8: ҲАҚИҚАТНИ РАД ЭТИШ

Инсон хоҳиш-истаклари ва ғурурига зид бўлган ҳақиқатни рад этиши – энг даҳшатли нафс касаллиги саналади. Бунга чалинган одам нафсини жиловлай олмайди ва унга қарши туролмайди. Натижада нафсига мағлуб бўлади ва ғолиб нафс ўз эгасини истаганича бошқара бошлайди. Банда нафсини назоратда тутиши учун Аллоҳ таоло бундай буюради:

﴿فَتُوبُوٓاْ إِلَىٰ بَارِئِكُمۡ فَٱقۡتُلُوٓاْ أَنفُسَكُمۡ ذَٰلِكُمۡ خَيۡرٞ لَّكُمۡ ٥٤﴾
“Энди сизни йўқдан бор қилувчи Зотга тавба қилинг, ўзингизни ўзингиз ўлдиринг. Шундай қилмоғингиз сизни йўқдан бор қилувчи Зот ҳузурида сиз учун яхшидир” (Бақара сураси, 54-оят).

Ишорий тафсир муфассирлари “ўзингизни ўзингиз ўлдиринг” оятини “Инсон нафсини поклаши учун уни хор қилиши ва қоралаши”, деб тафсир қилганлар.

Муолажа услуби

Бу касалликнинг энг яхши давоси – бекорчи ва фойдасиз ишларни тарк қилиш, Аллоҳ таолога бутун қалб ила интилиш ва Унинг иродасига тўлиқ бўйсуниш ҳисобланади.

Aллоҳ таоло Иброҳим алайҳиссаломдан Исмоил алайҳиссаломни қурбон қилишни талаб қилганида У зотнинг итоатини синаб кўрмоқчи эди. Иброҳим алайҳиссалом Роббининг амрига тўлиқ бўйсунди ва синовдан муваффақиятли ўтди:

﴿فَلَمَّآ أَسۡلَمَا وَتَلَّهُۥ لِلۡجَبِينِ ١٠٣ وَنَٰدَيۡنَٰهُ أَن يَٰٓإِبۡرَٰهِيمُ ١٠٤ قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ ١٠٥﴾
«Икковлари таслим бўлиб, уни пешонасича ётқизганида. Биз унга нидо қилдик: “Эй Иброҳим! Батаҳқиқ, сен тушни тасдиқ қилдинг! Албатта, Биз гўзал иш қилгувчиларни мана шундай мукофотлаймиз”». (Соффаат сураси, 103-105-оятлар).

Шундан сўнг Аллоҳ таоло Иброҳим алайҳиссаломга қурбонлик қилиш учун бир қўчқор ато этди. Исмоил алайҳиссаломнинг ҳаётлари сақланиб қолинди.

Жунайд Бағдодий раҳимаҳуллоҳ: “Ким бу дунё билан алоқани сақлаб қолса, Аллоҳ унга жаннатни ман қилади”.

Муҳаммад ибн Абдуллоҳ ар-Розий менга бундай деган эди: «Абулқосим ал-Мисрий Бағдодда унга бундай деган экан: “Ибн Ёздониёрдан сўрашди: “Банда қандай ният билан Аллоҳга интилиши керак?”. У жавоб берди: “Аллоҳ ризолиги учун воз кечган нарсаларига ҳатто ўгрилиб ҳам қарамаслик ва содир қилган гуноҳларига асло қайтмаслик”.

Бундай жавобдан кейин яна сўрадилар: “Бу сўзларингиз гуноҳларидан тавба қилган гуноҳкорларга тегишли. Аллоҳга ишончи заиф одам қандай ният билан интилиши керак?”.

Олим жавоб берди: “Ўтмишдаги муваффақиятсизлик ва қайғуларга ғарқ бўлишни тўхтатиб, келажакдаги ҳолатининг яхши бўлишини қалбида чуқур ҳис қилиб, Аллоҳга интилсин”».

