ЖУМАНИНГ СУННАТЛАРИ:

1. Жума учун ғусл қилиш.
2. Хушбўй нарсалар суртиш.
3. Чиройли кийимлар кийиш.
4. Жумага виқор ва сакина билан эрта бориш.
5. Жума куни баданни тозалаб, ҳайъатни гўзал қилиш.
6. Жума куни Каҳф сурасини қироат қилиш.
7. Жума куни ва кечаси дуони кўп қилиш.
8. Жума куни ва кечаси Расулуллоҳ соллаллоҳу алайҳи васалламга кўп салавот айтиш.
9. Имом биринчи ракъатда Фотиҳадан кейин Жумуъа сурасини ва иккинчи ракъатда Мунофиқун сурасини қироат қилиш.
10. Жума куни бомдод намозида "Ҳаа мийм сажда" ва "Ҳал атаа алалинсани" сураларини қироат қилиш суннатдир.
11. Жума намозининг фарзидан аввал ва кейин тўрт ракъатдан суннат намози ўқиш.
12. Жумада мудраган одам бошқа ерга ўтиб олиши.

"Кифоя" китобидан.

Дўстларингизга ҳам улашинг
@diyonatli

#Видео #Маъруза

Мол-мулкингиз ва фарзандларингиз фитнадир

🎙 Жасурбек домла Раупов,
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram| Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР

Киприк уласа таҳорат бузуладими?

САВОЛ: Ассалому алайкум! Бир синглим менга яқинда савол йўллабди, савол қуйидаги мазмунда: Бир инсон яъни солиҳа, таҳорат олди ва киприк улади ва намоз вақти киргандан сўнг намозини ўқиди. Шунда ўқиган намози таҳоратли ҳолда ўқилган намозлар сифатида бўладими ёки таҳорати бузилган бўладими?

ЖАВОБ: Ва алайкум ассалом! Киприк улаш таҳоратни синдирмайди. Кейинги таҳоратни ман қилади. Валлоҳу аълам!

«Зикр аҳлидан сўранг» ҳайъати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

МИСВОКНИНГ ҲАЙРАТОМУЗ ФОЙДАЛАРИ

Замонавий тиббиёт илми хулосасига кўра, мисвокнинг қуйидаги фойдалари аниқланди:
1. Таркибида фтор моддаси бўлган мисвок тишлар емирилишининг (кариеснинг) олдини олади.
2. Мисвок хлор моддасига эга бўлгани учун тишлардаги турли ранг, кир, доғларни кетказади.
3. Унинг таркибидаги силикат моддаси тишларни яхшигина оқартиради.
4. Мисвокдаги фосфор моддаси тишни чиритувчи бактериялардан ҳимоялайди.
5. Триметиламин ва дармондорилар милкларни ёрилишдан асрайди, жароҳатларни тузатади ва тишларнинг соғломлигини таъминлайди.
6. Энг асосийси, тамаки ва нос чекишни ташловчиларга яхши ёрдам беради.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#muftiy_minbari

ШУКР ТИЛ, ДИЛ ВА АМАЛ БИЛАН БЎЛАДИ
🎙 Шайх Нуриддин Холиқназар ҳазратлари

🌐 @diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2023/1444 Ҳ. ЙИЛ, 23 - ДЕКАБР
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 06:21
⏱БОМДОД - 07:00 (ўқилиш вақти)
⏱ҚУЁШ - 07:46
⏱ПЕШИН - 13:00
⏱АСР - 15:25
⏱ШОМ - 17:04
⏱ХУФТОН - 18:40

🔗 Улашинг: @diyonatli

АССАЛОМУ АЛАЙКУМ, ЯХШИЛАР!

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

Янги кунга, Яратганнинг розилиги йўлидаги солиҳ амалларга БИСМИЛЛАҲ!..

