыхьэу, псалъэ бзаджэ щызэрадзыу зэрыщымытар.
ЗэкIуж Iэнэр адыгэм къыдекIуэкIа хабзэхэм щыщщ, нэхъ зыхуегъэзэкIауэ щытри цIыхухъухэрщ. ЛIитI яку мыхъумыщIэ къыдэхъуамэ зилажьэм: «сщIар хъуакъым, емыкIу сыкъомыщI, дызэгурыгъэIуэж» - жиIэнти, джакIуэкIэ зэкIуж Iэнэм къыригъэблэгъэнт, ерэ зэщыхьаитIыр мыхъуу, я ныбжьэгъу, гъунэгъу, кIуэгъу-жэгъу хуэдэхэми зэрагъэкIужыфынт. Ар уизщ.
Мыдрейуэ, псалъэкIэ зэгурымыIуэжыххэ хъумэ пIалъэ зыратырти, щIакIуэ кIапэр* (лэт. Duellum) я лIыгъэ зэхэгъэкIыпIэт . ЛIэн-къэнэну щIакIуэ кIапэ здытеуваитIым языр уIэгъэшхуэ хъуамэ, е епсэхыжыпамэ зэрыхъукIэ лъыщIэж къыхамыгъэкIын папщIэ нэхъыжьхэр, хабзащIэхэр, хеящIэхэр зэхуэсырти, къуаншэмрэ захуэмрэ зэхагъэкIкIэрэ лъэпкъитIыр зэрызэрагъэкIужын иужь итхэрт, инэхъыбэми къайхъулIэрт. Абы щыгъуэми зэкIуж Iэнэшхуэ яухуэрт. Ари уитIщ, зиунагъуэрэ.
*ЩIакIуэ кIапэр (лэт. Duellum) лIыгъэмрэ гъэсэныгъэмрэ и нэщэнэу адыгэм къыдекIуэкI хабзэжьщ.
#Djrz_Iэнэ
❤7
АкIэупсыж Iэнэ
АкIэ жыхуаIэжыр ямыупсу щхьэкум къранэу щыта щхьэц Iэрамэ кIыхьщ. АкIэ гъэкIыныр лIыгъэм, хахуагъэм и нэщэнэу къалъытэрт адыгэхэм. АкIэ зезыхьэу щытахэр зэфIэкIышхуэ зиIэ, Iуэхушхуэ зэфIэзыгъэкI, зекIуэлI, зэуэлI лIыцIэрыIуэхэр арт. Нэхъри тебгъэчыныхьмэ: «Дзэшхуэм хэту бийм щебгъэрыкIуэкIэ – шуупэ хутэщ (франдж. avant-garde) , къыщикIуэтыжкIи – шуукIэ хутэщ (франдж. arriere-garde)» – жаIэрти ягъэлъапIэрт. Я закъуэу зауэм щыхэхутэкIи – дзэ гъэшынэ шу закъуэт, “бийм и гущIыIур я гъуэгут”.
А псоми къела лIыр и ныбжьыр хэкIуатэуэ и лъэкIри щыхэщIкIэ, зауэнымрэ зекIуэнымрэ хэмытыжу тIысыжын хуей хъурт. Абы щыгъуэми, псалъэкIэ замыIуатэу, «акIэупсыж дауэдапщэ сиIэщ» – жаIэрт, гъунэгъу, ныбжьэгъу, жэрэгъу хуэдэхэр къырагъэблагъэрти акIэупсыж Iэнэ яухуэрт.
Аращ акIэ зехьэнымрэ абы и упсыжыкIэмрэ хабзэу къыдекIуэкIар.
#Djrz_Iэнэ
АкIэ жыхуаIэжыр ямыупсу щхьэкум къранэу щыта щхьэц Iэрамэ кIыхьщ. АкIэ гъэкIыныр лIыгъэм, хахуагъэм и нэщэнэу къалъытэрт адыгэхэм. АкIэ зезыхьэу щытахэр зэфIэкIышхуэ зиIэ, Iуэхушхуэ зэфIэзыгъэкI, зекIуэлI, зэуэлI лIыцIэрыIуэхэр арт. Нэхъри тебгъэчыныхьмэ: «Дзэшхуэм хэту бийм щебгъэрыкIуэкIэ – шуупэ хутэщ (франдж. avant-garde) , къыщикIуэтыжкIи – шуукIэ хутэщ (франдж. arriere-garde)» – жаIэрти ягъэлъапIэрт. Я закъуэу зауэм щыхэхутэкIи – дзэ гъэшынэ шу закъуэт, “бийм и гущIыIур я гъуэгут”.
А псоми къела лIыр и ныбжьыр хэкIуатэуэ и лъэкIри щыхэщIкIэ, зауэнымрэ зекIуэнымрэ хэмытыжу тIысыжын хуей хъурт. Абы щыгъуэми, псалъэкIэ замыIуатэу, «акIэупсыж дауэдапщэ сиIэщ» – жаIэрт, гъунэгъу, ныбжьэгъу, жэрэгъу хуэдэхэр къырагъэблагъэрти акIэупсыж Iэнэ яухуэрт.