«Нафс иллатлари ва уларнинг муолажаси» китобидан

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

Умар ибн Хаттоб розияллоҳу анҳудан ривоят қилинади. Расулуллоҳ соллаллоҳу алайҳи васалламдан умра ибодатини адо қилиш учун изн сўрадим. У зот изн бериб: «Эй биродар, дуоингда бизни ҳам унутмагин», дедилар. Умар розияллоҳу анҳу: «Расулуллоҳ соллаллоҳу алайҳи васалламнинг ушбу сўзлари шу қадар қимматлики, бунинг эвазига дунёни менга берганларида ҳам бунчалик хурсанд бўлмас эдим», дедилар.

Бошқа ривоятда у зот: «Дуоингда бизни ҳам шерик қилгин» бўлиб келган.

Абу Довуд ва Термизий ривоятлари.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#Видео

ҚАРЗ ОЛДИ-БЕРДИСИНИ ЁЗИБ ҚЎЙИНГ

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram |Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР

РОССИЯДА ҲАЛОЛ МАҲСУЛОТ БОРМИ?

CАВОЛ: Россияда ҳалол ейдиган нарса борми? Бу ерда кўп вақтдан бери яшайдиганлар христианлар юртидаги ҳаво ва ҳаттоки сув ҳам ҳаром дейишди. Илтимос менга ёрдам беринг ўзимнинг юрагим сиқилиб кетди. Деярли ҳамма нарсаларни ҳаром деб ўзларича далиллар чиқариб беришди. Илтимос менга йўл кўрсатинг.

ЖАВОБ: Бисмиллаҳир Роҳманир Роҳим.
Россияда ҳам Америкада ҳам ҳайвон маҳсулотларидан бошқа сув, мева-чева, тухум, сут ва сут маҳсулотлари, балиқ, нонлар ҳалол. Гўшт ва товуқлар 2 та шарт билан, яъни, исломда ҳалол қилинган ҳайвонники ва мусулмон сўйиши билан ҳалол бўлади. Бундан ташқари ҳозирда кўп маҳсулотларда қулайлик учун ҳалол сертификатлар ҳам қўйиб чиқариладиган бўлган. Ана шуларга ҳам эътибор бериб яшасангиз, қийинчилик йўқ. Сиз турган жойингизга яқин жойлашган ислом маркази, мадраса ёки масжидига бориб маслаҳатлашинг. Яна ҳам кўпроқ маслаҳатлар оласиз. Валлоҳу аълам.

Ўзбекистон мусулмонлари идораси
Фатво ҳайъати.

@fitratuz

#juma_shukuhi

Муфтий Нуриддин домла ҳазратларининг «Новза» жоме масжидига ташрифи

🌐 @fitratuz

#Видео

ҚАРЗЛАРИНИ ТЎЛАШ УЧУН БУЙРАГИНИ СОТМОҚЧИ БЎЛГАН ЙИГИТ

Жасурбек домла Раупов
Тошкент вилояти бош имом-хатиби

Ижтимоий тармоқлардаги саҳифаларимиз:
Facebook|Youtube|Telegram |Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

9: ШУБҲА ВА ВАСВАСАЛАРГА МОЙИЛЛИК

Агар бирор киши турли шубҳа, васвасаларни ақлидан устун қўйса ва улар уни ҳаромга етакласа бу нафсининг алдашидир.

Муолажа услуби

Ушбу касалликдан халос бўлиш учун васвасалардан узоқлашиш ва улар онгни эгаллаб олиши учун имкон бермаслик лозим.

Бу касалликдан қутилиш учун Аллоҳни доимо зикр қилиш ва Аллоҳ таоло сизнинг ички ҳолатингизни ҳам билиб туришини унутмаслик керак.

Эй инсон! Наҳотки Аллоҳ таоло билиб турган камчилик ва хатоларингизни эътиборсиз қолдиришдан уялмайсиз?! Ахир одамлар билиб қоладиган хато-камчиликларингизни кетказишга қанчалик ҳаракат қиласиз-ку?!

