#tafakkur

Қуръони каримдаги тўрт оят

Солиҳлардан бири ҳаётидан мамнун, хотиржам, ҳеч нолимасди. Ундан бу ҳақда сўрашганда бундай жавоб берди:
― Қуръони каримдаги тўрт оятни мулоҳаза қилиб, ҳаётда хафа бўлишга ўрин йўқлигини ва маҳрум бўлган нарсаларимдан шикоят қилмасликни англаб етдим. Аллоҳ таолонинг раҳмати, фазлу карамининг чегараси йўқдир. Унинг ҳаёт, соғлиқ, тинчлик-омонлик, иймон, ота-она, фарзанд каби неъматларини санаб, адоғига етиб бўлмайди. Агар Аллоҳ таоло бир ишни тақдир қилган бўлса, уни ҳеч ким, ҳатто бутун инсоният бирлашса ҳам тўхтатиб қолмайди. Бундан заррача ҳам ташвиш чекманг: “Аллоҳ одамлар учун қайси бир раҳматни очиб (равона қилиб) қўйса, бас, уни тутиб қолувчи бўлмас ва нимани тутиб қолса, бас, Ундан сўнг уни (бандаларга) юборувчи бўлмас” (Фотир сураси, 2-оят).

Банда ҳаётидаги барча яхшилик ва мусибатлар Аллоҳдан эканига иймон келтиради. Агар Аллоҳ таоло изн бермаса, ҳеч қандай зарар ёки яхшилик етмайди. Холиқ бир ишнинг бўлишини ирода қилса, бутун инсоният бирлашиб ҳам уни қайтара олмайди: “Агар Аллоҳ Сизга бирор зарар (мусибат) етказса, Ундан ўзга уни бартараф этувчи йўқдир. Агар Сизга бирор хайриятлик етказса, (билингки) У ҳамма нарсага Қодирдир” (Анъом сураси, 17-оят).

Ер юзидаги барча мавжудотлар, ер остидаги қурт-қумурсқалар, денгиз тубидаги барча жонзотларнинг ризқини ёлғиз Аллоҳ беради. Бирор мавжудот дунёдан ўзи учун белгиланган ризқини олмай туриб вафот этмайди. Шундай экан, банда ҳеч ғам чекмасин, ташвишланмасин, у учун белгиланган ризқ албатта унга етади, уни биров олиб кетмайди: “Ерда ўрмаловчи бирор нарса (жонзот) йўқки, унинг ризқи (таъминоти) Аллоҳнинг зиммасида бўлмаса! (У) унинг қароргоҳини ҳам, оромгоҳини ҳам билур. Ҳаммаси аниқ Китоб (Лавҳул-маҳфуз)да (ёзилган)дир” (Ҳуд сураси, 6-оят).

Инсон ҳаёти бирдек тинч-осуда ўтмайди. Турмуш турли ташвишлар, қийинчиликлар, мусибатлар, мушкулликлар билан бирга кечади. Инсон ишониши керак бўлган ҳақиқатлардан бири шуки, ҳаётидаги қийинчиликлар ҳеч қачон бутун умр давом этмайди. Албатта, қийинчилик ортидан енгиллик келади: “Албатта, ҳар бир қийинчилик билан бирга енгиллик бордир” (Шарҳ сураси, 6-оят).

🌐 https://t.me/+ZgkOZopwJwc3ZWEy

ҲОРУТ ВА МОРУТ ҚИССАСИ

Дунёдаги

илк сеҳр (11-қисм)

🎙 Шайх Нуриддин Холиқназар ҳазратлари
🌙 ЭНГ ГЎЗАЛ ҚИССАЛАР

🌐 https://t.me/+ZgkOZopwJwc3ZWEy

#tafakkur

Сабр илк зарбада

Сиз бутун вужудингиз билан қўрққан оғир фалокат тўсатдан келиб қолса нима қилардингиз? Юрагингизни қўрқув ёриб юбориши ва сизни тубсиз чуқурга ташлайдиган ҳалокатли бўронларга таслим бўлишига қўйиб берасизми? Ёки бу қийинчиликлар ичида сизни тўғри фиклашингиз олиб борадиган нажотни топишга ҳаракат қиласизми?
Шу ўринда "Таъаббата шаррон" ("Ёмонликни қўлтиқлаб олган" маъносида. Нақл қилинишича, у жоҳилият даврида яшаган шоирлардан бири бўлиб, қиличини қўлтиғига қистириб юргани учун шундай номланган) лақаби билан машҳур бўлган Собит ибн Зуҳайрнинг қуйидаги шеърини келтириб ўтсак:
Олдига чиққан имконлардан фойдаланмаган киши,
Барчасин бой берар ва қолар ортидан чекиб алам.
Замонла курашиб, мусибат енгмоқ оқилнинг иши,
Бурнининг бири беркилса, бошқасидан олар нафас.
Тушкунликка тушиб қолишнинг энг ёмон таъсирларидан бири бу – унинг фикрни жамлаш қобилиятини йўққа чиқаришидир. Биз тушкунликка тушган вақтимизда фикрларимиз сочилиб кетади ва муаммоларни ҳал қилиш ҳамда бу борада бир қарорга келишдан ожиз бўлиб қоламиз. Агар биз ўзимизни энг ёмон ҳолатга кўниктира олсак ва қандай бўлишидан қатъи назар унга дош беришга тайёргарлик кўрсак, албатта қийинчиликларни енгиб, уларни энг яхши йўл билан ҳал қила оламиз.
Қатарий айтган сўзларга боқинг:
Инсонлар чақмоқ каби келиб-кетганин
Кўрдингу, лек сира қўрқмадинг, эй нафсим.
Минг ёлворсанг ҳам келганида ажалинг,
Кетарсан, қолмассан дунёда бир кун ҳам.
Бу байтда асаблар таранглашган вақтдаги жасоратнинг гўзал тасвирлари бор. Агар инсон яқинлашиб келаётган хавф-хатарни олдиндан кўриб, ўзини тута олса, ақлини юз берадиган воқеалардан чиқиш йўлини излашга қаратади ва муваффақият уни албатта топиб келади. Шунинг учун ҳам Расулуллоҳ соллаллоҳу алайҳи васаллам: “Сабр биринчи зарба пайтидадир”, деганлар (Имом Бухорий ривояти).
Инсон қўрқинчли балоларни кутар экан, уни тушкунлик бутунлай эгаллаб олади. Ушбу балоларни худди ўлим ёки ундан ҳам каттароқ нарса сифатида кўради. У ҳаддан ташқари ташвиш туфайли еб-ичишни тўхтатади, юзида табассумдан асар ҳам қолмайди.

©️ Шайх Муҳаммад Ғаззолий

🌐 https://t.me/+ZgkOZopwJwc3ZWEy

#muftiy_minbari

ЗАМОНАМИЗ ФИРИБГАРЛАРИ

Диндошининг мусибатидан фойдаланувчилар

🎙 Шайх Нуриддин Холиқназар ҳазратлари

🌐 https://t.me/+ZgkOZopwJwc3ZWEy

#muftiy_minbari

ЭҲТИКОР - АҚЛАН ҚАБИҲ, ШАРЪАН ҲАРОМ, ҚОНУНАН ЖИНОЯТ АМАЛ
🎙 Шайх Нуриддин Холиқназар ҳазратлари

🌐@diyonatli