Аращ акIэ зехьэнымрэ абы и упсыжыкIэмрэ хабзэу къыдекIуэкIар.
#Djrz_Iэнэ
🔥11👍2
Щхьагъэ: пщыхьэщхьэ
КIахэ: пчыхьашъхьэ
Щыпкъэр: кIахэ къэIукIэри щхьагъэ къэIукIэхэри – зыщ, адыгэбзэщ. МакъкIэ мащIэу зэтекIыу аращ. Уи хабзэр зымэ, уи бзэри зыщ.
УзэрыщIэмэ, узэдощIэ, узэдэщIэмэ, зы уохъу!
#Djrz_ЗыБзэ
КIахэ: пчыхьашъхьэ
Щыпкъэр: кIахэ къэIукIэри щхьагъэ къэIукIэхэри – зыщ, адыгэбзэщ. МакъкIэ мащIэу зэтекIыу аращ. Уи хабзэр зымэ, уи бзэри зыщ.
УзэрыщIэмэ, узэдощIэ, узэдэщIэмэ, зы уохъу!
#Djrz_ЗыБзэ
👍1
Шыгъажэ Iэнэ
Адыгэр шуужьрэ шууфIу, шы гъэхъуным, шы зехуэным хуэIэкIуэлъакIуэу къекIуэкIа лъэпкъыжьщ. Шыгъэжэн, шыгъэджэгун (шурыджэгу, шыгъэудж, шыгъафэ, шыбгъэрыуэ, шурылъэс), хуэдэ зэхьэзэхуэ теплъэгъуэхэр куэдрэ зэхашэрт. Апхуэдэм деж лIымрэ шымрэ я зэфIэкIыр щагъэнахуэрт, щызэпеуэхэрт, щызэныкъуэкъухэрт.
Шу-шурылъэс зэхьэзэхуэ-дауэдапщэм къахэжэныкIа, къатежа щIалэхэм шыгъажэ Iэнэ хуагъэувырти, фIыхьэхутыну (лэт. Pretium, франдж. pris) шы Iэпслъэпс, Iэщэ фащэ хуэдэхэмкIэ ягъэфIэжырт, хъыджэбз цIэрыIуэхэр къырагъэблагъэурэ джэгу щращIэкIыжи къэхъурт.
ЖыIэпхъэщ, шыгъажэр, шыгъажэ Iэнэр ижь-ижьыж лъандэрэ адыгэм къадекIуэкIыу зэрыщытар нарт хъищэм куэдрэ къызэрыхэщыр.
#Djrz_Iэнэ
Адыгэр шуужьрэ шууфIу, шы гъэхъуным, шы зехуэным хуэIэкIуэлъакIуэу къекIуэкIа лъэпкъыжьщ. Шыгъэжэн, шыгъэджэгун (шурыджэгу, шыгъэудж, шыгъафэ, шыбгъэрыуэ, шурылъэс), хуэдэ зэхьэзэхуэ теплъэгъуэхэр куэдрэ зэхашэрт. Апхуэдэм деж лIымрэ шымрэ я зэфIэкIыр щагъэнахуэрт, щызэпеуэхэрт, щызэныкъуэкъухэрт.
Шу-шурылъэс зэхьэзэхуэ-дауэдапщэм къахэжэныкIа, къатежа щIалэхэм шыгъажэ Iэнэ хуагъэувырти, фIыхьэхутыну (лэт. Pretium, франдж. pris) шы Iэпслъэпс, Iэщэ фащэ хуэдэхэмкIэ ягъэфIэжырт, хъыджэбз цIэрыIуэхэр къырагъэблагъэурэ джэгу щращIэкIыжи къэхъурт.
ЖыIэпхъэщ, шыгъажэр, шыгъажэ Iэнэр ижь-ижьыж лъандэрэ адыгэм къадекIуэкIыу зэрыщытар нарт хъищэм куэдрэ къызэрыхэщыр.
#Djrz_Iэнэ
❤5
Щхьагъэ: жэщ
КIахэ: чэщ
Щыпкъэр: кIахэ къэIукIэри щхьагъэ къэIукIэхэри – зыщ, адыгэбзэщ. МакъкIэ мащIэу зэтекIыу аращ. Уи хабзэр зымэ, уи бзэри зыщ.
УзэрыщIэмэ, узэдощIэ, узэдэщIэмэ, зы уохъу!
#Djrz_ЗыБзэ
КIахэ: чэщ
Щыпкъэр: кIахэ къэIукIэри щхьагъэ къэIукIэхэри – зыщ, адыгэбзэщ. МакъкIэ мащIэу зэтекIыу аращ. Уи хабзэр зымэ, уи бзэри зыщ.
УзэрыщIэмэ, узэдощIэ, узэдэщIэмэ, зы уохъу!
#Djrz_ЗыБзэ
❤4👍3
Налщыч къалэ, "Iермитаж-Къэфкъаз" кIулътӏурэ центрым иджыблагъэ щагъэлъэгъуащ Мейкъуапэ щыщ дыщэкI цӏэрыIуэ Еутых Асие и дыщэ-дыжьын щхъэращхъэ телъыджэхэр.
👍6❤4