Расулуллоҳ соллаллоҳу алайҳи васаллам:

إنَّ اللَّهَ لا يَنْظُرُ إلى صُوَرِكُمْ وأَمْوالِكُمْ ولَكِنْ يَنْظُرُ إلى قُلُوبِكُمْ وأَعْمالِكُمْ.
“Албатта, Аллоҳ таоло сизларнинг суратларингизга ҳам, мол-давлатингизга ҳам қарамайди, балки қалбингизга ва амалларингизга қарайди”, деганлар (Имом Муслим ривояти).

Абу Бакр ар-Розий менга Абу ал-Ҳасан ал-Алавийнинг дўсти Иброҳим Хаввосдан раҳимаҳуллоҳ бу сўзларни эшитганини айтди: “Аввалида гуноҳ инсоннинг боши (фикрлари)да дон шаклида бўлади. Уни имкон қадар тезроқ йўқ қилиш керак, акс ҳолда у илдиз отади, кейин ундан қутилиш анча қийинлашади. Кейинчалик илдиз отган гуноҳ васвасага айланади. Инсон нафсини ва руҳини тарбиялаш орқали бу касалликдан қутилади. Акс ҳолда ундан шаҳват дарахти ўсиб чиқади. Шунда гуноҳ ақлни, онгни ва иродани тўлиқ эгаллаб олади”.

Абу Бакр ар-Розий айтади: “Нафс ва шаҳват ақлни, онгни ва инсоннинг интилишларини эгаллайди”.

Мавлоно раҳимаҳуллоҳнинг гўзал сатрларини келтирамиз:

“Эй ҳақиқат изловчиси!
Агар ҳақиқатни билмоқчи бўлсангиз
Мусо ва Фиръавн ўлмади.
Улар бугун сизнинг ичингизда яшайдилар,
сизнинг моҳиятингизда яширинган,
қалбингизда уруш қилмоқдалар.
Ичингиздаги душманларни топинг.
То қиёмат кунигача ўша Мусо алайҳиссалом бўлади.
Ҳақиқий мусулмонлар юзидаги нур шу нурдир.
Худди шу, иккинчиси эмас, фақат чироқлар ўзгаради!”.

«Нафс иллатлари ва уларнинг муолажаси» китобидан

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103)

2023/1444 Ҳ. ЙИЛ, 4 - ИЮН
КУНИ УЧУН НАМОЗ ВАҚТЛАРИ ТАҚВИМИ

⏱ТОНГ - 03:08
⏱БОМДОД - 04:15 (ўқилиш вақти)
⏱ҚУЁШ - 04:50
⏱ПЕШИН - 13:00
⏱АСР - 17:45
⏱ШОМ - 19:59
⏱ХУФТОН - 21:35

🔗 Улашинг: @diyonatli

#САВОЛ_ЖАВОБЛАР

БЕНАМОЗ ЭР БИЛАН НИКОҲ ЎЗ-ЎЗИДАН БУЗИЛАДИМИ?

CАВОЛ: Кеча бир одам намозхон аёлнинг бенамоз эркак билан яшаши яхши эмас, орасидаги никоҳ ўз-ўзидан бузилади, дедилар. Шу ростми?

ЖАВОБ: Бисмиллаҳир Роҳманир Роҳим.
Муслима аёл мусулмон эркак билан никоҳланиб яшаши мумкин. Муслималар кофир ёки ғайридин одамга никоҳлана олмайдилар. Аҳли сунна вал жамоа эътиқодига кўра гуноҳ иш сабабли мусулмон одамни кофирга ҳукм қилинмайди. Шундай экан, Сизнинг эрингиз ҳозирда намоз ўқимаётган бўлсада у киши билан яшашингиз жоиз. Валлоҳу аълам.

Ўзбекистон мусулмонлари идораси
Фатво ҳайъати.