@diyonatli

#tafakkur

Ғам-қайғулар Сизни "ўлдирмасин"

Одамларни энг кўп ўлдирадиган касаллик бу - қайғу. Иккинчи жаҳон урушида ҳалок бўлганлар сони уч юз мингдан ошган бўлса, ўша пайтда юрак ҳасталигидан вафот этган фуқаролар сони икки миллион бўлган. Уларнинг бир миллионидаги юрак хасталиги қайғу ва асаб таранглигидан келиб чиққан. Дарҳақиқат, юрак хасталиги доктор Алексис Каррель айтган асосий сабаблардан биридир: “Безовталик билан курашишни билмайдиган ишбилармон одамлар ҳаётдан эрта кўз юмадилар”.
Шифокорлар қишлоқ хўжалиги ишлари билан банд бўлган ишчиларга нисбатан йигирма баробар кўп юрак фаолиятидаги етишмовчилик туфайли вафот этишади. Чунки шифокорлар жуда қаттиқ руҳий таранглик ва эътибор талаб қиладиган иш билан шуғулланидилар ва бунинг баҳосини жуда қиммат ўташга мажбур бўладилар”.
Ҳа, ғам ва қайғу улуғ сиймоларни ҳам ер тишлатади, ҳаётдан сармаст юзларни ҳам сўлғин ҳолатга келтириб қўяди. Шунинг учун ҳам шоир айтади:
Ғам-қайғу танани чарчатар ва қуритар,
Гўдакнинг ҳам сочин оқартириб қаритар.
Бир танишимнинг ачинарли фалокатдан кейин қаттиқ маҳзун бўлгани ва баъзи тишлари тўкилиб кетганидан ҳайратда қолган эдим. Кейин замонавий тиббиётнинг кашфиётларидан билдимки, психологик инқироз танага жуда қаттиқ таъсир қилади. Унинг натижасида овқат ҳазм қилиш гормонлари заҳарга айланади, ошқозон овқатдаги энг керакли моддаларни ололмайди, танадаги калций эрийди ва тишлар ўз ўрнидан чиқиб кетади.
Биз Ёқуб алайҳиссалом ўғли Юсуф алайҳиссалом учун кўп йиғлашлари кўзлари ожиз бўлиб қолишига сабаб бўлганини ўқиганмиз. Шунингдек, туҳматчилар бўҳтон қилганда Оиша розияллоҳу анҳо қанчалик хафа бўлганлари ва йиғлайвериб: “Мен қайғу жигаримни парчалаб юборади, деб ўйлагандим”, деганларидан хабардормиз.

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

#ixlos
Синаманг, ихлос қилинг!

Солиҳлардан бири айтади:
-Мен садақа қилар эдим, молим зиёда бўларди.
Буни кўрган бир дўстим ҳам садақа қила бошлабди. Лекин унинг моли кўпаймабди.
Ҳузуримга келиб савол қилди:
-Садақа қилсам молим озаймоқда?!
Солиҳ киши жавоб берди:
-Мен Роббимни ваъдасига ишонган ҳолда садақа қиламан. Сен эса синаш учун садақа қиласан!

Ўтинч...

Ё Роббий, узоғимизни Яқийн* қил!
*Яқийн-қалбий кучли ишонч.
🌐 https://t.me/+ZgkOZopwJwc3ZWEy

#tafakkur

Ғамдан ҳам, қарздан ҳам қутилдим

Абу Саъийд розияллоҳу анҳу айтадилар: “Кунларнинг бирида Расулуллоҳ соллаллоҳу алайҳи васаллам масжидга кирдилар, ансорлардан Абу Умомани кўриб қолдилар. Шунда у зот: “Эй Абу Умома! Масжидда намоз вақтидан бошқа вақтда ўтирганингни кўряпманми?” дедилар. “Мени ғамлар ва қарзлар босди, ё Аллоҳнинг Расули!”, деди. Шунда Набий алайҳиссалом: “Сенга агар айтсанг, Аллоҳ ғамларингни кетказадиган ва қарзларингни узадиган калималарни ўргатиб қўяйми?” дедилар. “Ҳа, ё Аллоҳнинг Расули!” деди у. “Тонг отганда ва кеч кирганда: Аллоҳим! Сендан ғам босишидан, маҳзунликдан, ожизликдан, дангасаликдан, қўрқоқликдан, бахилликдан, қарзга ботишдан ва одамларнинг ғолиб келишидан паноҳ сўрайман, дегин”, дедилар. Абу Умома айтади: “Ўшандоқ қилган эдим, Аллоҳ ғамларимни кетказди ва қарзларимни узди” (Абу Довуд ривояти).

Бу сўзларни такрорлаш, шубҳасиз, ҳаётни ўзгартирадиган янги кайфиятнинг калитига айланади. Кейин қадамлар тўғриланади ва Аллоҳнинг ёрдами унга қўшилади. Ҳадисда кўришингиз мумкинки, Пайғамбаримиз соллаллоҳу алайҳи васаллам масжидда ўтирган кишининг ҳолатидан ажабландилар. Шундан сўнг унга руҳий тангликдан қутқарадиган ва ёмон фикрларнинг унга ҳужум қилишидан сақлайдиган дуони ўргатдилар.

Шаддод ибн Авс розияллоҳу анҳудан ривоят қилинади. Расулуллоҳ соллаллоҳу алайҳи васаллам бизга бундай дейишни таълим берардилар: “Аллоҳим, мен Сендан ишда собитқадамликни, тўғри юришда азму қарорни сўрайман. Сендан неъматингга шукр қилишни, ибодатингни гўзал қилишни сўрайман. Сендан содиқ тил, соғлом қалб сўрайман. Сендан ўзинг билган нарсаларнинг ёмонлигидан паноҳ сўрайман. Сендан ўзинг биладиган нарсаларнинг яхшилигини сўрайман. Сендан ўзинг биладиган нарсалар (гуноҳларимга) мағфират сўрайман. Албатта, Сен ғайбларни ўта яхши билувчидирсан” (Имом Абу Довуд ривояти).

Бу дуолар жангчиларнинг шижоатларини уйғотадиган ҳаяжонли мадҳияга ўхшайди. Улар алсо бир жойда ўтирганларнинг ўкириши ҳам, ҳаракатсизларнинг илтижолари ҳам эмас. Аксинча, булар нур ва иймондан иборат жўшқин ёрдам бўлиб, одамларга ҳаёт қийинчилиларини енгишга ва кундалик муаммолардан халос бўлишга ёрдам беради.

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

#muftiy_minbari

ДУНЁДА ҚАНДАЙ ЯШАШ КЕРАК?
🎙 Шайх Нуриддин Холиқназар ҳазратлари

🌐 https://t.me/+ZgkOZopwJwc3ZWEy

#tafakkur

Дунё мўмин учун гўзал бўлмаслиги керак(ми?)

Баъзи одамлар дуони эҳтиёжларни тақдим қилиш ва жавоб кутиш деб биладилар. Агар дуо ана шундай тарзда қилинадиган бўлса, орзуларни такрорлаш ва мажҳул келажакдаги енгилликни кутишдан бошқа нарса бўлмай қолади. Бундай дуо беҳуда бўлиб, Аллоҳнинг ҳузурида унинг қиймати йўқ.

Дуо бу – биринчи навбатда йўналишни аниқлаш ва энг олий мақсадни англашдир. Иброҳим алайҳиссалом ҳам "Эй Роббим, мени ва авлодларимни намозни тўкис адо этувчилардан қилгин. Роббим, дуоимни қабул қил" (Иброҳим сураси, 40-оят) дея дуо қилганларида намозни ҳаётий дастур ва асосий машғулот қилган эдилар.

Бандалар: “Роббимиз, Ўзинг бизларга жуфти ҳалолларимиздан ва зурриётларимиздан шод-хуррамлик ҳадя этгин ва бизларни тақводорларга пешво қилгин” (Фурқон сураси, 74-оят) дея дуо қилганларида бу нола ила жамиятдаги барқарор оила ва бахтли хонадон ато этилишини, тақво ва барча яхшилик борасида пешқадамлик берилишини сўраб ёлворганлар. Бу нолага олий мақсадни рўёбга чиқарадиган амалий ҳаракатлар ва унга олиб борадиган қадамлар қўшилишига эса ҳеч қандай шубҳа йўқ.

Баъзи диндорлар Аллоҳга ва охират кунига иймон ҳақиқатини нотўғри тушунадилар. Бу тушунчаларига кўра улар худди Ой тутилиши кечасида Ернинг сояси ой нурини тўсиб қўйганидек, дин оддий ҳаётга тўсқинлик қилади, деб ўйлайдилар. Улар назарида иймоннинг вазифаси бахтли ҳаётни четга суриб, зимистон ва ёлғизлик келтириш бўлиб, дунё мўмин учун гўзал бўлмаслиги керак. Аниқроқ қилиб айтганда, шахс ва жамият ҳаётига қашшоқлик, машаққат, азоб ва қийинчилик олиб келиш иймон тақозосидир.
Бу жуда катта хато ва дин учун буюк бир зулмдир.

Расулуллоҳ соллаллоҳу алайҳи васаллам Аллоҳга ибодат қилувчиларнинг энг олийси бўлсалар-да, ҳаётни бундай тушунмаган ва бу йўналишни Исломга юкламаганлар. У зот алайҳиссалом бундай дуо қилардилар: “Аллоҳим! Менга ишимнинг боши бўлган динимни ислоҳ қилгин. Менга унда маошим бўлган дунёмни ислоҳ қилгин. Менга унда қайтар жойим бўлган охиратимни ислоҳ қилгин. Менга ҳаётни ҳар бир яхшиликда зиёда қилгин. Менга ўлимни ҳар бир ёмонликдан роҳат қилгин” (Имом Термизий ривояти).
Айтингчи, ана шундай дуо қилган зот динни юқоридагидек тор талқин қилиши мумкинми?!

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2023/1444 Ҳ. ЙИЛ, 24 - ДЕКАБР
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 06:22
⏱БОМДОД - 07:00 (ўқилиш вақти)
⏱ҚУЁШ - 07:48
⏱ПЕШИН - 13:00
⏱АСР - 15:25
⏱ШОМ - 17:04
⏱ХУФТОН - 18:40

🔗 Улашинг: @diyonatli

Каҳф сурасидаги 7 "раҳмат":

1. "Роббимиз, бизга Ўз ҳузурингдан раҳмат бергин" (10 оят).
2. "Роббингиз сизга Ўз раҳматини таратур" (16 оят).
3. "Роббинг сермағфират, раҳм-шафқат соҳиби бўлган Зотдир" (58 оят).
4. "Биз унга Ўз даргоҳимиздан раҳмат ва Ўз тарафимиздан илм ўргатган эдик" (65 оят).
5. "Бас, Роббилари унинг бадалига уларга ундан кўра яхшироғини, аҳли солиҳроқ ва раҳмлироғини беришни ирода қилди" (81 оят).
6. "Бу Аллоҳнинг раҳмати ила бўлди" (82 оят).
7. "Бу – Роббимнинг раҳматидандир" (98 оят).

Жума куни Каҳф сурасини ўқисангиз, сурадаги ушбу етти раҳмат Сизга кейинги жумагача кифоя қилади. Сизга Аллоҳнинг раҳмати ёғилсин!

🌐@diyonatli

#tafakkur

Аллоҳдан офият сўранг

Нима учун азоб, ғам-ташвиш, тушкунлик иймон талаби ва Аллоҳ розилигига эришиш воситаси ҳисобланиши керак? Ахир, Расулуллоҳ соллаллоҳу алайҳи васаллам буларнинг барчасини ёмон кўрар ва улардан Аллоҳдан паноҳ сўрардилар. Расулуллоҳ соллаллоҳу алайҳи васаллам балонинг шиддатидан, бадбахтлик етишидан, қазонинг ёмонлигидан ва душманларнинг сўкишидан паноҳ сўрар эдилар” (Имом Бухорий ривояти).

Саҳоба розияллоҳу анҳумдан бири ана шундай хато гумонга бориб, қийинчиликларга дучор бўлиш гуноҳларга каффорат бўлади, деб ўйлайди. Шунда Расулуллоҳ соллаллоҳу алайҳи васаллам иш аслида анча енгилроқ эканини унга тушунтирадилар.

Расулуллоҳ соллаллоҳу алайҳи васаллам бетобликдан озғин бўлиб қолган кишини кўргани бордилар. Шунда у зот алайҳиссалом: "Аллоҳдан нимани дуо қилиб сўрагандинг?" дедилар. У: "Аллоҳим! Менга охиратда берадиган азобингни бу дунёда бер, деб сўраган эдим", деди. Шунда у зот алайҳиссалом: "Унга тоқатинг етмайди! Ундан кўра: Аллоҳим! Бизга бу дунёда ҳам яхшиликни, охиратда ҳам яхшиликни бергин ва бизни жаҳаннам азобидан қутқаргин, дегин", дедилар.

Пайғамбаримиз алайҳиссалом бир кишининг: "Аллоҳим! Сендан сабр сўрайман", деяётганини эшитдилар ва унга бундай дедилар: "Сен Аллоҳдан бало (синов, имтиҳон) сўрадинг, Ундан офият сўра" (Имом Термизий ривояти).

Муторриф ибн Абдуллоҳ розияллоҳу анҳу айтади: "Мен учун офиятда бўлиб шукр қилишим синовга учраб сабр қилишимдан кўра яхшироқ. Чунки офият ҳолати тинч-хотиржамликка яқинроқ. Шунинг учун мен шукрни сабр-тоқатдан афзал кўраман. Сабаби сабр – синовдагиларнинг ҳолатидир".

©️ Шайх Муҳаммад Ғаззолий

🌐@diyonatli

#muftiy_minbari

ШУКР ТИЛ, ДИЛ ВА АМАЛ БИЛАН БЎЛАДИ
🎙 Шайх Нуриддин Холиқназар ҳазратлари

🌐@diyonatli

Қуръони каримнинг 5 ҳаққи

1. Тинглаш:
«Қуръон тиловат қилганда уни тингланглар ва жим туринглар, шояд раҳматга эришсангиз» (Аъроф сураси, 204-оят).
2. Тиловат қилиш:
«Биз китоб берганлар ичидан уни ўрнига қўйиб тиловат қиладиганлар – ана ўшалар унга иймон келтирадилар» (Бақара сураси, 121-оят).
3. Ёд олиш:
«Йўқ, (Қуръон) илм ато этилган зотларнинг кўнглида (ёд бўлгувчи) аниқ-равшан оятлардир» (Анкабут сураси, 49-оят).
4. Тафаккур ва тадаббур қилиш:
«(Эй Муҳаммад алайҳиссалом! Ушбу Қуръон – одамлар) унинг оятларини тафаккур қилишлари ва ақл эгалари эслатма-ибрат олишлари учун Биз сизга нозил қилган муборак Китобдир» (Сод сураси, 29-оят).
5. Амал қилиш:
«Сўзга қулоқ тутиб, унинг энг гўзалига (яъни нажотга элтгувчи рост Сўзга) эргашадиган зотларга хушхабар беринг!» (Зумар сураси, 18-оят).

🌐@diyonatli

#muftiy_minbari

ЖАННАТНИ ВОЖИБ ҚИЛУВЧИ АМАЛ
🎙 Шайх Нуриддин Холиқназар ҳазратлари

🌐@diyonatli

АССАЛОМУ АЛАЙКУМ, ЯХШИЛАР!

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

Янги кунга, Яратганнинг розилиги йўлидаги солиҳ амалларга БИСМИЛЛАҲ!..

@diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2023/1444 Ҳ. ЙИЛ, 25 - ДЕКАБР
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 06:22
⏱БОМДОД - 07:00 (ўқилиш вақти)
⏱ҚУЁШ - 07:48
⏱ПЕШИН - 13:00
⏱АСР - 15:25
⏱ШОМ - 17:04
⏱ХУФТОН - 18:40

🔗 Улашинг: @diyonatli