Дўстларингизга ҳам улашинг:
@diyonatli

#Ҳадис

Анас розияллоҳу анҳудан ривоят қилинади. Бир киши Расулуллоҳ соллаллоҳу алайҳи васалламнинг ёнларига келиб, «Эй Расулуллоҳ, мен сафар қилишни хоҳлайман, сафарга етарли нарса билан таъминланг», деганида, Расулуллоҳ соллаллоҳу алайҳи васаллам «Аллоҳ сени тақво билан таъминласин», дедилар. Ҳалиги киши:
«Яна зиёда қилинг», деганида, Расулуллоҳ соллаллоҳу алайҳи васаллам «гуноҳингни кечирсин», дедилар. Ҳалиги киши: «Яна зиёда қилинг», деганида, Расулуллоҳ соллаллоҳу алайҳи васаллам «Қаерда бўлсанг ҳам сенга яхшиликларни енгил қилсин», дедилар.

Имом Термизий ривоятлари

Фойда: Сафар қилишни хоҳлаган киши дўстидан дуои-хайр олиб кетишининг маҳбублиги аён бўлмоқда.

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA

«Ҳаж – 2023»

ТОШКЕНТ ВИЛОЯТИ ЗИЁРАТЧИЛАРИ ҲАЖГА ОТЛАНИШДИ

Аллоҳ таолога чексиз ҳамду саноларимиз бўлсинки, сўнгги йилларда юртимиздан Исломнинг бешинчи рукни бўлган ҳаж ибодатларини адо этишга кенг йўллар очилди.

Авваллари ҳаж квотаси 5 200 тани ташкил этган бўлса, 2019 йилда бу рақам 7 200 тани, 2022 йилда эса 12 000 тага етди.
Жорий йилда Ўзбекистон фуқаролари учун умумий ҳаж квотаси 15 000 та этиб белгиланди.

Бугун Тошкент вилоятидан ҳажга борувчи зиёратчиларнинг дастлабки гуруҳи Саудия Арабистонига жўнаб кетди.

Тошкент вилояти бош имом-хатиби Жасурбек домла Раупов бошчилигида ҳажга кетишган юртдошларимиз, иншоаллоҳ, дастлаб Мадина мунавварада, сўнгра, Макааи мукаррамада бўлишиб, ҳаж арконларини тўлиқ ва мукаммал этишади.

Ҳажга бориш – ҳар бир мўмин-мусулмоннинг орзуси. Айниқса, барча шарт-шароитга эга ҳолатда ҳаж арконларини адо этиш чинакам саодатдир.
Бу йил Тошкент вилоятидан 22 та гуруҳда жами мингдан зиёд киши ҳаж ибодатларини адо этади, иншоаллоҳ.

Маълумот учун, зиёратчиларимиз Мадина шаҳрида “Масжиди Набавий”дан 100 метр узоқликда жойлашган 5 юлдузли “Зам-зам Пуллман” меҳмонхонасида, Макка шаҳрида эса “Рошидия”, “Аброж Дана”, “Лаба Дарна”, “Руба ал-Ҳижаз” меҳмонхоналарида истиқомат қиладилар.
Тошкент вилояти зиёратчиларини кузатиш учун Ислом Каримов номидаги Тошкент халқаро аэропортига Тошкент вилояти ҳокимнинг жамоат ва диний ташкилотлар билан алоқалар бўйича ўринбосари Зокиржон Ҳидоятов ва бошқа мутасаддилар чиқишди.

Аллоҳ таоло ҳожиларимизнинг ҳажларини мабрур қилсин. Эсон-омон Мадинави мунаввара ва Маккаи мукаррамага етиб олиб, ҳаж арконларини тўлиқ бажариб, соғ-саломат юртимизга қайтиб келишларни Аллоҳ таоло насиб айласин.

Ўзбекистон мусулмонлари идораси
Тошкент вилояти вакиллиги
Матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA